New SIM Card Rules: ਭਾਰਤ ਵਿੱਚ ਸਿਮ ਕਾਰਡ ‘ਤੇ ਨਵੀਂ ਸਖ਼ਤੀ, ਦੁਰਵਰਤੋਂ ਨੂੰ ਰੋਕਣ ਲਈ DoT ਦੀ ਚੇਤਾਵਨੀ

New SIM Card Rules by DoT: ਭਾਰਤ ਵਿੱਚ ਸਾਈਬਰ ਫਰਾਡ ਦੇ ਵਧ ਰਹੇ ਮਾਮਲਿਆਂ ਦੇ ਮੱਦੇਨਜ਼ਰ, ਦੂਰਸੰਚਾਰ ਵਿਭਾਗ (DoT) ਨੇ ਮੋਬਾਈਲ ਸਿਮ ਕਾਰਡਾਂ ਦੀ ਦੁਰਵਰਤੋਂ ਸੰਬੰਧੀ ਮਹੱਤਵਪੂਰਨ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ। ਦੂਰਸੰਚਾਰ ਵਿਭਾਗ ਨੇ ਸਪੱਸ਼ਟ ਕੀਤਾ ਹੈ ਕਿ ਜੇਕਰ ਤੁਹਾਡੇ ਨਾਮ ‘ਤੇ ਰਜਿਸਟਰਡ ਸਿਮ ਕਾਰਡ ਜਾਂ ਮੋਬਾਈਲ ਫੋਨ ਕਿਸੇ ਅਪਰਾਧਿਕ ਗਤੀਵਿਧੀ, ਖਾਸ ਕਰਕੇ ਸਾਈਬਰ ਕ੍ਰਾਈਮ ਵਿੱਚ ਸ਼ਾਮਲ ਪਾਇਆ ਜਾਂਦਾ ਹੈ, ਤਾਂ ਤੁਸੀਂ ਇਸਦੇ ਲਈ ਸਿੱਧੇ ਤੌਰ ‘ਤੇ ਜ਼ਿੰਮੇਵਾਰ ਹੋਵੋਗੇ। ਇਹ ਜ਼ਿੰਮੇਵਾਰੀ ਉਦੋਂ ਵੀ ਤੁਹਾਡੀ ਹੀ ਮੰਨੀ ਜਾਵੇਗੀ, ਜੇਕਰ ਕਿਸੇ ਹੋਰ ਨੇ ਤੁਹਾਡਾ ਸਿਮ ਉਧਾਰ ਲਿਆ ਹੈ ਜਾਂ ਤੁਹਾਡੀ ਲਾਪਰਵਾਹੀ ਕਾਰਨ ਇਸਦੀ ਦੁਰਵਰਤੋਂ ਕੀਤੀ ਗਈ ਹੋਵੇ।