BRICS 2026: ਭਾਰਤ ਨੇ ਸੰਭਾਲਿਆ ਅਹੁਦਾ! ਦਿੱਲੀ ਵਿੱਚ ਸ਼ੇਰਪਾ ਦਾ ਇਕੱਠ, ਇਨ੍ਹਾਂ ਮੁੱਦਿਆਂ ‘ਤੇ ਬਣਾਈ ਸਹਿਮਤੀ
BRICS Sherpas Meet 2026: ਭਾਰਤ ਦੀ ਪ੍ਰਧਾਨਗੀ ਹੇਠ ਪਹਿਲੀ BRICS Sherpas ਅਤੇ Sous Sherpas ਮੀਟਿੰਗ 9-10 ਫਰਵਰੀ, 2026 ਨੂੰ ਨਵੀਂ ਦਿੱਲੀ ਵਿੱਚ ਹੋਈ। ਭਾਰਤ ਨੇ 'ਬਿਲਡਿੰਗ ਫਾਰ ਰੇਜਿਲਿਅੰਸ, ਇਨੋਵੇਸ਼ਨ, ਕੋਪਰੇਸ਼ਨ ਐਂਡ ਸਟੇਨੇਬਿਲਿਟੀ' ਥੀਮ ਦੇ ਤਹਿਤ ਆਪਣੀਆਂ 2026 ਦੀਆਂ ਤਰਜੀਹਾਂ ਪੇਸ਼ ਕੀਤੀਆਂ। ਇਸ ਮਹੱਤਵਪੂਰਨ ਮੀਟਿੰਗ ਵਿੱਚ, ਮੈਂਬਰ ਦੇਸ਼ਾਂ ਨੇ ਲੋਕ-ਕੇਂਦ੍ਰਿਤ ਪਹੁੰਚ 'ਤੇ ਚਰਚਾ ਕੀਤੀ।
BRICS 2026: ਭਾਰਤ ਨੇ ਸੰਭਾਲਿਆ ਅਹੁਦਾ! ਦਿੱਲੀ ਵਿੱਚ ਸ਼ੇਰਪਾ ਦਾ ਇਕੱਠ,
BRICS Sherpas ਅਤੇ Sous Sherpas ਦੀ ਪਹਿਲੀ ਮੀਟਿੰਗ ਭਾਰਤੀ ਪ੍ਰਧਾਨਗੀ ਹੇਠ 9 ਅਤੇ 10 ਫਰਵਰੀ ਨੂੰ ਨਵੀਂ ਦਿੱਲੀ ਵਿੱਚ ਹੋਈ। ਮੀਟਿੰਗ ਦੀ ਪ੍ਰਧਾਨਗੀ ਭਾਰਤ ਦੇ BRICS Sherpa ਦੇ ਸਕੱਤਰ (ਆਰਥਿਕ ਸੰਬੰਧ) Sudhakar Dalela ਨੇ ਕੀਤੀ ਅਤੇ ਇਸ ਵਿੱਚ ਭਾਰਤ ਦੇ ਬ੍ਰਿਕਸ ਸ਼ੇਰਪਾ ਦੇ ਸੰਯੁਕਤ ਸਕੱਤਰ (Multilateral Economic Relations) Shambhu L Hakki ਵੀ ਸ਼ਾਮਲ ਹੋਏ।
