CNG ਕਾਰ ਖਰੀਦਣ ਦਾ ਹੈ ਪਲਾਨ? ਇਨ੍ਹਾਂ ਗੱਡੀਆਂ ‘ਤੇ ਮਿਲ ਰਹੀ ਵੱਡੀ ਛੋਟ, ਮੌਕਾ ਸਿਰਫ ਕੁਝ ਦਿਨਾਂ ਲਈ

Pic Credit: TV9Hindi.com

ਗਾਹਕਾਂ ਵਿੱਚ ਸੀਐਨਜੀ ਕਾਰਾਂ ਦੀ ਬਹੁਤ ਮੰਗ ਹੈ, ਸੀਐਨਜੀ ਵਾਹਨਾਂ ਦੀ ਮੰਗ ਦੇ ਪਿੱਛੇ ਦੋ ਵੱਡੇ ਕਾਰਨ ਹਨ। ਪਹਿਲਾ ਕਾਰਨ ਇਹ ਹੈ ਕਿ CNG ਪੈਟਰੋਲ ਨਾਲੋਂ ਸਸਤੀ ਹੈ ਅਤੇ ਦੂਜਾ, CNG ਕਾਰ ਪੈਟਰੋਲ (Petrol) ਦੇ ਮੁਕਾਬਲੇ ਵਧੀਆ ਮਾਈਲੇਜ ਦਿੰਦੀ ਹੈ। ਜੇਕਰ ਤੁਸੀਂ ਵੀ ਦਸੰਬਰ ‘ਚ ਨਵੀਂ CNG ਕਾਰ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਸੀਂ ਇਸ ਮਹੀਨੇ CNG ਕਾਰ ਖਰੀਦ ਕੇ ਹਜ਼ਾਰਾਂ ਦੀ ਬੱਚਤ ਕਰ ਸਕਦੇ ਹੋ।

ਟਾਟਾ ਮੋਟਰਜ਼, ਹੁੰਡਈ ਅਤੇ ਮਾਰੂਤੀ ਸੁਜ਼ੂਕੀ ਵਰਗੀਆਂ ਕੰਪਨੀਆਂ ਦਸੰਬਰ (December) ਵਿੱਚ ਆਪਣੇ ਸੀਐਨਜੀ ਮਾਡਲ ਸਸਤੇ ਵਿੱਚ ਵੇਚ ਰਹੀਆਂ ਹਨ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਕਿਹੜੇ ਮਾਡਲਾਂ ‘ਤੇ ਡਿਸਕਾਊਂਟ ਮਿਲ ਸਕਦਾ ਹੈ।

Tata Tiago CNG ਦੀ ਭਾਰਤ ਵਿੱਚ ਕੀਮਤ

ਤੁਸੀਂ Tata Tiago ਨੂੰ ਖਰੀਦ ਕੇ 30 ਹਜ਼ਾਰ ਰੁਪਏ ਦੀ ਬਚਤ ਕਰ ਸਕੋਗੇ, ਇਸ ਹੈਚਬੈਕ ਦੀ ਕੀਮਤ 5,59,900 ਰੁਪਏ (ਐਕਸ-ਸ਼ੋਰੂਮ) ਤੋਂ 7,14,900 ਰੁਪਏ (ਐਕਸ-ਸ਼ੋਰੂਮ) ਤੱਕ ਹੈ।

ਭਾਰਤ ਵਿੱਚ Tigor CNG ਦੀ ਕੀਮਤ

ਇਸ ਟਾਟਾ ਮੋਟਰਸ ਕਾਰ ਦੇ CNG ਵੇਰੀਐਂਟ ‘ਤੇ ਤੁਸੀਂ 35 ਹਜ਼ਾਰ ਰੁਪਏ ਤੱਕ ਦੀ ਬਚਤ ਕਰ ਸਕਦੇ ਹੋ। ਇਸ ਕਾਰ ਦੇ CNG ਮਾਡਲ ਦੀ ਕੀਮਤ 7,79,900 ਰੁਪਏ (ਐਕਸ-ਸ਼ੋਰੂਮ, ਦਿੱਲੀ) ਤੋਂ ਸ਼ੁਰੂ ਹੁੰਦੀ ਹੈ।

