WITT: ਪਿਤਾ ਦੇ ਸ਼ਬਦਾਂ ਨੇ ਆਯੁਸ਼ਮਾਨ ਖੁਰਾਨਾ ਨੂੰ ਬਣਾਇਆ ਸਟਾਰ

ਦੇਸ਼ ਦੇ ਸਭ ਤੋਂ ਵੱਡੇ ਨਿਊਜ਼ ਨੈੱਟਵਰਕ ਟੀਵੀ 9 ਨੈੱਟਵਰਕ ਤੇ ਗਲੋਬਲ ਸੰਮੇਲਨ What India Thinks Today ਸ਼ੁਰੂ ਹੋ ਗਿਆ ਹੈ। 25 ਫਰਵਰੀ ਨੂੰ ਇਸ ਵਿਸ਼ਵ ਸੰਮੇਲਨ ਦਾ ਪਹਿਲਾ ਦਿਨ ਸੀ। ਪਹਿਲੇ ਦਿਨ ਹੋਰਨਾਂ ਖੇਤਰਾਂ ਵਾਂਗ ਫਿਲਮ ਅਤੇ ਕਲਾ ਦੇ ਖੇਤਰ ਦੇ ਕਈ ਮਹਿਮਾਨਾਂ ਨੇ ਭਾਗ ਲਿਆ। ਇਨ੍ਹਾਂ ਚ ਰਵੀਨਾ ਟੰਡਨ, ਸ਼ੇਖਰ ਕਪੂਰ, ਗ੍ਰੈਮੀ ਵਿਨਰ ਰਾਕੇਸ਼ ਚੌਰਸੀਆ ਵਰਗੇ ਨਾਂ ਸ਼ਾਮਲ ਹਨ। ਅੱਜ ਇਸ ਸੰਮੇਲਨ ਦਾ ਦੂਜਾ ਦਿਨ ਹੈ। ਦੂਜੇ ਦਿਨ ਪ੍ਰੋਗਰਾਮ ਵਿੱਚ ਮਸ਼ਹੂਰ ਅਦਾਕਾਰ ਆਯੁਸ਼ਮਾਨ ਖੁਰਾਨਾ ਨੇ ਸ਼ਿਰਕਤ ਕੀਤੀ। ਫਾਇਰਸਾਈਡ ਚੈਟ ਸੈਸ਼ਨ ਵਿੱਚ, ਆਯੁਸ਼ਮਾਨ ਨਾਲ ਸਿਨੇਮਾ ਫਾਰ ਨਿਊ ​​ਇੰਡੀਆ ਵਿਸ਼ੇ ਤੇ ਚਰਚਾ ਕੀਤੀ ਗਈ। ਇਸ ਦੌਰਾਨ ਅਦਾਕਾਰ ਨੇ ਕਈ ਸਵਾਲਾਂ ਦੇ ਖੁੱਲ੍ਹ ਕੇ ਜਵਾਬ ਦਿੱਤੇ ਅਤੇ ਵੱਖ-ਵੱਖ ਮੁੱਦਿਆਂ ਤੇ ਆਪਣੀ ਰਾਏ ਜ਼ਾਹਰ ਕੀਤੀ।