EV ਸੈਗਮੈਂਟ ‘ਚ TVS ਦੀ ਬੱਲੇ-ਬੱਲੇ: 1 ਸਾਲ ‘ਚ ਵੇਚੇ 3 ਲੱਖ ਤੋਂ ਵੱਧ ਈ-ਸਕੂਟਰ, ਇਸ ਮਾਡਲ ਦੀ ਰਹੀ ਭਾਰੀ ਮੰਗ
ਭਾਰਤ ਵਿੱਚ ਇਲੈਕਟ੍ਰਿਕ ਵਾਹਨਾਂ (EV) ਦੀ ਮੰਗ ਲਗਾਤਾਰ ਵਧ ਰਹੀ ਹੈ। ਫਿਲਹਾਲ ਈ-ਕਾਰਾਂ ਦੇ ਮੁਕਾਬਲੇ ਇਲੈਕਟ੍ਰਿਕ ਟੂ-ਵ੍ਹੀਲਰਾਂ ਦੀ ਮੰਗ ਵਿੱਚ ਜ਼ਿਆਦਾ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਪਿਛਲੇ ਕੁਝ ਸਾਲਾਂ ਵਿੱਚ ਇਸ ਸੈਗਮੈਂਟ ਨੇ ਰਫ਼ਤਾਰ ਫੜੀ ਹੈ ਅਤੇ ਕਈ ਨਵੀਆਂ ਕੰਪਨੀਆਂ ਨੇ ਵੀ ਇਸ ਵਿੱਚ ਦਸਤਕ ਦਿੱਤੀ ਹੈ।
ਭਾਰਤ ਵਿੱਚ ਇਲੈਕਟ੍ਰਿਕ ਵਾਹਨਾਂ (EV) ਦੀ ਮੰਗ ਲਗਾਤਾਰ ਵਧ ਰਹੀ ਹੈ। ਫਿਲਹਾਲ ਈ-ਕਾਰਾਂ ਦੇ ਮੁਕਾਬਲੇ ਇਲੈਕਟ੍ਰਿਕ ਟੂ-ਵ੍ਹੀਲਰਾਂ ਦੀ ਮੰਗ ਵਿੱਚ ਜ਼ਿਆਦਾ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਪਿਛਲੇ ਕੁਝ ਸਾਲਾਂ ਵਿੱਚ ਇਸ ਸੈਗਮੈਂਟ ਨੇ ਰਫ਼ਤਾਰ ਫੜੀ ਹੈ ਅਤੇ ਕਈ ਨਵੀਆਂ ਕੰਪਨੀਆਂ ਨੇ ਵੀ ਇਸ ਵਿੱਚ ਦਸਤਕ ਦਿੱਤੀ ਹੈ। ਪਰ TVS ਮੋਟਰ ਇਸ ਖੇਤਰ ਵਿੱਚ ਸਭ ਤੋਂ ਸ਼ਕਤੀਸ਼ਾਲੀ ਕੰਪਨੀ ਵਜੋਂ ਉੱਭਰੀ ਹੈ। ਇਸ ਸੈਗਮੈਂਟ ਵਿੱਚ ਦੇਰੀ ਨਾਲ ਐਂਟਰੀ ਕਰਨ ਦੇ ਬਾਵਜੂਦ, TVS ਹੁਣ ਸਭ ਤੋਂ ਵੱਧ ਇਲੈਕਟ੍ਰਿਕ ਸਕੂਟਰ ਵੇਚਣ ਵਾਲੀ ਕੰਪਨੀ ਬਣ ਗਈ ਹੈ।
TVS ਲਈ ਬੀਤਿਆ ਸਾਲ ਇਤਿਹਾਸਕ ਰਿਹਾ ਹੈ। ਕੰਪਨੀ ਨੇ ਚਾਲੂ ਵਿੱਤੀ ਸਾਲ 2025-26 ਵਿੱਚ 3 ਲੱਖ ਯੂਨਿਟ ਤੋਂ ਵੱਧ ਇਲੈਕਟ੍ਰਿਕ ਸਕੂਟਰ ਵੇਚਣ ਦਾ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ। ਜਨਵਰੀ 2020 ਵਿੱਚ ਈ-ਟੂ ਵ੍ਹੀਲਰ ਬਾਜ਼ਾਰ ਵਿੱਚ ਕਦਮ ਰੱਖਣ ਵਾਲੀ ਇਸ ਕੰਪਨੀ ਨੇ ਪਹਿਲੀ ਵਾਰ ਇੱਕੋ ਵਿੱਤੀ ਸਾਲ ਵਿੱਚ ਇੰਨੀ ਵੱਡੀ ਵਿਕਰੀ ਦਰਜ ਕੀਤੀ ਹੈ।
