Viral Video: ਬਿਨਾਂ ਦੇਖੇ ਸੜਕ ਪਾਰ ਕਰਨਾ ਪਿਆ ਮਹਿੰਗਾ, ਤੇਜ਼ ਰਫ਼ਤਾਰ ਬੱਸ ਨੇ ਮਾਰੀ ਜੋਰਦਾਰ ਟੱਕਰ; ਵੀਡੀਓ ਦੇਖ ਕੇ ਕੰਬ ਜਾਵੇਗੀ ਰੂਹ

Image Credit source: X/@manas_muduli

ਬਿਨਾਂ ਦੇਖੇ ਸੜਕ ‘ਤੇ ਤੁਰਨਾ ਮੌਤ ਨੂੰ ਸੱਦਾ ਦੇਣ ਵਰਗਾ ਹੈ। ਭਾਵੇਂ ਤੁਸੀਂ ਪੈਦਲ ਚੱਲ ਰਹੇ ਹੋ ਜਾਂ ਗੱਡੀ ਚਲਾ ਰਹੇ ਹੋ, ਤੁਹਾਨੂੰ ਹਮੇਸ਼ਾ ਅੱਗੇ, ਪਿੱਛੇ, ਸੱਜੇ ਅਤੇ ਖੱਬੇ ਦੇਖਣਾ ਚਾਹੀਦਾ ਹੈ, ਨਹੀਂ ਤਾਂ ਤੁਹਾਨੂੰ ਪਤਾ ਨਹੀਂ ਲੱਗੇਗਾ ਕਿ ਕੋਈ ਕਦੋਂ ਜਾਂ ਕਿੱਥੇ ਆ ਕੇ ਤੁਹਾਨੂੰ ਟੱਕਰ ਮਾਰ ਸਕਦਾ ਹੈ। ਇਸੇ ਤਰ੍ਹਾਂ ਦੇ ਦਿਲ ਦਹਿਲਾ ਦੇਣ ਵਾਲੇ ਹਾਦਸੇ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਬਿਨਾਂ ਦੇਖੇ ਸੜਕ ਪਾਰ ਕਰਨ ਵਾਲਾ ਇੱਕ ਸ਼ਖਸ ਜਾਨਲੇਵਾ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਦਰਅਸਲ, ਇੱਕ ਤੇਜ਼ ਰਫ਼ਤਾਰ ਬੱਸ ਨੇ ਇੱਕ ਮੋਪੇਡ ਸਵਾਰ ਨੂੰ ਇੰਨੀ ਜ਼ੋਰ ਨਾਲ ਟੱਕਰ ਮਾਰ ਦਿੱਤੀ ਕਿ ਨਜਾਰਾ ਦੇਖ ਕੇ ਲੋਕ ਸਹਿਮ ਗਏ ਹਨ।

ਵੀਡੀਓ ਦੀ ਸ਼ੁਰੂਆਤ ਇੱਕ ਵਿਅਸਤ ਸੜਕ ਤੋਂ ਹੁੰਦੀ ਹੈ ਜਿੱਥੇ ਬਾਈਕ ਸਵਾਰ ਸੜਕ ਪਾਰ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ। ਇਸ ਦੌਰਾਨ, ਇੱਕ ਬੱਸ ਚੌਰਾਹੇ ਦੇ ਨੇੜੇ ਰੁਕਦੀ ਹੈ, ਅਤੇ ਯਾਤਰੀ ਚੜ੍ਹਨ ਲੱਗਦੇ ਹਨ। ਮੋਪੇਡ ‘ਤੇ ਸਵਾਰ ਇੱਕ ਆਦਮੀ, ਸੜਕ ਸਾਫ਼ ਸਮਝ ਕੇ, ਪਾਰ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ। ਪਰ ਉਸੇ ਟਾਈਮ ਪਿਛੋਂ ਦੀ ਇੱਕ ਤੇਜ਼ ਰਫ਼ਤਾਰ ਬੱਸ ਆਉਂਦੀ ਹੈ ਅਤੇ ਮੋਪੇਡ ਨੂੰ ਟੱਕਰ ਮਾਰ ਦਿੰਦੀ ਹੈ। ਮੋਪੇਡ ਸਵਾਰ ਨੂੰ ਸੋਚਣ ਅਤੇ ਸੰਭਲਣ ਦਾ ਸਮਾਂ ਨਹੀਂ ਮਿਲਦਾ ਹੈ। ਇਹ ਹਾਦਸਾ ਦਿਲ ਦਹਿਲਾ ਦੇਣ ਵਾਲਾ ਸੀ। ਹਾਲਾਂਕਿ ਘਟਨਾ ਦੀ ਸਹੀ ਜਗ੍ਹਾ ਦਾ ਪਤਾ ਨਹੀਂ ਲੱਗ ਸਕਿਆਹੈ, ਪਰ ਇਹ ਸੀਸੀਟੀਵੀ ਵਿੱਚ ਕੈਦ ਹੋ ਗਿਆ ਅਤੇ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਿਆ।

