400km ਦੀ ਸ਼ਾਨਦਾਰ ਰੇਂਜ! Creta EV ਤੋਂ ਬਾਅਦ ਹੁਣ Tata Harrier EV ਦੀ ਧੱਕ

Hyundai Creta Electric ਤੋਂ ਬਾਅਦ Tata Motors ਦੀ ਮਸ਼ਹੂਰ SUV Harrier EV ਵੀ ਭਾਰਤੀ ਬਾਜ਼ਾਰ ‘ਚ ਗਾਹਕਾਂ ਲਈ ਲਾਂਚ ਹੋਣ ਜਾ ਰਹੀ ਹੈ। ਵਰਤਮਾਨ ਵਿੱਚ, ਟਾਟਾ ਮੋਟਰਜ਼ ਦੀ ਇਲੈਕਟ੍ਰਿਕ ਸੈਗਮੈਂਟ ਵਿੱਚ ਮਜ਼ਬੂਤ ​​ਪਕੜ ਹੈ ਕਿਉਂਕਿ ਕੰਪਨੀ ਕੋਲ ਹਰ ਕੀਮਤ ਵਾਲੇ ਹਿੱਸੇ ਵਿੱਚ ਇਲੈਕਟ੍ਰਿਕ ਕਾਰਾਂ ਉਪਲਬਧ ਹਨ। ਕੰਪਨੀ ਦੇ EV ਲਾਈਨਅੱਪ ਵਿੱਚ Tiago EV, Nexon EV, Punch EV ਅਤੇ Curvv EV ਵਰਗੇ ਵਾਹਨ ਸ਼ਾਮਲ ਹਨ, ਪਰ ਇੱਥੇ ਸਵਾਲ ਇਹ ਹੈ ਕਿ ਹੈਰੀਅਰ ਦਾ ਇਲੈਕਟ੍ਰਿਕ ਅਵਤਾਰ ਕਦੋਂ ਲਾਂਚ ਹੋਵੇਗਾ? ਹਾਲ ਹੀ ‘ਚ ਇੱਕ ਰਿਪੋਰਟ ਸਾਹਮਣੇ ਆਈ ਹੈ ਕਿ ਟਾਟਾ ਹੈਰੀਅਰ ਈਵੀ ਨੂੰ ਮਾਰਚ 2025 ‘ਚ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ ਇਲੈਕਟ੍ਰਿਕ SUV ਦੇ ਪ੍ਰੋਡਕਸ਼ਨ ਮਾਡਲ ਦੀ ਝਲਕ ਆਟੋ ਐਕਸਪੋ 2025 ‘ਚ ਦੇਖੀ ਜਾ ਸਕਦੀ ਹੈ।

Tata Harrier EV: ਵਿਸ਼ੇਸ਼ਤਾਵਾਂ

Harrier ਦੇ ਇਲੈਕਟ੍ਰਿਕ ਅਵਤਾਰ ‘ਚ ਵੱਡਾ 12.3-ਇੰਚ ਟੱਚਸਕਰੀਨ ਇੰਫੋਟੇਨਮੈਂਟ ਸਿਸਟਮ ਦਿੱਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਸਾਹਮਣੇ ਹਵਾਦਾਰ ਸੀਟਾਂ ਤੇ ਅੰਬੀਨਟ ਲਾਈਟਿੰਗ ਦਿੱਤੀ ਜਾ ਸਕਦੀ ਹੈ।

ਬੈਟਰੀ ਅਤੇ ਡਰਾਈਵਿੰਗ ਰੇਂਜ

Harrier EV ਨੂੰ ਡਿਊਲ ਇਲੈਕਟ੍ਰਿਕ ਮੋਟਰ ਨਾਲ ਦਿੱਤਾ ਜਾ ਸਕਦਾ ਹੈ ਅਤੇ ਇਸ SUV ਨੂੰ 60kWh ਅਤੇ 80kWh ਬੈਟਰੀ ਵਿਕਲਪਾਂ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ। ਫਰੰਟ ਵ੍ਹੀਲ ਡਰਾਈਵ ਵਿਕਲਪ ਸਟੈਂਡਰਡ ਵੇਰੀਐਂਟ ਵਿੱਚ ਉਪਲਬਧ ਹੋਵੇਗਾ ਤੇ ਇਸ ਨੂੰ ਸਿੰਗਲ ਮੋਟਰ ਸੈਟਅਪ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ, ਫਿਲਹਾਲ ਇਸ ਵੇਰੀਐਂਟ ਦੀ ਡਰਾਈਵਿੰਗ ਰੇਂਜ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਟਾਟਾ ਮੋਟਰਸ ਦੀ ਇਸ ਇਲੈਕਟ੍ਰਿਕ SUV ਨਾਲ ਤੁਸੀਂ ਸਿੰਗਲ ਚਾਰਜ ‘ਤੇ 400 ਕਿਲੋਮੀਟਰ ਤੱਕ ਦੀ ਡਰਾਈਵਿੰਗ ਰੇਂਜ ਪ੍ਰਾਪਤ ਕਰ ਸਕਦੇ ਹੋ। ਇਸ ਦੇ ਨਾਲ ਹੀ ਜਨਵਰੀ ‘ਚ ਲਾਂਚ ਹੋਣ ਵਾਲੀ Hyundai ਦੀ ਪਹਿਲੀ ਇਲੈਕਟ੍ਰਿਕ SUV Creta ਦੀ ਡਰਾਈਵਿੰਗ ਰੇਂਜ ਦੇ ਬਾਰੇ ‘ਚ ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਇਹ ਕਾਰ ਸਿੰਗਲ ਚਾਰਜ ‘ਤੇ 473 ਕਿਲੋਮੀਟਰ ਤੱਕ ਚੱਲ ਸਕਦੀ ਹੈ।

Tata Harrier EV Price (ਉਮੀਦ)

ਟਾਟਾ ਹੈਰੀਅਰ ਦੇ ਇਲੈਕਟ੍ਰਿਕ ਅਵਤਾਰ ਦੀ ਕੀਮਤ ਦੀ ਗੱਲ ਕਰੀਏ ਤਾਂ ਇਸ ਵਾਹਨ ਦੀ ਸ਼ੁਰੂਆਤੀ ਕੀਮਤ ਲਗਭਗ 30 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੋ ਸਕਦੀ ਹੈ। ਇਹ ਗੱਡੀ BYD Atto 3 ਅਤੇ Mahindra XEV 9e ਨੂੰ ਸਖ਼ਤ ਮੁਕਾਬਲਾ ਦੇਵੇਗੀ।