Viral Video: ਵਿਆਹ ਹੈ ਜਾਂ ‘ਗੈਂਗ ਵਾਰ’? ਲਾੜਾ-ਲਾੜੀ ਨੇ ਇੱਕ ਦੂਜੇ ਵੱਲ ਤਾਣੀ ‘Sparkle Gun’, ਲੋਕ ਬੋਲੇ, ‘ਇਹ Wedding ਨਹੀਂ, Welding ਚੱਲ ਰਹੀ ਹੈ’
Bride Groom Sparkle Gun Viral Video: ਇੰਸਟਾਗ੍ਰਾਮ ਹੈਂਡਲ @nehavermamberma ਤੋਂ ਸ਼ੇਅਰ ਕੀਤੀ ਗਈ ਇਸ ਵੀਡੀਓ ਵਿੱਚ ਇੱਕ ਸ਼ਾਨਦਾਰ ਸਜਾਈ ਹੋਈ ਸਟੇਜ ਦਿਖਾਈ ਦੇ ਰਹੀ ਹੈ। ਜੈਮਾਲਾ ਦਾ ਸਮਾਂ ਹੈ, ਅਤੇ ਰਿਸ਼ਤੇਦਾਰ ਆਲੇ-ਦੁਆਲੇ ਖੜ੍ਹੇ ਹਨ। ਪਰ ਮਾਹੌਲ ਉਦੋਂ ਖੌਫਨਾਕ ਹੋ ਗਿਆ ਜਦੋਂ ਲਾੜਾ-ਲਾੜੀ ਨੇ ਹੱਥਾਂ ਵਿੱਚ ਸਪਾਰਕਲ ਗਨ ਫੜ ਲਈ।
Image Credit source: Instagram/@nehavermamberma
Shocking Wedding Viral Video: ਇਨ੍ਹੀਂ ਦਿਨੀਂ, ਕਪਲ ਆਪਣੇ ਵਿਆਹਾਂ ਨੂੰ ਯਾਦਗਾਰ ਬਣਾਉਣ ਲਈ ਆਪਣੀਆਂ ਜਾਨਾਂ ਵੀ ਜੋਖਮ ਵਿੱਚ ਪਾ ਰਹੇ ਹਨ। ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਇਸ ਵੀਡੀਓ ਨੂੰ ਹੀ ਦੇਖ ਲਵੋ। ਯਕੀਨ ਕਰੋ, ਇਹ ਤੁਹਾਡੀ ਰੂਹ ਕੰਬਾ ਦੇਵੇਗਾ। ਨੇਟੀਜ਼ਨ ਹੈਰਾਨ ਹਨ ਅਤੇ ਪੁੱਛ ਰਹੇ ਹਨ, “ਕੀ ਇਹ ਵਿਆਹ ਹੈ ਜਾਂ ਖ਼ਤਰਨਾਕ ਫਾਇਰ ਸ਼ੂਟ?”
ਇੰਸਟਾਗ੍ਰਾਮ ਹੈਂਡਲ @nehavermamberma ਤੋਂ ਅਪਲੋਡ ਕੀਤਾ ਗਏ ਇਸ ਵੀਡੀਓ ਵਿੱਚ ਸ਼ਾਨਦਾਰ ਸਟੇਜ ਦਿਖਾਈ ਦੇ ਰਹੀ ਹੈ। ਜੈਮਾਲਾ ਦੀ ਰਸਮ ਦਾ ਸਮਾਂ ਹੈ। ਰਿਸ਼ਤੇਦਾਰ ਚਾਰੇ ਪਾਸੇ ਖੜ੍ਹੇ ਹਨ, ਅਚਾਨਕ ਉਸ ਵੇਲ੍ਹੇ ਮਾਹੌਲ ਖੌਫਨਾਕ ਹੋ ਜਾਂਦਾ ਹੈ ਜਦੋਂ ਲਾੜਾ-ਲਾੜੀ ਹੱਥ ਵਿੱਚ ਸਪਾਰਕਲ ਗਨ (Sparkle Gun) ਫੜ ਲੈਂਦੇ ਹਨ।
ਵਿਆਹ ਹੈ ਜਾਂ ਗੈਂਗ ਵਾਰ?
