Emotional Video:ਕੈਂਸਰ ਤੋਂ ਪੀੜਤ ਛੋਟੀ ਭੈਣ ਨੂੰ ਮਿਲਦੇ ਹੀ ਰੋ ਪਿਆ ਭਰਾ, ਵੀਡੀਓ ਦੇਖ ਕੇ ਨਹੀਂ ਰੋਕ ਪਾਓਗੇ ਹੰਝੂ
Emotional Viral Video: ਇੰਸਟਾਗ੍ਰਾਮ 'ਤੇ goodnews_movement ਨਾਮ ਦੇ ਇਕ ਅਕਾਊਂਟ ਨੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ ਕਾਫੀ ਭਾਵੁਕ ਕਰਨ ਵਾਲੀ ਹੈ। ਵੀਡੀਓ ਵਿੱਚ ਕੈਂਸਰ ਨਾਲ ਜੂਝ ਰਹੀ ਮਾਸੂਮ ਬੱਚੀ ਆਪਣੇ ਵੱਡੇ ਭੈਣ-ਭਰਾ ਨੂੰ 2 ਹਫਤਿਆਂ ਬਾਅਦ ਮਿਲਦੀ ਹੈ। ਮਿਲਣ 'ਤੇ ਦੋਹਾਂ ਦੀਆਂ ਅੱਖਾਂ 'ਚ ਹੰਝੂ ਆ ਜਾਂਦੇ ਹਨ। ਇਹ ਵੀਡੀਓ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਸੋਸ਼ਲ ਮੀਡੀਆ ‘ਤੇ ਇਕ ਭਾਵੁਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਜਿਸ ਵਿੱਚ ਭਰਾ 2 ਹਫਤਿਆਂ ਬਾਅਦ ਕੈਂਸਰ ਤੋਂ ਪੀੜਤ ਛੋਟੀ ਭੈਣ ਨੂੰ ਮਿਲਦਾ ਹੈ। ਜਿਵੇਂ ਹੀ ਭਰਾ ਆਪਣੀ ਭੈਣ ਨੂੰ ਮਿਲਦਾ ਹੈ, ਉਹ ਉਸ ਨੂੰ ਜੱਫੀ ਪਾ ਕੇ ਰੋਣ ਲੱਗ ਜਾਂਦਾ ਹੈ। ਵੀਡੀਓ ਨੂੰ ਇੰਸਟਾਗ੍ਰਾਮ ‘ਤੇ goodnews_movement ਨਾਮ ਦੇ ਅਕਾਊਂਟ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ਬਹੁਤ ਭਾਵੁਕ ਹੈ, ਜਿਸ ਨੂੰ ਦੇਖ ਕੇ ਤੁਹਾਡੀਆਂ ਅੱਖਾਂ ‘ਚੋਂ ਹੰਝੂ ਆ ਜਾਣਗੇ।
ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਇਕ ਮਾਸੂਮ 3-4 ਸਾਲ ਦੀ ਬੱਚੀ ਆਪਣੇ ਭੈਣ-ਭਰਾ ਨੂੰ ਮਿਲਣ ਹਸਪਤਾਲ ਦੇ ਕਾਰਿਡੋਰ ‘ਚ ਦੌੜਦੇ ਹੋਏ ਜਾਂਦੀ ਹੈ। ਕੁਝ ਦੇਰ ਬਾਅਦ ਉਹ ਇੱਕ ਦਰਵਾਜ਼ੇ ਕੋਲ ਪਹੁੰਚਦੀ ਹੈ। ਜਿੱਥੇ ਉਸ ਦੇ ਭੈਣ-ਭਰਾ ਉਸ ਨੂੰ ਮਿਲਣ ਦੀ ਉਡੀਕ ਕਰ ਰਹੇ ਹੁੰਦੇ ਹਨ। 