ਕਿੰਨਾ ਸੇਫ ਹੈ ਤੁਹਾਡਾ ਸਫਰ, ਕੀ ਬੱਸਾਂ ਅਤੇ ਟਰੱਕਾਂ ਦੀ ਵੀ ਹੁੰਦੀ ਹੈ ਕਾਰਾਂ ਵਾਂਗ ਸੇਫਟੀ ਰੇਟਿੰਗ?
Truck Crash Test Safety Ratings: ਤੁਸੀਂ ਟਾਟਾ ਮੋਟਰਜ਼ ਅਤੇ ਮਹਿੰਦਰਾ ਦੀਆਂ ਕਾਰਾਂ ਨੂੰ 5 ਸਟਾਰ ਸੇਫਟੀ ਰੇਟਿੰਗ ਲੈਂਦਿਆ ਜਰੂਰ ਦੇਖਿਆ ਗਿਆ, ਪਰ ਕੀ ਤੁਸੀਂ ਕਦੇ ਕਿਸੇ ਬੱਸ ਜਾਂ ਟਰੱਕ ਦੀ ਸੇਫਟੀ ਰੇਟਿੰਗ ਬਾਰੇ ਸੁਣਿਆ ਹੈ? ਟਰੱਕਾਂ ਅਤੇ ਬੱਸਾਂ ਨਾਲ ਹਰ ਰੋਜ਼ ਹਜ਼ਾਰਾਂ ਹਾਦਸੇ ਵਾਪਰਦੇ ਹਨ, ਜਿਨ੍ਹਾਂ ਵਿੱਚ ਕਈ ਲੋਕ ਆਪਣੀ ਜਾਨ ਗੁਆ ਲੈਂਦੇ ਹਨ। ਅਜਿਹੀ ਸਥਿਤੀ ਵਿੱਚ, ਕੀ ਸਾਡੇ ਦੇਸ਼ ਵਿੱਚ ਬੱਸਾਂ ਜਾਂ ਟਰੱਕਾਂ ਨੂੰ ਸੁਰੱਖਿਆ ਰੇਟਿੰਗ ਮਿਲਦੀ ਹੈ? ਆਓ ਜਾਣਦੇ ਹਾਂ।
Bus Crash Test Safety Ratings: ਦੇਸ਼ ਵਿੱਚ ਸੇਫ਼ ਕਾਰਾਂ ਦੀ ਗਿਣਤੀ ਤੇਜ਼ੀ ਨਾਲ ਵੱਧ ਰਹੀ ਹੈ। ਹੁਣ ਭਾਰਤ NCAP ਕਰੈਸ਼ ਟੈਸਟ ਵੀ ਸ਼ੁਰੂ ਹੋ ਗਿਆ ਹੈ, ਜਿਸ ਵਿੱਚ ਕਾਰਾਂ ਦੇ ਸੁਰੱਖਿਆ ਵਿਸ਼ੇਸ਼ਤਾਵਾਂ ਨੂੰ ਟੈਸਟ ਕਰਨ ਤੋਂ ਬਾਅਦ ਸੇਫਟੀ ਰੇਟਿੰਗ ਦਿੱਤੀ ਜਾਂਦੀ ਹੈ। ਟਾਟਾ ਮੋਟਰਜ਼ ਅਤੇ ਮਹਿੰਦਰਾ ਵਰਗੇ ਆਟੋ ਬ੍ਰਾਂਡ 5 ਸਟਾਰ ਸੇਫਟੀ ਰੇਟਿੰਗ ਵਾਲੀਆਂ ਕਈ ਕਾਰਾਂ ਬਣਾਉਂਦੇ ਹਨ। ਕੀ ਕਾਰਾਂ ਵਾਂਗ ਬੱਸਾਂ ਅਤੇ ਟਰੱਕਾਂ ਦੇ ਵੀ ਕਰੈਸ਼ ਟੈਸਟ ਕੀਤੇ ਜਾਂਦੇ ਹਨ? ਕੀ ਬੱਸਾਂ ਅਤੇ ਟਰੱਕਾਂ ਨੂੰ ਵੀ ਸੁਰੱਖਿਆ ਰੇਟਿੰਗ ਦਿੱਤੀ ਗਈ ਹੈ? ਇਹ ਸਵਾਲ ਮਹੱਤਵਪੂਰਨ ਹੈ ਕਿਉਂਕਿ ਸਾਡੇ ਦੇਸ਼ ਵਿੱਚ ਬੱਸਾਂ ਅਤੇ ਟਰੱਕਾਂ ਕਾਰਨ ਹਰ ਰੋਜ਼ ਹਜ਼ਾਰਾਂ ਸੜਕ ਹਾਦਸੇ ਵਾਪਰਦੇ ਹਨ।
