Viral Video: ਸਟੇਜ ਨੂੰ ਰਿੰਗ ਸਮਝ ਕੇ ਲਾੜੇ ਨੇ ਮਾਰੀ ਐਂਟਰੀ, ਮਿਊਜ਼ਿਕ ਦੇ ਨਾਲ ਕੀਤਾ ਕੁਝ ਅਜਿਹਾ, ਲੋਕ ਬੋਲੇ -‘ਦਿਲ ਖੁਸ਼ ਹੁਆ’
Groom Entry Viral Video: ਹਾਲ ਹੀ ਵਿੱਚ ਇੱਕ ਲਾੜੇ ਦਾ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਉਹ ਮਦੇ ਨਾਲ ਜੌਨ ਸੀਨਾ ਵਰਗੀ ਐਂਟਰੀ ਲੈਂਦਾ ਹੈ, ਜੋ ਵੇਖਣ ਵਿੱਚ ਕਾਫੀ ਜਬਰਦਸਤ ਲੱਗਦਾ ਹੈ। ਇਹ ਵੀਡੀਓ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ ਗਿਆ ਹੈ ਜੋ ਆਉਂਦੇ ਲੋਕਾਂ ਵਿੱਚ ਫੇਮਸ ਹੋ ਗਿਆ।
ਜੌਨ ਸੀਨਾ ਦਾ ਨਾਮ ਕੁਸ਼ਤੀ ਅਤੇ ਖੇਡ ਮਨੋਰੰਜਨ ਦੀ ਦੁਨੀਆ ਵਿੱਚ ਕਿਸੇ ਪਛਾਣ ਦਾ ਮੁਥਾਜ ਨਹੀਂ ਹੈ। ਸਾਲਾਂ ਤੋਂ WWE ਵਿੱਚ ਆਪਣੀ ਮਜ਼ਬੂਤ ਮੌਜੂਦਗੀ, “Never Give Up ” ਦੇ ਉਨ੍ਹਾਂ ਦੇ ਪ੍ਰੇਰਨਾਦਾਇਕ ਸੰਦੇਸ਼ ਅਤੇ ਉਨ੍ਹਾਂ ਦੀ ਜਬਰਦਸਤ ਰਿੰਗ ਐਂਟਰੀ ਲਈ ਜਾਣਿਆ ਜਾਂਦਾ ਹੈ, ਉਨ੍ਹਾਂ ਨੇ 13 ਦਸੰਬਰ, 2025 ਨੂੰ ਆਪਣੇ ਆਖਰੀ ਮੈਚ ਨਾਲ ਆਪਣੇ ਕਰੀਅਰ ਨੂੰ ਅਲਵਿਦਾ ਕਹਿ ਦਿੱਤਾ। ਇਸ ਮੈਚ ਵਿੱਚ, The Last Time Is Now” ਦੇ ਸਲੋਗਨ ਨਾਲ ਐਰੀਨਾ ਵਿੱਚ ਐਂਟਰੀ ਕੀਤ, ਜਿਸਨੇ ਫੈਨਸ ਨੂੰ ਭਾਵੁਕ ਕਰ ਦਿੱਤਾ। ਹਾਲਾਂਕਿ ਸੀਨਾ ਮੈਚ ਜਿੱਤਣ ਵਿੱਚ ਨਾਕਾਮਯਾਬ ਰਹੇ ਅਤੇ ਉਨ੍ਹਾਂ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਪਰ ਇਸਦੇ ਬਾਵਜੂਦ ਉਨ੍ਹਾਂਦਾ ਸਨਮਾਨ ਅਤੇ ਪ੍ਰਸਿੱਧੀ ਬਰਕਰਾਰ ਰਹੀ।
ਜੌਨ ਸੀਨਾ ਦੇ ਰਿਟਾਇਰਮੈਂਟ ਦੇ ਐਲਾਨ ਤੋਂ ਬਾਅਦ, ਉਨ੍ਹਾ ਦੇ ਪਿਛਲੇ ਮੈਚਾਂ, ਰਿੰਗ ਐਂਟਰੀਆਂ ਅਤੇ ਪ੍ਰਸਿੱਧ ਪਲਾਂ ਬਾਰੇ ਚਰਚਾਵਾਂ ਸੋਸ਼ਲ ਮੀਡੀਆ ‘ਤੇ ਤੇਜ਼ ਹੋ ਗਈਆਂ ਹਨ। ਇੱਕ ਵੀਡੀਓ ਨੇ ਖਾਸ ਧਿਆਨ ਖਿੱਚਿਆ ਹੈ, ਜਿਸ ਵਿੱਚ ਇੱਕ ਲਾੜਾ ਜੌਨ ਸੀਨਾ ਵਰਗੇ ਤਰੀਕੇ ਨਾਲ ਆਪਣੇ ਵਿਆਹ ਵਿੱਚ ਐਂਟਰੀ ਕਰਦਾ ਦਿਖਾਇਆ ਗਿਆ ਹੈ। ਇਹ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਗਿਆ ਅਤੇ ਸੀਨਾ ਦੇ ਪ੍ਰਸ਼ੰਸਕਾਂ ਵਿੱਚ ਬਹੁਤ ਮਸ਼ਹੂਰ ਹੋ ਗਿਆ।
ਕਿਵੇਂ ਮਾਰੀ ਐਂਟਰੀ?