ਮੋਪੇਡ ਸਵਾਰ ਦੀ ਸੜਕ ਪਾਰ ਕਰਨਾ ਪਿਆ ਭਾਰੀ

ਇਹ ਹੈਰਾਨ ਕਰਨ ਵਾਲਾ ਵੀਡੀਓ ਸੋਸ਼ਲ ਮੀਡੀਆ ਪਲੇਟਫਾਰਮ X (ਟਵਿੱਟਰ) ‘ਤੇ @manas_muduli ਯੂਜ਼ਰ ਦੁਆਰਾ ਕੈਪਸ਼ਨ ਦੇ ਨਾਲ ਸਾਂਝਾ ਕੀਤਾ ਗਿਆ ਸੀ, “ਇੱਕ ਮੋਪੇਡ ਸਵਾਰ ਦੁਆਰਾ ਬਹੁਤ ਮਹਿੰਗੀ ਗਲਤੀ। ਜਦੋਂ ਇੱਕ ਵੱਡਾ ਵਾਹਨ ਰੁੱਕਿਆ ਹੋਵੇ ਤਾਂ ਇਸਦੇ ਸਾਹਮਣੇ ਨਾ ਲੰਘੋ ਜਦੋਂ ਤੱਕ ਤੁਹਾਨੂੰ ਦੂਜੀ ਲੇਨ ਤੇ ਆ ਰਿਹਾ ਟ੍ਰੈਫਿਕ ਸਾਫ ਨਾ ਦਿਖਾਈ ਦੇਵੇ। ਸੜਕ ‘ਤੇ ਸਬਰ ਜਾਨਾਂ ਬਚਾਉਂਦਾ ਹੈ।”

ਸਿਰਫ਼ 17-ਸਕਿੰਟ ਦੇ ਇਸ ਵੀਡੀਓ ਨੂੰ 150,000 ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, ਸੈਂਕੜੇ ਲੋਕਾਂ ਨੇ ਵੀਡੀਓ ਨੂੰ ਪਸੰਦ ਅਤੇ ਟਿੱਪਣੀਆਂ ਕੀਤੀਆਂ ਹਨ, ਜਿਸ ਨਾਲ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਆਈਆਂ ਹਨ। ਇੱਕ ਯੂਜ਼ਰ ਨੇ ਲਿਖਿਆ, “ਇਹ ਵੱਡਾ ਹਾਦਸਾ ਬਾਈਕਰ ਦੀ ਲਾਪਰਵਾਹੀ ਨਾਲ ਗੱਡੀ ਚਲਾਉਣ ਕਾਰਨ ਹੋਇਆ ਹੈ। ਇਸ ਤੋਂ ਇਲਾਵਾ, ਮੈਨੂੰ ਸ਼ੱਕ ਹੈ ਕਿ ਬੱਸ ਨੇ ਸੜਕ ਦੇ ਦੂਜੇ ਪਾਸੇ ਵਾਹਨਾਂ ਨੂੰ ਟੱਕਰ ਮਾਰ ਦਿੱਤੀ ਹੋਵੇਗੀ, ਜੋ ਇਸ ਸੀਸੀਟੀਵੀ ਫੁਟੇਜ ਵਿੱਚ ਦਿਖਾਈ ਨਹੀਂ ਦੇ ਰਹੇ ਹਨ।” ਇੱਕ ਹੋਰ ਯੂਜ਼ਰ ਨੇ ਲਿਖਿਆ, “ਭਾਰਤੀ ਲੋਕ ਕ੍ਰਾਸਿੰਗਸ ‘ਤੇ ਰਫਤਾਰ ਘਟਾਉਣ ਦੀ ਜ਼ਰੂਰਤ ਨੂੰ ਨਹੀਂ ਸਮਝਦੇ। ਇਹ ਪੂਰੇ ਭਾਰਤ ਵਿੱਚ ਦੇਖਿਆ ਜਾ ਰਿਹਾ ਹੈ। ਡਰਾਈਵਿੰਗ ਐਜੁਕੇਸ਼ਨ ਅਤੇ ਆਮ ਖਤਰਿਆਂ ਪ੍ਰਤੀ ਜਾਗਰੂਕਤਾ ਪ੍ਰਮੁੱਖ ਸਰਕਾਰੀ ਤਰਜੀਹ ਹੋਣੀ ਚਾਹੀਦੀ ਹੈ।”

ਇੱਥੇ ਦੇਖੋ ਵੀਡੀਓ