ਬਾਂਗਲਾਦੇਸ਼ ਦੇ ਸਾਬਕਾ ਕ੍ਰਿਕੇਟਰ ਮਸ਼ਰਫੇ ਮੁਰਤਜ਼ਾ ਦਾ ਘਰ ਸਾੜਿਆ!, ਸੋਸ਼ਲ ਮੀਡੀਆ ‘ਤੇ ਪੋਸਟ ਹੋ ਰਹੀ ਵਾਇਰਲ

ਬਾਂਗਲਾਦੇਸ਼ ਦੇ ਸਾਬਕਾ ਮਸ਼ਰਫੇ ਮੁਰਤਜ਼ਾ ਦਾ ਘਰ ਸਾੜਿਆ! (Photo: X)

Viral Video: ਬਾਂਗਲਾਦੇਸ਼ ਵਿੱਚ ਫੈਲ ਰਹੀ ਦੰਗਿਆਂ ਦੀ ਅੱਗ ਨੇ ਭਿਆਨਕ ਰੂਪ ਧਾਰਨ ਕਰ ਲਿਆ ਹੈ।ਪ੍ਰਦਰਸ਼ਨਕਾਰੀਆਂ ਦੀ ਹਿੰਸਾ ਰੁਕਣ ਦਾ ਕੋਈ ਸੰਕੇਤ ਨਹੀਂ ਦੇ ਰਹੀ ਹੈ। ਰੋਡ ਤੋਂ ਲੈ ਕੇ ਪੀਐੱਮ ਦੀ ਰਿਹਾਇਸ਼ ਤੱਕ ਸਭ ਕੁਝ ਉਨ੍ਹਾਂ ਦੇ ਕੰਟਰੋਲ ‘ਚ ਹੈ। ਪ੍ਰਦਰਸ਼ਨਕਾਰੀਆਂ ਵੱਲੋਂ ਪੈਦਾ ਕੀਤੀ ਹਫੜਾ-ਦਫੜੀ ਦਾ ਅਸਰ ਹਰ ਪਾਸੇ ਸਾਫ਼ ਨਜ਼ਰ ਆ ਰਿਹਾ ਹੈ। ਅਤੇ ਹੁਣ ਕ੍ਰਿਕਟ ਵੀ ਦੰਗਿਆਂ ਦੀ ਇਸ ਅੱਗ ਵਿੱਚ ਸੜਨ ਤੋਂ ਨਹੀਂ ਬਚਿਆ ਹੈ। ਸੋਸ਼ਲ ਮੀਡੀਆ ‘ਤੇ ਆ ਰਹੀਆਂ ਖਬਰਾਂ ਮੁਤਾਬਕ ਪ੍ਰਦਰਸ਼ਨਕਾਰੀਆਂ ਨੇ ਬੰਗਲਾਦੇਸ਼ ਦੇ ਕਈ ਮਸ਼ਹੂਰ ਕ੍ਰਿਕਟਰਾਂ ਦੇ ਘਰ ਸਾੜ ਦਿੱਤੇ ਹਨ। ਦੇਸ਼ ‘ਚ ਫੈਲੀ ਹਿੰਸਾ ਕਾਰਨ ਬੰਗਲਾਦੇਸ਼ ਕ੍ਰਿਕਟ ਬੋਰਡ ਨੂੰ ਵੀ ਕ੍ਰਿਕਟ ਸੀਰੀਜ਼ ਦੀ ਯੋਜਨਾ ਬਦਲਣ ਲਈ ਮਜ਼ਬੂਰ ਹੋਣਾ ਪਿਆ ਹੈ।

