ਬੰਦ ਹੋਵੇਗੀ BluSmart? ਪ੍ਰਮੋਟਰਸ ਨੇ ਕੀਤਾ ਫਰਾਡ, Funding ਦੇ ਪੈਸਿਆਂ ਨਾਲ ਖਰੀਦਿਆ ਆਲੀਸ਼ਾਨ ਘਰ , ਫਰਮ ਨੂੰ ਬਣਾ ਦਿੱਤਾ Piggy Bank!
BluSmart Cab Service: ਮਾਰਕੀਟ ਰੈਗੂਲੇਟਰ ਸੇਬੀ ਨੇ ਪਾਇਆ ਕਿ ਇੱਕ ਵਾਰ ਜਦੋਂ ਈਵੀ ਖਰੀਦਣ ਲਈ ਪੈਸੇ ਜੇਨਸੋਲ ਤੋਂ ਗੋ-ਆਟੋ ਨੂੰ ਟ੍ਰਾਂਸਫਰ ਕੀਤੇ , ਤਾਂ ਬਾਅਦ ਵਿੱਚ ਕਈ ਮਾਮਲਿਆਂ ਵਿੱਚ ਪੈਸੇ ਜਾਂ ਤਾਂ ਕੰਪਨੀ ਨੂੰ ਵਾਪਸ ਟ੍ਰਾਂਸਫਰ ਕਰ ਦਿੱਤੇ ਗਏ ਜਾਂ ਅਨਮੋਲ ਅਤੇ ਪੁਨੀਤ ਨਾਲ ਜੁੜੀ ਕਿਸੇ ਹੋਰ ਐਂਟਿਟੀ ਨੂੰ ਭੇਜ ਦਿੱਤੇ ਜਾਂਦੇ ਸਨ। ਇੰਨਾ ਹੀ ਨਹੀਂ, ਪ੍ਰਮੋਟਰਾਂ ਨੇ ਪੈਸੇ ਦਾ ਇੱਕ ਹਿੱਸਾ ਆਪਣੇ ਨਿੱਜੀ ਕੰਮ ਲਈ ਵੀ ਖਰਚ ਕੀਤਾ।
BluSmart ਕੈਬ ਸਰਵਿਸ ਤੇਜ਼ੀ ਨਾਲ ਪਾਪੁਲਰ ਹੋ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਪੂਰੀ ਤਰ੍ਹਾਂ EV ਫਲੀਟ ਹੈ, ਭਾਵ ਇਸ ਨਾਲ ਵਾਤਾਵਰਣ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਦਾ। ਪਰ ਹੁਣ ਕੁਝ ਖ਼ਬਰਾਂ ਆ ਰਹੀਆਂ ਹਨ ਜੋ ਦੱਸਦੀਆਂ ਹਨ ਕਿ ਇਹ ਕੰਪਨੀ ਜਲਦੀ ਹੀ ਬੰਦ ਹੋ ਸਕਦੀ ਹੈ। ਕੁਝ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਕੰਪਨੀ ਉਬੇਰ ਦੇ ਨਾਲ ਫਲੀਟ ਪਾਰਟਨਰ ਵਜੋਂ ਵੀ ਜੁੜ ਸਕਦੀ ਹੈ, ਪਰ ਮਾਮਲਾ ਕਾਫ਼ੀ ਗੰਭੀਰ ਹੋ ਗਿਆ ਹੈ। ਕੰਪਨੀ ਦੇ ਸੰਸਥਾਪਕਾਂ ‘ਤੇ ਧੋਖਾਧੜੀ ਦੇ ਆਰੋਪ ਲੱਗੇ ਹਨ ਅਤੇ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ BluSmart ਕੰਪਨੀ ਬਚ ਵੀ ਸਕਦੀ ਹੈ ਜਾਂ ਨਹੀਂ।
