Viral Video: ਕਿੰਗ ਕੋਹਲੀ ਦੀ ਗੱਲ ਹੀ ਅਲਗ ਹੈ! ਟਾਈਮਜ਼ ਸਕੁਏਅਰ ‘ਤੇ ਦਿਖਾਈ ਦਿੱਤੀ ਵਿਰਾਟ ਦੀ ਸ਼ਾਨਦਾਰ ਮੂਰਤੀ, ਵੀਡੀਓ ਹੋਇਆ ਵਾਇਰਲ

ਵਿਰਾਟ ਕੋਹਲੀ, ਇਹ ਕੋਈ ਨਾਮ ਨਹੀਂ ਬਲਕਿ ਇੱਕ ਬ੍ਰਾਂਡ ਹੈ। ਭਾਰਤੀ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਆਪਣੀ ਖੇਡ ਦੇ ਦਮ ‘ਤੇ ਭਾਰਤ ‘ਚ ਹੀ ਨਹੀਂ ਸਗੋਂ ਪੂਰੀ ਦੁਨੀਆ ‘ਚ ਅਜਿਹੀ ਪ੍ਰਸਿੱਧੀ ਹਾਸਲ ਕੀਤੀ ਹੈ ਕਿ ਹੁਣ ਉਨ੍ਹਾਂ ਨੂੰ ਕਿਸੇ ਪਛਾਣ ਦੀ ਲੋੜ ਨਹੀਂ ਹੈ। ਵਿਰਾਟ ਕੋਹਲੀ ਦੇ ਨਾ ਸਿਰਫ ਭਾਰਤ ‘ਚ ਪ੍ਰਸ਼ੰਸਕ ਹਨ, ਇਸ ਤੋਂ ਇਲਾਵਾ ਪੂਰੀ ਦੁਨੀਆ ‘ਚ ਉਨ੍ਹਾਂ ਦੀ ਫੈਨ ਫਾਲੋਇੰਗ ਹੈ ਅਤੇ ਦੁਨੀਆ ਭਰ ਦੇ ਕ੍ਰਿਕਟ ਪ੍ਰੇਮੀ ਉਨ੍ਹਾਂ ਦੀ ਖੇਡ ਦੀ ਤਾਰੀਫ ਕਰਦੇ ਹਨ। ਫਿਲਹਾਲ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖਣ ਤੋਂ ਬਾਅਦ ਵਿਰਾਟ ਕੋਹਲੀ ਦੇ ਪ੍ਰਸ਼ੰਸਕਾਂ ਦੇ ਹੌਂਸਲੇ ਵਧ ਜਾਣਗੇ। ਵੀਡੀਓ ਨਿਊਯਾਰਕ ਦੇ ਟਾਈਮਜ਼ ਸਕੁਏਅਰ ਦੀ ਹੈ। ਆਓ ਹੁਣ ਤੁਹਾਨੂੰ ਦੱਸਦੇ ਹਾਂ ਕਿ ਵੀਡੀਓ ਵਿੱਚ ਕੀ ਨਜ਼ਰ ਆ ਰਿਹਾ ਹੈ।

ਤੁਸੀਂ ਸਾਰੇ ਦੁਨੀਆ ਦੇ ਮਸ਼ਹੂਰ ਮੈਟਰੈਸ ਬ੍ਰਾਂਡ ਡੂਰੋਫਲੇਕਸ ਨੂੰ ਜਾਣਦੇ ਹੀ ਹੋਵੋਗੇ, ਜਿਸ ਦੇ ਬ੍ਰਾਂਡ ਅੰਬੈਸਡਰ ਵਿਰਾਟ ਕੋਹਲੀ ਹਨ। ਇਸ ਕੰਪਨੀ ਨੇ ਆਪਣੇ ਟਵਿੱਟਰ ਹੈਂਡਲ ਤੋਂ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ ਜੋ ਨਿਊਯਾਰਕ ਦੇ ਟਾਈਮਜ਼ ਸਕੁਏਅਰ ਦਾ ਹੈ। ਵੀਡੀਓ ‘ਚ ਵਿਰਾਟ ਕੋਹਲੀ ਦੀ ਵੱਡੀ ਮੂਰਤੀ ਦਿਖਾਈ ਦੇ ਰਹੀ ਹੈ। ਵਿਰਾਟ ਕੋਹਲੀ ਦਾ ਇਹ ਬੁੱਤ ਉਨ੍ਹਾਂ ਦੇ ਕ੍ਰਿਕਟ ਪਹਿਰਾਵੇ ‘ਚ ਹੈ। ਉਨ੍ਹਾਂ ਦੇ ਹੱਥ ਵਿਚ ਬੱਲਾ ਨਜ਼ਰ ਆ ਰਿਹਾ ਹੈ ਜਿਸ ਨੂੰ ਉਨ੍ਹਾਂ ਨੇ ਹਵਾ ਵਿਚ ਚੁੱਕਿਆ ਹੋਇਆ ਹੈ। ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ, ਡੂਰੋਫਲੈਕਸ ਨੇ ਕੈਪਸ਼ਨ ਵਿੱਚ ਲਿਖਿਆ, ‘ਹਾਲ ਹੀ ਵਿੱਚ ਅਨਵੇਲ ਕੀਤਾ ਗਿਆ, ਆਈਕਾਨਿਕ ਟਾਈਮਜ਼ ਸਕੁਏਅਰ ‘ਤੇ ਵਿਰਾਟ ਕੋਹਲੀ ਦੀ ਵਿਸ਼ਾਲ ਮੂਰਤੀ।’

Just Unveiled :A larger-than-life statue of Virat Kohli at the iconic Times Square.

This King’s Duty, we are going global and making history!

Were delivering great sleep and great health to Virat Kohli.#GreatSleepGreatHealth #ViratKohli #worldcup #cricket #CGI pic.twitter.com/5WpkZcwa7i

— Duroflex (@Duroflex_world) June 23, 2024

ਇਹ ਵੀ ਪੜ੍ਹੋ- ਮੌਤ ਇਸ ਤਰ੍ਹਾਂ ਵੀ ਆਉਂਦੀ ਹੈ! ਟਰੇਡਮਿਲ ਤੇ Workout ਕਰ ਰਹੀ ਸੀ ਔਰਤ, ਉਦੋਂ ਹੀ ਵਾਪਰਿਆ ਭਿਆਨਕ ਹਾਦਸਾ

ਪ੍ਰਸ਼ੰਸਕਾਂ ਨੇ ਕਿਵੇਂ React ਕੀਤਾ?

ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਇੱਕ ਯੂਜ਼ਰ ਨੇ ਲਿਖਿਆ- ਭਾਰਤੀ ਕ੍ਰਿਕਟਰਾਂ ਦੀ ਤਾਕਤ ਨੂੰ ਹੁਣ ਵਿਸ਼ਵ ਪੱਧਰ ‘ਤੇ ਪਛਾਣਿਆ ਜਾ ਰਿਹਾ ਹੈ। ਇਕ ਹੋਰ ਯੂਜ਼ਰ ਨੇ ਲਿਖਿਆ- ਇਹ GOAT ਹੈ। ਤੁਹਾਨੂੰ ਦੱਸ ਦਈਏ ਕਿ GOAT ਦਾ ਮਤਲਬ ਹੈ ਗ੍ਰੇਟ ਆਫ ਆਲ ਟਾਈਮ। ਤੀਜੇ ਯੂਜ਼ਰ ਨੇ ਲਿਖਿਆ- ਕਿੰਗ ਕੋਹਲੀ ਦੀ ਤਾਕਤ।