News9 Global Summit Dubai Edition: UAE ਲਈ ਭਾਰਤ ਹੈ ‘ਭਰੋਸੇਯੋਗ’ ਭਾਈਵਾਲ,ਟ੍ਰੇਡ ਤੋਂ ਲੈ ਕੇ AI ਤੱਕ ‘ਤੇ ਹੋਈ ਚਰਚਾ
News9 Global Summit Dubai Edition ਵਿੱਚ ਕਈ ਉੱਘੀਆਂ ਸ਼ਖਸੀਅਤਾਂ ਇਸ ਸਮਿਟ ਦੀ ਸ਼ਾਨ ਵਧਾ ਰਹੀਆਂ ਹਨ। ਭਾਰਤ-UAE ਸਾਂਝੇਦਾਰੀ ਵਿੱਚ ਵਪਾਰ ਤੋਂ ਲੈ ਕੇ ਤਕਨਾਲੋਜੀ ਤੱਕ, ਵੱਖ-ਵੱਖ ਵਿਸ਼ਿਆਂ 'ਤੇ ਚਰਚਾ ਹੋਈ ਹੈ। ਟ੍ਰੇਡ ਟੂ ਟੈਕਨਾਲਜੀ ਤੱਕ ਦੇ ਵਿਸ਼ੇ ਤੇ ਕਈ ਕਈ ਜਾਣੀਆਂ-ਪਛਾਣੀਆਂ ਸ਼ਖਸੀਅਤਾਂ ਨੇ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਕਈ ਮਹੱਤਵਪੂਰਨ ਜਾਣਕਾਰੀ ਸਾਂਝੀ ਕੀਤੀ ਹੈ।
ਇੱਕ ਵਾਰ ਫਿਰ TV9 ਨੈੱਟਵਰਕ ਵਿਚਾਰਾਂ ਦੇ ਇੱਕ ਪਲੇਟਫਾਰਮ ਦੇ ਨਾਲ ਹਾਜਿਰ ਹੈ, TV9 ਨੈੱਟਵਰਕ ਦਾ ਇਹ ਦੂਜਾ ਨਿਊਜ਼ 9 ਗਲੋਬਲ ਸਮਿਟ ਦੁਬਈ ਵਿੱਚ ਆਯੋਜਿਤ ਕੀਤਾ ਗਿਆ ਹੈ। ਕਈ ਵੱਡੀਆਂ ਅਤੇ ਮਸ਼ਹੂਰ ਸ਼ਖਸੀਅਤਾਂ ਗਲੋਬਲ ਸੰਮੇਲਨ ਵਿੱਚ ਸ਼ਿਰਕਤ ਕਰ ਰਹੀਆਂ ਹਨ, ਇਸ ਸੰਮੇਲਨ ਦਾ ਵਿਸ਼ਾ ਖੁਸ਼ਹਾਲੀ ਅਤੇ ਤਰੱਕੀ ਲਈ ਭਾਰਤ-UAE ਭਾਈਵਾਲੀ ਹੈ। ਕਈ ਵੱਡੀਆਂ ਸ਼ਖਸੀਅਤਾਂ ਨੇ ਭਾਰਤ-UAE ਭਾਈਵਾਲੀ ਰਾਹੀਂ ਵਪਾਰ ਤੋਂ ਤਕਨਾਲੋਜੀ ਤੱਕ ਕੀ ਹੋਵੇਗਾ, ਇਸ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ ਹਨ।
CEPA ਤੇ ਸਤੀਸ਼ ਕੁਮਾਰ ਸਿਵਾਨ ਨੇ ਦਿੱਤੀ ਇਹ ਜਾਣਕਾਰੀ
