ਦੋ ਭਰਾਵਾਂ ਨੂੰ ਨਸ਼ਾ ਤਸਕਰਾਂ ਨੇ ਲਗਾਇਆ ਜਬਰਦਸਤੀ ਚਿੱਟੇ ਦਾ ਇੰਜੈਕਸ਼ਨ, ਇੱਕ ਦੀ ਮੌਤ

Name: ਦੋ ਭਰਾਵਾਂ ਨੂੰ ਨਸ਼ਾ ਤਸਕਰਾਂ ਨੇ ਲਗਾਇਆ ਜਬਰਦਸਤੀ ਚਿੱਟੇ ਦਾ ਇੰਜੈਕਸ਼ਨ, ਇੱਕ ਦੀ ਹੋਈ ਮੌਤ
Uploaded: 2023-11-21T16:10:16+05:30
Duration: 5 min 1 s

ਲੁਧਿਆਣਾ ਜਿਲ੍ਹੇ ਤੋਂ ਇੱਕ ਬਹੁਤ ਹੀ ਦੁਖਦ ਖ਼ਬਰ ਸਾਹਮਣੇ ਆਈ ਹੈ। ਪਿੰਡ ਕੂਮਕਲਾਂ ਇਲਾਕੇ ਵਿੱਚ ਦੋ ਭਰਾਵਾਂ ਨੂੰ ਨਸ਼ਾ ਛੱਡਣਾ ਇਹਨਾਂ ਭਾਰੀ ਪਿਆ ਕਿ ਦੋਵਾਂ ਵਿੱਚੋਂ ਇੱਕ ਭਰਾ ਦੀ ਮੌਤ ਹੋ ਗਈ। ਦਰਅਸਲ ਦੋਵਾਂ ਭਰਾਵਾਂ ਵਿੱਚੋਂ ਮਾਤਾ-ਪਿਤਾ ਨੇ ਇੱਕ ਨੂੰ ਸਰਕਾਰੀ ਨਸ਼ਾ ਛੁੱਡਾਓ ਕੇਂਦਰ ਵਿੱਚ ਦਾਖਿਲ ਕਰਵਾਇਆ ਸੀ। ਉਸ ਨੇ ਚੋਰੀ ਕੀਤੀ ਜਿਸ ਤੋਂ ਬਾਅਦ ਕੇਂਦਰ ਵਾਲਿਆਂ ਨੇ ਉਸ ਨੂੰ ਘਰ ਭੇਜ ਦਿੱਤਾ। ਘਰ ਆਉਣ ਤੋਂ ਬਾਅਦ ਉਹ ਆਪਣੇ ਭਰਾ ਦੇ ਨਾਲ ਉਸ ਪਿੰਡ ਵਿੱਚ ਗਿਆ ਜਿੱਥੇ ਉਹ ਅਕਸਰ ਨਸ਼ਾ ਖਰੀਦਣ ਜਾਂਦੇ ਸੀ। ਪਰਿਵਾਰ ਦੇ ਮੁਤਾਬਕ ਦੋਵਾਂ ਭਰਾਵਾਂ ਨੂੰ ਨਸ਼ਾ ਤਸਕਰਾਂ ਨੇ ਜਬਰਨ ਫੜ ਕੇ ਚਿੱਟੇ ਦਾ ਟੀਕਾ ਲਗਾ ਦਿੱਤਾ। ਜਿਸ ਕਾਰਨ ਦੋਵੇ ਬੇਹੋਸ਼ ਹੋ ਗਏ ਅਤੇ ਛੋਟੇ ਭਰਾ ਦੀ ਘਰ ਪਹੁੰਚਣ ਤੋਂ ਬਾਅਦ ਮੌਤ ਹੋ ਗਈ। ਪਰਿਵਾਰ ਦੀ ਸਰਕਾਰ ਤੋਂ ਮੰਗ ਹੈ ਕਿ ਉਨ੍ਹਾਂ ਨੂੰ ਇਨਸਾਫ਼ ਮਿਲੇ ਅਤੇ ਨਸ਼ੇ ਦੇ ਦਲਦਲ ਵਿੱਚੋਂ ਪੰਜਾਬ ਦੀ ਜਵਾਨੀ ਨੂੰ ਪ੍ਰਸ਼ਾਸਨ ਬਾਹਰ ਕੱਢਣ ਦਾ ਕੋਈ ਵਧੀਆ ਤਰੀਕਾ ਕੱਢੇ।

