ਹਰਿਆਣਾ ਦੇ ਸਰਕਾਰੀ ਅਸਪਤਾਲਾਂ ਵਿੱਚ ਡਾਕਟਰਾਂ ਲਈ ‘ਡ੍ਰੇਸ ਕੋਡ’

ਹਰਿਆਣਾ ਦੇ ਸਰਕਾਰੀ ਅਸਪਤਾਲਾਂ ਵਿੱਚ ਕੰਮ ਕਰਨ ਵਾਲੇ ਡਾਕਟਰਾਂ ਅਤੇ ਹੋਰ ਸਟਾਫ਼ ਲਈ ਡ੍ਰੇਸ ਕੋਡ ਲਾਗੂ ਕਰ ਦਿੱਤਾ ਗਿਆ ਹੈ, ਜਿਸ ਵਿੱਚ ਉਹਨਾਂ ਦੇ ਜੀਂਸ, ਟੀ-ਸ਼ਰਟ, ਪਲਾਜੋ ਵਰਗੀਆਂ ਪੋਸ਼ਾਕਾਂ ਪਹਿਨਣ ਤੇ ਰੋਕ ਲਗਾ ਦਿੱਤੀ ਗਈ ਹੈ। ਹੋਰ ਤਾਂ ਹੋਰ, ਡਾਕਟਰਾਂ ਨੂੰ ਆਪਣੇ ਨਹੁੰ ਅਤੇ ਵਾਲ ਵੀ ਛੋਟੇ ਅਤੇ ਸਾਫ-ਸੁਥਰੇ ਰੱਖਣੇ ਹੋਣਗੇ, ਹੇਅਰ ਸਟਾਇਲ ਤੇ ਵੀ ਪਾਬੰਦੀ ਹੋਵੇਗੀ। ਇਹ ਡ੍ਰੇਸ ਕੋਡ ਵੀਰਵਾਰ ਨੂੰ ਜਾਰੀ ਕੀਤਾ ਗਿਆ। ਹਰਿਆਣਾ ਸਰਕਾਰ ਦਾ ਕਹਿਣਾ ਹੈ ਕਿ ਡਾਕਟਰਾਂ ਲਈ ਡ੍ਰੇਸ ਕੋਡ ਅਸਲ ਵਿੱਚ ਅਸਪਤਾਲਾਂ ਚ ਅਨੁਸ਼ਾਸਨ, ਇਕਸਾਰਤਾ ਅਤੇ ਸਮਾਨਤਾ ਦੀ ਭਾਵਨਾ ਪੈਦਾ ਕਰਨ ਲਈ ਲਿਆਂਦਾ ਗਿਆ ਹੈ, ਜੋ ਹੁਣ ਹਰਿਆਣਾ ਦੇ ਸਾਰੀਆਂ ਸਰਕਾਰੀ ਅਸਪਤਾਲਾਂ ਵਿੱਚ ਪ੍ਰਭਾਵੀ ਹੋਵੇਗਾ।