Shocking Video: ਰਾਫਟਿੰਗ ਦੌਰਾਨ ਖ਼ਤਰਨਾਕ ਢੰਗ ਨਾਲ ਵਹਿ ਗਿਆ ਨੌਜਵਾਨ, ਕੁਝ ਸਕਿੰਟਾਂ ਵਿੱਚ ਹੀ ਖਤਮ ਹੋ ਗਈ ਖੇਡ

Follow Us On

ਜਿਵੇਂ-ਜਿਵੇਂ ਗਰਮੀ ਵਧਰਹੀ ਹੈ, ਲੋਕ ਜਾਂ ਤਾਂ ਕਿਸੇ ਠੰਢੀ ਜਗ੍ਹਾ ਜਾਂ ਫੇਰ ਪਾਣੀ ਵਾਲੀ ਜਗ੍ਹਾ ਨੂੰ ਆਪਸ਼ਨ ਵੱਜੋਂ ਚੁਣ ਰਹੇ ਹਨ। ਜੇਕਰ ਅਸੀਂ ਤੱਟਵਰਤੀ ਥਾਵਾਂ ਦੀ ਗੱਲ ਕਰੀਏ ਤਾਂ ਅਜਿਹੀਆਂ ਥਾਵਾਂ ‘ਤੇ ਜਾਣਾ ਕਾਫ਼ੀ ਮਹਿੰਗਾ ਹੁੰਦਾ ਹੈ, ਜਿਸ ਕਾਰਨ ਲੋਕ ਗੋਆ ਦੀ ਬਜਾਏ ਰਿਸ਼ੀਕੇਸ਼ ਵਰਗੀਆਂ ਥਾਵਾਂ ਨੂੰ ਚੁਣਦੇ ਹਨ। ਜਿੱਥੇ ਘੱਟ ਬਜਟ ਵਿੱਚ ਚੰਗਾ ਇੰਜੁਆਏ ਹੋ ਜਾਂਦਾ ਹੈ। ਹਾਲਾਂਕਿ, ਕਈ ਵਾਰ ਇਹ ਸਸਤਾ ਸੌਦਾ ਜ਼ਿੰਦਗੀ ਭਰ ਲਈ ਮਹਿੰਗਾ ਸਾਬਤ ਹੁੰਦਾ ਹੈ। ਇਸ ਨਾਲ ਸਬੰਧਤ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਸਾਹਮਣੇ ਆਇਆ ਹੈ। ਇਹ ਦੇਖਣ ਤੋਂ ਬਾਅਦ, ਲੋਕ ਕਾਫ਼ੀ ਹੈਰਾਨ ਨਜ਼ਰ ਆ ਰਹੇ ਹਨ।

ਅਕਸਰ ਕਿਹਾ ਜਾਂਦਾ ਹੈ ਕਿ ਖਰਾਬ ਮੌਸਮ ਦੌਰਾਨ ਕਦੇ ਵੀ ਨਦੀ ਵਿੱਚ ਨਹੀਂ ਜਾਣਾ ਚਾਹੀਦਾ, ਕਿਉਂਕਿ ਕੋਈ ਨਹੀਂ ਕਹਿ ਸਕਦਾ ਕਿ ਕੁਦਰਤ ਤੁਹਾਨੂੰ ਕਿਹੜਾ ਰੂਪ ਦਿਖਾ ਦੇਵੇ। ਇਸ ਨਾਲ ਸਬੰਧਤ ਇੱਕ ਦਿਲ ਦਹਿਲਾ ਦੇਣ ਵਾਲੀ ਵੀਡੀਓ ਇਨ੍ਹੀਂ ਦਿਨੀਂ ਚਰਚਾ ਵਿੱਚ ਹੈ। ਇਹ ਦੇਖਣ ਤੋਂ ਬਾਅਦ ਤੁਹਾਡੇ ਵੀ ਰੋਂਗਟੇ ਖੜ੍ਹੇ ਹੋ ਜਾਣਗੇ। ਇਹ ਵਾਇਰਲ ਵੀਡੀਓ ਉਤਰਾਖੰਡ ਦੇ ਰਿਸ਼ੀਕੇਸ਼ ਦਾ ਦੱਸਿਆ ਜਾ ਰਿਹਾ ਹੈ, ਜਿੱਥੇ ਰਾਫਟਿੰਗ ਦਾ ਆਨੰਦ ਲੈਣ ਆਏ ਇੱਕ ਦੋਸਤ ਦੀ ਜਾਨ ਚਲੀ ਗਈ।