ਬਾਂਗਲਾਦੇਸ਼ ਕ੍ਰਿਕਟ ਬੋਰਡ ਨੇ 5 ਅਗਸਤ ਨੂੰ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਉਹ ਆਪਣੀ ਏ-ਟੀਮ ਦੇ ਪਾਕਿਸਤਾਨ ਦੌਰੇ ਵਿੱਚ ਬਦਲਾਅ ਕਰੇਗਾ। ਆਪਣੇ ਦੇਸ਼ ਦੀ ਅੰਦਰੂਨੀ ਸਥਿਤੀ ਨੂੰ ਦੇਖਦੇ ਹੋਏ ਉਸ ਨੂੰ ਇਹ ਫੈਸਲਾ ਲੈਣ ਲਈ ਮਜਬੂਰ ਹੋਣਾ ਪਿਆ ਹੈ। ਬੰਗਲਾਦੇਸ਼ ਏ ਟੀਮ ਨੇ 6 ਅਗਸਤ ਨੂੰ ਪਾਕਿਸਤਾਨ ਲਈ ਰਵਾਨਾ ਹੋਣਾ ਸੀ। ਇਸ ਦੌਰੇ ‘ਤੇ ਉਸ ਨੂੰ ਪਾਕਿਸਤਾਨ ਦੀ ਏ ਟੀਮ ਯਾਨੀ ਸ਼ਾਹੀਨਸ ਦੇ ਖਿਲਾਫ 2 ਚਾਰ ਦਿਨਾ ਮੈਚ ਅਤੇ 3 ਵਨਡੇ ਸੀਰੀਜ਼ ਖੇਡਣੀ ਸੀ।

ਬਾਂਗਲਾਦੇਸ਼ੀ ਕ੍ਰਿਕਟਰਾਂ ਦੇ ਘਰ ਸਾੜ ਦਿੱਤੇ

ਬਾਂਗਲਾਦੇਸ਼ ਕ੍ਰਿਕਟ ਲਈ ਸਭ ਤੋਂ ਬੁਰੀ ਖਬਰ ਇਸ ਦੇ ਖਿਡਾਰੀਆਂ ਦੇ ਘਰਾਂ ਨੂੰ ਸਾੜਨਾ ਸੀ। ਸੋਸ਼ਲ ਮੀਡੀਆ ‘ਤੇ ਫੈਲੀਆਂ ਖਬਰਾਂ ਮੁਤਾਬਕ ਪ੍ਰਦਰਸ਼ਨਕਾਰੀਆਂ ਨੇ ਬਾਂਗਲਾਦੇਸ਼ ‘ਚ ਸਾਬਕਾ ਕ੍ਰਿਕਟਰ ਮਸ਼ਰਫੇ ਮੁਰਤਜ਼ਾ ਅਤੇ ਵਿਕਟਕੀਪਰ ਬੱਲੇਬਾਜ਼ ਲਿਟਨ ਦਾਸ ਦੇ ਘਰਾਂ ‘ਤੇ ਹਮਲਾ ਕਰਕੇ ਅੱਗ ਲਗਾ ਦਿੱਤੀ। ਹਾਲਾਂਕਿ ਸਾਡੇ ਵੱਲੋਂ ਇਨ੍ਹਾਂ ਖਬਰਾਂ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ।

ਇੱਕ ਪਾਸੇ ਜਿੱਥੇ ਦੰਗਿਆਂ ਦੀ ਅੱਗ ਵਿੱਚ ਬੰਗਲਾਦੇਸ਼ੀ ਕ੍ਰਿਕਟਰਾਂ ਦੇ ਘਰ ਸੜ ਜਾਣ ਦੀ ਖ਼ਬਰ ਹੈ, ਉੱਥੇ ਹੀ ਇਸ ਦਾ ਅਸਰ ਕ੍ਰਿਕਟ ‘ਤੇ ਵੀ ਦੇਖਣ ਨੂੰ ਮਿਲਿਆ। ਮਹਿਲਾ ਟੀ-20 ਵਿਸ਼ਵ ਕੱਪ ਬੰਗਲਾਦੇਸ਼ ‘ਚ ਖੇਡਿਆ ਜਾਣਾ ਹੈ, ਜਿਸ ਨੂੰ ਲੈ ਕੇ ਆਈਸੀਸੀ ਲਗਾਤਾਰ ਉੱਥੇ ਦੀ ਸਥਿਤੀ ‘ਤੇ ਨਜ਼ਰ ਰੱਖ ਰਹੀ ਹੈ। ਹਾਲਾਤ ਠੀਕ ਨਾ ਹੋਣ ‘ਤੇ ਟੂਰਨਾਮੈਂਟ ਨੂੰ ਭਾਰਤ ਜਾਂ ਯੂਏਈ ‘ਚ ਸ਼ਿਫਟ ਕੀਤਾ ਜਾ ਸਕਦਾ ਹੈ।