ਵੀਡੀਓ ਵਿੱਚ, ਤੁਸੀਂ ਦੇਖੋਗੇ ਕਿ ਲਾੜੀ ਨੇ ਗਲਤੀ ਨਾਲ Sparkle Gun ਲਾੜੇ ਵੱਲ ਘੁਮਾ ਦਿੱਤੀ ਅਤੇ ਉਸ ਤੇ ਚੰਗਿਆੜੀਆਂ ਦੀ ਬੁਛਾਰ ਕਰ ਦਿੱਤੀ ਹੈ। ਲਾੜੇ ਨੇ ਬਿਨਾਂ ਸੋਚੇ ਸਮਝੇ, ਇਸਨੂੰ ਆਪਣੀ ਈਗੋ ਵੱਲ ਲੈ ਲਿਆ ਅਤੇ ਤੁਰੰਤ ਆਪਣੀ ਬੰਦੂਕ ਦੁਲਹਨ ਵੱਲ ਮੋੜ ਦਿੱਤੀ। ਅਗਲੇ ਕੁਝ ਸਕਿੰਟਾਂ ਲਈ, ਮਾਲਾ ਸਮਾਰੋਹ ਦਾ ਸਟੇਜ ਸਟਾਰ ਵਾਰਜ਼ ਦੇ ਇੱਕ ਸੀਨ ਵਰਗਾ ਦਿਖਣ ਲੱਗਾ। ਅੱਗ ਦੀਆਂ ਲਪਟਾਂ ਅਤੇ ਚੰਗਿਆੜੀਆਂ ਹਰ ਪਾਸੇ ਭੜਕ ਉੱਠੀਆਂ, ਜਿਵੇਂ ਕੋਈ ਵੈਡਿੰਗ ਸਮਾਰੋਹ ਨਹੀਂ ਹੋ ਰਿਹਾ, ਸਗੋਂ ਵੈਲਡਿੰਗ ਦਾ ਕੰਮ ਹੋ ਰਿਹਾ ਹੋਵੇ।
ਲੋਕਾਂ ਦੀਆਂ ਪ੍ਰਤੀਕਿਰਿਆਵਾਂ
ਇਸ ਵੀਡੀਓ ਨੂੰ 3.3 ਕਰੋੜ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ ਅਤੇ ਲੱਖਾਂ ਲੋਕਾਂ ਨੇ ਪਸੰਦ ਕੀਤਾ ਹੈ। ਇੱਕ ਯੂਜਰ ਨੇ ਲਿਖਿਆ, “ਕੀ ਇਹ ਇੱਕ ਅਰੈਂਜ ਮੈਰਿਜ ਹੈ ਜਾਂ ਰਿਵੈਂਜ ਮੈਰਿਜ?” ਇੱਕ ਹੋਰ ਨੇ ਕਿਹਾ, “ਦੋਵੇਂ ਫ੍ਰੀ ਫਾਇਰ ਲਵਰ ਲੱਗ ਰਹੇ ਹਨ।” ਇੱਕ ਹੋਰ ਯੂਜਰ ਨੇ ਟਿੱਪਣੀ ਕੀਤੀ, “ਲਾੜੇ ਨੇ ਇਸਨੂੰ ਈਗੋ ਤੇ ਲੈ ਲਿਆ।” ਇੱਕ ਹੋਰ ਯੂਜਰ ਨੇ ਲਿਖਿਆ, “ਇਹ ਵੈਡਿੰਗ ਨਹੀਂ, ਵੈਲਡਿੰਗ ਹੈ।”