ਕਾਰ ਦਾ AC ਚਲਾਉਣ ਦੇ ਕੁਝ ਸਮੇਂ ਬਾਅਦ ਇਕੱਠੀ ਹੋ ਜਾਂਦੀ ਹੈ ਭਾਫ਼? ਇਹ ਹੈ ਕਾਰਨ ਤੇ ਇਸ ਤਰ੍ਹਾਂ ਮਿਲੇਗੀ ਰਾਹਤ
ਜੇਕਰ AC ਚਲਾਉਣ ਦੇ ਕੁਝ ਸਮੇਂ ਬਾਅਦ ਤੁਹਾਡੀ ਕਾਰ ਦੇ ਵਿੰਡਸ਼ੀਲਡ ਅਤੇ ਚਾਰੇ ਸ਼ੀਸ਼ਿਆਂ 'ਤੇ ਭਾਫ਼ ਇਕੱਠੀ ਹੋ ਜਾਂਦੀ ਹੈ, ਤਾਂ ਇਹ ਟ੍ਰਿਕ ਅਜ਼ਮਾਓ। ਇਸ ਤੋਂ ਬਾਅਦ ਤੁਸੀਂ ਕਾਰ ਰਾਹੀਂ ਸੁਰੱਖਿਅਤ ਯਾਤਰਾ ਕਰ ਸਕੋਗੇ ਅਤੇ AC ਦੀ ਹਵਾ ਦਾ ਵੀ ਆਨੰਦ ਲੈ ਸਕੋਗੇ। ਇਸ ਦੇ ਲਈ ਤੁਹਾਨੂੰ ਜ਼ਿਆਦਾ ਕੁਝ ਨਹੀਂ ਕਰਨਾ ਪਵੇਗਾ, ਇਸ ਬਾਰੇ ਪੂਰੀ ਜਾਣਕਾਰੀ ਇੱਥੇ ਪੜ੍ਹੋ।
ਅਸੀਂ ਸਾਰੇ ਜਾਣਦੇ ਹਾਂ ਕਿ ਬਰਸਾਤ ਦੇ ਮੌਸਮ ਦੌਰਾਨ ਕਾਰ ਦੀ ਵਿੰਡਸਕਰੀਨ ‘ਤੇ ਭਾਫ਼ ਇਕੱਠੀ ਹੁੰਦੀ ਹੈ। ਪਰ ਕਈ ਵਾਰ ਬਿਨਾਂ ਮੀਂਹ ਦੇ ਵੀ ਕਾਰ ਦਾ ਏਸੀ ਚੱਲਣ ਦੇ ਕੁਝ ਸਮੇਂ ਬਾਅਦ ਭਾਫ਼ ਬਣਨੀ ਸ਼ੁਰੂ ਹੋ ਜਾਂਦੀ ਹੈ। ਇਸ ਕਾਰਨ ਵਿਜ਼ੀਬਿਲਟੀ ਦੀ ਸਮੱਸਿਆ ਪੈਦਾ ਹੋ ਜਾਂਦੀ ਹੈ ਜੋ ਹਾਦਸਿਆਂ ਦਾ ਕਾਰਨ ਵੀ ਬਣਦੀ ਹੈ। ਅਜਿਹੇ ‘ਚ ਇਸ ਭਾਫ਼ ਦੀ ਸਫਾਈ ਕਿਵੇਂ ਕੀਤੀ ਜਾਵੇ? ਇਹ ਜਾਣਨ ਲਈ ਹੇਠਾਂ ਦਿੱਤੀ ਜਾਣਕਾਰੀ ਨੂੰ ਪੜ੍ਹੋ।
ਆਮ ਤੌਰ ‘ਤੇ ਬਰਸਾਤ ਵਿੱਚ ਜੇਕਰ AC ਚੱਲਦੇ ਸਮੇਂ ਕਾਰ ਦੇ ਚਾਰੇ ਪਾਸੇ ਭਾਫ਼ ਬਣ ਜਾਂਦੀ ਹੈ ਤਾਂ ਡੀਫੌਗ ਮੋਡ ਦੀ ਵਰਤੋਂ ਕਰੋ। ਜਦੋਂ ਇਸ ਮੋਡ ਨੂੰ ਚਾਲੂ ਕੀਤਾ ਜਾਂਦਾ ਹੈ ਤਾਂ ਕਾਰ ਦੀ ਵਿੰਡਸਕਰੀਨ ‘ਤੇ ਇਕੱਠੀ ਹੋਈ ਭਾਫ਼ ਨਿਕਲਣ ਲੱਗਦੀ ਹੈ। ਸਭ ਤੋਂ ਚੰਗੀ ਗੱਲ ਇਹ ਹੈ ਕਿ ਇਸ ਮੋਡ ‘ਚ ਕਾਰ ‘ਚ ਏਸੀ ਅਤੇ ਹੀਟਰ ਦੋਵੇਂ ਨਾਲ-ਨਾਲ ਚੱਲਦੇ ਹਨ, ਜਿਸ ਕਾਰਨ ਹਵਾ ਖੁਸ਼ਕ ਹੋ ਜਾਂਦੀ ਹੈ ਅਤੇ ਵਿੰਡਸਕਰੀਨ ਤੋਂ ਭਾਫ ਹੱਟਣ ਲੱਗਦੀ ਹੈ।
ਇਹ ਟ੍ਰਿਕਸ ਆਉਣਗੀਆਂ ਕੰਮ
