Shocking Video: ਭੰਡਾਰੇ ਵਿੱਚ ਦਾਲ ਬਣਾਉਣ ਲਈ JCB ਦਾ ਇਸਤੇਮਾਲ, ਲੋਕ ਬੋਲੇ… ਇਹ ਸਿਰਫ਼ ਭਾਰਤ ਵਿੱਚ ਹੀ ਹੋ ਸਕਦਾ ਹੈ!”

JCB ਨੇ ਚਲਾਈ ' ਦਾਲ '

ਤੁਸੀਂ ਸ਼ਾਇਦ ਸਾਰਿਆਂ ਨੇ ਜੇਸੀਬੀ ਮਸ਼ੀਨਾਂ ਨੂੰ ਮਿੱਟੀ ਪੁੱਟਦੇ, ਮਲਬਾ ਹਟਾਉਂਦੇ ਜਾਂ ਸੜਕਾਂ ‘ਤੇ ਕੰਮ ਕਰਦੇ ਦੇਖਿਆ ਹੋਵੇਗਾ। ਪਰ, ਹਾਲ ਹੀ ਵਿੱਚ ਸਾਹਮਣੇ ਆਇਆ ਵੀਡੀਓ ਥੋੜ੍ਹਾ ਵੱਖਰਾ ਹੈ, ਕਿਉਂਕਿ ਇਸਦੀ ਵਰਤੋਂ ਬਿਲਕੁਲ ਵੱਖਰੇ ਤਰੀਕੇ ਨਾਲ ਕੀਤੀ ਜਾ ਰਹੀ ਹੈ। ਜਦੋਂ ਇਹ ਕਲਿੱਪ ਸਾਹਮਣੇ ਆਈ, ਤਾਂ ਹਰ ਕੋਈ ਹੈਰਾਨ ਰਹਿ ਗਿਆ, ਜਿਵੇਂ ਕਿ ਇਸ ਵੀਡੀਓ ਵਿੱਚ, ਇੱਕ ਜੇਸੀਬੀ ਦੀ ਵਰਤੋਂ ਖਾਣਾ ਤਿਆਰ ਕਰਨ ਲਈ ਕੀਤੀ ਜਾ ਰਹੀ ਹੈ, ਇਹ ਆਪਣੇ ਆਪ ਵਿੱਚ ਇੱਕ ਅਜਿਹਾ ਕੰਮ ਹੈ, ਜਿਸਦੀ ਕਿਸੇ ਨੇ ਕਲਪਨਾ ਵੀ ਨਹੀਂ ਕੀਤੀ ਸੀ।

ਇਹ ਵੀ ਦੇਖੋ :Viral Video: ਪ੍ਰੀ-ਵੈਡਿੰਗ ਸ਼ੂਟ ਦੌਰਾਨ ਬੀਚ ਤੇ ਚਿੱਕੜ ਵਿੱਚ ਡਿੱਗਿਆ ਜੋੜਾ, ਹਾਲਤ ਵੇਖ ਕੇ ਛੁੱਟਿਆ ਲੋਕਾਂ ਦਾ ਹਾਸਾ

ਕਿਹਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਮੱਧ ਪ੍ਰਦੇਸ਼ ਦੇ ਦੰਦਰੌਆ ਪਿੰਡ ਦਾ ਹੈ। ਇੱਕ ਵੱਡੇ ਸਮਾਗਮ ਲਈ ਵੱਡੇ ਬਰਤਨਾਂ ਵਿੱਚ ਖਾਣਾ ਪਕਾਇਆ ਜਾ ਰਿਹਾ ਸੀ। ਇਸ ਨੂੰ ਹਿਲਾਉਣ ਲਈ, ਲੋਕਾਂ ਨੇ ਜੁਗਾੜ ਲਗਾਇਆ ਅਤੇ ਜੇਸੀਬੀ ਨੂੰ “ਰਸੋਈਏ” ਦੀ ਭੂਮਿਕਾ ਵਿੱਚ ਉਤਾਰ ਦਿੱਤਾ। ਆਲੇ-ਦੁਆਲੇ ਵੱਡੀ ਭੀੜ ਇਕੱਠੀ ਹੋ ਗਈ, ਅਤੇ ਸਾਰਿਆਂ ਦੇ ਚਿਹਰਿਆਂ ‘ਤੇ ਹੈਰਾਨੀ ਅਤੇ ਮਜਾਕ ਦੋਵੇਂ ਦਿਖਾਈ ਦੇ ਰਹੇ ਸਨ। ਜਦੋਂ ਜੇਸੀਬੀ ਨੇ ਆਪਣੇ ਤਿੱਖੇ ਦੰਦਾਂ ਨਾਲ ਦਾਲ ਨੂੰ ਹਿਲਾਉਣਾ ਸ਼ੁਰੂ ਕੀਤਾ ਤਾਂ ਸਾਰਿਆਂ ਦੀਆਂ ਅੱਖਾਂ ਖੁੱਲ੍ਹੀਆਂ ਦੀਆਂ ਖੁੱਲ੍ਹੀਆਂ ਰਹਿ ਗਈਆਂ। ਜਦੋਂ JCB ਦਾ ਇਹ ਵੀਡੀਓ ਵਾਇਰਲ ਹੋਇਆ, ਤਾਂ ਹਰ ਕੋਈ ਹੈਰਾਨ ਰਹਿ ਗਿਆ, ਕਿਉਂਕਿ ਉਨ੍ਹਾਂ ਨੇ ਪਹਿਲਾਂ ਕਦੇ ਇਸਦੀ ਕਲਪਨਾ ਵੀ ਨਹੀਂ ਕੀਤੀ ਸੀ। ਆਖ਼ਰਕਾਰ, ਉਹੀ ਮਸ਼ੀਨ ਜੋ ਮਿੱਟੀ ਅਤੇ ਪੱਥਰ ਚੁੱਕਦੀ ਹੈ, ਉਸ ਨਾਲ ਬਣਿਆ ਖਾਣਾ ਲੋਕਾਂ ਦੀ ਸਿਹਤ ਤੇ ਭਾਰੀ ਵੀ ਪੈ ਸਕਦਾ ਹੈ।

ਵੀਡੀਓ ਦੇਖੋ

ਇਹ ਵੀ ਦੇਖੋ :Viral video: ਮੁਰਗੇ ਨੇ ਕੀਤੀ ਬੱਚੇ ਦੀ ਹਾਲਤ ਟਾਈਟ, ਫੇਰ ਹੋਈ ਡੋਗੇਸ਼ ਭਾਈ ਦੀ ਐਂਟਰੀ, ਵੋਖੋ VIDEO

ਇਹ ਵੀਡੀਓ ਇੰਸਟਾਗ੍ਰਾਮ ‘ਤੇ @mr_neeraj_8457_ ਨਾਮ ਦੇ ਅਕਾਊਂਟ ਦੁਆਰਾ ਪੋਸਟ ਕੀਤਾ ਗਿਆ ਸੀ। ਇਸ ਵੀਡੀਓ ਨੂੰ ਖਬਰ ਲਿਖੇ ਜਾਣ ਤੱਕ 40 ਮਿਲੀਅਨ ਤੋਂ ਵੱਧ ਲੋਕਾਂ ਦੁਆਰਾ ਦੇਖਿਆ ਜਾ ਚੁੱਕਾ ਹੈ, ਅਤੇ ਕੁਮੈਂਟ ਸੈਕਸ਼ਨ ਵਿੱਚ ਰਿਐਕਸ਼ਨਸ ਦਾ ਹੜ੍ਹ ਆ ਗਿਆ ਹੈ। ਇੱਕ ਯੂਜਰ ਨੇ ਲਿਖਿਆ, “ਹੁਣ ਤਾਂ ਅਸੀਂ ਆਪਣੇ ਦੇਸ਼ ਵਾਸੀਆਂ ਦਾ ਬਚਾਅ ਵੀ ਨਹੀਂ ਕਰ ਸਕਦੇ।” ਇੱਕ ਹੋਰ ਨੇ ਵਿਅੰਗ ਨਾਲ ਕੁਮੈਂਟ ਕੀਤਾ, “ਜਨਤਕ ਸਿਹਤ ਨਾਲ ਸਮਝੌਤਾ ਕੀਤਾ ਜਾ ਰਿਹਾ ਹੈ।” ਕਿਸੇ ਨੇ ਮਜ਼ਾਕ ਵਿੱਚ ਲਿਖਿਆ, “ਜਦੋਂ ਦਾਲਾਂ ਨੂੰ ਗਰੀਸ ਦਾ ਤੜਕਾ ਲੱਗਦਾ ਹੈ, ਤਾਂ ਸੁਆਦ ਦੁੱਗਣਾ ਹੋ ਜਾਂਦਾ ਹੈ।”