ਸੇਬੀ ਨੇ ਬਲੂਸਮਾਰਟ ਅਤੇ ਜੇਨਸੋਲ (Gensol) ਇੰਜੀਨੀਅਰਿੰਗ ਕੰਪਨੀ ਦੇ ਪ੍ਰਮੋਟਰਾਂ ਅਨਮੋਲ ਸਿੰਘ ਜੱਗੀ ਅਤੇ ਪੁਨੀਤ ਸਿੰਘ ਜੱਗੀ ‘ਤੇ ਗੰਭੀਰ ਦੋਸ਼ ਲਗਾਏ ਹਨ। ਸੇਬੀ ਨੇ ਆਪਣੀ ਜਾਂਚ ਵਿੱਚ ਪਾਇਆ ਕਿ ਪ੍ਰਮੋਟਰਾਂ ਨੇ BluSmart ਲਈ ਇਕੱਠੇ ਕੀਤੇ ਪੈਸੇ ਦੇ ਇੱਕ ਵੱਡੇ ਹਿੱਸੇ ਨੂੰ ਜੇਨਸੋਲ ਰਾਹੀਂ ਆਪਣੇ ਨਿੱਜੀ ਉਦੇਸ਼ਾਂ ਲਈ ਵਰਤਿਆ। ਫੰਡਿੰਗ ਦੀ ਵਰਤੋਂ ਕਰਕੇ, ਉਨ੍ਹਾਂ ਨੇ ਗੁਰੂਗ੍ਰਾਮ ਵਿੱਚ ਆਲੀਸ਼ਾਨ ਘਰ ਖਰੀਦਿਆ ਅਤੇ ਆਪਣੀ ਯਾਤਰਾ ਲਈ ਮੇਕ ਮਾਈ ਟ੍ਰਿਪ ਤੋਂ ਇੱਕ ਵੱਡਾ ਟੂਰ ਪੈਕੇਜ ਵੀ ਬੁੱਕ ਕੀਤਾ।
ਕੀ ਹੈ ਪੂਰਾ ਮਾਮਲਾ?
Gensol ਨੇ 2021 ਅਤੇ 2024 ਦੇ ਵਿਚਕਾਰ IREDA ਅਤੇ PFC ਤੋਂ ਲਗਭਗ 664 ਕਰੋੜ ਰੁਪਏ ਦਾ ਟਰਮ ਲੋਨ ਲਿਆ। ਉਨ੍ਹਾਂ ਨੇ ਇਹ ਲੋਨ ਬਲੂਸਮਾਰਟ ਲਈ 6400 ਈਵੀ ਖਰੀਦਣ ਦੇ ਉਦੇਸ਼ ਨਾਲ ਲਿਆ ਸੀ। ਇਸ ਤੋਂ ਇਲਾਵਾ, ਜੇਨਸੋਲ ਕੰਪਨੀ ਨੂੰ 20 ਪ੍ਰਤੀਸ਼ਤ ਦਾ ਵਾਧੂ ਇਕੁਇਟੀ ਮਾਰਜਿਨ ਵੀ ਦੇਣ ਜਾ ਰਿਹਾ ਸੀ। ਇਸਦਾ ਮਤਲਬ ਹੈ ਕਿ EV ਖਰੀਦਣ ਲਈ ਖਰਚ ਹੋਣ ਵਾਲੇ ਕੁੱਲ ਪੈਸੇ ਹੋ ਜਾਂਦੇ ਹਨ ਲਗਭਗ 830 ਕਰੋੜ ਰੁਪਏ।
262.13 ਕਰੋੜ ਰੁਪਏ ਦਾ ਹਿਸਾਬ ਨਹੀਂ
ਫਰਵਰੀ 2025 ਵਿੱਚ, ਕੰਪਨੀ ਨੇ ਇੱਕ ਐਕਸਚੇਂਜ ਫਾਈਲਿੰਗ ਵਿੱਚ ਕਿਹਾ ਕਿ ਉਸਨੇ ਹੁਣ ਤੱਕ ਆਪਣੇ EV ਸਪਲਾਇਰ ਤੋਂ 4704 EV ਖਰੀਦੀਆਂ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਕੰਪਨੀ ਦਾ EV ਸਪਲਾਇਰ Go-Auto ਹੈ, ਜਿਸ ਨੇ ਪੁਸ਼ਟੀ ਕੀਤੀ ਹੈ ਕਿ Gensol ਨੇ 568 ਕਰੋੜ ਰੁਪਏ ਵਿੱਚ 4704 EV ਖਰੀਦੇ ਹਨ। ਸੇਬੀ ਨੇ ਆਪਣੀ ਜਾਂਚ ਵਿੱਚ ਪਾਇਆ ਕਿ ਕਰਜ਼ੇ ਦੀ ਆਖਰੀ ਕਿਸ਼ਤ ਲਏ ਜਾਣ ਤੋਂ ਇੱਕ ਸਾਲ ਤੋਂ ਵੱਧ ਸਮਾਂ ਬੀਤ ਜਾਣ ਦੇ ਬਾਵਜੂਦ, ਲਗਭਗ 262.13 ਕਰੋੜ ਰੁਪਏ ਦਾ ਕੋਈ ਹਿਸਾਬ ਨਹੀਂ ਦਿੱਤਾ ਗਿਆ ਸੀ।
BluSmart cabs can’t be booked anymore… My 630PM cab got cancelled at 6PM – not possible to book a replacement on the app.
ਇਹ ਵੀ ਪੜ੍ਹੋ
This is a product & company which I’ve used extensively (750+ rides) in the past 2 years.
Shame to see it go down this way. It was one of the few reliable
— Rahul Mathur (@Rahul_J_Mathur) April 16, 2025
ਪਹਿਲਾਂ ਪੈਸੇ ਭੇਜੇ, ਫਿਰ ਵਾਪਸ ਆ ਗਏ ਕੁਝ ਪੈਸੇ
ਮਾਰਕੀਟ ਰੈਗੂਲੇਟਰ ਸੇਬੀ ਨੇ ਪਾਇਆ ਕਿ ਇੱਕ ਵਾਰ ਜਦੋਂ ਈਵੀ ਖਰੀਦਣ ਲਈ ਪੈਸੇ ਜੇਨਸੋਲ ਤੋਂ ਗੋ-ਆਟੋ ਨੂੰ ਟ੍ਰਾਂਸਫਰ ਕੀਤੇ , ਤਾਂ ਬਾਅਦ ਵਿੱਚ ਕਈ ਮਾਮਲਿਆਂ ਵਿੱਚ ਪੈਸੇ ਜਾਂ ਤਾਂ ਕੰਪਨੀ ਨੂੰ ਵਾਪਸ ਟ੍ਰਾਂਸਫਰ ਕਰ ਦਿੱਤੇ ਗਏ ਜਾਂ ਅਨਮੋਲ ਅਤੇ ਪੁਨੀਤ ਨਾਲ ਜੁੜੀ ਕਿਸੇ ਹੋਰ ਐਂਟਿਟੀ ਨੂੰ ਭੇਜ ਦਿੱਤੇ ਜਾਂਦੇ ਸਨ। ਇੰਨਾ ਹੀ ਨਹੀਂ, ਪ੍ਰਮੋਟਰਾਂ ਨੇ ਪੈਸੇ ਦਾ ਇੱਕ ਹਿੱਸਾ ਆਪਣੇ ਨਿੱਜੀ ਕੰਮ ਲਈ ਵੀ ਖਰਚ ਕੀਤਾ।
ਫੰਡਿੰਗ ਦੇ ਪੈਸੇ ਨਾਲ ਗੁਰੂਗ੍ਰਾਮ ਵਿੱਚ ਖਰੀਦਿਆ ਅਪਾਰਟਮੈਂਟ
ਸੇਬੀ ਦੇ ਅਨੁਸਾਰ, 2022 ਵਿੱਚ IREDA ਤੋਂ ਕਰਜ਼ਾ ਲੈਣ ਤੋਂ ਬਾਅਦ, Gensol ਨੇ ਫੰਡ ਦਾ ਇੱਕ ਹਿੱਸਾ Go-Auto ਨੂੰ ਟ੍ਰਾਂਸਫਰ ਕਰ ਦਿੱਤਾ। ਗੋ-ਆਟੋ ਨੇ ਉਹ ਪੈਸਾ ਜੇਨਸੋਲ ਦੀ ਇੱਕ ਹੋਰ ਸੰਸਥਾ ਕੈਪਬ੍ਰਿਜ ਨੂੰ ਟ੍ਰਾਂਸਫਰ ਕਰ ਦਿੱਤਾ। ਕੈਪਬ੍ਰਿਜ ਨੇ ਲਗਭਗ 42.94 ਕਰੋੜ ਰੁਪਏ ਡੀਐਲਐਫ ਨੂੰ ਟ੍ਰਾਂਸਫਰ ਕੀਤੇ। ਜਦੋਂ DLF ਤੋਂ ਪੁੱਛਿਆ ਗਿਆ, ਤਾਂ ਇਹ ਖੁਲਾਸਾ ਹੋਇਆ ਕਿ ਪੈਸੇ ਅਸਲ ਵਿੱਚ ਗੁਰੂਗ੍ਰਾਮ ਵਿੱਚ ਇੱਕ ਉਬਰ-ਲਗਜ਼ਰੀ ਪ੍ਰੋਜੈਕਟ, ਦ ਕੈਮੇਲੀਆਸ ਵਿੱਚ ਇੱਕ ਅਪਾਰਟਮੈਂਟ ਖਰੀਦਣ ਲਈ ਭੇਜੇ ਗਏ ਸਨ। ਯਾਨੀ, ਜੇਨਸੋਲ ਨੇ ਈਵੀ ਖਰੀਦਣ ਲਈ ਜੋ ਪੈਸਾ ਇਕੱਠਾ ਕੀਤਾ ਸੀ, ਉਸ ਦੀ ਵਰਤੋਂ ਲੇਅਰਡ ਟ੍ਰਾਂਜੈਕਸ਼ਨਾਂ ਰਾਹੀਂ ਅਪਾਰਟਮੈਂਟ ਖਰੀਦਣ ਲਈ ਕੀਤੀ ਗਈ ਸੀ।
After seeing the debacle of #MeruCabs, which had become the name of quality cab service at one point of time, looks like its time for #BluSmart to go down that same path to oblivion unfortunately, despite having become a reliable cab provider
The #Gensol faux pas may drown it👎🏻 pic.twitter.com/eixzcDQO14
— 𝚎𝚙𝚘𝚗𝚢𝚖𝚘𝚞𝚜 (@TimepassRants) April 16, 2025
ਇੱਧਰ-ਉੱਧਰ ਭੇਜੇ ਪੈਸੇ
ਸੇਬੀ ਦੇ ਆਰਡਰ ਵਿੱਚ ਇੱਕ ਹੋਰ ਕੁਨੈਕਟੇਡ ਕੰਪਨੀ, Wellfray Solar Industries, ਦਾ ਨਾਮ ਹੈ, ਜਿਸ ਨੂੰ ਜੇਨਸੋਲ ਦੁਆਰਾ ਪੈਸੇ ਭੇਜੇ ਗਏ ਸਨ। ਇਸ ਕੰਪਨੀ ਵਿੱਚ ਵੀ ਜੱਗੀ ਬ੍ਰਦਰਜ਼ ਡਾਇਰੈਕਟਰ ਪੱਧਰ ਦੇ ਅਹੁਦਿਆਂ ‘ਤੇ ਹਨ। ਬੈਂਕ ਸਟੇਟਮੈਂਟਾਂ ਤੋਂ ਪਤਾ ਚੱਲਦਾ ਹੈ ਕਿ ਜੇਨਸੋਲ ਨੇ ਵੈੱਲਫ੍ਰੇ ਨੂੰ 424.14 ਕਰੋੜ ਰੁਪਏ ਦਿੱਤੇ, ਜਿਸ ਵਿੱਚੋਂ 382.84 ਕਰੋੜ ਰੁਪਏ ਕਈ ਹੋਰ ਸੰਸਥਾਵਾਂ ਨੂੰ ਟ੍ਰਾਂਸਫਰ ਕੀਤੇ ਗਏ। ਇਸ ਵਿੱਚੋਂ 246.07 ਕਰੋੜ ਰੁਪਏ ਜੇਨਸੋਲ ਨਾਲ ਸਬੰਧਤ ਧਿਰਾਂ ਨੂੰ ਭੇਜੇ ਗਏ। ਜਦੋਂ ਕਿ ਅਨਮੋਲ ਸਿੰਘ ਜੱਗੀ ਨੂੰ 25.76 ਕਰੋੜ ਰੁਪਏ ਅਤੇ ਪੁਨੀਤ ਸਿੰਘ ਜੱਗੀ ਨੂੰ 13.55 ਕਰੋੜ ਰੁਪਏ ਦਿੱਤੇ ਗਏ।
ਟੂਰ ਬੁੱਕ ਕਰਨ ‘ਤੇ ਵੀ ਖਰਚ ਕੀਤੇ ਪੈਸੇ
ਇਸ ਤੋਂ ਇਲਾਵਾ, ਸੇਬੀ ਨੇ ਕਈ ਛੋਟੇ ਅਤੇ ਵੱਡੇ ਲੈਣ-ਦੇਣ ਵੀ ਲੱਭੇ ਹਨ, ਜੋ ਫੰਡਿੰਗ ਪੈਸੇ ਦੀ ਦੁਰਵਰਤੋਂ ਹਨ। ਟੇਲਰਮੇਡ ਤੋਂ ਗੋਲਫ ਸੈੱਟ ਖਰੀਦਣ ਲਈ 26 ਲੱਖ ਰੁਪਏ ਦੀ ਵਰਤੋਂ ਕੀਤੀ ਗਈ ਸੀ। ਜੱਗੀ ਬ੍ਰਦਰਜ਼ ਦੀ ਮਾਂ ਜਸਮਿੰਦਰ ਕੌਰ ਨੂੰ 6.2 ਕਰੋੜ ਰੁਪਏ ਭੇਜੇ ਗਏ। 2.99 ਕਰੋੜ ਰੁਪਏ ਅਨਮੋਲ ਦੀ ਪਤਨੀ ਮੁਗਧਾ ਕੌਰ ਜੱਗੀ ਦੇ ਖਾਤੇ ਵਿੱਚ ਗਏ। 1.86 ਕਰੋੜ ਰੁਪਏ ਵਿੱਚ ਵਿਦੇਸ਼ੀ ਮੁਦਰਾ ਖਰੀਦੀ ਗਈ ਸੀ। ਆਰਣੇ ਨਿੱਜੀ ਖਰਚਿਆਂ ਲਈ ਲਗਭਗ 17.28 ਲੱਖ ਰੁਪਏ ਟਾਈਟਨ ਕੰਪਨੀ ਨੂੰ ਭੇਜੇ ਗਏ ਸਨ। ਡੀਐਲਐਫ ਹੋਮਜ਼ ਨੂੰ 11.75 ਲੱਖ ਰੁਪਏ ਭੇਜੇ ਅਤੇ ਮੇਕ ਮਾਈ ਟ੍ਰਿਪ ਰਾਹੀਂ ਆਪਣੀ ਯਾਤਰਾ ਦੀ ਬੁਕਿੰਗ ‘ਤੇ 3 ਲੱਖ ਰੁਪਏ ਖਰਚ ਕੀਤੇ।
ਕੰਪਨੀ ਨੂੰ ਬਣਾ ਦਿੱਤਾ ਪਿਗੀ ਬੈਂਕ !