ਭਾਰਤ ਵਿੱਚ Hyundai Aura ਦੀ ਕੀਮਤ

ਇਸ ਹੁੰਡਈ ਕਾਰ ‘ਤੇ ਦਸੰਬਰ ‘ਚ 20 ਹਜ਼ਾਰ ਰੁਪਏ ਤੱਕ ਦਾ ਕੈਸ਼ ਡਿਸਕਾਊਂਟ, 10 ਹਜ਼ਾਰ ਰੁਪਏ ਤੱਕ ਦਾ ਐਕਸਚੇਂਜ ਡਿਸਕਾਊਂਟ ਅਤੇ 3 ਹਜ਼ਾਰ ਰੁਪਏ ਤੱਕ ਦਾ ਕਾਰਪੋਰੇਟ ਡਿਸਕਾਊਂਟ ਮਿਲ ਰਿਹਾ ਹੈ। ਇਸ ਕਾਰ ਦੇ CNG ਮਾਡਲ ਦੀ ਕੀਮਤ 8,22,800 ਰੁਪਏ (ਐਕਸ-ਸ਼ੋਰੂਮ, ਦਿੱਲੀ) ਤੋਂ 8,99,800 ਰੁਪਏ (ਐਕਸ-ਸ਼ੋਰੂਮ, ਦਿੱਲੀ) ਤੱਕ ਹੈ।

ਭਾਰਤ ਵਿੱਚ Maruti Suzuki Celerio ਦੀ ਕੀਮਤ

ਮਾਰੂਤੀ ਸੁਜ਼ੂਕੀ ਦੀ ਇਸ ਹੈਚਬੈਕ ‘ਤੇ ਤੁਸੀਂ ਕੁੱਲ 50 ਹਜ਼ਾਰ ਰੁਪਏ ਤੱਕ ਦੀ ਬਚਤ ਕਰ ਸਕਦੇ ਹੋ, ਇਸ ਵਾਹਨ ਨਾਲ ਤੁਹਾਨੂੰ 30 ਹਜ਼ਾਰ ਰੁਪਏ ਤੱਕ ਦਾ ਕੈਸ਼ ਡਿਸਕਾਊਂਟ ਅਤੇ 20 ਹਜ਼ਾਰ ਰੁਪਏ ਤੱਕ ਦਾ ਐਕਸਚੇਂਜ ਡਿਸਕਾਊਂਟ ਮਿਲ ਰਿਹਾ ਹੈ। ਇਸ ਕਾਰ ਦੇ CNG ਵੇਰੀਐਂਟ ਦੀ ਕੀਮਤ 6,37,500 ਰੁਪਏ (ਐਕਸ-ਸ਼ੋਰੂਮ) ਹੈ।

Hyundai Grand i10 Nios CNG ਦੀ ਭਾਰਤ ਵਿੱਚ ਕੀਮਤ

ਇਸ ਮਸ਼ਹੂਰ ਹੈਚਬੈਕ ‘ਤੇ ਦਸੰਬਰ ‘ਚ 35 ਹਜ਼ਾਰ ਰੁਪਏ ਤੱਕ ਦਾ ਕੈਸ਼ ਡਿਸਕਾਊਂਟ, 10 ਹਜ਼ਾਰ ਰੁਪਏ ਤੱਕ ਦਾ ਐਕਸਚੇਂਜ ਡਿਸਕਾਊਂਟ ਅਤੇ 3 ਹਜ਼ਾਰ ਰੁਪਏ ਤੱਕ ਦਾ ਕਾਰਪੋਰੇਟ ਡਿਸਕਾਊਂਟ ਮਿਲ ਰਿਹਾ ਹੈ। ਇਸ ਕਾਰ ਦੀ ਕੀਮਤ 7,68,300 ਰੁਪਏ (ਐਕਸ-ਸ਼ੋਰੂਮ) ਤੋਂ 8,22,950 ਰੁਪਏ (ਐਕਸ-ਸ਼ੋਰੂਮ) ਹੈ।

ਧਿਆਨ ਦਿਓ

ਉੱਪਰ ਦੱਸੇ ਗਏ ਵਾਹਨਾਂ ਦੇ ਨਾਲ ਉਪਲਬਧ ਪੇਸ਼ਕਸ਼ਾਂ ਇੱਕ ਸੂਬੇ ਤੋਂ ਦੂਜੇ ਸੂਵੇ ਵਿੱਚ ਵੱਖ-ਵੱਖ ਹੋ ਸਕਦੀਆਂ ਹਨ। ਅਜਿਹੀ ਸਥਿਤੀ ਵਿੱਚ, ਆਪਣੇ ਸੂਬੇ ਵਿੱਚ ਚੱਲ ਰਹੇ ਪੇਸ਼ਕਸ਼ਾਂ ਬਾਰੇ ਸਹੀ ਜਾਣਕਾਰੀ ਲਈ ਨਜ਼ਦੀਕੀ ਡੀਲਰ ਨਾਲ ਸੰਪਰਕ ਕਰੋ। ਤੁਸੀਂ 31 ਦਸੰਬਰ ਤੱਕ ਉਪਰੋਕਤ ਵਾਹਨਾਂ ਦੇ ਨਾਲ ਉਪਲਬਧ ਪੇਸ਼ਕਸ਼ਾਂ ਦਾ ਲਾਭ ਲੈ ਸਕੋਗੇ।