Viral Video: ਕੁੱਤੇ ਨੇ ਕੱਛੂਕੁੰਮਾ ਦੀ ਉਤਾਰੀ ਨਕਲ, Video ਦੇਖ ਕੇ ਤੁਸੀਂ ਵੀ ਹੱਸੋਗੇ

Viral Video (Image Credit : X/@naturelife_ok)

ਸੋਸ਼ਲ ਮੀਡੀਆ ‘ਤੇ ਜਾਨਵਰਾਂ ਦੇ ਕਾਫੀ ਵੀਡੀਓ ਵਾਇਰਲ ਹੁੰਦੇ ਹਨ, ਜੋ ਲੋਕਾਂ ਦਾ ਮਨੋਰੰਜਨ ਕਰ ਉਨ੍ਹਾਂ ਨੂੰ ਹਸਾਉਂਦੇ ਹਨ। ਕਈ ਵਾਰ ਵੀਡੀਓ ਵਿੱਚ ਬਾਂਦਰ ਇਨਸਾਨਾਂ ਦੀ ਨਕਲ ਕਰਦੇ ਦਿਖਾਈ ਦਿੰਦੇ ਹਨ ਅਤੇ ਕਈ ਵਾਰ ਬਿੱਲੀਆਂ ਜਾਂ ਕੁੱਤੇ ਆਪਣੀਆਂ ਹਰਕਤਾਂ ਨਾਲ ਸਾਰਿਆਂ ਨੂੰ ਹਸਾਉਂਦੇ ਹਨ। ਅਜਿਹੇ ਹੀ ਇੱਕ ਕੁੱਤੇ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਟ੍ਰੈਂਡ ਕਰ ਰਿਹਾ ਹੈ, ਜੋ ਤੁਹਾਨੂੰ ਜ਼ਰੂਰ ਹਸਾਏਗਾ। ਦਰਅਸਲ, ਇਸ ਵੀਡੀਓ ਵਿੱਚ, ਇੱਕ ਕੁੱਤਾ ਕੱਛੂਕੁੰਮਾ ਦੀ ਨਕਲ ਕਰਦਾ ਹੋਇਆ ਦਿਖਾਈ ਦੇ ਰਿਹਾ ਹੈ ਅਤੇ ਉਸ ਦੀ ਨਕਲ ਦੇਖ ਦਰਸ਼ਕ ਵੀ ਹੱਸਣ ਲਈ ਮਜ਼ਬੂਰ ਹੋ ਗਏ।

ਵੀਡੀਓ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਕਿਵੇਂ ਕੁੱਤਾ ਅਚਾਨਕ ਕੱਛੂਕੁੰਮਾ ਵਾਂਗ ਤੁਰਨਾ ਸ਼ੁਰੂ ਕਰ ਦਿੰਦਾ ਹੈ। ਕੱਛੂਕੁੰਮਾ ਆਪਣੇ ਅੰਦਾਜ਼ ਵਿੱਚ ਹੌਲੀ-ਹੌਲੀ ਤੁਰ ਰਿਹਾ ਸੀ, ਪਰ ਕੁੱਤੇ ਨੇ ਸੋਚਿਆ ਕਿ ਕੱਛੂਕੁੰਮਾ ਸ਼ਾਇਦ ਆਪਣੀਆਂ ਲੱਤਾਂ ਘਸੀਟ ਰਿਹਾ ਹੈ, ਇਸ ਲਈ ਉਸ ਨੇ ਵੀ ਆਪਣੀਆਂ ਲੱਤਾਂ ਨੂੰ ਆਮ ਤੌਰ ‘ਤੇ ਚੁੱਕਣ ਦੀ ਬਜਾਏ, ਉਸ ਦੀ ਨਕਲ ਕਰਕੇ ਘਸੀਟਣਾ ਸ਼ੁਰੂ ਕਰ ਦਿੱਤਾ। ਹਾਲਾਂਕਿ ਕਿਹਾ ਜਾਂਦਾ ਹੈ ਕਿ ਕੁੱਤੇ ਕੁਝ ਵੀ ਜਲਦੀ ਸਿੱਖਦੇ ਹਨ, ਪਰ ਕੁੱਤੇ ਨੂੰ ਇਸ ਤਰ੍ਹਾਂ ਕਿਸੇ ਦੀ ਨਕਲ ਕਰਦੇ ਦੇਖਣਾ ਬਹੁਤ ਮਜ਼ਾਕੀਆ ਹੈ। ਕੁੱਤੇ ਦੀ ਇਸ ਅਜੀਬ ਹਰਕਤ ਨੂੰ ਦੇਖ ਕੇ ਕੋਈ ਵੀ ਹੱਸ ਸਕਦਾ ਹੈ।

ਇਹ ਵਾਇਰਲ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @naturelife_ok ਆਈਡੀ ਤੋਂ ਸਾਂਝਾ ਕੀਤਾ ਗਿਆ ਹੈ। ਸਿਰਫ਼ 29 ਸਕਿੰਟਾਂ ਦੇ ਇਸ ਵੀਡੀਓ ਨੂੰ 1.7 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, ਜਦੋਂ ਕਿ 1 ਲੱਖ ਤੋਂ ਵੱਧ ਲੋਕਾਂ ਨੇ ਵੀਡੀਓ ਨੂੰ ਪਸੰਦ ਕੀਤਾ ਹੈ ਅਤੇ ਕਈ ਤਰ੍ਹਾਂ ਦੀਆਂ ਮਜ਼ਾਕੀਆ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ।

ਦੇਖੋ ਮਜੇਦਾਰ ਵੀਡੀਓ

ਲੋਕਾਂ ਦੀ ਪ੍ਰਤੀਕਿਰਿਆਵਾਂ

ਵੀਡੀਓ ਟਿੱਪਣੀਆਂ ਨਾਲ ਭਰਿਆ ਹੋਇਆ ਹੈ। ਇੱਕ ਯੂਜ਼ਰ ਨੇ ਲਿਖਿਆ, ‘ਕੁੱਤੇ ਨੇ ਕੱਛੂਕੁੰਮੇ ਦੀ ਭੂਮਿਕਾ ਨਿਭਾਉਣ ਲਈ ਆਸਕਰ ਜਿੱਤਿਆ’, ਜਦੋਂ ਕਿ ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ‘ਲੱਗਦਾ ਹੈ ਕਿ ਘਰ ਵਿੱਚ ਕੱਛੂਕੁੰਮੇ ਨਾਲ ਬਹੁਤ ਜ਼ਿਆਦਾ ਸਮਾਂ ਬਿਤਾਉਣ ਦਾ ਅਸਰ ਹੈ। ਇੱਕ ਯੂਜ਼ਰ ਨੇ ਇਸ ਨੂੰ ‘ਜਾਨਵਰਾਂ ਦੀ ਕਾਮੇਡੀ ਕਲਾਸ’ ਕਿਹਾ, ਤਾਂ ਇੱਕ ਹੋਰ ਨੇ ਲਿਖਿਆ, ‘ਇਹ ਬਹੁਤ ਪਿਆਰਾ ਹੈ। ਜਾਨਵਰਾਂ ਦਾ ਦੂਜਿਆਂ ਦੇ ਵਿਵਹਾਰ ਦੀ ਨਕਲ ਕਰਨਾ ਅਸਲ ਵਿੱਚ ਬੁੱਧੀ ਦੀ ਨਿਸ਼ਾਨੀ ਹੈ’।