ਇਸ ਮੀਟਿੰਗ ਵਿੱਚ ਬ੍ਰਿਕਸ ਸ਼ੇਰਪਾ ਅਤੇ ਬ੍ਰਾਜ਼ੀਲ, ਚੀਨ, ਮਿਸਰ, ਇਥੋਪੀਆ, ਇੰਡੋਨੇਸ਼ੀਆ, ਈਰਾਨ, ਰੂਸ, ਸਾਊਦੀ ਅਰਬ, ਦੱਖਣੀ ਅਫਰੀਕਾ ਅਤੇ ਯੂਏਈ ਦੇ ਸੀਨੀਅਰ ਅਧਿਕਾਰੀ ਸ਼ਾਮਲ ਹੋਏ। ਬ੍ਰਿਕਸ ਸ਼ੇਰਪਾ ਅਤੇ ਦੇਸ਼ਾਂ ਦੇ ਪ੍ਰਤੀਨਿਧੀਆਂ ਨੇ 10 ਫਰਵਰੀ, 2026 ਨੂੰ ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਨਾਲ ਮੁਲਾਕਾਤ ਕੀਤੀ।
ਇਹ ਹੈ ਭਾਰਤ ਦੀ ਥੀਮ ਅਤੇ ਪ੍ਰਾਥਮਿਕਤਾ
ਮੀਟਿੰਗ ਦੌਰਾਨ, ਭਾਰਤ ਨੇ 2026 ਵਿੱਚ ਆਪਣੀ ਚੇਅਰਪਰਸਨਸ਼ਿਪ ਲਈ ‘ਬਿਲਡਿੰਗ ਫਾਰ ਰੇਜਿਲਿਅੰਸ, ਇਨੋਵੇਸ਼ਨ, ਕੋਪਰੇਸ਼ਨ ਐਂਡ ਸਟੇਨੇਬਿਲਿਟੀ’ ਥੀਮ ਦੇ ਤਹਿਤ ਆਪਣੀ ਪ੍ਰਾਯੋਰਿਟੀਜ ਦੱਸੀ ਹੈ । ਭਾਰਤ ਸਰਕਾਰ ਦੇ ਕਈ ਮੰਤਰਾਲਿਆਂ ਅਤੇ ਵਿਭਾਗਾਂ ਨੇ ਸਿਹਤ, ਕਿਰਤ ਅਤੇ ਰੁਜ਼ਗਾਰ, ਖੇਤੀਬਾੜੀ, ਵਾਤਾਵਰਣ, ਆਫ਼ਤ ਜੋਖਮ ਘਟਾਉਣ, ਊਰਜਾ, ਜਲਵਾਯੂ ਪਰਿਵਰਤਨ, ਆਈਸੀਟੀ, ਨਵੀਨਤਾ, ਸੁਰੱਖਿਆ ਅਤੇ ਅੱਤਵਾਦ ਵਿਰੋਧੀ, ਅਤੇ ਆਰਥਿਕ ਅਤੇ ਵਿੱਤੀ ਖੇਤਰਾਂ ਵਿੱਚ ਸਹਿਯੋਗ ਸਮੇਤ ਵੱਖ-ਵੱਖ BRICS ਥੀਮੈਟਿਕ ਖੇਤਰਾਂ ਦੇ ਤਹਿਤ ਭਾਰਤ ਦੀਆਂ ਤਰਜੀਹਾਂ ਅਤੇ ਪ੍ਰਸਤਾਵਿਤ ਗਤੀਵਿਧੀਆਂ ਦੀ ਰੂਪਰੇਖਾ ਦਿੱਤੀ।
BRICS Meet 2026: ਇਨ੍ਹਾਂ ਪੇਸ਼ਕਾਰੀਆਂ ‘ਤੇ ਵੀ ਚਰਚਾ
ਇਸ ਤੋਂ ਇਲਾਵਾ, BRICS ਗਰੁੱਪ ਦੇ ਇੰਸਟੀਚਿਊਸ਼ਨਲ ਡੇਵਲਪਮੈਂਟ ‘ਤੇ ਵਿਚਾਰਾਂ ਦਾ ਆਦਾਨ-ਪ੍ਰਦਾਨ ਕੀਤਾ। ਪ੍ਰਧਾਨਗੀ ਲਈ ਭਾਰਤ ਦੇ ਲੋਕ-ਕੇਂਦ੍ਰਿਤ ਪਹੁੰਚ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਖੇਡਾਂ ਵਿੱਚ ਸਹਿਯੋਗ, ਨੌਜਵਾਨਾਂ ਨਾਲ ਜੁੜਨਾ, ਸੱਭਿਆਚਾਰਕ ਸ਼ਮੂਲੀਅਤ, BRICS ਅਕੈਡਮਿਕ ਫੋਰਮ, BRICS ਥਿੰਕ ਟੈਂਕ ਕੌਂਸਲ, ਬ੍ਰਿਕਸ ਸਿਵਲ ਫੋਰਮ, ਨਾਲ ਹੀ ਬ੍ਰਿਕਸ ਵਪਾਰ ਪ੍ਰੀਸ਼ਦ ਅਤੇ ਬ੍ਰਿਕਸ ਮਹਿਲਾ ਵਪਾਰਕ ਗੱਠਜੋੜ ‘ਤੇ ਪੇਸ਼ਕਾਰੀਆਂ ਕੀਤੀਆਂ ਗਈਆਂ।
ਬ੍ਰਿਕਸ ਭਾਈਵਾਲ ਦੇਸ਼ਾਂ ਦੇ ਪ੍ਰਤੀਨਿਧੀਆਂ ਨੇ ਮੀਟਿੰਗ ਦੇ ਉਦਘਾਟਨੀ ਸੈਸ਼ਨ ਵਿੱਚ ਹਿੱਸਾ ਲਿਆ। ਬ੍ਰਿਕਸ ਮੈਂਬਰਾਂ ਅਤੇ ਭਾਈਵਾਲ ਦੇਸ਼ਾਂ ਨੇ ਭਾਰਤ ਦੁਆਰਾ ਆਪਣੀ ਪ੍ਰਧਾਨਗੀ ਲਈ ਨਿਰਧਾਰਤ ਥੀਮ ਅਤੇ ਤਰਜੀਹਾਂ ਦੀ ਸ਼ਲਾਘਾ ਕੀਤੀ, ਜੋ ਕਿ ਪਿਛਲੀਆਂ ਬ੍ਰਿਕਸ ਪ੍ਰਧਾਨਗੀਆਂ ਅਧੀਨ ਕੀਤੀਆਂ ਗਈਆਂ ਸਹਿਕਾਰੀ ਗਤੀਵਿਧੀਆਂ ‘ਤੇ ਆਧਾਰਿਤ ਹਨ।
ਇਹ ਵੀ ਪੜ੍ਹੋ
ਮੀਟਿੰਗ ਦੌਰਾਨ, ਬ੍ਰਿਕਸ ਦੇਸ਼ਾਂ ਨੇ ਰੇਜਿਲਿਅੰਸ, ਇਨੋਵੇਸ਼ਨ, ਕੋਪਰੇਸ਼ਨ ਅਤੇ ਸਟੇਨੇਬਿਲਿਟੀ ਦੀਆਂ ਤਰਜੀਹਾਂ ਨੂੰ ਅੱਗੇ ਵਧਾਉਣ ਅਤੇ ਲੋਕ-ਕੇਂਦ੍ਰਿਤ ਪਹੁੰਚ ‘ਤੇ ਆਪਣੇ ਦ੍ਰਿਸ਼ਟੀਕੋਣ ਸਾਂਝੇ ਕੀਤੇ। ਡੈਲੀਗੇਟਾਂ ਨੇ ਨੈਸ਼ਨਲ ਕ੍ਰਾਫਟਸ ਮਿਊਜ਼ੀਅਮ ਅਤੇ ਹਸਤਕਲਾ ਅਕੈਡਮੀ ਅਤੇ ਅਕਸ਼ਰਧਾਮ ਮੰਦਰ ਦਾ ਦੌਰਾ ਕੀਤਾ। BRICS Sherpas ਅਤੇ ਸੂਸ ਸ਼ੇਰਪਾ ਵੱਖ-ਵੱਖ ਥੀਮੈਟਿਕ ਟਰੈਕਾਂ ‘ਤੇ ਕੰਮ ਦਾ ਤਾਲਮੇਲ ਕਰਨ ਲਈ ਸਾਲ ਭਰ ਨਿਯਮਿਤ ਤੌਰ ‘ਤੇ ਮਿਲਣਗੇ।