ਕਈ ਮਹੀਨਿਆਂ ਤੋਂ ਨੰਬਰ-1 ‘ਤੇ ਬਣੀ ਹੋਈ ਹੈ ਕੰਪਨੀ
ਵਾਹਨ ਪੋਰਟਲ ਦੇ ਅੰਕੜਿਆਂ ਅਨੁਸਾਰ, 1 ਅਪ੍ਰੈਲ 2025 ਤੋਂ 17 ਮਾਰਚ ਤੱਕ TVS ਨੇ ਗਾਹਕਾਂ ਨੂੰ 3,09,984 ਇਲੈਕਟ੍ਰਿਕ ਸਕੂਟਰ ਡਿਲੀਵਰ ਕੀਤੇ ਹਨ। SIAM ਦੇ ਅੰਕੜਿਆਂ ਮੁਤਾਬਕ, ਵਿੱਤੀ ਸਾਲ 2026 ਦੇ ਪਹਿਲੇ 11 ਮਹੀਨਿਆਂ ਵਿੱਚ ਕੰਪਨੀ ਨੇ 3,28,744 ਯੂਨਿਟਸ ਭੇਜੀਆਂ ਹਨ, ਜੋ ਪਿਛਲੇ ਸਾਲ ਦੇ ਮੁਕਾਬਲੇ 33% ਵੱਧ ਹਨ। ਅਪ੍ਰੈਲ ਤੋਂ ਸਤੰਬਰ 2025 ਤੱਕ ਕੰਪਨੀ ਲਗਾਤਾਰ ਪਹਿਲੇ ਸਥਾਨ ‘ਤੇ ਰਹੀ। ਹਾਲਾਂਕਿ ਅਕਤੂਬਰ ਵਿੱਚ ਬਜਾਜ ਆਟੋ ਨੇ ਇਸ ਨੂੰ ਪਛਾੜ ਦਿੱਤਾ ਸੀ, ਪਰ ਨਵੰਬਰ ਵਿੱਚ TVS ਨੇ ਮੁੜ ਵਾਪਸੀ ਕੀਤੀ ਅਤੇ ਦਸੰਬਰ, ਜਨਵਰੀ ਤੇ ਫਰਵਰੀ ਵਿੱਚ ਆਪਣੀ ਬੜ੍ਹਤ ਬਣਾਈ ਰੱਖੀ।
ਮੁਕਾਬਲੇਬਾਜ਼ਾਂ ਤੋਂ ਕਿੰਨੀ ਅੱਗੇ ਹੈ TVS?
ਇਲੈਕਟ੍ਰਿਕ ਟੂ-ਵ੍ਹੀਲਰ ਬਾਜ਼ਾਰ ਦੀਆਂ ਹੋਰ ਦਿੱਗਜ ਕੰਪਨੀਆਂ ਅਜੇ ਤੱਕ 3 ਲੱਖ ਦੇ ਅੰਕੜੇ ਦੇ ਨੇੜੇ ਵੀ ਨਹੀਂ ਪਹੁੰਚ ਸਕੀਆਂ ਹਨ।
ਬਜਾਜ: ਦੂਜੇ ਨੰਬਰ ‘ਤੇ ਰਹਿੰਦੇ ਹੋਏ 16 ਮਾਰਚ ਤੱਕ ਲਗਭਗ 2.5 ਲੱਖ ਸਕੂਟਰ ਵੇਚੇ।
ਇਹ ਵੀ ਪੜ੍ਹੋ
ਏਥਰ ਐਨਰਜੀ: 2,15,113 ਸਕੂਟਰਾਂ ਦੀ ਵਿਕਰੀ।
ਓਲਾ: 1,57,286 ਯੂਨਿਟਸ।
ਹੀਰੋ: 1.3 ਲੱਖ ਈ-ਸਕੂਟਰ।
ਪੂਰੇ ਦੇਸ਼ ਦੀਆਂ ਕਰੀਬ 140 ਈ-ਟੂ ਵ੍ਹੀਲਰ ਕੰਪਨੀਆਂ ਵਿੱਚੋਂ ਸਿਰਫ਼ ਇਹ 5 ਕੰਪਨੀਆਂ ਹੀ ਹਨ ਜਿਨ੍ਹਾਂ ਨੇ 1 ਲੱਖ ਤੋਂ ਵੱਧ ਯੂਨਿਟਾਂ ਦੀ ਵਿਕਰੀ ਕੀਤੀ ਹੈ।
