Shocking Video : ਇਨਸਾਨਾਂ ਵਾਂਗ ਸਿਗਰਟ ਪੀਂਦਾ ਨਜ਼ਰ ਆਇਆ ਗੋਰਿਲਾ, VIDEO ਦੇਖ ਕੇ ਲੋਕ ਹੋਏ ਹੈਰਾਨ

Image Credit source: Instagram/@travly

Follow Us On

ਚੀਨ ਦੇ ਗੁਆਂਗਸ਼ੀ ਦੇ ਨੈਨਿੰਗ ਚਿੜੀਆਘਰ ਵਿੱਚ ਇੱਕ ਗੋਰਿਲਾ ਨੂੰ ਇਨਸਾਨਾਂ ਵਾਂਗ ਸਿਗਰਟ ਪੀਂਦੇ ਦੇਖਿਆ ਗਿਆ। ਇਸ ਘਟਨਾ ਨੂੰ ਇੱਕ ਵਿਜ਼ਟਰ ਨੇ ਰਿਕਾਰਡ ਕੀਤਾ ਸੀ, ਜੋ ਹੁਣ ਇੰਟਰਨੈੱਟ ‘ਤੇ ਵਾਇਰਲ ਹੋ ਰਿਹਾ ਹੈ। ਹਾਲਾਂਕਿ, ਜਿਵੇਂ ਹੀ ਲੋਕਾਂ ਨੇ ਵੀਡੀਓ ਦੇਖਿਆ, ਉਹ ਜਾਨਵਰ ਦੀਆਂ ਹਰਕਤਾਂ ਦੇਖ ਕੇ ਦੰਗ ਰਹਿ ਗਏ। ਇਸ ਦੇ ਨਾਲ ਹੀ, ਬਹੁਤ ਸਾਰੇ ਯੂਜ਼ਰਸ ਇਸ ਤੱਥ ਬਾਰੇ ਗੁੱਸੇ ਵਿੱਚ ਹਨ ਕਿ ਇਨ੍ਹਾਂ ਮੂਕ ਜੀਵਾਂ ਨੂੰ ਸਾਡੇ ਇਨਸਾਨਾਂ ਦੀਆਂ ਗਲਤੀਆਂ ਦਾ ਖਮਿਆਜ਼ਾ ਭੁਗਤਣਾ ਪਵੇਗਾ।

ਨਿਊਜ਼ ਫਲੇਅਰ ਦੀ ਇੱਕ ਰਿਪੋਰਟ ਦੇ ਮੁਤਾਬਕ, ਨੈਨਿੰਗ ਚਿੜੀਆਘਰ ਦੇ ਸਟਾਫ ਨੇ ਕਿਹਾ ਕਿ ਉਹ ਵਾਇਰਲ ਵੀਡੀਓ ਤੋਂ ਜਾਣੂ ਹਨ ਅਤੇ ਮਾਮਲੇ ਦੀ ਜਾਂਚ ਕਰ ਰਹੇ ਹਨ। ਸਟਾਫ਼ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਕਿ ਕਿਸੇ ਸੈਲਾਨੀ ਨੇ ਜਾਣਬੁੱਝ ਕੇ ਗੋਰਿਲਾ ਐਨਕਲੋਜ਼ਰ ਵਿੱਚ ਬਲਦੀ ਹੋਈ ਸਿਗਰਟ ਦਾ ਬੱਟ ਸੁੱਟਿਆ ਸੀ।

ਰਿਪੋਰਟ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਚਿੜੀਆਘਰ ਨੇ ਜਨਤਾ ਨੂੰ ਭਰੋਸਾ ਦਿੱਤਾ ਹੈ ਕਿ ਉਹ ਪ੍ਰਬੰਧਨ ਦੇ ਯਤਨਾਂ ਨੂੰ ਮਜ਼ਬੂਤ ​​ਕਰੇਗਾ ਅਤੇ ਚਿੜੀਆਘਰ ਵਿੱਚ ਆਉਣ ਵਾਲੇ ਸੈਲਾਨੀਆਂ ਵਿੱਚ ਜਾਨਵਰਾਂ ਦੀ ਸੁਰੱਖਿਆ ਬਾਰੇ ਜਾਗਰੂਕਤਾ ਵੀ ਵਧਾਏਗਾ। ਇਸ ਤੋਂ ਇਲਾਵਾ, ਸੈਲਾਨੀਆਂ ਨੂੰ ਇਹ ਵੀ ਅਪੀਲ ਕੀਤੀ ਗਈ ਹੈ ਕਿ ਉਹ ਚਿੜੀਆਘਰ ਵਿੱਚ ਜਾਨਵਰਾਂ ਨੂੰ ਕੁੱਝ ਵੀ ਖੁਆਉਣ ਜਾਂ ਉਨ੍ਹਾਂ ਵੱਲ ਕੋਈ ਵੀ ਚੀਜ਼ ਨਾ ਸੁੱਟਣ।

