ਚੀਨ-ਅਮਰੀਕਾ ਟ੍ਰੇਡ ਵਾਰ ‘ਤੇ ਲੱਗਿਆ 90 ਦਿਨਾਂ ਦੀ ‘ਸੀਜਫਾਇਰ’, ਟੈਰਿਫ ‘ਤੇ ਮੰਨ ਗਏ ਟਰੰਪ ਅਤੇ ਜਿਨਪਿੰਗ
China America Trade War: ਅਮਰੀਕਾ ਅਤੇ ਚੀਨ ਵਿਚਕਾਰ ਹੁਣ ਟ੍ਰੇਡ ਨੂੰ ਲੈ ਕੇ ਇੱਕ ਨਵੀਂ ਜੁਗਲਬੰਦੀ ਦੇਖੀ ਜਾਵੇਗੀ। ਟੈਰਿਫ ਨੂੰ ਲੈ ਕੇ ਛਿੜੀ ਵਾਰ ਤੋਂ ਬਾਅਦ, ਦੋਵਾਂ ਦੇਸ਼ਾਂ ਦੇ ਚੋਟੀ ਦੇ ਨੇਤਾ ਇੱਕ ਦੂਜੇ ਦੇ ਦੇਸ਼ ਤੋਂ ਆਯਾਤ ਹੋਣ ਵਾਲੀਆਂ ਵਸਤਾਂ 'ਤੇ ਟੈਕਸ ਦਰਾਂ ਘਟਾਉਣ ਲਈ ਸਹਿਮਤ ਹੋ ਗਏ ਹਨ। ਦੋਵਾਂ ਵਿਚਕਾਰ ਇਸ 'ਤੇ ਸਹਿਮਤੀ ਬਣਨ ਨਾਲ ਦੁਨੀਆ ਵਿੱਚ ਖੁਸ਼ੀ ਦੀ ਲਹਿਰ ਦੇਖੀ ਜਾ ਸਕਦੀ ਹੈ। ਇਸ ਐਲਾਨ ਤੋਂ ਬਾਅਦ ਹਾਂਗ ਕਾਂਗ ਦੇ ਸਟਾਕ ਮਾਰਕੀਟ ਇੰਡੈਕਸ ਹੈਂਗਸੇਂਗ ਵਿੱਚ 3 ਪ੍ਰਤੀਸ਼ਤ ਦਾ ਵਾਧਾ ਦੇਖਣ ਨੂੰ ਮਿਲਿਆ ਹੈ।
ਦੁਨੀਆ ਦੀਆਂ ਦੋ ਸਭ ਤੋਂ ਵੱਡੀਆਂ ਅਰਥਵਿਵਸਥਾਵਾਂ, ਅਮਰੀਕਾ ਅਤੇ ਚੀਨ ਵਿਚਕਾਰ ਛਿੜੀ ਜੰਗ ਹੁਣ ਸ਼ਾਂਤ ਹੁੰਦੀ ਦਿਖਾਈ ਦੇ ਰਹੀ ਹੈ। ਟੈਰਿਫ ਨੂੰ ਲੈ ਕੇ ਦੋਵਾਂ ਦੇਸ਼ਾਂ ਵਿਚਕਾਰ ਸੀਜਫਾਇਰ ਲੱਗ ਗਿਆ ਹੈ। ਦੋਵੇਂ ਦੇਸ਼ ਇੱਕ ਦੂਜੇ ਤੋਂ ਆਯਾਤ ਕੀਤੇ ਜਾਣ ਵਾਲੇ ਸਾਮਾਨ ‘ਤੇ 90 ਦਿਨਾਂ ਲਈ ਟੈਰਿਫ ਘਟਾਉਣ ‘ਤੇ ਸਹਿਮਤ ਹੋ ਗਏ ਹਨ।
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦੇ ਚੀਨੀ ਹਮਰੁਤਬਾ ਸ਼ੀ ਜਿਨਪਿੰਗ ਵਿਚਕਾਰ ਟੈਰਿਫ ਘਟਾਉਣ ਲਈ ਇੱਕ ਸਮਝੌਤਾ ਹੋਇਆ ਹੈ। ਚੀਨ 90 ਦਿਨਾਂ ਲਈ ਅਮਰੀਕਾ ਤੋਂ ਆਯਾਤ ਕੀਤੇ ਜਾਣ ਵਾਲੇ ਸਮਾਨ ‘ਤੇ 125 ਪ੍ਰਤੀਸ਼ਤ ਦੀ ਬਜਾਏ ਸਿਰਫ 10 ਪ੍ਰਤੀਸ਼ਤ ਟੈਰਿਫ ਲਗਾਏਗਾ। ਜਦੋਂ ਕਿ ਅਮਰੀਕਾ ਵੀ 90 ਦਿਨਾਂ ਲਈ ਚੀਨ ਤੋਂ ਆਯਾਤ ਕੀਤੇ ਜਾਣ ਵਾਲੇ ਸਮਾਨ ‘ਤੇ 145 ਪ੍ਰਤੀਸ਼ਤ ਦੀ ਬਜਾਏ ਸਿਰਫ 30 ਪ੍ਰਤੀਸ਼ਤ ਟੈਕਸ ਲਵੇਗਾ।
ਦੋਵਾਂ ਦੇਸ਼ਾਂ ਨੇ ਟੈਕਸ ਨੇ ਘਟਾਇਆ 115% ਟੈਕਸ
ਅਮਰੀਕੀ ਵਿੱਤ ਮੰਤਰੀ ਸਕਾਟ ਬੇਸੈਂਟ ਦਾ ਕਹਿਣਾ ਹੈ ਕਿ ਦੋਵਾਂ ਦੇਸ਼ਾਂ ਨੇ ਅਸਲ ਵਿੱਚ 90 ਦਿਨਾਂ ਲਈ ਟੈਕਸ ਵਿੱਚ 115 ਪ੍ਰਤੀਸ਼ਤ ਦੀ ਕਟੌਤੀ ਕੀਤੀ ਹੈ। ਇਸ ਤਰ੍ਹਾਂ, ਚੀਨ ਦਾ 125 ਪ੍ਰਤੀਸ਼ਤ ਟੈਰਿਫ ਹੁਣ 10% ਅਤੇ ਅਮਰੀਕਾ ਦਾ 145 ਪ੍ਰਤੀਸ਼ਤ ਟੈਰਿਫ 30% ਤੱਕ ਘੱਟ ਗਿਆ ਹੈ।
ਦੋਵਾਂ ਦੇਸ਼ਾਂ ਦੇ ਨੇਤਾਵਾਂ ਨੇ ਹਫਤੇ ਦੇ ਅੰਤ ਵਿੱਚ ਸਵਿਟਜ਼ਰਲੈਂਡ ਵਿੱਚ ਮੁਲਾਕਾਤ ਕੀਤੀ, ਜਿਸ ਤੋਂ ਬਾਅਦ ਟੈਰਿਫ ਘਟਾਉਣ ਲਈ ਇੱਕ ਸਮਝੌਤਾ ਹੋਇਆ। ਜਨਵਰੀ ਵਿੱਚ ਡੋਨਾਲਡ ਟਰੰਪ ਦੇ ਅਮਰੀਕਾ ਦੇ ਰਾਸ਼ਟਰਪਤੀ ਬਣਨ ਤੋਂ ਬਾਅਦ ਦੋਵਾਂ ਦੇਸ਼ਾਂ ਵਿਚਕਾਰ ਟ੍ਰੇਡ ਵਾਰ ਸ਼ੁਰੂ ਹੋ ਗਿਆ ਸੀ। ਟਰੰਪ ਨੇ ਚੀਨ ਤੋਂ ਆਯਾਤ ਹੋਣ ਵਾਲੀਆਂ ਵਸਤਾਂ ‘ਤੇ ਕੁੱਲ 145 ਪ੍ਰਤੀਸ਼ਤ ਟੈਰਿਫ ਲਗਾਇਆ ਸੀ, ਜਿਸ ਦਾ ਜਵਾਬ ਚੀਨ ਨੇ ਅਮਰੀਕਾ ‘ਤੇ ਕੁੱਲ 125 ਪ੍ਰਤੀਸ਼ਤ ਟੈਰਿਫ ਲਗਾ ਕੇ ਦਿੱਤਾ।
ਦੁਨੀਆਂ ਵਿੱਚ ਦੌੜੀ ਖੁਸ਼ੀ ਦੀ ਲਹਿਰ
