Model As Live Mannequin: ‘ਇਹ ਹੈ ਗੁਲਾਮੀ’, ਮਾਲ ‘ਚ ਪੁਤਲੇ ਦੀ ਥਾਂ ‘ਤੇ ਕੁੜੀ ਨੂੰ ਕੀਤਾ ਖੜ੍ਹਾ, VIDEO ਨੇ ਇੰਟਰਨੈੱਟ ‘ਤੇ ਮਚਾਇਆ ਹੰਗਾਮਾ
Dubai Mall Store Uses Model As Live Mannequin: ਇਹ ਵੀਡੀਓ ਦੁਬਈ ਫੈਸਟੀਵਲ ਸਿਟੀ ਮਾਲ ਦੀ ਹੈ, ਜਿਸ 'ਚ ਐਂਜਲੀਨਾ ਨਾਂ ਦੀ ਮਾਡਲ Manto Bride ਦੇ ਕੱਪੜਿਆਂ ਦੇ ਸਟੋਰ 'ਚ ਪੁਤਲੇ ਵਾਂਗ ਖੜ੍ਹੀ ਦਿਖਾਈ ਦਿੱਤੀ। ਇਸ ਦੌਰਾਨ ਮਾਡਲ ਵੀ ਵੱਖ-ਵੱਖ ਪੋਜ਼ ਦੇ ਕੇ ਲੋਕਾਂ ਦਾ ਧਿਆਨ ਖਿੱਚਣ ਦੀ ਕੋਸ਼ਿਸ਼ ਕਰਦੀ ਨਜ਼ਰ ਆ ਰਹੀ ਸੀ। ਇਸ ਵੀਡੀਓ ਨੂੰ ਦੇਖ ਕੇ ਲੋਕ ਗੁੱਸੇ 'ਚ ਹਨ।
ਇੱਕ ਮਾਲ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਨੇ ਮਾਰਕੀਟਿੰਗ ਸ੍ਰਟੇਜੀ ਦੇ ਨੈਤਿਕ ਅਤੇ ਮਨੁੱਖੀ ਪਹਿਲੂਆਂ ਨੂੰ ਲੈ ਕੇ ਇੰਟਰਨੈੱਟ ‘ਤੇ ਇੱਕ ਵੱਡੀ ਬਹਿਸ ਛੇੜ ਦਿੱਤੀ ਹੈ। ਵਾਇਰਲ ਕਲਿੱਪ ਵਿੱਚ ਦਿਖਾਇਆ ਗਿਆ ਹੈ ਕਿ ਕਿਵੇਂ ਇੱਕ ਕੁੜੀ ਨੂੰ ਕੱਪੜੇ ਦੀ ਦੁਕਾਨ ਵਿੱਚ ਇੱਕ ਪੁਤਲੇ ਵਾਂਗ ਖੜ੍ਹਾ ਕੀਤਾ ਗਿਆ ਹੈ। ਇਹ ਦੁਬਈ ਦਾ ਦੱਸਿਆ ਜਾ ਰਿਹਾ ਹੈ। ਸਿਰਫ ਕੁਝ ਸਕਿੰਟਾਂ ਦੀ ਇਸ ਵੀਡੀਓ ਨੂੰ ਦੇਖ ਕੇ ਸੋਸ਼ਲ ਮੀਡੀਆ ਯੂਜ਼ਰਸ ਗੁੱਸੇ ‘ਚ ਆ ਗਏ ਹਨ ਅਤੇ ਇਸ ਨੂੰ ਅਣਮਨੁੱਖੀ ਕਰਾਰ ਦੇ ਰਹੇ ਹਨ। ਲੋਕ ਸਵਾਲ ਕਰ ਰਹੇ ਹਨ ਕਿ ਕੀ ਇਹ ਮਾਰਕੀਟਿੰਗ Strategy ਹੈ ਜਾਂ ਆਧੁਨਿਕ ਦੁਨੀਆ ਵਿੱਚ ਗੁਲਾਮੀ?