ਸਤੀਸ਼ ਕੁਮਾਰ ਸਿਵਾਨ ਨੇ ਦੱਸਿਆ ਕਿ CEPA ਨੇ ਭਾਰਤ ਅਤੇ UAE ਵਿਚਕਾਰ ਦੁਵੱਲੇ ਸਬੰਧਾਂ ਨੂੰ ਉਤਸ਼ਾਹਿਤ ਕੀਤਾ ਹੈ ਅਤੇ ਇਹੀ ਨਹੀਂ, ਭਾਰਤ ਅਤੇ UAE ਵਿਚਕਾਰ ਫਿਨਟੈਕ ਸਾਂਝੇਦਾਰੀ ਵੀ ਵਧ ਰਹੀ ਹੈ। CEPA ਦੇ ਤਹਿਤ, ਭਾਰਤ ਅਤੇ UAE ਦੋਵਾਂ ਵਿਚਕਾਰ ਗੱਲਬਾਤ ਬਹੁਤ ਤੇਜ਼ੀ ਨਾਲ ਹੋਈ ਅਤੇ CEPA ‘ਤੇ ਸਿਰਫ 88 ਦਿਨਾਂ ਵਿੱਚ ਰਿਕਾਰਡ ਸਮੇਂ ਵਿੱਚ ਦਸਤਖਤ ਕੀਤੇ ਗਏ। ਦੋਵਾਂ ਦੇਸ਼ਾਂ ਵਿਚਕਾਰ CEPA ‘ਤੇ ਦਸਤਖਤ ਹੋਣ ਤੋਂ ਬਾਅਦ, ਭਾਰਤ ਨੂੰ ਇਸਦਾ ਬਹੁਤ ਫਾਇਦਾ ਹੋਇਆ, UAE ਨੇ ਟੈਰਿਫ ਵਿੱਚ ਕਟੌਤੀ ਕੀਤੀ ਜਿਸ ਨਾਲ ਭਾਰਤ ਤੋਂ ਨਿਰਯਾਤ ਵਧਿਆ ਅਤੇ ਇਸ ਨਾਲ ਭਾਰਤ ਵਿੱਚ ਟੈਕਸਟਾਈਲ, ਰਤਨ ਅਤੇ ਗਹਿਣੇ, ਭੋਜਨ ਅਤੇ ਖੇਤੀਬਾੜੀ, ਆਟੋਮੋਬਾਈਲ ਵਰਗੇ ਖੇਤਰਾਂ ਨੂੰ ਲਾਭ ਹੋਇਆ ਹੈ।
2022 ਵਿੱਚ ਭਾਰਤ ਅਤੇ UAE ਵਿਚਕਾਰ ਦਸਤਖਤ ਹੋਏ CEPA ਦਾ ਉਦੇਸ਼ 2030 ਆਇਲ ਟ੍ਰੇਡ ਵਪਾਰ ਨੂੰ 100 ਬਿਲੀਅਨ ਡਾਲਰ ਤੱਕ ਲੈ ਜਾਣਾ ਹੈ। CEPA ‘ਤੇ ਦਸਤਖਤ ਕਰਨ ਤੋਂ ਬਾਅਦ, ਦੋਵਾਂ ਦੇਸ਼ਾਂ ਨੂੰ ਲਾਭ ਹੋਇਆ ਹੈ ਅਤੇ CEPA ਦਾ ਪ੍ਰਭਾਵ ਹੈਰਾਨੀਜਨਕ ਹੈ। CEPA ‘ਤੇ ਦਸਤਖਤ ਕਰਨ ਤੋਂ ਪਹਿਲਾਂ, 2021-2022 ਵਿੱਚ ਦੁਵੱਲਾ ਵਪਾਰ 70 ਬਿਲੀਅਨ ਡਾਲਰ ਸੀ, ਜੋ ਵਿੱਤੀ ਸਾਲ 2023-2024 ਵਿੱਚ CEPA ‘ਤੇ ਦਸਤਖਤ ਕਰਨ ਤੋਂ ਬਾਅਦ ਵਧ ਕੇ 85 ਬਿਲੀਅਨ ਡਾਲਰ ਹੋ ਗਿਆ। ਦੋਵਾਂ ਦੇਸ਼ਾਂ ਵਿਚਕਾਰ ਸਮਝੌਤੇ ਤੋਂ ਬਾਅਦ, 16 ਪ੍ਰਤੀਸ਼ਤ ਦਾ ਵਾਧਾ ਦੇਖਿਆ ਗਿਆ ਹੈ।
ਭਾਰਤ ਪ੍ਰਤੀ ਕੀ ਹੈ UAE ਦਾ ਨਜਰਿਆ?
Hamdan AlShamsi Lawyers & Legal Consultants ਦੇ ਸੰਸਥਾਪਕ ਅਤੇ ਸੀਨੀਅਰ ਪਾਰਟਨਰ ਹਮਦਾਨ ਅਲਸ਼ਮਸੀ ਨੇ ਇਸ ਗਲੋਬਲ ਸੰਮੇਲਨ ਵਿੱਚ ਭਾਰਤ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ ਕਿ ਯੂਏਈ ਭਾਰਤ ਨੂੰ ਇੱਕ ਭਰੋਸੇਮੰਦ ਸਾਥੀ ਵਜੋਂ ਦੇਖਦਾ ਹੈ। ਹਮਦਾਨ ਅਲਸ਼ਮਸੀ ਨੇ ਨਾ ਸਿਰਫ਼ ਭਾਰਤ ਨੂੰ ਇੱਕ ਭਰੋਸੇਮੰਦ ਸਾਥੀ ਦੱਸਿਆ ਬਲਕਿ ਇਹ ਵੀ ਕਿਹਾ ਕਿ ਦੋਵਾਂ ਦੇਸ਼ਾਂ ਵਿਚਕਾਰ ਭਰੋਸਾ ਹੁਣ ਭਰੋਸੇਯੋਗਤਾ ਵਿੱਚ ਬਦਲ ਗਿਆ ਹੈ।
ਇਹ ਵੀ ਪੜ੍ਹੋ
India Uae Partnership Talk
ਦੋਸਤੀ ਤੋਂ ਭਾਈਚਾਰੇ ਵਿੱਚ ਬਦਲੇ ਰਿਸ਼ਤੇ
ਸਿਧਾਰਥ ਬਾਲਚੰਦਰਨ (ਭਾਰਤੀ ਮੂਲ ਦੇ ਯੂਏਈ-ਅਧਾਰਤ ਉੱਦਮੀ) ਨੇ ਭਾਰਤ ਅਤੇ ਯੂਏਈ ਭਾਈਵਾਲੀ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਕਿਹਾ ਕਿ ਭਾਰਤ ਅਤੇ ਯੂਏਈ ਸਬੰਧ ਹੁਣ ਦੋਸਤੀ ਤੋਂ ਭਾਈਚਾਰੇ ਤੋਂ ਇੱਕ ਕਦਮ ਅੱਗੇ ਵਧ ਗਏ ਹਨ।
ਏਆਈ ਲਈ ਇਸ ਦੇਸ਼ ਵਿੱਚ ਇੱਕ ਮੰਤਰਾਲਾ
ਇੰਡੀਅਨ ਚੈਂਬਰ ਆਫ਼ ਕਾਮਰਸ ਦੇ ਸਾਬਕਾ ਪ੍ਰਧਾਨ Ameya Prabhu ਨੇ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਕਿਹਾ ਕਿ ਯੂਏਈ ਸਟਾਰਟਅੱਪਸ ਲਈ ਇੱਕ ਹਾਈ ਮਾਰਜਿਨ ਬਾਜ਼ਾਰ ਹੈ। ਏਆਈ ਬਾਰੇ, Ameya Prabhu ਨੇ ਕਿਹਾ ਹੈ ਕਿ ਯੂਏਈ ਇੱਕ ਅਜਿਹਾ ਦੇਸ਼ ਹੈ ਜਿੱਥੇ ਸਰਕਾਰ ਨੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਉਰਫ ਏਆਈ ਲਈ ਇੱਕ ਮੰਤਰਾਲਾ ਬਣਾਇਆ ਹੈ, ਇਹ ਇੱਕ ਫਿਊਚਰਿਸਟਿਕ ਅਪ੍ਰੋਚ ਹੈ ਜੋ ਕਿ ਬਹੁਤ ਚੰਗੀ ਗੱਲ ਹੈ ਕਿਉਂਕਿ ਏਆਈ ਹੁਣ ਹਰ ਜਗ੍ਹਾ ਹੈ।
AI ਨੂੰ ਲੈ ਕੇ ਕੀ ਬੋਲੇ Trevor McFarlane?
Trevor McFarlane (EMIR ਦੇ ਸੰਸਥਾਪਕ ਅਤੇ ਸੀਈਓ) ਨੇ ਇੰਡੀਆ-ਯੂਏਈ ਭਾਈਵਾਲੀ ‘ਤੇ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਕਿਹਾ ਕਿ ਇੰਡੀਆ ਅਤੇ ਯੂਏਈ ਦੋ ਦੇਸ਼ ਹਨ ਜੋ ਇੱਕ ਅਸਥਿਰ ਦੁਨੀਆ ਵਿੱਚ ਇਕੱਠੇ ਮਜ਼ਬੂਤੀ ਨਾਲ ਕੰਮ ਕਰ ਸਕਦੇ ਹਨ। ਜਦੋਂ ਟ੍ਰੇਵਰ ਮੈਕਫਾਰਲੇਨ ਤੋਂ ਪੁੱਛਿਆ ਗਿਆ ਕਿ ਅਗਲੇ ਪੰਜ ਸਾਲਾਂ ਵਿੱਚ ਦੁਨੀਆ ਕਿਵੇਂ ਬਦਲੇਗੀ ਅਤੇ ਏਆਈ ਕਿਵੇਂ ਪ੍ਰਭਾਵਤ ਕਰੇਗਾ, ਤਾਂ ਉਨ੍ਹਾਂ ਨੇ ਇਸ ਸਵਾਲ ਦਾ ਜਵਾਬ ਇਹ ਕਹਿ ਕੇ ਦਿੱਤਾ ਕਿ ਏਆਈ ਗਿਆਨ ਤੋਂ ਉੱਤਮਤਾ ਤੱਕ ਦੀ ਦੌੜ ਵਿੱਚ ਜਿੱਤ ਪ੍ਰਾਪਤ ਕਰੇਗਾ।
