Viral Video: ਟਰੈਕਟਰ ਤੇ ਸਕਾਰਪੀਓ ‘ਚ ਹੋਇਆ ਜ਼ਬਰਦਸਤ ਮੁਕਾਬਲਾ, ਆਨੰਦ ਮਹਿੰਦਰਾ ਨੇ ਲਿਖੀ ਅਜਿਹੀ ਗੱਲ, ਯੂਜ਼ਰਸ ਬੋਲੇ- ਸਰ, ਜਿੱਤੋਗੇ ਤਾਂ ਤੁਸੀਂ ਹੀ
Viral Video: ਮਸ਼ਹੂਰ ਕਾਰੋਬਾਰੀ ਆਨੰਦ ਮਹਿੰਦਰਾ ਨੇ ਹਾਲ ਹੀ 'ਚ ਆਪਣੇ ਸ਼ੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ ਜੋ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਇਕ ਟਰੈਕਟਰ ਅਤੇ ਸਕਾਰਪੀਓ ਵਿਚਾਲੇ ਟੋਚਨ ਦਾ ਮੁਕਾਬਲਾ ਹੋ ਰਿਹਾ ਹੈ। ਇਸ ਵੀਡੀਓ 'ਤੇ ਆਨੰਦ ਮਹਿੰਦਰਾ ਨੇ ਬਹੁਤ ਵਧੀਆ ਕੈਪਸ਼ਨ ਵੀ ਦਿੱਤਾ ਹੈ।
ਉਦਯੋਗਪਤੀ ਆਨੰਦ ਮਹਿੰਦਰਾ ਸੋਸ਼ਲ ਮੀਡੀਆ ‘ਤੇ ਬਹੁਤ ਐਕਟਿਵ ਹਨ ਅਤੇ ਅਕਸਰ ਆਪਣੇ ਪ੍ਰਸ਼ੰਸਕਾਂ ਅਤੇ ਫਾਲੋਅਰਜ਼ ਲਈ ਦਿਲਚਸਪ, ਪ੍ਰੇਰਨਾਦਾਇਕ ਅਤੇ ਦਿਲ ਨੂੰ ਛੂਹਣ ਵਾਲੀਆਂ ਪੋਸਟਾਂ ਸ਼ੇਅਰ ਕਰਦੇ ਹਨ। ਹਾਲ ਹੀ ‘ਚ ਉਨ੍ਹਾਂ ਨੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ ਜੋ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ‘ਚ ਇਕ ਟਰੈਕਟਰ ਅਤੇ ਸਕਾਰਪੀਓ ਵਿਚਾਲੇ ਟੋਚਨ ਦਾ ਮੁਕਾਬਲਾ ਦੇਖਿਆ ਜਾ ਸਕਦਾ ਹੈ। ਇਸ ਵੀਡੀਓ ਨੂੰ ਪੋਸਟ ਕਰਨ ਦੇ ਨਾਲ ਹੀ ਆਨੰਦ ਮਹਿੰਦਰਾ ਨੇ ਇਸ ਦੇ ਕੈਪਸ਼ਨ ਵਿੱਚ ਇੱਕ ਦਿਲਚਸਪ ਗੱਲ ਵੀ ਲਿਖੀ ਹੈ। ਜਿਸ ‘ਤੇ ਲੋਕਾਂ ਵੱਲੋਂ ਕਾਫੀ ਪ੍ਰਤੀਕਿਰਿਆਵਾਂ ਆ ਰਹੀਆਂ ਹਨ।
ਇੱਕ ਟਰੈਕਟਰ ਅਤੇ ਸਕਾਰਪੀਓ ਵਿਚਕਾਰ ਹੋਏ ਟੋਚਨ ਦੇ ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ, ਆਨੰਦ ਮਹਿੰਦਰਾ ਨੇ ਕੈਪਸ਼ਨ ਵਿੱਚ ਲਿਖਿਆ ਹੈ – ਮੈਨੂੰ ਉਹ ਕਾਮਪੀਟੀਸ਼ਨ ਬਹੁਤ ਪਸੰਦ ਹੈ ਜਿੱਥੇ ਜਿੱਤ ਸਾਡੇ ਬ੍ਰਾਂਡ ਦੀ ਹੀ ਹੁੰਦੀ ਹੈ। ਜਿਸ ਤੋਂ ਬਾਅਦ ਯੂਜ਼ਰਸ ਵੀ ਪਿੱਛੇ ਨਹੀਂ ਰਹੇ ਅਤੇ ਪੋਸਟ ‘ਤੇ ਬਹੁਤ ਸਾਰੇ ਕਮੈਂਟਸ ਕੀਤੇ। ਜਿਸ ਕਾਰਨ ਆਨੰਦ ਮਹਿੰਦਰਾ ਦੀ ਇਹ ਪੋਸਟ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈ।
I enjoy competitions where our brand wins.either way
— anand mahindra (@anandmahindra) October 9, 2024
ਇਹ ਵੀ ਪੜ੍ਹੋ- ਕੁੜੀ ਦਾ ਟੈਲੇਂਟ ਨਹੀਂ ਦੇਖਿਆ ਤਾਂ ਕੁਝ ਨਹੀਂ ਦੇਖਿਆ ਵੀਡੀਓ ਦੇਖ ਕੇ ਯੂਜ਼ਰਸ ਬੋਲੇ ਦੀਦੀ, ਤੁਸੀਂ ਬਹੁਤ ਅੱਗੇ ਜਾਵੋਗੇ
ਵਾਇਰਲ ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਟਰੈਕਟਰ ਅਤੇ SUV ਦੋਵੇਂ ਮਹਿੰਦਰਾ ਕੰਪਨੀ ਦੇ ਹਨ। ਵੀਡੀਓ ਦੇ ਪਹਿਲੇ 10 ਸਕਿੰਟਾਂ ‘ਚ ਅਜਿਹਾ ਲੱਗ ਰਿਹਾ ਹੈ ਜਿਵੇਂ ਟਰੈਕਟਰ ਮੁਕਾਬਲਾ ਜਿੱਤ ਜਾਵੇਗਾ। ਪਰ, ਵੀਡੀਓ ਦੇ ਅੰਤ ਤੱਕ, ਸਾਰੀ ਖੇਡ ਉਲਟ ਜਾਂਦੀ ਹੈ ਅਤੇ ਇਸ ਮੁਕਾਬਲੇ ਵਿੱਚ ਟਰੈਕਟਰ ਨਹੀਂ ਬਲਕਿ ਸਕਾਰਪੀਓ ਦੀ ਜਿੱਤ ਹੁੰਦੀ ਹੈ। ਇਸ ਵੀਡੀਓ ਰਾਹੀਂ ਇਹ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਕਿ ਮਹਿੰਦਰਾ ਦੀ ਸਕਾਰਪੀਓ ਬਹੁਤ ਮਜ਼ਬੂਤ ਕਾਰ ਹੈ। ਪੋਸਟ ‘ਤੇ ਲੋਕ ਕਾਫੀ ਕਮੈਂਟ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ- ਇਹ ਬਹੁਤ ਦਿਲਚਸਪ ਹੈ। ਇਕ ਹੋਰ ਯੂਜ਼ਰ ਨੇ ਲਿਖਿਆ- ਰੱਸੀ ਵਾਹਨਾਂ ਤੋਂ ਜ਼ਿਆਦਾ ਮਜ਼ਬੂਤ ਹੈ। ਤੀਜੇ ਨੇ ਲਿਖਿਆ- ਇਹ ਸਹੀ ਹੈ ਸਰ, ਕੁਝ ਵੀ ਹੋਵੇ, ਜਿੱਤ ਤਾਂ ਤੁਹਾਡੀ ਹੀ ਹੈ। ਚੌਥੇ ਯੂਜ਼ਰ ਨੇ ਲਿਖਿਆ- ਇੱਥੇ ਡਰਾਈਵਰਾਂ ਦਾ ਹੁਨਰ ਵੀ ਮਾਇਨੇ ਰੱਖਦਾ ਹੈ।