ਇਹ ਵੀਡੀਓ ਦੁਬਈ ਫੈਸਟੀਵਲ ਸਿਟੀ ਮਾਲ ਦੀ ਹੈ, ਜਿਸ ਨੂੰ ਮਾਡਲ ਨੇ ਖੁਦ ਆਪਣੇ ਇੰਸਟਾਗ੍ਰਾਮ ਅਕਾਊਂਟ @_angelina.a__ ‘ਤੇ ਸ਼ੇਅਰ ਕੀਤਾ ਹੈ। ਇਸ ‘ਚ ਐਂਜਲੀਨਾ ਨਾਂ ਦੀ ਮਾਡਲ Manto Bride ਦੇ ਸਟੋਰ ‘ਚ ਪੁਤਲੇ ਵਾਂਗ ਖੜ੍ਹੀ ਨਜ਼ਰ ਆ ਰਹੀ ਹੈ। ਮਾਡਲ ਵੀ ਵੱਖ-ਵੱਖ ਪੋਜ਼ ਦੇ ਕੇ ਲੋਕਾਂ ਦਾ ਧਿਆਨ ਖਿੱਚਣ ਦੀ ਕੋਸ਼ਿਸ਼ ਕਰਦੀ ਨਜ਼ਰ ਆ ਰਹੀ ਹੈ। ਐਂਜਲੀਨਾ ਨੇ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ, ਦੁਬਈ ਵਿੱਚ ਮਾਰਕੀਟਿੰਗ।
View this post on Instagram
ਇਹ ਪੜ੍ਹੋ- ਬੱਚਿਆਂ ਦੀ ਤਰ੍ਹਾਂ ਬੇਬੀ ਮਗਰਮੱਛ ਨਾਲ ਖੇਡਦੀ ਦਿਖੀ ਔਰਤ, ਵੀਡੀਓ ਦੇਖ ਹੋ ਜਾਓਗੇ ਹੈਰਾਨ
ਖ਼ਬਰ ਲਿਖੇ ਜਾਣ ਤੱਕ ਇਸ ਵੀਡੀਓ ਨੂੰ 29 ਹਜ਼ਾਰ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ, ਜਦਕਿ ਸੈਂਕੜੇ ਲੋਕ ਇਸ ਨੂੰ ਲਾਈਕ ਕਰ ਚੁੱਕੇ ਹਨ। ਹਾਲਾਂਕਿ, ਸਿਰਫ ਕੁਝ ਸਕਿੰਟਾਂ ਦੇ ਇਸ ਵੀਡੀਓ ਨੇ ਮਾਰਕੀਟਿੰਗ ਰਣਨੀਤੀ ਨੂੰ ਲੈ ਕੇ ਇੰਟਰਨੈੱਟ ‘ਤੇ ਨਵੀਂ ਬਹਿਸ ਸ਼ੁਰੂ ਕਰ ਦਿੱਤੀ ਹੈ। ਕੁਝ ਲੋਕਾਂ ਨੂੰ ਇਹ ਆਈਡੀਆ ਕਾਫੀ ਵਧੀਆ ਲੱਗਾ ਹੈ, ਜਦੋਂ ਕਿ ਕਈ ਯੂਜ਼ਰਸ ਨੇ ਇਸ ਨੂੰ ਬੁਰੀ ਮਾਨਸਿਕਤਾ ਕਿਹਾ ਹੈ। ਲੋਕ ਕਹਿੰਦੇ ਹਨ ਕਿ ਇਸ ਨੂੰ ਆਧੁਨਿਕ ਸੰਸਾਰ ਵਿੱਚ ਗੁਲਾਮੀ ਕਿਹਾ ਜਾਂਦਾ ਹੈ। ਇਹ ਅਣਮਨੁੱਖੀ ਹੈ।
ਇਹ ਵੀ ਪੜ੍ਹੋ
ਇਕ ਯੂਜ਼ਰ ਨੇ ਕਮੈਂਟ ਕੀਤਾ ਹੈ, ਮਾਡਲ ਪੈਸਿਆਂ ਦੀ ਖਾਤਰ ਕੁਝ ਨਾ ਕਹੇ ਪਰ ਇਹ ਅਣਮਨੁੱਖੀ ਹੈ। ਸਿਰਫ਼ ਉਹ ਹੀ ਦੱਸ ਸਕਦੀ ਹੈ ਕਿ ਉਸ ਦੀਆਂ ਲੱਤਾਂ ਵਿੱਚ ਕਿੰਨਾ ਦਰਦ ਹੋਇਆ ਹੋਵੇਗਾ। ਇਸ ਦੇ ਨਾਲ ਹੀ ਇਕ ਹੋਰ ਯੂਜ਼ਰ ਦਾ ਕਹਿਣਾ ਹੈ ਕਿ ਆਧੁਨਿਕ ਦੁਨੀਆ ਦੇ ਲੋਕ ਆਪਣੇ ਆਪ ਨੂੰ ਸ਼ਰਮਿੰਦਾ ਕਰਨ ਲਈ ਨਵੇਂ ਤਰੀਕੇ ਲੱਭ ਰਹੇ ਹਨ। ਇਕ ਹੋਰ ਯੂਜ਼ਰ ਨੇ ਲਿਖਿਆ, ਇਹ ਕੋਈ ਨਾਈਟ ਕਲੱਬ ਨਹੀਂ ਹੈ, ਜਿੱਥੇ ਇਸ ਤਰ੍ਹਾਂ ਦੀ ਮਾਰਕੀਟਿੰਗ ਰਣਨੀਤੀ ਅਪਣਾਈ ਜਾਵੇ।