Video: ਜਲੇਬੀ ਦਿਖਾ ਕੇ ਕੁੜੀ ਨੇ ਦੀਵਾਲੀ ਲਈ ਦੱਸੀ ਅਜਿਹੀ ਰੈਸਿਪੀ, ਦੇਖ ਕੇ ਲੋਕਾਂ ਨੇ ਪਿੱਟ ਲਿਆ ਮੱਥਾ
Jalebi Colada Recipe: ਇੰਨਫਲੁਐਂਸਰ ਹਟੰਗੜੀ ਆਪਣੀ ਅਤੰਰਗੀ ਰੇਸਿਪੀ ਲਈ ਜਾਣੀ ਜਾਂਦੀ ਹੈ। ਦੀਵਾਲੀ ਦੇ ਮੌਕੇ 'ਤੇ ਉਨ੍ਹਾਂ ਨੇ ਜਲੇਬੀ ਦੀ ਅਜਿਹੀ ਕਾਕਟੇਲ ਬਣਾਈ, ਜਿਸ ਨੂੰ ਦੇਖ ਕੇ ਲੋਕ ਸਿਰ ਸਿਰ ਪਿੱਟਣ ਲਈ ਮਜਬੂਰ ਹੋ ਗਏ ਹਨ। ਵੀਡੀਓ 'ਚ ਸ਼ਿਪਰਾ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ ਤੁਸੀਂ ਇਸ ਲਈ ਖੂਬ ਤਾਰੀਫ ਸੁਣੋਗੇ।
ਜਲੇਬੀ ਨਾਲ ਕੁੜੀ ਨੇ ਬਣਾਈ ਅਜਿਹੀ ਰੈਸਿਪੀ, ਸਿਰ ਪਿੱਟਣ ਲੱਗੇ ਲੋਕ
ਇੱਕ ਸੋਸ਼ਲ ਮੀਡੀਆ ਇੰਨਫਲੁਐਂਸਰ ਨੇ ਲੋਕਾਂ ਨੂੰ ਦੀਵਾਲੀ ਲਈ ਇੱਕ ਅਜਿਹੀ ਰੈਸਿਪੀ ਦੱਸੀ ਹੈ, ਜਿਸ ਨਾਲ ਨੇਟੀਜ਼ਨਾਂ ਦਾ ਗੁੱਸਾ ਸਤਵੇਂ ਅਸਮਾਨ ਤੇ ਪਹੁੰਚਿਆ ਹੋਇਆ ਹੈ। ਜ਼ਾਹਿਰ ਹੈ ਕਿ ਤੁਸੀਂ ਵੀ ਸੋਚ ਰਹੇ ਹੋਵੋਗੇ ਕਿ ਕੁੜੀ ਨੇ ਅਜਿਹਾ ਕੀ ਸਿਆਪਾ ਕਰ ਦਿੱਤਾ ਕਿ ਲੋਕਾਂ ਦੇ ਹੋਸ਼ ਉੱਡ ਗਏ ਹਨ। ਦਰਅਸਲ, ਇੰਨਫਲੁਐਂਸਰ ਸ਼ਿਪਰਾ ਹਤੰਗੜੀ ਨੇ ਜਲੇਬੀ ਅਤੇ ਰਮ ਦੇ ਨਾਲ ਇੱਕ ਕਾਕਟੇਲ ਤਿਆਰ ਕੀਤਾ ਹੈ, ਜਿਸ ਨੂੰ ਦੇਖ ਕੇ ਲੋਕ ਕਹਿ ਰਹੇ ਹਨ – ਇਹ ਜਲੇਬੀ ਨਾਲ ਘੋਰ ਅਤਿਆਚਾਰ ਹੈ।
ਵਾਇਰਲ ਹੋ ਰਹੇ ਵੀਡੀਓ ਵਿੱਚ, ਇੰਨਫਲੁਐਂਸਰ ਸ਼ਿਪਰਾ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ ਦੀਵਾਲੀ ਦੇ ਤਿਉਹਾਰ ਦੇ ਮੂਡ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਉਨ੍ਹਾਂ ਨੇ ‘ਜਲੇਬੀ ਕੋਲਾਡਾ’ ਨਾਮ ਦਾ ਇੱਕ ਵਿਸ਼ੇਸ਼ ਕਾਕਟੇਲ ਤਿਆਰ ਕੀਤਾ ਹੈ। ਉਹ ਦੱਸਦੀ ਹੈ, ‘ਜਲੇਬੀ ਦਾ ਡੱਬਾ ਖੁੱਲ੍ਹਦਾ ਹੈ ਤਾਂ ਸਿਰਫ਼ ਇੱਕ ਹੀ ਖਾ ਕੇ ਸੰਤੁਸ਼ਟੀ ਨਹੀਂ ਹੁੰਦੀ। ਪਰ ਦੇਖੋ ਮੈਂ ਇਸ ਦੀਵਾਲੀ ‘ਤੇ ਜਲੇਬੀ ਨੂੰ ਕਿਵੇਂ ਇੰਜਾਏ ਕਰ ਰਹੀ ਹਾਂ।
ਕਿਵੇਂ ਬਣਾਈਏ ਇਹ ਡਰਿੰਕ?
