Viral Video: ਡਿੱਗਣ ਵਾਲੀ ਸੀ ਬੱਚੀ, ਪਾਪਾ ਬਣ ਕੇ ਆਏ ਸੁਪਰ ਹੀਰੋ, ਲੋਕਾਂ ਨੇ ਦਿੱਤਾ ‘ਡੈਡ ਆਫ ਦਾ ਇਅਰ’ ਦਾ ਖ਼ਿਤਾਬ

ਡਿੱਗਦੀ ਹੋਈ ਬੱਚੀ ਨੂੰ ਸੁਪਰ ਹੀਰੋ ਬਣਕੇ ਪਾਪਾ ਨੇ ਬਚਾਇਆ

ਹਰ ਕੁੜੀ ਦੇ ਲਈ ਸਭ ਤੋਂ ਪਹਿਲਾਂ ਹੀਰੋ ਉਸ ਦਾ ਪਿਤਾ ਹੀ ਹੁੰਦਾ ਹੈ। ਉਨ੍ਹਾਂ ਨੂੰ ਆਪਣੇ ਪਿਤਾ ਦੇ ਅੰਦਰ ਸੁਪਰ ਹੀਰੋ ਦਿਖਦਾ ਹੈ। ਤੁਸੀਂ ਅਕਸਰ ਬੱਚਿਆਂ ਨੂੰ ਦੇਖਿਆ ਹੋਵੇਗਾ ਕਿ ਉਹ ਆਪਣੇ ਪਿਓ ਦੀ ਹਮੇਸ਼ਾ ਤਾਰਿਫ ਕਰਦੇ ਰਹਿੰਦੇ ਹਨ। ਹਰ ਮੁਸ਼ਕਲ ਸਮੇਂ ਮਾਤਾ-ਪਿਤਾ ਹੀ ਆਪਣੇ ਬੱਚਿਆਂ ਦੇ ਸਾਹਮਣੇ ਪਹਾੜ ਬਣ ਕੇ ਖੜੇ ਰਹਿੰਦੇ ਹਨ ਅਤੇ ਆਪਣੇ ਬੱਚਿਆਂ ‘ਤੇ ਕੋਈ ਵੀ ਆਂਚ ਨਹੀਂ ਆਉਣ ਦਿੰਦੇ। ਅਜਿਹੇ ਹੀ ਸੁਪਰ ਹੀਰੋ ਬਣ ਕੇ ਆਏ ਇੱਕ ਪਾਪਾ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।

ਵਾਇਰਲ ਵੀਡੀਓ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਇੱਕ ਬੱਚੀ ਆਪਣੇ ਮੰਮੀ-ਪਾਪਾ ਦੇ ਸਾਹਮਣੇ ਖੜੇ ਹੋ ਕੇ ਤੁਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਸ ਕੋਸ਼ਿਸ਼ ਵਿੱਚ ਉਹ ਇੱਕ ਦੋ ਵਾਰ ਡਿੱਗ ਵੀ ਜਾਂਦੀ ਹੈ ਪਰ ਫਿਰ ਖੜੀ ਹੋ ਕੇ ਤੁਰਨ ਦੀ ਕੋਸ਼ਿਸ਼ ਕਰਦੀ ਹੈ। ਬੱਚੀ ਦੇ ਮਾਤਾ-ਪਿਤਾ ਸਾਹਮਣੇ ਬੈਠ ਕੇ ਆਪਣੀ ਪਿਆਰੀ ਬੱਚੀ ਨੂੰ ਦੇਖ ਰਹੇ ਹਨ। ਉਸ ਮਸੇਂ ਹੀ ਬੱਚੀ ਦਾ ਬੈਲੇਂਸ ਵਿਗੜ ਜਾਂਦਾ ਹੈ ਅਤੇ ਉਹ ਅਚਾਨਕ ਹੀ ਮੂੰਹ ਦੇ ਵੱਲ ਡਿੱਗ ਜਾਂਦੀ ਹੈ ਪਰ ਸ਼ੁਕਰ ਹੈ ਕਿ ਉਸ ਦੇ ਪਾਪਾ ਉੱਥੇ ਹੀ ਮੌਜੂਦ ਹੁੰਦੇ ਹਨ। ਬੱਚੀ ਨੂੰ ਡਿੱਗਦੇ ਦੇਖ ਉਸ ਦੇ ਸੁਪਰਮੈਨ ਪਾਪਾ ਕੋਲ ਪਏ ਹੋਏ ਸਿਰਾਣੇ ਨੂੰ ਉੱਠਾ ਕੇ ਉਸ ਕੋਲ ਸੁੱਟ ਦਿੰਦੇ ਹਨ। ਜਿਸ ਨਾਲ ਬੱਚੀ ਸਿਰਾਣੇ ‘ਤੇ ਡਿੱਗ ਜਾਂਦੀ ਹੈ ਅਤੇ ਉਹ ਜਖ਼ਮੀ ਹੋਣ ਤੋਂ ਬੱਚ ਜਾਂਦੀ ਹੈ।

ਲੋਕਾਂ ਨੇ ਵਿਅਕਤੀ ਨੂੰ ਕਰਾਰ ਦਿੱਤਾ ਸੁਪਰ ਡੈਡ

ਇਸ ਸ਼ਾਨਦਾਰ ਵੀਡੀਓ ਨੂੰ ਇੰਸਟਾਗ੍ਰਾਮ ‘ਤੇ ਸੱਚ ਕੜਵਾ ਹੈ ਨਾਮ ਦੇ ਪੇਜ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਲੋਕ ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਬੱਚੀ ਦੇ ਪਾਪਾ ਨੂੰ ‘ਡੈਡ ਆਫ ਦਾ ਇਅਰ’ ਦਾ ਖ਼ਿਤਾਬ ਦੇ ਰਹੇ ਹਨ। ਲੋਕ ਕੁਮੈਂਟ ਕਰ ਲਿੱਖ ਰਹੇ ਹਨ- Ninja Dad ਕੁਝ ਲੋਕ ਬੱਚੀ ਦੇ ਪਿਤਾ ਦੀ ਫੁਰਤੀ ਦੀ ਤਾਰਿਫ ਕਰ ਰਹੇ ਹਨ। ਜਦੋਂ ਕਿ ਕਈ ਲੋਕਾਂ ਨੇ ਇਸ ਵੀਡੀਓ ‘ਤੇ ਹਾਰਟ ਇਮੋਜੀ ਬਣਾਇਆ। ਵੀਡੀਓ ਨੂੰ ਲੋਕ ਖੂਬ ਪਸੰਦ ਕਰ ਰਹੇ ਹਨ। ਖ਼ਬਰ ਲਿੱਖੇ ਜਾਣ ਤੱਕ ਵੀਡੀਓ ਨੂੰ ਲੱਖਾਂ ਲੋਕਾਂ ਨੇ ਦੇਖਿਆ ਅਤੇ ਹਜ਼ਾਰਾਂ ਲੋਕਾਂ ਨੇ ਲਾਇਕ ਕੀਤਾ ਹੈ।