Guava Viral Video: ਅਮਰੂਦ ਖਾਣ ਤੋਂ ਪਹਿਲਾਂ ਦੇਖ ਲਓ ਇਹ ਵਾਇਰਲ ਵੀਡੀਓ, 2 ਘੰਟੇ ਪਾਣੀ ‘ਚ ਭਿਉਂਣ ਤੋਂ ਬਾਅਦ ਛਿਲਕੇ ‘ਚੋਂ ਨਿਕਲੇ ਕੀੜੇ

ਅਮਰੂਦ ਦੀ ਵਾਇਰਲ ਟ੍ਰਿਕ ਨੇ ਉਡਾਏ ਲੋਕਾਂ ਦੇ ਹੋਸ਼

ਅਸੀਂ ਸਾਰੇ ਸਿਹਤਮੰਦ ਰਹਿਣ ਲਈ ਫਲ ਖਾਂਦੇ ਹਾਂ ਅਤੇ ਖਾਣ ਤੋਂ ਪਹਿਲਾਂ ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਧੋਂਦੇ ਵੀ ਹਾਂ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਜਿਸ ਫਲ ਨੂੰ ਤੁਸੀਂ ਸਾਫ਼-ਸੁਥਰਾ ਸਮਝ ਕੇ ਖਾ ਰਹੇ ਹੋ, ਉਸ ਦੇ ਅੰਦਰ ਜਾਂ ਛਿਲਕੇ ‘ਤੇ ਖਤਰਨਾਕ ਕੀੜੇ ਲੁਕੇ ਹੋ ਸਕਦੇ ਹਨ? ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ ‘ਤੇ ਅਜਿਹਾ ਹੀ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖਣ ਤੋਂ ਬਾਅਦ ਤੁਸੀਂ ਵੀ ਅਮਰੂਦ ਖਾਣ ਤੋਂ ਪਹਿਲਾਂ ਸੌ ਵਾਰ ਸੋਚੋਗੇ।

ਵਾਇਰਲ ਹੋਈ ਹੈਰਾਨ ਕਰਨ ਵਾਲੀ ਵੀਡੀਓ

ਸੋਸ਼ਲ ਮੀਡੀਆ ‘ਤੇ ਪੂਜਾ ਮਹੇਸ਼ਵਰੀ ਨਾਮ ਦੀ ਯੂਜ਼ਰ ਦੀ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਇਸ ਵੀਡੀਓ ਵਿੱਚ ਉਨ੍ਹਾਂ ਨੇ ਅਮਰੂਦ ਨੂੰ ਲੈ ਕੇ ਇੱਕ ਅਜਿਹੀ ਗੱਲ ਦਿਖਾਈ ਹੈ, ਜਿਸ ਨੂੰ ਜਾਣ ਕੇ ਹਰ ਕੋਈ ਹੈਰਾਨ ਹੈ। ਪੂਜਾ ਦੱਸਦੀ ਹੈ ਕਿ ਉਨ੍ਹਾਂ ਨੇ ਪਹਿਲਾਂ ਕਦੇ ਅਜਿਹਾ ਨਹੀਂ ਕੀਤਾ ਸੀ ਅਤੇ ਉਹ ਹਮੇਸ਼ਾ ਅਮਰੂਦ ਨੂੰ ਸਿਰਫ਼ ਧੋ ਕੇ ਹੀ ਖਾ ਲੈਂਦੀ ਸੀ। ਪਰ ਇਸ ਵਾਰ ਉਨ੍ਹਾਂ ਨੇ ਇੱਕ ਖਾਸ ਤਰੀਕਾ ਅਜ਼ਮਾਇਆ, ਜਿਸ ਤੋਂ ਬਾਅਦ ਸਾਹਮਣੇ ਆਏ ਨਤੀਜੇ ਨੇ ਉਨ੍ਹਾਂ ਨੂੰ ਵੀ ਡਰਾ ਦਿੱਤਾ।

