ਬਹਾਦਰ, ਨਿਡਰ ਤੇ ਸਮਝਦਾਰ… ਟਰੰਪ ਨੇ ਦੱਸਿਆ ਕਿ ਅਮਰੀਕਾ ਦਾ ਸਭ ਤੋਂ ਵੱਡਾ ਸਹਿਯੋਗੀ ਕਿਉਂ ਹੈ ਇਜ਼ਰਾਈਲ?
ਟਰੰਪ ਵੱਲੋਂ ਇਜ਼ਰਾਈਲ ਦੀ ਇਹ ਉੱਚ ਪ੍ਰਸ਼ੰਸਾ ਅਜਿਹੇ ਸਮੇਂ 'ਚ ਕੀਤੀ ਗਈ ਹੈ, ਜਦੋਂ ਖ਼ਬਰਾਂ ਆ ਰਹੀਆਂ ਸਨ ਕਿ ਟਰੰਪ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ ਨਾਲ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਤੇ ਉਨ੍ਹਾਂ ਦੇ ਸਲਾਹਕਾਰਾਂ ਨੂੰ 'ਹੈਰਾਨ' ਕਰ ਦਿੱਤਾ ਸੀ। ਉਸ ਪੋਸਟ 'ਚ, ਟਰੰਪ ਨੇ ਸੰਕੇਤ ਦਿੱਤਾ ਸੀ ਕਿ ਅਮਰੀਕਾ ਇਜ਼ਰਾਈਲ ਨੂੰ ਲੇਬਨਾਨ 'ਤੇ ਹਮਲੇ ਕਰਨ ਤੋਂ 'ਰੋਕ' ਰਿਹਾ ਹੈ।
ਮੱਧ ਪੂਰਬ ‘ਚ ਲਗਾਤਾਰ ਵਧਦੇ ਤਣਾਅ, ਇਜ਼ਰਾਈਲ ਤੇ ਲੇਬਨਾਨ ਵਿਚਕਾਰ ਇੱਕ ਅਧੂਰੀ ਜੰਗਬੰਦੀ ਤੇ ਈਰਾਨ ਤੇ ਅਮਰੀਕਾ ਵਿਚਕਾਰ ਸ਼ਾਂਤੀ ਵਾਰਤਾ ਦੇ ਆਲੇ ਦੁਆਲੇ ਅਨਿਸ਼ਚਿਤਤਾ ਦੇ ਵਿਚਕਾਰ, ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇੱਕ ਵਾਰ ਫਿਰ ਇਜ਼ਰਾਈਲ ਦੀ ਭਰਪੂਰ ਪ੍ਰਸ਼ੰਸਾ ਕੀਤੀ ਹੈ। ਭਾਵੇਂ ਇਜ਼ਰਾਈਲ ਅਮਰੀਕਾ ਨੂੰ ਈਰਾਨ ਵਿਰੁੱਧ ਜੰਗ ਛੇੜਨ ਲਈ ਉਕਸਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ, ਪਰ ਟਰੰਪ ਨੇ ਇਸ ਰਾਸ਼ਟਰ ਨੂੰ ਅਮਰੀਕਾ ਦਾ “ਇੱਕ ਮਹਾਨ ਸਹਿਯੋਗੀ” ਦੱਸਿਆ।