2 ਹਫਤਿਆਂ ਬਾਅਦ ਆਪਣੀ ਛੋਟੀ ਭੈਣ ਨੂੰ ਦੇਖ ਕੇ ਦੋਵੇਂ ਭੈਣ-ਭਰਾ ਖੁਸ਼ੀ ਨਾਲ ਝੂਮ ਉੱਠੇ। ਮਿਲਣ ਆਏ ਭੈਣਾਂ-ਭਰਾਵਾਂ ਦੀਆਂ ਅੱਖਾਂ ਚੋਂ ਖੁਸ਼ੀ ਦੇ ਹੰਝੂ ਵਗਣ ਲੱਗ ਪੈਂਦੇ ਹਨ। ਮਾਸੂਮ ਕੁੜੀ ਨੇ ਪਹਿਲਾਂ ਆਪਣੇ ਵੱਡੇ ਭਰਾ ਨੂੰ ਜੱਫੀ ਪਾ ਲਈ। ਭੈਣ ਨੂੰ ਜੱਫੀ ਪਾਉਂਦੇ ਹੀ ਭਰਾ ਭੁੱਬਾਂ ਮਾਰ ਕੇ ਰੋਣ ਲੱਗਾ। ਇਸ ਤੋਂ ਬਾਅਦ ਕੁੜੀ ਦੀ ਵੱਡੀ ਭੈਣ ਉਸ ਨੂੰ ਮਿਲਦੀ ਹੈ। ਵੱਡੀ ਭੈਣ ਵੀ ਛੋਟੀ ਭੈਣ ਨੂੰ ਮਿਲ ਕੇ ਰੋਣ ਲੱਗ ਜਾਂਦੀ ਹੈ। ਇਸ ਦੇ ਨਾਲ ਹੀ ਵੱਡੇ ਭਰਾ ਦੀਆਂ ਅੱਖਾਂ ‘ਚੋਂ ਹੰਝੂ ਨਹੀਂ ਰੁਕ ਰਹੇ। ਵੱਡਾ ਭਰਾ ਚੁੱਪਚਾਪ ਇੱਕ ਕੋਨੇ ਵਿੱਚ ਰੋਣ ਲੱਗ ਜਾਂਦਾ ਹੈ।
View this post on Instagram
ਇਹ ਵੀ ਪੜ੍ਹੋ- ਪਾਲਤੂ ਕੁੱਤੇ ਨੇ ਅਚਾਨਕ ਕੀਤਾ ਕੁੜੀ ਤੇ ਹਮਲਾ, ਕੈਮਰੇ ਚ ਕੈਦ ਹੋਇਆ ਖੌਫਨਾਕ ਦ੍ਰਿਸ਼
ਵੀਡੀਓ ਨੇ ਲੋਕਾਂ ਨੂੰ ਕਰ ਦਿੱਤਾ ਭਾਵੁਕ
ਇੱਥੇ ਵੀਡੀਓ ਦੇਖ ਕੇ ਲੋਕ ਕਾਫੀ ਭਾਵੁਕ ਹੋ ਰਹੇ ਹਨ। ਲੋਕ ਉਸ ਮਾਸੂਮ ਬੱਚੀ ਦੇ ਹੌਂਸਲੇ ਦੀ ਤਾਰੀਫ ਕਰ ਰਹੇ ਹਨ। ਵੀਡੀਓ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਲਿਖਿਆ ਹੈ- ਕੈਂਸਰ ਨਾਲ ਲੜ ਰਹੀ ਛੋਟੀ ਬੱਚੀ 2 ਹਫਤਿਆਂ ਬਾਅਦ ਆਪਣੇ ਵੱਡੇ ਭੈਣ-ਭਰਾਵਾਂ ਨੂੰ ਮਿਲੀ। ਇਲਾਜ ਦੌਰਾਨ ਛੋਟੇ ਬੱਚਿਆਂ ਨੂੰ ਓਨਕੋਲੋਜੀ ਵਾਰਡ ਵਿੱਚ ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਂਦੀ। ਇਸ ਕਾਰਨ ਉਹ ਉਸ ਨੂੰ ਨਹੀਂ ਮਿਲ ਸਕੇ। ਵੱਡੇ ਭਰਾ ਤੇ ਭੈਣ ਆਪਣੀ ਛੋਟੀ ਭੈਣ ਨੂੰ ਜੱਫੀ ਪਾ ਕੇ ਰੋਏ। ਇਸ ਪੋਸਟ ਨੂੰ ਲਿਖਣ ਤੱਕ 14 ਲੱਖ ਲੋਕ ਇਸ ਨੂੰ ਦੇਖ ਚੁੱਕੇ ਹਨ ਅਤੇ ਕਰੀਬ 1 ਲੱਖ ਲੋਕ ਇਸ ਨੂੰ ਲਾਇਕ ਕਰ ਚੁੱਕੇ ਹਨ।