ਜਦੋਂ ਵੀ ਤੁਹਾਡੇ ਨਾਲ ਅਜਿਹਾ ਹੁੰਦਾ ਹੈ ਤਾਂ ਕਾਰ ਦੇ AC ਨੂੰ ਕੂਲ ਮੋਡ ‘ਤੇ ਸੈੱਟ ਕਰੋ ਅਤੇ ਇਸਦੇ ਵੈਂਟਸ ਦੀ ਦਿਸ਼ਾ ਵਿੰਡਸਕਰੀਨ ਵੱਲ ਮੋੜੋ। ਅਜਿਹਾ ਕਰਨ ਨਾਲ ਵਿੰਡਸਕਰੀਨ ਸਾਫ਼ ਹੋਣ ਲੱਗ ਜਾਵੇਗੀ।
ਇਸ ਤੋਂ ਇਲਾਵਾ ਕਾਰ ‘ਚ ਰੀਸਰਕੁਲੇਸ਼ਨ ਮੋਡ ਨੂੰ ਬੰਦ ਕਰ ਦਿਓ। ਇਹ ਕਾਰ ਦੇ ਅੰਦਰ ਬਾਹਰ ਦੀ ਹਵਾ ਲਿਆਉਂਦਾ ਹੈ ਅਤੇ ਕਾਰ ਦੇ ਅੰਦਰ ਨਮੀ ਨੂੰ ਘਟਾਉਂਦਾ ਹੈ, ਪਰ ਇਹ ਵਿੰਡਸਕਰੀਨ ‘ਤੇ ਭਾਫ਼ ਨੂੰ ਵਧਾ ਸਕਦਾ ਹੈ।
ਇਸ ਲਈ ਲੋੜ ਅਨੁਸਾਰ ਇਸ ਦੀ ਵਰਤੋਂ ਕਰੋ। ਤੁਸੀਂ ਵਿੰਡਸਕ੍ਰੀਨ ਤੋਂ ਭਾਫ਼ ਹਟਾਉਣ ਲਈ ਹੀਟਰ ਦੀ ਵਰਤੋਂ ਵੀ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ
ਵਿੰਡੋ ਖੋਲ ਦਿਓ
ਜੇਕਰ ਤੁਹਾਡੀ ਕਾਰ ਦੇ ਸ਼ੀਸ਼ੇ ਅਤੇ ਵਿੰਡਸਕਰੀਨ ‘ਤੇ ਭਾਫ਼ ਇਕੱਠੀ ਹੋਣ ਲੱਗੀ ਹੈ ਤਾਂ ਇਸ ਨੂੰ ਤੁਰੰਤ ਠੀਕ ਕਰਨ ਲਈ ਕਾਰ ਦੀਆਂ ਖਿੜਕੀਆਂ ਨੂੰ ਥੋੜਾ ਜਿਹਾ ਖੋਲ੍ਹੋ, ਇਸ ਨਾਲ ਬਾਹਰ ਅਤੇ ਅੰਦਰ ਦਾ ਤਾਪਮਾਨ ਬਰਕਰਾਰ ਰਹੇਗਾ ਅਤੇ ਭਾਫ਼ ਬਣਨਾ ਬੰਦ ਹੋ ਜਾਵੇਗਾ। ਇਸ ਤੋਂ ਇਲਾਵਾ, ਤੁਸੀਂ ਡੀਫੋਗਰ ਸਪਰੇਅ ਦੀ ਵਰਤੋਂ ਵੀ ਕਰ ਸਕਦੇ ਹੋ, ਇਹ ਕਾਰ ਦੇ ਸ਼ੀਸ਼ੇ ‘ਤੇ ਭਾਫ਼ ਨੂੰ ਇਕੱਠਾ ਹੋਣ ਤੋਂ ਰੋਕਦਾ ਹੈ। ਇ
ਐਂਟੀ ਫੋਗ ਸਪਰੇਅ
ਤੁਸੀਂ ਇਨ੍ਹਾਂ ਨੂੰ ਆਨਲਾਈਨ ਈ-ਕਾਮਰਸ ਪਲੇਟਫਾਰਮ ‘ਤੇ 200-500 ਰੁਪਏ ‘ਚ ਪ੍ਰਾਪਤ ਕਰ ਸਕਦੇ ਹੋ। ਇਹ ਨਾ ਸਿਰਫ ਕਾਰਾਂ ਲਈ ਫਾਇਦੇਮੰਦ ਹੈ, ਇਹ ਦੋ ਪਹੀਆ ਵਾਹਨਾਂ ਲਈ ਵੀ ਲਾਭਦਾਇਕ ਹੋ ਸਕਦਾ ਹੈ। ਇਸ ਸਮੇਂ ਧੁੰਦ ਦਾ ਮੌਸਮ ਨਹੀਂ ਹੈ, ਇਸ ਲਈ ਤੁਹਾਡੇ ਹੈਲਮੇਟ ‘ਤੇ ਧੁੰਦ ਬਣਨ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਨਹੀਂ ਤਾਂ, ਇਹ ਸਪਰੇਆਂ ਹੈਲਮੇਟ ‘ਤੇ ਜਮਾਂ ਹੋਣ ਵਾਲੀ ਧੁੰਦ ਤੋਂ ਵੀ ਛੁਟਕਾਰਾ ਦਿਵਾਉਂਦੀਆਂ ਹਨ।