Isha Sharma | Updated On: 21 Nov 2023 16:10 PM

ਪੰਜਾਬ ਦੀਆਂ ਜੜ੍ਹਾਂ ਵਿੱਚ ਘਰ ਬਣਾ ਚੁੱਕੇ ਨਸ਼ੇ ਨੂੰ ਖਤਮ ਕਰਨ ਲਈ ਪੰਜਾਬ ਸਰਕਾਰ ਬਹੁਤ ਗੰਭੀਰ ਦਿਖਾਈ ਦੇ ਰਹੀ ਹੈ ਪਰ ਕਿਤੇ ਨਾ ਕਿਤੇ ਨਸ਼ਾ ਤਸਕਰਾਂ ਨੂੰ ਲੱਗਦਾ ਹੈ ਕਿ ਉਹ ਸਰਕਾਰੀ ਤੰਤਰ ਤੋਂ ਜ਼ਿਆਦਾ ਤਾਕਤਵਰ ਹਨ। ਕੁੱਝ ਏਦਾਂ ਦੀ ਹੀ ਖਬਰ ਲੁਧਿਆਣਾ ਜਿਲੇ ਤੋਂ ਸਾਹਮਣੇ ਆਈ ਹੈ। ਜਿੱਥੇ ਦੋ ਭਰਾਵਾਂ ਨੂੰ ਨਸ਼ਾ ਛੱਡਣਾ ਏਨਾ ਮਹਿੰਗਾ ਪਿਆ ਕਿ ਇੱਕ ਦੀ ਤਾਂ ਜਾਨ ਹੀ ਚਲੀ ਗਈ।ਹੋਇਆ ਇੰਝ ਕਿ ਦੋਹਾਂ ਨੇ ਜਦੋਂ ਨਸ਼ਾ ਛੱਡਿਆ ਤਾਂ ਉਨ੍ਹਾਂ ਨੇ ਨਸ਼ਾ ਖਰੀਦਣਾ ਵੀ ਬੰਦ ਕਰ ਦਿੱਤਾ ਪਰ ਨਸ਼ਾ ਤਸਕਰਾਂ ਨੂੰ ਇਹ ਗੱਲ ਰਾਸ ਨਹੀਂ ਆਈ।

ਇਸ ਕਾਰਨ ਤਸਕਰਾਂ ਨੇ ਜਬਰਨ ਕਰਦੇ ਹੋਏ ਇੱਕ ਭਰਾ ਦੇ ਜਬਰਦਸਤੀ ਚਿੱਟੇ ਦਾ ਟੀਕਾ ਲਗਾ ਦਿੱਤਾ ਜਿਸ ਕਾਰਨ ਉਸਦੀ ਮੌਤ ਹੋ ਗਈ। ਜਦੋਂ ਮ੍ਰਿਤਕ ਦੇ ਪਿਤਾ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਦੋਵੇਂ ਮੁੰਡੇ ਪਿਛਲੇ 10 ਸਾਲਾਂ ਤੋਂ ਨਸ਼ੇ ਦੇ ਆਦੀ ਹਨ। ਉਸਦੇ ਭਰਾ ਨੇ ਦੱਸਿਆ ਕਿ ਉਨ੍ਹਾਂ ਦੋਵਾਂ ਨੇ ਜਦੋਂ ਨਸ਼ਾ ਛੱਡਿਆ ਤਾਂ ਨਸ਼ਾ ਤਸਕਰਾਂ ਨੇ ਉਸ ਦੇ ਭਰਾ ਨੂੰ ਮੌਤ ਦੀ ਸਜ਼ਾ ਦਿੱਤੀ।