ਓਲਾ ਇਲੈਕਟ੍ਰਿਕ ਨੂੰ ਦਿੱਤੀ ਪਛਾੜ
TVS ਭਾਰਤ ਦੀ ਦੂਜੀ ਅਜਿਹੀ ਕੰਪਨੀ ਬਣ ਗਈ ਹੈ ਜਿਸ ਨੇ ਇੱਕ ਵਿੱਤੀ ਸਾਲ ਵਿੱਚ 3 ਲੱਖ ਤੋਂ ਵੱਧ ਈ-ਸਕੂਟਰ ਵੇਚੇ ਹਨ। ਇਸ ਤੋਂ ਪਹਿਲਾਂ ਓਲਾ ਨੇ ਵਿੱਤੀ ਸਾਲ 2025 ਵਿੱਚ 3,44,292 ਯੂਨਿਟ ਵੇਚ ਕੇ ਇਹ ਉਪਲਬਧੀ ਹਾਸਲ ਕੀਤੀ ਸੀ, ਪਰ ਮੌਜੂਦਾ ਸਾਲ ਵਿੱਚ ਓਲਾ ਦੀ ਵਿਕਰੀ ਲਗਭਗ 57% ਤੱਕ ਡਿੱਗ ਗਈ ਹੈ। ਦਿਲਚਸਪ ਗੱਲ ਇਹ ਹੈ ਕਿ TVS ਪਿਛਲੇ ਸਾਲ (2025) ਵਿੱਚ ਸਿਰਫ਼ 754 ਯੂਨਿਟਾਂ ਦੇ ਫਰਕ ਨਾਲ 3 ਲੱਖ ਦੇ ਅੰਕੜੇ ਤੋਂ ਖੁੰਝ ਗਈ ਸੀ। ਹੁਣ ਉਮੀਦ ਹੈ ਕਿ ਵਿੱਤੀ ਸਾਲ 2026 ਦੇ ਅੰਤ ਤੱਕ TVS 3.27 ਲੱਖ ਯੂਨਿਟਾਂ ਦੀ ਰਿਕਾਰਡ ਵਿਕਰੀ ਨਾਲ ਬਾਜ਼ਾਰ ਵਿੱਚ ਨੰਬਰ-1 ਬਣ ਜਾਵੇਗੀ।
iQube ਅਤੇ Orbiter ਮਾਡਲਾਂ ਦੀ ਭਾਰੀ ਮੰਗ
TVS ਦਾ iQube ਦੇਸ਼ ਦਾ ਸਭ ਤੋਂ ਪਸੰਦੀਦਾ ਇਲੈਕਟ੍ਰਿਕ ਸਕੂਟਰ ਬਣਿਆ ਹੋਇਆ ਹੈ, ਜਦਕਿ ਅਗਸਤ 2025 ਵਿੱਚ ਲਾਂਚ ਹੋਇਆ Orbiter ਵੀ ਤੇਜ਼ੀ ਨਾਲ ਪ੍ਰਸਿੱਧ ਹੋ ਰਿਹਾ ਹੈ। ਹਾਲ ਹੀ ਵਿੱਚ 12 ਮਾਰਚ ਨੂੰ ਕੰਪਨੀ ਨੇ ਬੈਟਰੀ-ਐਜ਼-ਏ-ਸਰਵਿਸ (BaaS) ਮਾਡਲ ਸ਼ੁਰੂ ਕੀਤਾ ਹੈ। ਇਸ ਤਹਿਤ ਗਾਹਕ ਘੱਟ ਕੀਮਤ ‘ਤੇ ਸਕੂਟਰ ਖਰੀਦ ਸਕਦੇ ਹਨ ਅਤੇ ਬੈਟਰੀ ਦੀ ਚਿੰਤਾ ਵੀ ਘੱਟ ਹੁੰਦੀ ਹੈ। ਕੰਪਨੀ ਨੇ ਨਵਾਂ Orbiter V1 (1.8 kWh) ਲਾਂਚ ਕੀਤਾ ਹੈ, ਜਿਸ ਦੀ ਦਿੱਲੀ ਵਿੱਚ ਐਕਸ-ਸ਼ੋਰੂਮ ਕੀਮਤ 84,500 ਰੁਪਏ ਹੈ, ਜਦਕਿ BaaS ਮਾਡਲ ਨਾਲ ਇਹ ਸਿਰਫ਼ 49,999 ਰੁਪਏ ਵਿੱਚ ਉਪਲਬਧ ਹੈ।
