ਜੇਮਸ ਬਾਂਡ ਬਣਨ ਦੀ ਚਾਹਤ, 007 ਨੰਬਰ ਪਲੇਟ ਲਈ 8 ਲੱਖ ਤੋਂ ਵੱਧ ਦੀ ਬੋਲੀ
007 ਯਾਨੀ ਜੇਮਸ ਬਾਂਡ...ਇਸ ਨੰਬਰ ਦਾ ਕ੍ਰੇਜ਼ ਅਜਿਹਾ ਹੈ ਕਿ ਲੋਕ ਆਪਣੀ ਕਾਰ 'ਚ ਇਸ ਨੰਬਰ ਵਾਲੀ ਨੰਬਰ ਪਲੇਟ ਲਈ 8 ਲੱਖ ਰੁਪਏ ਤੋਂ ਜ਼ਿਆਦਾ ਖਰਚ ਕਰਨ ਲਈ ਤਿਆਰ ਹਨ। ਅਕਸਰ ਹੀ ਲੋਕ ਵੀਆਈਪੀ ਨੰਬਰਾਂ ਨੂੰ ਆਪਣੀਆਂ ਗੱਡੀਆਂ ਤੇ ਲਗਾਉਣਾ ਚਾਹੁੰਦੇ ਹਨ। ਇੱਕ ਅਜਿਹੀ ਥਾਂ ਹੈ ਜਿੱਥੇ ਲੋਕ ਵੀਆਈਪੀ ਨੰਬਰ ਪਲੇਟਾਂ ਲਈ ਲੱਖਾਂ ਰੁਪਏ ਦੀ ਬੋਲੀ ਲਗਾ ਰਹੇ ਹਨ। ਜੇਕਰ ਤੁਸੀਂ ਵੀ ਆਪਣੀ ਗੱਡੀ ਲਈ ਵੀਆਈਪੀ ਨੰਬਰ ਲੈਣਾ ਚਾਹੁੰਦੇ ਹੋ ਤਾਂ ਅਪਲਾਈ ਕਰ ਸਕਦੇ ਹੋ।
ਲੋਕ ਆਪਣੇ ਸੁਪਨਿਆਂ ਦੀ ਕਾਰ ਖਰੀਦਣ ਲਈ ਲੱਖਾਂ ਰੁਪਏ ਖਰਚ ਕਰਦੇ ਹਨ। ਪਰ ਕੁਝ ਲੋਕ ਇਸ ਤੋਂ ਵੀ ਅੱਗੇ ਜਾ ਕੇ ਲੱਖਾਂ ਰੁਪਏ ਵਿੱਚ ਆਪਣੀਆਂ ਕਾਰਾਂ ਦੀਆਂ ਨੰਬਰ ਪਲੇਟਾਂ ਖਰੀਦ ਲੈਂਦੇ ਹਨ। ਸਰਕਾਰ ਹਰ ਸਾਲ ਨਿਯਮਿਤ ਤੌਰ ‘ਤੇ ਅਜਿਹੇ ਵੀਆਈਪੀ ਨੰਬਰਾਂ ਲਈ ਬੋਲੀ ਮੰਗਦੀ ਹੈ, ਜਿੱਥੇ ਹਰੇਕ ਨੰਬਰ ਲਈ ਕਈ ਦਾਅਵੇਦਾਰ ਅੱਗੇ ਆਉਂਦੇ ਹਨ ਅਤੇ ਫਿਰ ਨੰਬਰ ਪਲੇਟ ਲਈ ਬੋਲੀ ਲਗਾਈ ਜਾਂਦੀ ਹੈ। ਇਹਨਾਂ VIP ਨੰਬਰਾਂ ਵਿੱਚ ਨੰਬਰ 001,002 ਤੋਂ ਲੈ ਕੇ ਜੇਮਸ ਬਾਂਡ ਲੜੀ ਨੰਬਰ 007 ਸ਼ਾਮਲ ਹਨ।
ਹਾਲ ਹੀ ਵਿੱਚ ਨੋਇਡਾ ਜਾਂ UP16 ਲਈ ਵੀਆਈਪੀ ਨੰਬਰਾਂ ਦੀ ਇੱਕ ਲੜੀ ਜਾਰੀ ਕੀਤੀ ਗਈ ਸੀ। ਇਸ ਵਿੱਚ 001 ਤੋਂ 009 ਨੰਬਰਾਂ ਲਈ ਬੋਲੀ ਮੰਗੀ ਗਈ ਸੀ, ਜਿਸ ਵਿੱਚ ਕੁੱਝ ਨੰਬਰਾਂ ਦੀ ਬੋਲੀ 8 ਲੱਖ ਰੁਪਏ ਨੂੰ ਵੀ ਪਾਰ ਕਰ ਗਈ ਸੀ। ਇੱਕ ਨੰਬਰ ਲਈ 14 ਦਾਅਵੇਦਾਰ ਅੱਗੇ ਆਏ।
