New Year ‘ਤੇ ਸ਼ਿਮਲਾ ਤੋਂ ਮਨਾਲੀ ਤੱਕ ਹਾਊਸਫੁੱਲ, ਕਮਾਈ ਦਾ ਵੱਜ ਰਿਹਾ ਬਿਗਲ
ਇਸ ਸਾਲ ਕ੍ਰਿਸਮਿਸ ਅਤੇ ਨਵੇਂ ਸਾਲ ਦੇ ਮੌਕੇ 'ਤੇ ਲੰਬਾ ਵੀਕੈਂਡ ਪਿਆ ਹੈ। ਜਿਸ ਕਰਕੇ ਸ਼ਿਮਲਾ ਤੋਂ ਮਨਾਲੀ ਤੱਕ ਸਾਰੀਆਂ ਥਾਵਾਂ ਸੈਲਾਨੀਆਂ ਨਾਲ ਹਾਊਸਫੁੱਲ ਹਨ। ਇਸ ਨਾਲ ਲੋਕਾਂ ਦੀ ਆਮਦਨ ਵਿੱਚ ਜਬਰਦਸਤ ਵਾਧਾ ਹੋਇਆ ਹੈ। ਇਸ ਸਾਲ 30 ਅਤੇ 31 ਦਸੰਬਰ ਨੂੰ ਹਿਮਾਚਲ ਪ੍ਰਦੇਸ਼ ਦੇ ਜ਼ਿਆਦਾਤਰ ਇਲਾਕਿਆਂ 'ਚ ਬਰਫਬਾਰੀ ਹੋਣ ਦੀ ਸੰਭਾਵਨਾ ਹੈ। ਇਸ ਨਾਲ ਸੈਲਾਨੀਆਂ ਦੀ ਆਮਦ ਵੀ ਵਧੇਗੀ ਅਤੇ ਸਥਾਨਕ ਲੋਕਾਂ ਦੀ ਆਮਦਨ ਵੀ ਵਧੇਗੀ। ਉਂਝ ਵੱਡੀ ਗਿਣਤੀ ਵਿੱਚ ਲੋਕਾਂ ਦੇ ਸ਼ਿਮਲਾ-ਮਨਾਲੀ ਵੱਲ ਆਉਣ ਕਾਰਨ ਸੜਕਾਂ ਤੇ ਲੰਮਾ ਜਾਮ ਹੈ।
ਇਸ ਸਾਲ ਕ੍ਰਿਸਮਸ ਅਤੇ ਨਵੇਂ ਸਾਲ ‘ਤੇ ਲੰਬਾ ਵੀਕਐਂਡ ਹੈ। ਇਹੀ ਕਾਰਨ ਹੈ ਕਿ ਸ਼ਿਮਲਾ ਤੋਂ ਮਨਾਲੀ ਤੱਕ ਇਸ ਸਾਲ ਸੈਲਾਨੀਆਂ ਦੀ ਗਿਣਤੀ ਮੁਕਾਬਲਤਨ ਜ਼ਿਆਦਾ ਹੈ। ਹਾਲਾਂਕਿ, ਇਸ ਨੇ ਹੋਟਲਾਂ, ਐਡਵੈਂਚਰ ਸਪੋਰਟਸ, ਟੈਕਸੀ ਕਾਰੋਬਾਰ ਅਤੇ ਬੱਸ ਆਪਰੇਟਰਾਂ ਲਈ ਵੱਡੀ ਆਮਦਨੀ ਪੈਦਾ ਕੀਤੀ ਹੈ। ਕ੍ਰਿਸਮਸ ਵੀਕੈਂਡ ‘ਤੇ ਰੋਹਤਾਂਗ ‘ਚ ਅਟਲ ਸੁਰੰਗ ਦੇ ਬਾਹਰ ਕਈ ਕਿਲੋਮੀਟਰ ਲੰਬੀ ਵਾਹਨਾਂ ਦੀ ਕਤਾਰ ਦੇਖੀ ਗਈ।
ਨਿਊ ਈਅਰ ਸੈਲੇਬ੍ਰੇਸ਼ਨ ਕਾਰਨ ਇਨ੍ਹਾਂ ਖੇਤਰਾਂ ਵਿੱਚ ਵਾਹਨਾਂ ਦੀ ਆਵਾਜਾਈ ਵਧਣ ਕਾਰਨ ਈਂਧਨ ਦੀ ਵਿਕਰੀ ਵਿੱਚ ਵੀ ਭਾਰੀ ਵਾਧਾ ਹੋਇਆ ਹੈ। ਏਜੰਸੀ ਦੀ ਖਬਰ ਮੁਤਾਬਕ, ਕ੍ਰਿਸਮਸ ਵੀਕੈਂਡ ‘ਤੇ ਐਤਵਾਰ ਨੂੰ 28,210 ਤੋਂ ਜ਼ਿਆਦਾ ਵਾਹਨਾਂ ਨੇ ਅਟਲ ਸੁਰੰਗ ਨੂੰ ਪਾਰ ਕੀਤਾ। ਜਦੋਂ ਕਿ ਸ਼ਿਮਲਾ ਅਤੇ ਮਨਾਲੀ ਵਿੱਚ ਹੋਟਲਾਂ ਦੀ ਬੁਕਿੰਗ 90 ਫੀਸਦੀ ਤੱਕ ਰਹੀ।