ਜੇਕਰ ਬੱਸਾਂ ਅਤੇ ਟਰੱਕ ਸੇਫ਼ ਰਹਿਣਗੇ ਤਾਂ ਇਹ ਦੁਰਘਟਨਾ ਵਿੱਚ ਜਾਨੀ ਨੁਕਸਾਨ ਅਤੇ ਸੱਟਾਂ ਤੋਂ ਬਚਣ ਵਿੱਚ ਮਦਦ ਮਿਲੇਗੀ। ਭਾਰਤ ਵਿੱਚ ਭਾਰਤ NCAP ਦੀ ਸ਼ੁਰੂਆਤ ਹੋਈ ਹੈ, ਪਰ ਇਸ ਵਿੱਚ ਸਿਰਫ ਕਾਰਾਂ ਦਾ ਹੀ ਕਰੈਸ਼ ਟੈਸਟ ਕੀਤਾ ਜਾਂਦਾ ਹੈ। ਵਰਤਮਾਨ ਵਿੱਚ, ਦੇਸ਼ ਵਿੱਚ ਕਾਰਾਂ ਦੀ ਤਰ੍ਹਾਂ ਬੱਸਾਂ ਅਤੇ ਟਰੱਕਾਂ ਲਈ ਭਾਰਤ NCAP ਵਰਗੀ ਕੋਈ ਕਰੈਸ਼ ਟੈਸਟਿੰਗ ਏਜੰਸੀ ਨਹੀਂ ਹੈ। ਇਸੇ ਕਰਕੇ ਬੱਸਾਂ ਅਤੇ ਟਰੱਕਾਂ ਨੂੰ ਸੁਰੱਖਿਆ ਰੇਟਿੰਗ ਨਹੀਂ ਮਿਲਦੀ।
ਬਿਨਾਂ ਸੇਫਟੀ ਰੇਟਿੰਗ ਕਿਵੇਂ ਸੇਫ ਹੋਵਣ ਬੱਸ ਅਤੇ ਟਰੱਕ ?
ਜਦੋਂ ਬੱਸਾਂ ਅਤੇ ਟਰੱਕਾਂ ਦੀਆਂ ਸੁਰੱਖਿਆ ਰੇਟਿੰਗ ਨਹੀਂ ਹੁੰਦੀ, ਤਾਂ ਸਾਨੂੰ ਕਿਵੇਂ ਪਤਾ ਲੱਗੇਗਾ ਕਿ ਬੱਸ ਜਾਂ ਟਰੱਕ ਸੁਰੱਖਿਅਤ ਹੈ ਜਾਂ ਨਹੀਂ? ਅਜਿਹਾ ਨਹੀਂ ਹੈ ਕਿ ਕੋਈ ਵਾਹਨ ਸਿਰਫ ਕਰੈਸ਼ ਟੈਸਟ ਨਾਲ ਸੇਫ਼ ਹੋ ਜਾਂਦਾ ਹੈ। ਇਹ ਸਿਰਫ਼ ਇੱਕ ਟੈਸਟ ਹੈ ਜਿਸ ਵਿੱਚ ਸੁਰੱਖਿਆ ਵਿਸ਼ੇਸ਼ਤਾਵਾਂ ਦੀ ਜਾਂਚ ਕੀਤੀ ਜਾਂਦੀ ਹੈ। ਜਦੋਂ ਤੱਕ ਭਾਰਤ ਵਿੱਚ ਸਰਕਾਰ ਬੱਸ-ਟਰੱਕਾਂ ਲਈ ਕਰੈਸ਼ ਟੈਸਟ ਏਜੰਸੀ ਦੀ ਸਹੂਲਤ ਨਹੀਂ ਲਿਆਉਂਦੀ, ਉਦੋਂ ਤੱਕ ਬੱਸਾਂ ਅਤੇ ਟਰੱਕਾਂ ਨੂੰ ਬਿਹਤਰ ਸੇਫਟੀ ਫੀਚਰ ਜੋੜ ਕੇ ਸੁਰੱਖਿਅਤ ਬਣਾਇਆ ਜਾ ਸਕਦਾ ਹੈ।
ਬੱਸ-ਟਰੱਕ ਵਿੱਚ ਹੋਣੇ ਚਾਹੀਦੇ ਹਨ ਸੇਫਟੀ ਫੀਚਰਸ