ਵੀਡੀਓ ‘ਚ ਸ਼ਿਪਰਾ ਇਸ ਅਨੋਖੇ ਡਰਿੰਕ ਨੂੰ ਬਣਾਉਣ ਦੀ ਰੈਸਿਪੀ ਦੱਸ ਰਹੀ ਹੈ। ਸਭ ਤੋਂ ਪਹਿਲਾਂ, ਉਨ੍ਹਾਂ ਨੇ ਬਲੈਂਡਰ ਵਿੱਚ ਥੋੜ੍ਹਾ ਜਿਹਾ ਪਾਣੀ ਅਤੇ ਬਕਾਰਡੀ ਜਿੰਜਰ ਰਮ ਪਾਈ, ਫਿਰ ਇਸ ਵਿੱਚ ਜਲੇਬੀ ਦੇ ਕੁਝ ਟੁਕੜੇ ਮਿਲਾ ਕੇ ਚੰਗੀ ਤਰ੍ਹਾਂ ਮਿਲਾਇਆ। ਫਿਰ ਇਸ ਵਿਚ ਨਾਰੀਅਲ ਦਾ ਦੁੱਧ, ਨਿੰਬੂ ਦਾ ਰਸ ਅਤੇ ਥੋੜ੍ਹਾ ਕੇਸਰ ਪਾ ਕੇ ਇਸ ਵਿਚ ਕੁਝ ਬਰਫ਼ ਦੇ ਕਿਊਬ ਪਾ ਕੇ ਦੁਬਾਰਾ ਬਲੈਂਡ ਕਰ ਦਿੱਤਾ। ਇਸ ਤੋਂ ਬਾਅਦ ਉਹ ਕਹਿੰਦੀ ਹੈ, ਅਤੇ ਤੁਹਾਡਾ ਡਰਿੰਕ ਤਿਆਰ ਹੈ, ਜਿਸਨੂੰ ਪੀਉਂਦਿਆਂ ਹੀਮਹਿਮਾਨ ਤੁਹਾਡੇ ਗੁਣ ਗਾਉਣ ਲੱਗ ਪੈਣਗੇ।
ਦੇਖੋ ਵੀਡੀਓ, ਜਲੇਬੀ ਦਿਖਾ ਕੇ ਕੁੜੀ ਨੇ ਕੀ ਬਣਾ ਦਿੱਤਾ
ਇਹ ਵੀ ਪੜ੍ਹੋ
ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਜਿੱਥੇ ਕੁਝ ਲੋਕਾਂ ਨੇ ਇਸ ਰੈਸਿਪੀ ਨੂੰ ਟ੍ਰਾਈ ਕਰਨ ਦੀ ਇੱਛਾ ਜਤਾਈ, ਉੱਥੇ ਹੀ ਇੱਕ ਵਰਗ ਅਜਿਹਾ ਹੈ ਜਿਸ ਨੇ ਇਸ ਰੈਸਿਪੀ ਨੂੰ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ ਅਤੇ ਕਿਹਾ ਕਿ ਇਹ ਸੂਰਯਵੰਸ਼ਮ ਦੀ ਖੀਰ ਦਾ ਐਡਵਾਂਸ ਵਰਜ਼ਨ ਹੈ। ਇਕ ਯੂਜ਼ਰ ਨੇ ਟਿੱਪਣੀ ਕੀਤੀ, ‘ਦੀਵਾਲੀ ਪੀਣ ਦਾ ਸਮਾਂ ਨਹੀਂ ਹੈ, ਕਿਰਪਾ ਕਰਕੇ ਹਰ ਮੌਕੇ ‘ਤੇ ਅਜਿਹੀਆਂ ਚੀਜ਼ਾਂ ਨਾ ਜੋੜੋ। ਇਸ ਤਿਉਹਾਰ ਦੀ ਪਵਿੱਤਰਤਾ ਨੂੰ ਖ਼ਰਾਬ ਨਾ ਕਰੋ।’ ਇਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ, ਇਹ ਉਲਟੀ ਵਾਂਗ ਲੱਗ ਰਿਹਾ ਹੈ।