ਇੰਸਟਾਗ੍ਰਾਮ ‘ਤੇ @travly ਪੇਜ ਤੋਂ ਵੀਡੀਓ ਸ਼ੇਅਰ ਕਰਦੇ ਹੋਏ, ਯੂਜ਼ਰ ਨੇ ਇਸਨੂੰ ਕੈਪਸ਼ਨ ਦਿੱਤਾ, ਇਹ ਗੋਰਿਲਾ ਇੱਕ ਚੀਨੀ ਚਿੜੀਆਘਰ ਵਿੱਚ ਸਿਗਰਟ ਪੀਂਦੇ ਫੜਿਆ ਗਿਆ। ਵੀਡੀਓ ਵਿੱਚ, ਗੋਰਿਲਾ ਨੂੰ ਮਨੁੱਖਾਂ ਵਾਂਗ ਸਿਗਰਟ ਪੀਂਦੇ ਦਿਖਾਇਆ ਗਿਆ ਹੈ। ਜਾਨਵਰ ਧੂੰਆਂ ਛੱਡਣ ਤੋਂ ਪਹਿਲਾਂ ਇੱਕ ਲੰਮਾ ਕੰਸ਼ ਖਿੱਚਦਾ ਹੈ ਅਤੇ ਫਿਰ ਸਿਗਰਟ ਖਤਮ ਹੋਣ ‘ਤੇ ਬੁਝਾ ਦਿੰਦਾ ਹੈ। ਵਾਇਰਲ ਵੀਡੀਓ ‘ਤੇ ਕਈ ਯੂਜ਼ਰਸ ਨੇ ਕੂਮੇਂਟ ਵੀ ਕੀਤੇ ਹਨ।

ਇਹ ਵੀ ਪੜ੍ਹੋ- Viral Video : ਲੇਡੀਜ਼ ਸੂਟ ਵੇਚਣ ਲਈ ਸ਼ਖਸ ਨੇ ਲਗਾਇਆ ਗਜਬ ਦਾ ਦਿਮਾਗ, ਲੋਕਾਂ ਨੇ ਰੱਜ ਕੇ ਕੀਤੀ ਤਾਰੀਫ

ਇੱਕ ਯੂਜ਼ਰ ਨੇ ਕੂਮੇਂਟ ਕੀਤਾ, ਗੋਰਿਲਾ ਨੇ ਇਹ ਕਦੋਂ ਸਿੱਖਿਆ, ਭਰਾ? ਇੱਕ ਹੋਰ ਯੂਜ਼ਰ ਨੇ ਕਿਹਾ, ਇਹ ਬੇਚਾਰੇ ਗੁੰਗੇ ਜੀਵ ਸਾਡੀਆਂ ਗਲਤੀਆਂ ਦੇ ਨਤੀਜੇ ਭੁਗਤਣਗੇ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ਕੀ ਚਿੜੀਆਘਰ ਪ੍ਰਸ਼ਾਸਨ ਸੁੱਤਾ ਪਿਆ ਸੀ?

ਇਹ ਵੀ ਪੜ੍ਹੋ- ਖਾਣਾ ਮਿਲਦੇ ਹੀ ਬਾਂਦਰ ਨੇ ਕੁੜੀ ਨਾਲ ਹੱਥ ਮਿਲਾਇਆ ਕਿਹਾ Thanks, Viral ਵੀਡੀਓ ਨੇ ਜਿੱਤਿਆ ਦਿਲ