ਅਮਰੀਕਾ ਅਤੇ ਚੀਨ ਵਿਚਕਾਰ ਟ੍ਰੇਡ ਵਾਰ ‘ਤੇ ਸਹਿਮਤੀ ਬਣਨ ਨਾਲ ਦੁਨੀਆ ਵਿੱਚ ਖੁਸ਼ੀ ਦੀ ਲਹਿਰ ਦੇਖੀ ਜਾ ਸਕਦੀ ਹੈ। ਇਸ ਐਲਾਨ ਤੋਂ ਬਾਅਦ ਹਾਂਗ ਕਾਂਗ ਦੇ ਸਟਾਕ ਮਾਰਕੀਟ ਇੰਡੈਕਸ ਹੈਂਗਸੇਂਗ ਵਿੱਚ 3 ਪ੍ਰਤੀਸ਼ਤ ਦਾ ਵਾਧਾ ਦੇਖਣ ਨੂੰ ਮਿਲਿਆ ਹੈ। ਜਦੋਂ ਕਿ ਚੀਨ ਦੇ ਸ਼ੰਘਾਈ ਕੰਪੋਜ਼ਿਟ ਇੰਡੈਕਸ ਵਿੱਚ ਵੀ ਤੇਜ਼ੀ ਦਾ ਰੁਝਾਨ ਦੇਖਣ ਨੂੰ ਮਿਲਿਆ ਹੈ।
ਇਹ ਵੀ ਪੜ੍ਹੋ
ਭਾਰਤ ਵਿੱਚ ਵੀ ਸੋਮਵਾਰ ਨੂੰ ਸ਼ੇਅਰ ਬਾਜ਼ਾਰਾਂ ਵਿੱਚ ਬਹੁਤ ਜ਼ਿਆਦਾ ਤੇਜੀ ਦੇਖਣ ਨੂੰ ਮਿਲੀ। ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਤਣਾਅ ਘਟਣ ਅਤੇ ਸਰਹੱਦ ‘ਤੇ ਜੰਗਬੰਦੀ ਕਾਰਨ ਬਾਜ਼ਾਰ ਨੂੰ ਮਜ਼ਬੂਤੀ ਮਿਲੀ। ਉੱਧਰ, ਚੀਨ ਅਤੇ ਅਮਰੀਕਾ ਵਿਚਕਾਰ ਹੋਈ ਡੀਲ ਕਾਰਨ ਟ੍ਰੇੰਡ ਮਾਰਕੀਟ ‘ਤੇ ਛਾਏ ਸੰਕਟ ਦੇ ਬੱਦਲ ਸਾਫ਼ ਹੋਣ ਨਾਲ ਬਾਜਾਰ ਨੇ ਜ਼ੋਰਦਾਰ ਵਾਪਸੀ ਕੀਤੀ।
ਬੀਐਸਈ ਸੈਂਸੈਕਸ ਲਗਭਗ 2600 ਅੰਕਾਂ ਦੀ ਛਾਲ ਮਾਰ ਕੇ 82,000 ਅੰਕਾਂ ਦੇ ਪੱਧਰ ਨੂੰ ਪਾਰ ਕਰ ਗਿਆ ਹੈ। ਉੱਧੜ, NSE ਨਿਫਟੀ ਵਿੱਚ ਵੀ 800 ਅੰਕਾਂ ਤੋਂ ਵੱਧ ਦਾ ਵਾਧਾ ਦੇਖਣ ਨੂੰ ਮਿਲਿਆ ਹੈ ਅਤੇ ਇਹ 24,800 ਦੇ ਅੰਕ ਨੂੰ ਪਾਰ ਕਰ ਗਿਆ ਹੈ।
ਅਮਰੀਕਾ ਅਤੇ ਚੀਨ ਵਿਚਕਾਰ ਵਪਾਰ ਯੁੱਧ ਨੇ ਗਲੋਬਲ ਸਪਲਾਈ ਚੇਨ ਦੇ ਸੰਬੰਧ ਵਿੱਚ ਇੱਕ ਵੱਡਾ ਸੰਕਟ ਪੈਦਾ ਕਰ ਦਿੱਤਾ ਸੀ। ਇਸ ਕਾਰਨ ਦੋਵਾਂ ਦੇਸ਼ਾਂ ਵਿਚਕਾਰ ਲਗਭਗ 600 ਬਿਲੀਅਨ ਡਾਲਰ (ਲਗਭਗ 50,969 ਅਰਬ ਰੁਪਏ) ਦਾ ਵਪਾਰ ਰੁਕ ਗਿਆ ਸੀ।