ਇਜ਼ਰਾਈਲ ਦੀ ਪ੍ਰਸ਼ੰਸਾ ਕਰਨ ਲਈ, ਟਰੰਪ ਨੇ “ਬਹਾਦਰ, ਨਿਡਰ ਅਤੇ ਸਮਝਦਾਰ” ਵਰਗੇ ਮਹੱਤਵਪੂਰਨ ਸ਼ਬਦਾਂ ਦੀ ਵਰਤੋਂ ਕੀਤੀ, ਜਦੋਂ ਕਿ ਨਾਲ ਹੀ ਨਾਟੋ ਦੇਸ਼ਾਂ ‘ਤੇ ਨਿਸ਼ਾਨਾ ਸਾਧਿਆ। ਉਨ੍ਹਾਂ ਨੇ ਕਿਹਾ, “ਉਹ ਬਹਾਦਰ, ਨਿਡਰ, ਵਫ਼ਾਦਾਰ ਤੇ ਸਮਝਦਾਰ ਹਨ ਤੇ ਉਨ੍ਹਾਂ ਦੂਜਿਆਂ ਦੇ ਉਲਟ ਹਨ. ਜਿਨ੍ਹਾਂ ਨੇ ਯੁੱਧ ਤੇ ਤਣਾਅ ਦੇ ਪਲਾਂ ਦੌਰਾਨ ਆਪਣੇ ਅਸਲੀ ਰੰਗ ਪ੍ਰਗਟ ਕੀਤੇ। ਇਜ਼ਰਾਈਲ ਪੂਰੀ ਤਾਕਤ ਨਾਲ ਲੜਦਾ ਹੈ ਤੇ ਜਿੱਤ ਪ੍ਰਾਪਤ ਕਰਨਾ ਜਾਣਦਾ ਹੈ।”
ਇਜ਼ਰਾਈਲੀ ਖੇਮੇ ‘ਚ ਹਲਚਲ ਵਿਚਕਾਰ ਟਰੰਪ ਨੇ ਕੀਤੀ ਤਾਰੀਫ਼
ਟਰੰਪ ਵੱਲੋਂ ਇਜ਼ਰਾਈਲ ਲਈ ਇਹ ਮਹੱਤਵਪੂਰਨ ਪ੍ਰਸ਼ੰਸਾ ਅਜਿਹੇ ਸਮੇਂ ਵਿੱਚ ਆਈ ਹੈ, ਜਦੋਂ ਖ਼ਬਰਾਂ ਆ ਰਹੀਆਂ ਹਨ ਕਿ ਟਰੰਪ ਦੁਆਰਾ ਇੱਕ ਸੋਸ਼ਲ ਮੀਡੀਆ ਪੋਸਟ ਨੇ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਤੇ ਉਨ੍ਹਾਂ ਦੇ ਸਲਾਹਕਾਰਾਂ ਨੂੰ “ਹੈਰਾਨ” ਕਰ ਦਿੱਤਾ ਸੀ। ਇਸ ਪੋਸਟ ‘ਚ, ਟਰੰਪ ਨੇ ਸੰਕੇਤ ਦਿੱਤਾ ਸੀ ਕਿ ਅਮਰੀਕਾ ਇਜ਼ਰਾਈਲ ਨੂੰ ਲੇਬਨਾਨ ‘ਤੇ ਹਮਲੇ ਕਰਨ ਤੋਂ “ਰੋਕ” ਰਿਹਾ ਹੈ।
ਐਕਸੀਓਸ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਇਜ਼ਰਾਈਲ ਨੇ ਟਰੰਪ ਦੁਆਰਾ ਇਸ ਪੋਸਟ ਬਾਰੇ ਵ੍ਹਾਈਟ ਹਾਊਸ ਤੋਂ ਸਪੱਸ਼ਟੀਕਰਨ ਮੰਗਿਆ। ਇਹ ਦੱਸਿਆ ਗਿਆ ਹੈ ਕਿ ਪ੍ਰਧਾਨ ਮੰਤਰੀ ਨੇਤਨਯਾਹੂ ਪੋਸਟ ਦੇਖ ਕੇ ਹੈਰਾਨ ਰਹਿ ਗਏ, ਕਿਉਂਕਿ ਇਹ ਇਜ਼ਰਾਈਲ ਤੇ ਲੇਬਨਾਨ ਵਿਚਕਾਰ ਜੰਗਬੰਦੀ ਸਮਝੌਤੇ ਦੇ ਖਰੜੇ ਦੇ “ਸਿੱਧੇ ਵਿਰੋਧ” ‘ਚ ਸੀ, ਜੋ ਅਮਰੀਕੀ ਵਿਦੇਸ਼ ਵਿਭਾਗ ਨੇ ਵੀਰਵਾਰ ਨੂੰ ਜਾਰੀ ਕੀਤਾ ਸੀ। ਸੂਤਰਾਂ ਦਾ ਹਵਾਲਾ ਦਿੰਦੇ ਹੋਏ, ਐਕਸੀਓਸ ਨੇ ਦਾਅਵਾ ਕੀਤਾ ਕਿ ਜਦੋਂ ਨੇਤਨਯਾਹੂ ਨੂੰ ਇਸ ਪੋਸਟ ਬਾਰੇ ਪਤਾ ਲੱਗਾ, ਤਾਂ ਉਹ ਨਿੱਜੀ ਤੌਰ ‘ਤੇ ਬਹੁਤ ਹੈਰਾਨ ਤੇ ਚਿੰਤਤ ਹੋ ਗਏ।
ਹੋਰਮੁਜ਼ ‘ਤੇ ਤਣਾਅ ਜਾਰੀ
ਸੋਸ਼ਲ ਮੀਡੀਆ ‘ਤੇ ਅਮਰੀਕੀ ਰਾਸ਼ਟਰਪਤੀ ਟਰੰਪ ਦੁਆਰਾ ਦੋਸਤੀ ਅਜਿਹੇ ਸਮੇਂ ‘ਚ ਆਈ ਹੈ, ਜਦੋਂ ਪੱਛਮੀ ਏਸ਼ੀਆਈ ਖੇਤਰ ਕਈ ਤਰ੍ਹਾਂ ਦੀਆਂ ਪੇਚੀਦਗੀਆਂ ਨਾਲ ਘਿਰਿਆ ਹੋਇਆ ਹੈ। ਖਾਸ ਤੌਰ ‘ਤੇ ਜੰਗਬੰਦੀ ਦੇ ਸੰਬੰਧ ‘ਚ, ਗੱਲਬਾਤ ਦੇ ਦੂਜੇ ਦੌਰ ਦਾ ਰਸਤਾ ਅਸਪੱਸ਼ਟ ਹੈ ਤੇ ਹੋਰਮੁਜ਼ ‘ਚ ਸਮੁੰਦਰੀ ਗਤੀਵਿਧੀਆਂ ਦੀ ਸੁਰੱਖਿਆ ਸੰਬੰਧੀ ਸਥਿਤੀ ਬਹੁਤ ਗੁੰਝਲਦਾਰ ਬਣੀ ਹੋਈ ਹੈ।
ਇਹ ਵੀ ਪੜ੍ਹੋ
ਸਟ੍ਰੇਟ ਆਫ਼ ਹੋਰਮੁਜ ਨੂੰ ਸੰਖੇਪ ‘ਚ ਦੁਬਾਰਾ ਖੋਲ੍ਹਣ ਤੋਂ ਬਾਅਦ, ਈਰਾਨ ਨੇ ਕੱਲ੍ਹ, ਸ਼ਨੀਵਾਰ ਨੂੰ ਇੱਕ ਵਾਰ ਫਿਰ ਇਸ ਨੂੰ ਬੰਦ ਕਰ ਦਿੱਤਾ। ਈਰਾਨ ਨੇ ਆਪਣੇ ਫੈਸਲੇ ਦੇ ਪਿੱਛੇ ਸੰਯੁਕਤ ਰਾਜ ਅਮਰੀਕਾ ਦੁਆਰਾ ਲਗਾਈ ਗਈ ਨਾਕਾਬੰਦੀ ਦਾ ਕਾਰਨ ਦੱਸਿਆ। ਈਰਾਨ ਦੇ ਰੈਵੋਲਿਊਸ਼ਨਰੀ ਗਾਰਡਜ਼ ਦੀ ਸਟ੍ਰੇਟ ਸ਼ਾਖਾ ਨੇ ਆਪਣੀ ਅਧਿਕਾਰਤ ਵੈੱਬਸਾਈਟ, ‘ਸੇਪਾਹ ਨਿਊਜ਼’ ‘ਤੇ ਕਿਹਾ, “ਅਸੀਂ ਚੇਤਾਵਨੀ ਦਿੰਦੇ ਹਾਂ ਕਿ ਕਿਸੇ ਵੀ ਕਿਸਮ ਦਾ ਕੋਈ ਵੀ ਜਹਾਜ਼ ਫਾਰਸ ਦੀ ਖਾੜੀ ਤੇ ਓਮਾਨ ਸਾਗਰ ‘ਚ ਆਪਣੀ ਜਗ੍ਹਾ ਤੋਂ ਨਾ ਜਾਵੇ। ਹੋਰਮੁਜ਼ ਤੱਕ ਪਹੁੰਚਣ ਦੀ ਕਿਸੇ ਵੀ ਕੋਸ਼ਿਸ਼ ਨੂੰ ਦੁਸ਼ਮਣ ਨਾਲ ਸਹਿਯੋਗ ਦੀ ਕਾਰਵਾਈ ਮੰਨਿਆ ਜਾਵੇਗਾ ਤੇ ਅਜਿਹਾ ਕਰਨ ਵਾਲੇ ਕਿਸੇ ਵੀ ਜਹਾਜ਼ ਨੂੰ ਨਿਸ਼ਾਨਾ ਬਣਾਇਆ ਜਾਵੇਗਾ।”
