Budget 2026 LIVE: ਵਿੱਤ ਮੰਤਰੀ ਨੇ ਰਾਸ਼ਟਰਪਤੀ ਨੂੰ ਦਿੱਤੀ ਬਜਟ ਦੀ ਕਾਪੀ

ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੂੰ ਬਜਟ ਦੀ ਇੱਕ ਕਾਪੀ ਦਿੱਤੀ। ਰਾਸ਼ਟਰਪਤੀ ਨੇ ਵਿੱਤ ਮੰਤਰੀ ਨੂੰ ਦਹੀਂ ਤੇ ਖੰਡ ਭੇਟ ਖਿਲਾ ਕ ਬਜਟ ਪੇਸ਼ ਕਰਨ ‘ਤੇ ਵਧਾਈ ਦਿੱਤੀ।

ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਤੋਂ ਇਸ ਸਦੀ ਦੀ ਦੂਜੀ ਤਿਮਾਹੀ ਲਈ ਸਰਕਾਰ ਦੇ ਦ੍ਰਿਸ਼ਟੀਕੋਣ, ਯਾਨੀ ਕਿ 2026 ਤੋਂ 2050 ਤੱਕ ਸਰਕਾਰ ਦੇ ਰੋਡਮੈਪ ਨੂੰ ਸਾਂਝਾ ਕਰਨ ਦੀ ਉਮੀਦ ਹੈ। ਉਹ 2047 ‘ਚ ਇੱਕ ਵਿਕਸਤ ਭਾਰਤ ਲਈ ਇੱਕ ਬਲੂਪ੍ਰਿੰਟ ਦੀ ਰੂਪਰੇਖਾ ਵੀ ਰੱਖ ਸਕਦੇ ਹਨ।

ਰਵਾਇਤੀ ਨੌਰਥ ਬਲਾਕ ਤੋਂ ਇੱਕ ਇਤਿਹਾਸਕ ਬਦਲਾਅ ਦੇ ਤਹਿਤ, ਇਸ ਸਾਲ ਦੀ ਬਜਟ ਪ੍ਰਕਿਰਿਆ ਤੇ ਫੋਟੋ ਸੈਸ਼ਨ ਸੈਂਟਰਲ ਵਿਸਟਾ ਕੰਪਲੈਕਸ ‘ਚ ਸਥਿਤ ਵਿੱਤ ਮੰਤਰਾਲੇ ਦੇ ਨਵੇਂ ਦਫਤਰ, ਕਾਰਤਵਯ ਭਵਨ ਵਿਖੇ ਹੋਵੇਗਾ।

ਨਿਰਮਲਾ ਸੀਤਾਰਮਨ ਸਵੇਰੇ ਲਗਭਗ 8:15 ਵਜੇ ਕਾਰਤਵਯ ਭਵਨ ਵਿਖੇ ਵਿੱਤ ਮੰਤਰਾਲੇ ਲਈ 15 ਸਫਦਰਜੰਗ ਰੋਡ ਸਥਿਤ ਆਪਣੇ ਘਰ ਤੋਂ ਰਵਾਨਾ ਹੋਵੇਗੀ।

ਸੋਨੇ ਤੇ ਚਾਂਦੀ ਦੀਆਂ ਕੀਮਤਾਂ ਲਗਾਤਾਰ ਵੱਧ ਰਹੀਆਂ ਹਨ। ਬਜਟ 2026 ਨੂੰ ਧਿਆਨ ‘ਚ ਰੱਖਦੇ ਹੋਏ, ਲੋਕ ਖਾਸ ਤੌਰ ‘ਤੇ ਇਹ ਜਾਣਨ ਲਈ ਉਤਸੁਕ ਹਨ ਕਿ ਸਰਕਾਰ ਇਨ੍ਹਾਂ ਸੁਰੱਖਿਅਤ ਨਿਵੇਸ਼ ਵਿਕਲਪਾਂ ਬਾਰੇ ਕੀ ਕਦਮ ਚੁੱਕੇਗੀ। ਕੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਅੱਜ ਸੋਨੇ ਸੰਬੰਧੀ ਕੋਈ ਵੱਡੇ ਐਲਾਨ ਕਰਨਗੇ?

ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਸਵੇਰੇ 11 ਵਜੇ ਬਜਟ ਪੇਸ਼ ਕਰਨਗੇ। ਸਰਕਾਰ ਵੱਲੋਂ ਇਸ ਬਜਟ ‘ਚ ਕਈ ਵੱਡੇ ਐਲਾਨ ਕੀਤੇ ਜਾਣ ਦੀ ਉਮੀਦ ਹੈ। ਪੀਐਮ-ਕਿਸਾਨ ਯੋਜਨਾ ਤਹਿਤ ਰਕਮ 3,000 ਰੁਪਏ ਵਧਾ ਕੇ 6,000 ਤੋਂ 9,000 ਰੁਪਏ ਤੱਕ ਕੀਤੀ ਜਾ ਸਕਦੀ ਹੈ। ਪਿਛਲੇ 2-3 ਸਾਲਾਂ ਤੋਂ ਇਸ ਰਕਮ ਨੂੰ ਵਧਾਉਣ ਦੀ ਗੱਲ ਹੋ ਰਹੀ ਹੈ।