ਸਭ ਤੋਂ ਮਹਿੰਗਾ ਵਿਕਿਆ 007
ਇਸ ਬੋਲੀ ਵਿੱਚ ਸਭ ਤੋਂ ਮਹਿੰਗਾ ਨੰਬਰ ਜੇਮਸ ਬਾਂਡ ਦਾ 007 ਸੀ। ਇਸ ਦੇ ਲਈ 7 ਦਾਅਵੇਦਾਰਾਂ ਨੇ ਬੋਲੀ ਲਗਾਈ ਅਤੇ ਸਭ ਤੋਂ ਵੱਧ ਬੋਲੀ 8.75 ਲੱਖ ਰੁਪਏ ਰਹੀ।ਇਸੇ ਤਰ੍ਹਾਂ 001 ਸਭ ਤੋਂ ਵੱਧ ਬੋਲੀ ਪ੍ਰਾਪਤ ਕਰਨ ਦੇ ਮਾਮਲੇ ਵਿੱਚ ਦੂਜੇ ਸਥਾਨ ‘ਤੇ ਰਿਹਾ। ਇਸ ਲਈ 8.02 ਲੱਖ ਰੁਪਏ ਦੀ ਬੋਲੀ ਲਗਾਈ ਗਈ ਸੀ, ਜਦਕਿ 14 ਦਾਅਵੇਦਾਰ ਇਸ ਨੂੰ ਖਰੀਦਣ ਲਈ ਤਿਆਰ ਸਨ।
ਇਨ੍ਹਾਂ ਨੰਬਰਾਂ ਤੇ ਲੱਗੀ ਜ਼ਿਆਦਾ ਬੋਲੀ
ਇਸ ਸੂਚੀ ਵਿੱਚ ਸਭ ਤੋਂ ਵੱਧ ਕੀਮਤ 002 ਨੰਬਰ ਲਈ 2.30 ਲੱਖ ਰੁਪਏ, ਨੰਬਰ 003 ਲਈ 1.61 ਲੱਖ ਰੁਪਏ, ਨੰਬਰ 004 ਲਈ 1.95 ਲੱਖ ਰੁਪਏ, ਨੰਬਰ 005 ਲਈ 6.44 ਲੱਖ ਰੁਪਏ, ਨੰਬਰ 006 ਲਈ 1 ਲੱਖ ਰੁਪਏ, ਨੰਬਰ 008 ਲਈ 3.76 ਲੱਖ ਰੁਪਏ ਹੈ। ਰੁਪਏ ਅਤੇ 009 ਨੰਬਰ ਲਈ 6.08 ਲੱਖ ਰੁਪਏ ਦੀ ਬੋਲੀ ਪ੍ਰਾਪਤ ਹੋਈ।
ਨੋਇਡਾ ਦੇ ਟਰਾਂਸਪੋਰਟ ਵਿਭਾਗ ਨੇ ਅਜਿਹੇ 340 ਵੀਆਈਪੀ ਨੰਬਰ ਜਾਰੀ ਕੀਤੇ ਹਨ। ਇਨ੍ਹਾਂ ਲਈ ਬੋਲੀ ਜਮ੍ਹਾਂ ਕਰਵਾਉਣ ਲਈ ਆਨਲਾਈਨ ਪ੍ਰਕਿਰਿਆ ਅਪਣਾਈ ਗਈ ਹੈ। ਲੋਕਾਂ ਨੂੰ ਆਪਣੀਆਂ ਬੋਲੀਆਂ parivahan.in ‘ਤੇ ਜਮ੍ਹਾਂ ਕਰਾਉਣੀਆਂ ਪਈਆਂ। ਬੋਲੀ ਜਮ੍ਹਾਂ ਕਰਵਾਉਣ ਲਈ ਅਜੇ ਇੱਕ ਦਿਨ ਬਾਕੀ ਹੈ।
ਇਹ ਵੀ ਪੜ੍ਹੋ
15 ਲੱਖ ਰੁਪਏ ਤੱਕ ਪਹੁੰਚ ਗਈ ਸੀ ਬੋਲੀ
ਇਸ ਤੋਂ ਪਹਿਲਾਂ ਵੀ ਨੋਇਡਾ ਵਿੱਚ ਵੀਆਈਪੀ ਨੰਬਰ ਪਲੇਟਾਂ ਲਈ ਬੋਲੀ ਮੰਗਵਾਈ ਗਈ ਸੀ। ਉਦੋਂ ਵੀਆਈਪੀ ਨੰਬਰਾਂ ਦੀ ਬੋਲੀ ਦੀ ਕੀਮਤ 15 ਲੱਖ ਰੁਪਏ ਤੱਕ ਪਹੁੰਚ ਗਈ ਸੀ।