ਵੀਡੀਓ ਵਿੱਚ ਲਾੜਾ ਵਿਆਹ ਦੇ ਐਂਟਰੀ ਗੇਟ ਤੋਂ ਅੰਦਰ ਆਉਂਦਾ ਹੈ, ਜਿੱਥੇ ਮਹਿਮਾਨ ਪਹਿਲਾਂ ਹੀ ਦੋਵੇਂ ਪਾਸੇ ਉਡੀਕ ਕਰ ਰਹੇ ਹਨ। ਜਿਵੇਂ ਹੀ ਉਹ ਅੰਦਰ ਜਾਂਦਾ ਹੈ, ਉਹ ਜੌਨ ਸੀਨਾ ਵਾਂਗ ਆਪਣੀਆਂ ਬਾਹਾਂ ਫੈਲਾਉਂਦਾ ਹੈ। ਫਿਰ ਉਹ ਸੈਲਿਊਟ ਕਰਦਾ ਹੈ ਅਤੇ ਸਟੇਜ ਵੱਲ ਉਸੇ ਊਰਜਾ ਨਾਲ ਦੌੜਦਾ ਹੈ ਜਿਵੇਂ ਉਹ WWE ਰਿੰਗ ਵਿੱਚ ਦਾਖਲ ਹੋਣ ਵਾਲਾ ਹੋਵੇ। ਸਟੇਜ ‘ਤੇ ਪਹੁੰਚ ਕੇ, ਉਹ ਆਪਣੀਆਂ ਬਾਹਾਂ ਚੁੱਕਦਾ ਹੈ, ਜਿਵੇਂ ਜੌਨ ਸੀਨਾ ਆਪਣੇ ਮੈਚਾਂ ਤੋਂ ਪਹਿਲਾਂ ਕਰਦੇ ਸਨ।
ਇੰਨਾ ਹੀ ਨਹੀਂ, ਸੀਨਾ ਦੇ ਮਸ਼ਹੂਰ ਅੰਦਾਜ਼ ਨੂੰ ਅੱਗੇ ਵਧਾਉਂਦੇ ਹੋਏ ਲਾੜਾ ਆਪਣੇ ਹੱਥਾਂ ਨਾਲ ਬੈਂਡ ਕੱਢਣ ਦਾ ਇਸ਼ਾਰਾ ਵੀ ਕਰਦਾ ਹੈ। ਪੂਰਾ ਦ੍ਰਿਸ਼ ਲਗਭਗ 24 ਸਕਿੰਟ ਚੱਲਦਾ ਹੈ, ਪਰ ਉਸ ਥੋੜ੍ਹੇ ਸਮੇਂ ਵਿੱਚ, ਉਸਨੇ ਲੋਕਾਂ ਦਾ ਦਿਲ ਜਿੱਤ ਲਿਆ। ਜੌਨ ਸੀਨਾ ਦੇ ਫੈਨਸ ਦੁਆਰਾ ਦਿੱਤੇ ਗਏ ਇਸ ਵਿਸ਼ੇਸ਼ ਟ੍ਰਿਬਿਊਟ ਨੂੰ ਸੋਸ਼ਲ ਮੀਡੀਆ ਯੂਜਰਸ ਵੱਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ, ਜੋ ਇਸਨੂੰ ਕੁਸ਼ਤੀ ਲਈ ਸੱਚਾ ਪਿਆਰ ਦੱਸ ਰਹੇ ਹਨ।
ਇਸ ਰੀਲ ਨੂੰ ਇੰਸਟਾਗ੍ਰਾਮ ‘ਤੇ @discoveryevents ਹੈਂਡਲ ਦੁਆਰਾ ਸ਼ੇਅਰ ਕੀਤਾ ਗਿਆ ਹੈ। ਜੌਨ ਸੀਨਾ ਨੂੰ ਟੈਗ ਕਰਦੇ ਹੋਏ, ਕੈਪਸ਼ਨ ਵਿੱਚ ਪੁੱਛਿਆ ਗਿਆ ਹੈ, “ਜਦੋਂ ਲਾੜਾ ਆਪਣਾ ਐਂਟਰੀ ਕਰਦਾ ਹੈ ਅਤੇ ਸਾਰਾ ਮਾਹੌਲ ਰੈਸਲਮੇਨੀਆ ਵਰਗਾ ਹੋ ਜਾਵੇਗਾ ਤਾਂ ਜੌਨ ਸੀਨਾ ਕੀ ਸੋਚੇਗਾ?” ਇਸ ਵੀਡੀਓ ਨੂੰ 2.2 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ ਅਤੇ 100,000 ਤੋਂ ਵੱਧ ਲਾਈਕਸ ਮਿਲ ਚੁੱਕੇ ਹਨ।
ਇਹ ਵੀ ਪੜ੍ਹੋ
ਇੱਥੇ ਦੇਖੋ ਵੀਡੀਓ
View this post on Instagram