ਇਜ਼ਰਾਈਲ ਤੇ ਲੇਬਨਾਨ ਵਿਚਕਾਰ ਜੰਗਬੰਦੀ ਟੁੱਟੀ
ਤਹਿਰਾਨ ਵੱਲੋਂ ਰਣਨੀਤਕ ਤੌਰ ‘ਤੇ ਮਹੱਤਵਪੂਰਨ ਹੋਰਮੁਜ਼ ਨੂੰ ਇੱਕ ਵਾਰ ਫਿਰ ਬੰਦ ਕਰਨ ਦੇ ਐਲਾਨ ਤੋਂ ਬਾਅਦ, ਟਰੰਪ ਨੇ ਈਰਾਨ ਨੂੰ ਚੇਤਾਵਨੀ ਦਿੱਤੀ ਕਿ ਉਹ ਇਸ ਸਟ੍ਰੇਟ ਦੇ ਭਵਿੱਖ ਬਾਰੇ ਵਾਸ਼ਿੰਗਟਨ ਨੂੰ “ਬਲੈਕਮੇਲ” ਕਰਨ ਦੀ ਕੋਸ਼ਿਸ਼ ਨਾ ਕਰੇ। ਵ੍ਹਾਈਟ ਹਾਊਸ ‘ਚ ਬੋਲਦੇ ਹੋਏ, ਟਰੰਪ ਨੇ ਕਿਹਾ, “ਅਸੀਂ ਉਨ੍ਹਾਂ ਨਾਲ ਗੱਲ ਕਰ ਰਹੇ ਹਾਂ। ਉਹ ਹੋਰਮੁਜ਼ ਰੂ ਨੂੰ ਦੁਬਾਰਾ ਬੰਦ ਕਰਨਾ ਚਾਹੁੰਦੇ ਸਨ, ਜਿਵੇਂ ਕਿ ਉਹ ਕਈ ਸਾਲਾਂ ਤੋਂ ਕਰਦੇ ਆ ਰਹੇ ਹਨ, ਪਰ ਉਹ ਸਾਨੂੰ ਬਲੈਕਮੇਲ ਨਹੀਂ ਕਰ ਸਕਦੇ।”
ਇਸ ਦੌਰਾਨ, ਇਜ਼ਰਾਈਲ ਤੇ ਲੇਬਨਾਨ ਵਿਚਕਾਰ ਜੰਗਬੰਦੀ ਪੂਰੀ ਤਰ੍ਹਾਂ ਟੁੱਟ ਗਈ ਹੈ, ਕਿਉਂਕਿ ਇਜ਼ਰਾਈਲੀ ਫੌਜ ਨੇ ਪੁਸ਼ਟੀ ਕੀਤੀ ਹੈ ਕਿ ਉਸ ਨੇ ਨਵੀਂ “ਯੈਲੋ ਲਾਈਨ” ਦੇ ਦੱਖਣ ‘ਚ ਸਥਿਤ ਟਾਰਗੇਟ ਦੇ ਵਿਰੁੱਧ ਲੇਬਨਾਨ ‘ਚ ਨਵੇਂ ਹਮਲੇ ਸ਼ੁਰੂ ਕੀਤੇ ਹਨ, ਜਿਨ੍ਹਾਂ ਨੂੰ ਉਸ ਨੇ ਪਹਿਲਾਂ “ਖ਼ਤਰਾ” ਦੱਸਿਆ ਸੀ। ਅਲ ਜਜ਼ੀਰਾ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਕਈ ਕਸਬਿਆਂ ‘ਤੇ ਲਗਾਤਾਰ ਤੋਪਖਾਨੇ ਦੀ ਗੋਲੀਬਾਰੀ ਤੇ ਮਸ਼ੀਨ-ਗਨ ਫਾਇਰ ਤੋਂ ਇਲਾਵਾ, ਇਜ਼ਰਾਈਲ ਨੇ ਐਤਵਾਰ ਨੂੰ ਦੋ ਹਵਾਈ ਹਮਲੇ ਵੀ ਕੀਤੇ।