ਸੇਬੀ ਨੇ ਸਪੱਸ਼ਟ ਤੌਰ ‘ਤੇ ਕਿਹਾ ਕਿ ਸਟਾਕ ਮਾਰਕੀਟ ਵਿੱਚ ਸੂਚੀਬੱਧ ਕੰਪਨੀ ਜੇਨਸੋਲ ਵਿੱਚ ਬਹੁਤ ਸਾਰੀਆਂ ਬੇਨਿਯਮੀਆਂ ਹੋਈਆਂ ਹਨ। ਪ੍ਰਮੋਟਰ ਇੱਕ ਸੂਚੀਬੱਧ ਕੰਪਨੀ ਇੰਝ ਚਲਾ ਰਹੇ ਸਨ ਜਿਵੇਂ ਇਹ ਇੱਕ ਮਲਕੀਅਤ ਫਰਮ ਹੋਵੇ। ਕੰਪਨੀ ਦੇ ਫੰਡ ਉਨ੍ਹਾਂ ਗਤੀਵਿਧੀਆਂ ‘ਤੇ ਖਰਚ ਕੀਤੇ ਗਏ ਸਨ ਜੋ ਕਿਸੇ ਵੀ ਤਰ੍ਹਾਂ ਕੰਪਨੀ ਨਾਲ ਜੁੜੀਆਂ ਨਹੀਂ ਸਨ। ਪ੍ਰਮੋਟਰਾਂ ਨੇ ਕੰਪਨੀ ਦੇ ਪੈਸੇ ਨੂੰ ਆਪਣੇ ਨਿੱਜੀ ਇਸਤੇਮਾਲ ਲਈ ਇਸ ਤਰ੍ਹਾਂ ਵਰਤਿਆ ਜਿਵੇਂ ਕੰਪਨੀ ਉਨ੍ਹਾਂ ਦਾ ਪਿਗੀ ਬੈਂਕ ਹੋਵੇ।
ਕਰਮਚਾਰੀਆਂ ਨੂੰ ਨਹੀਂ ਮਿਲ ਰਹੀ ਤਨਖਾਹ
ਕਈ ਥਾਵਾਂ ਤੋਂ ਅਜਿਹੀਆਂ ਰਿਪੋਰਟਾਂ ਆ ਰਹੀਆਂ ਹਨ ਕਿ ਬਲੂਸਮਾਰਟ ਦੀ ਐਪ ਕੰਮ ਨਹੀਂ ਕਰ ਰਹੀ ਹੈ। ਕੁਝ ਲੋਕ ਦਾ ਕਹਿਣਾ ਹੈ ਕਿ ਉਹ ਕੈਬ ਬੁੱਕ ਨਹੀਂ ਕਰ ਪਾ ਰਹੇਹਨ। ਇਸ ਦੌਰਾਨ, ਬਲੂਸਮਾਰਟ ਮੋਬਿਲਿਟੀ ਨੇ ਕਥਿਤ ਤੌਰ ‘ਤੇ ਮਾਰਚ ਲਈ ਤਨਖਾਹਾਂ ਦੇ ਭੁਗਤਾਨ ਵਿੱਚ ਦੇਰੀ ਕੀਤੀ ਹੈ ਕਿਉਂਕਿ ਇਲੈਕਟ੍ਰਿਕ ਕੈਬ-ਹੇਲਿੰਗ ਸਟਾਰਟਅੱਪ ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਿਹਾ ਹੈ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਕੰਪਨੀ ਦੇ ਸਹਿ-ਸੰਸਥਾਪਕ ਅਨਮੋਲ ਸਿੰਘ ਜੱਗੀ ਨੇ ਕਰਮਚਾਰੀਆਂ ਨੂੰ ਭੇਜੀ ਗਈ ਇੱਕ ਈਮੇਲ ਵਿੱਚ ਭਰੋਸਾ ਦਿੱਤਾ ਹੈ ਕਿ ਅਪ੍ਰੈਲ ਦੇ ਅੰਤ ਤੱਕ ਸਾਰੇ ਬਕਾਇਆ ਬਕਾਏ ਅਦਾ ਕਰ ਦਿੱਤੇ ਜਾਣਗੇ। ਜੱਗੀ ਨੇ ਈਮੇਲ ਵਿੱਚ ਕਿਹਾ, “ਨਕਦੀ ਪ੍ਰਵਾਹ ਦੀ ਕਮੀ ਦੇ ਕਾਰਨ, ਤਨਖਾਹ ਪ੍ਰਕਿਰਿਆ ਵਿੱਚ ਥੋੜ੍ਹੀ ਦੇਰੀ ਹੋਵੇਗੀ। ਹਾਲਾਂਕਿ, ਅਸੀਂ ਤੁਹਾਨੂੰ ਭਰੋਸਾ ਦਿਵਾਉਣਾ ਚਾਹੁੰਦੇ ਹਾਂ ਕਿ ਅਪ੍ਰੈਲ ਦੀ ਤਨਖਾਹ ਜਲਦੀ ਹੀ ਦਿੱਤੀ ਜਾਵੇਗੀ,।”ਸਾਰੇ ਬਕਾਏ ਇਸ ਸਮੇਂ ਦੇ ਅੰਦਰ ਅਦਾ ਕਰ ਦਿੱਤੇ ਜਾਣਗੇ।”