ਅਮਰੂਦ ਨੂੰ ਪਾਣੀ ਵਿੱਚ ਭਿਉਂਣ ਦੀ ਵਾਇਰਲ ਟ੍ਰਿਕ

ਵੀਡੀਓ ਦੇ ਮੁਤਾਬਕ, ਪੂਜਾ ਨੇ ਅਮਰੂਦ ਨੂੰ ਕਰੀਬ 2 ਤੋਂ 3 ਘੰਟਿਆਂ ਲਈ ਪਾਣੀ ਵਿੱਚ ਭਿਉਂ ਕੇ ਛੱਡ ਦਿੱਤਾ ਸੀ। ਕੁਝ ਦੇਰ ਪਾਣੀ ਵਿੱਚ ਰਹਿਣ ਤੋਂ ਬਾਅਦ ਅਮਰੂਦ ਦੇ ਛਿਲਕੇ ਵਿੱਚੋਂ ਛੋਟੇ-ਛੋਟੇ ਕੀੜੇ ਬਾਹਰ ਨਿਕਲਣ ਲੱਗੇ। ਇਹ ਕੀੜੇ ਇੰਨੇ ਬਰੀਕ ਹੁੰਦੇ ਹਨ ਕਿ ਆਮ ਤਰੀਕੇ ਨਾਲ ਧੋਣ ਜਾਂ ਦੇਖਣ ‘ਤੇ ਬਿਲਕੁਲ ਨਜ਼ਰ ਨਹੀਂ ਆਉਂਦੇ। ਇਸੇ ਕਾਰਨ ਲੋਕ ਅਣਜਾਣੇ ਵਿੱਚ ਇਨ੍ਹਾਂ ਕੀੜਿਆਂ ਨੂੰ ਖਾ ਲੈਂਦੇ ਹਨ।

ਬਰਸਾਤ ਦੇ ਮੌਸਮ ਵਿੱਚ ਅਮਰੂਦ ਖਾਣ ਤੋਂ ਕਿਉਂ ਬਚਣਾ ਚਾਹੀਦਾ ਹੈ?

ਇਸ ਵਾਇਰਲ ਵੀਡੀਓ ਦੇ ਸਾਹਮਣੇ ਆਉਣ ਤੋਂ ਬਾਅਦ ਇੰਟਰਨੈੱਟ ਯੂਜ਼ਰਜ਼ ਤਰ੍ਹਾਂ-ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਵੀਡੀਓ ‘ਤੇ ਕਮੈਂਟ ਕਰਦਿਆਂ ਇੱਕ ਯੂਜ਼ਰ ਨੇ ਸਲਾਹ ਦਿੱਤੀ ਕਿ ਬਰਸਾਤ ਦੇ ਮੌਸਮ ਵਿੱਚ ਅਮਰੂਦ ਖਾਣ ਤੋਂ ਪੂਰੀ ਤਰ੍ਹਾਂ ਬਚਣਾ ਚਾਹੀਦਾ ਹੈ। ਉੱਥੇ ਹੀ, ਇੱਕ ਹੋਰ ਯੂਜ਼ਰ ਨੇ ਪੁੱਛਿਆ ਕਿ ਅਮਰੂਦ ਨੂੰ ਪਾਣੀ ਵਿੱਚ ਕਿਵੇਂ ਰੱਖਣਾ ਹੈ, ਜਿਸ ‘ਤੇ ਪੂਜਾ ਨੇ ਸਪੱਸ਼ਟ ਕੀਤਾ ਕਿ ਆਮ ਟੁੱਟੀ ਦੇ ਪਾਣੀ ਵਿੱਚ ਕੁਝ ਘੰਟਿਆਂ ਲਈ ਭਿਉਂਣ ਨਾਲ ਹੀ ਇਹ ਟ੍ਰਿਕ ਕੰਮ ਕਰ ਜਾਂਦੀ ਹੈ।

ਇੱਥੇ ਦੇਖੋ ਵਾਇਰਲ ਵੀਡੀਓ