ਟੈਕਸੀ ਚਾਲਕਾਂ ਦੀ ਜਬਰਦਸਤ ਆਮਦਨ
ਮੀਡੀਆ ਰਿਪੋਰਟਾਂ ਮੁਤਾਬਕ ਕ੍ਰਿਸਮਸ ਦੇ ਮੌਕੇ ‘ਤੇ ਸ਼ਿਮਲਾ ‘ਚ ਇਕ ਦਿਨ ‘ਚ 13 ਹਜ਼ਾਰ ਵਾਹਨ ਦੌੜੇ। ਕਰੀਬ 6 ਹਜ਼ਾਰ ਵਾਹਨ ਸੋਲਨ ਤੋਂ ਸ਼ਿਮਲਾ ਗਏ, ਜਦਕਿ 7 ਹਜ਼ਾਰ ਵਾਹਨ ਸ਼ਿਮਲਾ ਤੋਂ ਸੋਲਨ ਗਏ। ਮਨਾਲੀ ਵਿੱਚ ਵੀ ਸਥਿਤੀ ਇਹੀ ਰਹੀ। ਇਸਨੇ ਪੈਟਰੋਲ ਪੰਪਾਂ ਤੋਂ ਲੈ ਕੇ ਟੈਕਸੀ ਚਾਲਕਾਂ ਤੱਕ ਸਾਰਿਆਂ ਦੀ ਆਮਦਨ ਵਧਾਉਣ ਦਾ ਕੰਮ ਕੀਤਾ। ਹੋਟਲਾਂ ਦੇ ਨਾਲ-ਨਾਲ ਟੈਕਸੀ ਚਾਲਕਾਂ ਦੀ ਬੁਕਿੰਗ ਵੀ ਪੂਰੀ ਫੁੱਲ ਚੱਲ ਰਹੀ ਹੈ।
ਰੈਸਟੋਰੈਂਟ ਖੁੱਲ੍ਹ ਰਹੇ 24 ਘੰਟੇ
ਕ੍ਰਿਸਮਸ ਅਤੇ ਨਵੇਂ ਸਾਲ ਦੇ ਮੌਕੇ ‘ਤੇ ਹਿਮਾਚਲ ਪ੍ਰਦੇਸ਼ ਦੇ ਜ਼ਿਆਦਾਤਰ ਰੈਸਟੋਰੈਂਟਾਂ ਨੇ 24 ਘੰਟੇ ਖੁੱਲ੍ਹੇ ਰਹਿਣ ਦਾ ਫੈਸਲਾ ਕੀਤਾ ਹੈ। ਜਦੋਂ ਕਿ ਫੈਡਰੇਸ਼ਨ ਆਫ ਹਿਮਾਚਲ ਹੋਟਲਜ਼ ਐਂਡ ਰੈਸਟੋਰੈਂਟ ਐਸੋਸੀਏਸ਼ਨ ਦੇ ਪ੍ਰਧਾਨ ਗਜੇਂਦਰ ਠਾਕੁਰ ਦਾ ਕਹਿਣਾ ਹੈ ਕਿ ਹੋਟਲਾਂ ਦੀ ਬੁਕਿੰਗ 90 ਫੀਸਦੀ ਚੱਲ ਰਹੀ ਹੈ। ਨਵੇਂ ਸਾਲ ਤੋਂ ਬਾਅਦ ਮਨਾਲੀ ਕਾਰਨੀਵਲ ਵੀ 1 ਤੋਂ 6 ਜਨਵਰੀ ਤੱਕ ਹੋ ਰਿਹਾ ਹੈ, ਜਿਸ ਕਾਰਨ ਅੱਗੇ ਵੀ ਹੋਟਲਾਂ ਦੀ ਕਮਾਈ ਜਾਰੀ ਰਹਿਣ ਦੀ ਉਮੀਦ ਹੈ।
ਸ਼ਿਮਲਾ ਹੋਟਲ ਐਂਡ ਰੈਸਟੋਰੈਂਟ ਐਸੋਸੀਏਸ਼ਨ ਦੇ ਉਪ ਪ੍ਰਧਾਨ ਪ੍ਰਿੰਸ ਕੁਕਰੇਜਾ ਦਾ ਵੀ ਕਹਿਣਾ ਹੈ ਕਿ ਸ਼ਿਮਲਾ ਵਿੱਚ ਹੋਟਲਾਂ ਦੀ ਬੁਕਿੰਗ 90 ਫੀਸਦੀ ਤੱਕ ਹੈ। ਹਾਲਾਂਕਿ ਸੋਮਵਾਰ ਨੂੰ ਇਹ ਘੱਟ ਕੇ 60 ਫੀਸਦੀ ‘ਤੇ ਆ ਗਈ, ਪਰ ਆਉਣ ਵਾਲੇ ਦਿਨਾਂ ‘ਚ ਇਸ ਦੇ ਫਿਰ ਤੋਂ ਵਧਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ
