ਦੁਬਈ-ਤੇਲ ਅਵੀਵ ਜਹਾਜ਼ ਨੂੰ ਹਾਈਜੈਕ ਨਹੀਂ, ਕਰੈਸ਼ ਕਰਵਾਉਣ ਦੀ ਸੀ ਕੋਸ਼ਿਸ਼, ਕਾਕਪਿਟ ਵਿੱਚ ਭਿੜੇ ਦੋਵੇਂ ਪਾਇਲਟ
Israel to Dubai Flight Update: ਇਜ਼ਰਾਈਲੀ ਜਹਾਜ਼ ਹਾਈਜੈਕ ਮਾਮਲੇ ਵਿੱਚ ਵੱਡਾ ਖੁਲਾਸਾ ਹੋਇਆ ਹੈ। ਕਾਕਪਿਟ ਵਿੱਚ ਇੱਕ ਪਾਇਲਟ ਜਹਾਜ਼ ਨੂੰ ਕਰੈਸ਼ ਕਰਨਾ ਚਾਹੁੰਦਾ ਸੀ, ਪਰ ਦੂਜੇ ਪਾਇਲਟ ਨੇ ਉਸਨੂੰ ਰੋਕ ਲਿਆ। ਇਸ ਕਾਰਨ ਦੋਵਾਂ ਵਿਚਾਲੇ ਝੜਪ ਹੋ ਗਈ।
ਇਜ਼ਰਾਈਲੀ ਜਹਾਜ਼ ਹਾਈਜੈਕ ਮਾਮਲੇ ਵਿੱਚ ਵੱਡਾ ਖੁਲਾਸਾ ਹੋਇਆ ਹੈ। ਕਾਕਪਿਟ ਵਿੱਚ ਇੱਕ ਪਾਇਲਟ ਜਹਾਜ਼ ਨੂੰ ਕਰੈਸ਼ ਕਰਨਾ ਚਾਹੁੰਦਾ ਸੀ, ਪਰ ਦੂਜੇ ਪਾਇਲਟ ਨੇ ਉਸਨੂੰ ਰੋਕ ਲਿਆ। ਇਸ ਕਾਰਨ ਦੋਵਾਂ ਵਿਚਾਲੇ ਝੜਪ ਹੋ ਗਈ। ਝਗੜੇ ਦੌਰਾਨ, ਦੂਜੇ ਪਾਇਲਟ ਨੇ ਏਟੀਸੀ ਨੂੰ ਜਹਾਜ਼ ਦੇ ਹਾਈਜੈਕ ਹੋਣ ਬਾਰੇ ਸਿਗਨਲ ਭੇਜਿਆ। ਖ਼ਤਰੇ ਨੂੰ ਮਹਿਸੂਸ ਕਰਦੇ ਹੋਏ, ਦੂਜੇ ਪਾਇਲਟ ਨੇ ਏਟੀਸੀ ਨੂੰ 7500 ਅਤੇ 7700 ਕੋਡ ਦਾ ਸਿਗਨਲ ਭੇਜਿਆ, ਜਿਸ ਨਾਲ ਇਜ਼ਰਾਈਲੀ ਸਰਕਾਰ ਅਲਰਟ ਹੋ ਗਈ ਸੀ।
ਜਹਾਜ਼ ਵਿੱਚ ਸਵਾਰ ਇੱਕ ਯਾਤਰੀ ਦੇ ਅਨੁਸਾਰ, ਇੱਕ ਪਾਇਲਟ ਨੇ ਜਹਾਜ਼ ਨੂੰ ਕਰੈਸ਼ ਕਰਨ ਦੀ ਕੋਸ਼ਿਸ਼ ਕੀਤੀ। ਦੂਜੇ ਪਾਇਲਟ ਨੇ ਉਸਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ, ਜਿਸ ਨਾਲ ਝਗੜਾ ਹੋ ਗਿਆ। ਦੂਜੇ ਪਾਇਲਟ ਨੇ ਯਾਤਰੀਆਂ ਅਤੇ ਚਾਲਕ ਦਲ ਦੇ ਮੈਂਬਰਾਂ ਦੀ ਮਦਦ ਨਾਲ ਪਾਇਲਟ ਨੂੰ ਕਾਬੂ ਕਰ ਲਿਆ। ਰਿਪੋਰਟਾਂ ਮੁਤਾਬਿਕ ਕਈ ਯਾਤਰੀ ਜ਼ਖਮੀ ਹੋ ਗਏ ਸਨ ਅਤੇ ਖੂਨ ਵੀ ਨਿਕਲਿਆ ਹੈ। ਇਜ਼ਰਾਈਲੀ ਮੀਡੀਆ ਦੇ ਅਨੁਸਾਰ, ਇਹ ਫਲਾਈਦੁਬਈ ਜਹਾਜ਼ 24 ਬੱਚਿਆਂ ਸਮੇਤ 174 ਲੋਕਾਂ ਨੂੰ ਲੈ ਕੇ ਜਾ ਰਿਹਾ ਸੀ।
ਦੁਬਈ ਤੋਂ ਤੇਲ ਅਵੀਵ: ਜਹਾਜ਼ ਦੇ ਅੰਦਰ ਕੀ ਹੋਇਆ?
ਪਾਇਲਟਾਂ ਵਿਚਕਾਰ ਝਗੜੇ ਤੋਂ ਬਾਅਦ ਪਹਿਲਾਂ ਇੱਕ ਸਿਗਨਲ ਭੇਜਿਆ ਗਿਆ ਸੀ। ਫਿਰ ਚਾਲਕ ਦਲ ਨੇ ਇੱਕ ਮੁਸੀਬਤ ਦਾ ਸੰਕੇਤ ਭੇਜਿਆ। ਸਿਗਨਲ ਮਿਲਣ ‘ਤੇ, ਜਹਾਜ਼ ਨੂੰ ਤੁਰੰਤ ਮੈਨੂਅਲ ਕੰਟਰੋਲ ਤੇ ਲਿਆ ਗਿਆ। ਫਿਰ ਜਹਾਜ਼ ਨੂੰ ਸਾਊਦੀ ਅਰਬ ਵੱਲ ਮੋੜ ਦਿੱਤਾ ਗਿਆ।
ਕੁਝ ਸਮੇਂ ਬਾਅਦ, ਜਹਾਜ਼ ਨਾਲ ਸੰਪਰਕ ਟੁੱਟ ਗਿਆ। ਬੇਨ ਗੁਰੀਅਨ ਹਵਾਈ ਅੱਡੇ ‘ਤੇ ਉਤਰਨ ਦੀ ਇਜਾਜ਼ਤ ਨਹੀਂ ਮਿਲੀ। ਪਾਇਲਟਾਂ ਨੇ ਹਵਾਈ ਆਵਾਜਾਈ ਕੰਟਰੋਲਰਸ ਦੇ ਸੰਦੇਸ਼ਾਂ ਦਾ ਜਵਾਬ ਨਹੀਂ ਦਿੱਤਾ। ਇਸ ਤੋਂ ਬਾਅਦ, ਹਾਈਜੈਕ ਹੋਣ ਦੀ ਖ਼ਬਰ ਫੈਲ ਗਈ। ਜਹਾਜ਼ ਦੇ ਸਾਊਦੀ ਅਰਬ ਵਿੱਚ ਉਤਰਨ ਤੋਂ ਬਾਅਦ ਸਭ ਕੁਝ ਆਮ ਵਾਂਗ ਹੋ ਗਿਆ।
ਇਹ ਵੀ ਪੜ੍ਹੋ
ਨੋਆਮ ਨਾਮ ਦੀ ਇੱਕ ਇਜ਼ਰਾਈਲੀ ਔਰਤ ਨੇ ਚੈਨਲ 12 ਨੂੰ ਦੱਸਿਆ ਕਿ ਉਸਨੇ ਸਭ ਤੋਂ ਪਹਿਲਾਂ ਕਾਕਪਿਟ ਵਿੱਚੋਂ ਚੀਕਣ ਦੀ ਆਵਾਜ਼ ਸੁਣੀ। ਇੱਕ ਪਾਇਲਟ ਨੂੰ ਚਾਕੂ ਮਾਰਿਆ ਗਿਆ। ਉਸੇ ਪਲ, ਕਾਕਪਿਟ ਵਿੱਚ ਚੀਕ-ਚਿਹਾੜਾ ਪੈ ਗਿਆ। ਜਹਾਜ਼ ਅਚਾਨਕ ਹੇਠਾਂ ਡਿੱਗਣ ਲੱਗ ਪਿਆ। ਲੋਕ ਪ੍ਰਾਰਥਨਾ ਕਰਨ ਲੱਗ ਪਏ।
7500 ਅਤੇ 7700 ਨੰਬਰ ਦਾ ਸਿਗਨਲ ਭੇਜਿਆ ਗਿਆ
7500 ਅਤੇ 7700 ਨੰਬਰਾਂ ਰਾਹੀਂ ਏਟੀਸੀ ਨੂੰ ਸਿਗਨਲ ਭੇਜਿਆ ਗਿਆ। ਅੰਤਰਰਾਸ਼ਟਰੀ ਹਵਾਬਾਜ਼ੀ ਅਥਾਰਟੀ ਦੇ ਨਿਯਮਾਂ ਅਨੁਸਾਰ, ਜਦੋਂ 7700 ‘ਤੇ ਸਿਗਨਲ ਪ੍ਰਾਪਤ ਹੁੰਦਾ ਹੈ, ਤਾਂ ਇਹ ਮੰਨਿਆ ਜਾਂਦਾ ਹੈ ਕਿ ਜਹਾਜ਼ ਐਮਰਜੈਂਸੀ ਵਿੱਚ ਹੈ।
ਦੂਜੇ ਪਾਸੇ, ਜੇਕਰ 7500 ‘ਤੇ ਸਿਗਨਲ ਪ੍ਰਾਪਤ ਹੁੰਦਾ ਹੈ, ਤਾਂ ਇਹ ਮੰਨਿਆ ਜਾਂਦਾ ਹੈ ਕਿ ਕਿਸੇ ਨੇ ਜਹਾਜ਼ ਨੂੰ ਹਾਈਜੈਕ ਕਰ ਲਿਆ ਹੈ ਜਾਂ ਇਸਨੂੰ ਹਾਈਜੈਕ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