ਆਓ ਜਾਣਦੇ ਹਾਂ ਕਿ ਬੱਸਾਂ ਅਤੇ ਟਰੱਕਾਂ ਵਿੱਚ ਕਿਹੜੀਆਂ ਸੁਰੱਖਿਆ ਵਿਸ਼ੇਸ਼ਤਾਵਾਂ ਹੋਣੀਆਂ ਚਾਹੀਦੀਆਂ ਹਨ, ਤਾਂ ਜੋ ਭਾਰਤ ਵਿੱਚ ਸੜਕ ਸੁਰੱਖਿਆ ਨੂੰ ਉਤਸ਼ਾਹਿਤ ਕੀਤਾ ਜਾ ਸਕੇ।
ਬੱਸ ਦੇ ਸੇਫਟੀ ਫੀਚਰਸ
ਕੋਲਿਜ਼ਨ ਵਾਰਨਿੰਗ ਵਿਦ ਐਮਰਜੈਂਸੀ ਬ੍ਰੇਕ
ਅਡੈਪਟਿਵ ਕਰੂਜ਼ ਕੰਟਰੋਲ
ਇੰਟੈਲੀਜੈਂਸ ਸਪੀਡ ਅਸਿਸਟੈਂਟ
ਸਾਈਡ ਕੋਲਿਜ਼ਨ ਅਵਾਇਡੈਂਸ ਸਪੋਰਟ
ਫਰੰਟ ਸ਼ਾਰਟ ਰੇਂਜ ਅਸਿਸਟ
ਲੇਨ ਚੇਂਜ ਸਪੋਰਟ
ਲੇਨ ਕੀਪਿੰਗ ਸਪੋਰਟ
ਡਰਾਈਵਰ ਅਲਰਟ ਸਿਸਟਮ
ਟਾਇਰ ਪ੍ਰੈਸ਼ਰ ਮਾਨੀਟਰਿੰਗ ਸਿਸਟਮ
ਇਹ ਵੀ ਪੜ੍ਹੋ
ਟਰੱਕ ਦੇ ਸੇਫਟੀ ਫੀਚਰਸ
ਐਂਟੀ-ਲਾਕ ਬ੍ਰੇਕਿੰਗ ਸਿਸਟਮ
ਟ੍ਰੈਕਸ਼ਨ ਕੰਟਰੋਲ
ਇਲੈਕਟ੍ਰਾਨਿਕ ਸਟੇਬਿਲਿਟੀ ਕੰਟਰੋਲ
ਹਿੱਲ ਹੋਲਟ ਅਸਿਸਟ
ਕਨੈਕਟੇਡ ਵ੍ਹੀਕਲ ਫੀਚਰਸ
ਇਸ ਤੋਂ ਇਲਾਵਾ, ਬੱਸਾਂ ਅਤੇ ਟਰੱਕਾਂ ਵਿੱਚ ਐਡਵਾਂਸਡ ਡ੍ਰਾਈਵਰ ਅਸਿਸਟੈਂਸ ਸਿਸਟਮ (ADAS) ਹੋਣਾ ਚਾਹੀਦਾ ਹੈ, ਜਿਸ ਵਿੱਚ ਕੋਲਿਡ਼ਨ ਮਿਟੀਗੇਸ਼ਨ ਸਿਸਟਮ, ਲੇਨ ਡਿਪਾਰਚਰ ਵਾਰਨਿੰਗ ਸਿਸਟਮ, ਡਰਾਈਵਰ ਸਲੀਪ ਮਾਨੀਟਰਿੰਗ ਸਿਸਟਮ ਜਾਂ ਇਨਅਟੈਨਸ਼ਨ ਸਿਸਟਮ ਅਤੇ ਆਨ-ਬੋਰਡ ਟਾਇਰ ਪ੍ਰੈਸ਼ਰ ਮਾਨੀਟਰਿੰਗ ਸਿਸਟਮ ਸ਼ਾਮਲ ਹਨ।
ਯੂਰਪ ਵਿੱਚ Euro NCAP ਏਜੰਸੀ ਟਰੱਕਾਂ ਦੇ ਸੁਰੱਖਿਆ ਟੈਸਟ ਕਰਵਾਉਂਦੀ ਹੈ। ਇਸ ਵਿੱਚ ਵੋਲਵੋ ਦੇ ਕਈ ਟਰੱਕਾਂ ਨੂੰ 5 ਸਟਾਰ ਸੇਫਟੀ ਰੇਟਿੰਗ ਮਿਲੀ ਹੈ। ਸੁਰੱਖਿਆ ਜਾਂਚ ਦੌਰਾਨ, ਟਰੱਕ ਕੈਬਿਨ ਦੀ ਸੇਫਟੀ ਅਤੇ ਸਿਕਓਰਿਟੀ ਦੀ ਜਾਂਚ ਕੀਤੀ ਜਾਂਦੀ ਹੈ।