ਵੀਡੀਓ ਵਿੱਚ, ਮੁੰਡਿਆਂ ਦੇ ਇੱਕ ਗਰੁੱਪ ਨੂੰ ਤੇਜ਼ ਵਹਾਅ ਵਿੱਚ ਵਾਟਰ ਰਾਫਟਿੰਗ ਲਈ ਜਾਂਦੇ ਦੇਖਿਆ ਜਾ ਸਕਦਾ ਹੈ ਅਤੇ ਫਿਰ ਵਹਾਅ ਇੰਨਾ ਤੇਜ਼ ਹੋ ਜਾਂਦਾ ਹੈ ਕਿ ਉਹ ਨਦੀ ਵਿੱਚ ਡਿੱਗ ਜਾਂਦੇ ਹਨ। ਇਸ ਦੌਰਾਨ, ਉਸਦੇ ਸਾਥੀ ਉਸਨੂੰ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕਰਦੇ ਹਨ, ਪਰ ਵਾਇਰਲ ਵੀਡੀਓ ਦੇ ਅੰਤ ਤੱਕ, ਉਹ ਕੁਝ ਵੀ ਕਰਨ ਵਿੱਚ ਅਸਮਰੱਥ ਹੁੰਦੇ ਹਨ ਅਤੇ ਅੰਤ ਵਿੱਚ, ਉਸਦੀ ਮੌਤ ਹੋ ਜਾਂਦੀ ਹੈ। ਖੈਰ, ਇਸ ਘਟਨਾ ਨੂੰ ਦੇਖਣ ਤੋਂ ਬਾਅਦ, ਲੋਕਾਂ ਨੂੰ ਬਹੁਤ ਸਾਵਧਾਨ ਰਹਿਣ ਦੀ ਲੋੜ ਹੈ ਕਿਉਂਕਿ ਇਸ ਤਰ੍ਹਾਂ ਦੀ ਲਾਪਰਵਾਹੀ ਲੋਕਾਂ ਲਈ ਮਹਿੰਗੀ ਸਾਬਤ ਹੋ ਸਕਦੀ ਹੈ।

ਇਸ ਵੀਡੀਓ ਨੂੰ ਐਕਸ ‘ਤੇ @askbhupi ਨਾਮ ਦੇ ਅਕਾਊਂਟ ਤੋਂ ਸਾਂਝਾ ਕੀਤਾ ਗਿਆ ਹੈ। ਜਿਸ ਨੂੰ 5 ਲੱਖ ਤੋਂ ਵੱਧ ਲੋਕਾਂ ਨੇ ਦੇਖਿਆ ਹੈ ਅਤੇ ਉਹ ਕੁਮੈਂਟਸ ਕਰਕੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ ਕਿ ਮੌਸਮ ਖਰਾਬ ਹੋਣ ਤੇ ਰਾਫਟਿੰਗ ਤੋਂ ਬਚਣਾ ਚਾਹੀਦਾ ਹੈ। ਜਦੋਂ ਕਿ ਇੱਕ ਹੋਰ ਨੇ ਲਿਖਿਆ ਕਿ ਇਹੀ ਹੁੰਦਾ ਹੈ ਉਨ੍ਹਾਂ ਲੋਕਾਂ ਨਾਲ ਜੋ ਨਕਲੀ ਉਪਕਰਣਾਂ ਨਾਲ ਰਾਫਟਿੰਗ ਕਰਦੇ ਹਨ। ਇੱਕ ਹੋਰ ਨੇ ਵੀਡੀਓ ਦੇਖਣ ਤੋਂ ਬਾਅਦ ਕਿਹਾ ਕਿ ਜੇਕਰ ਤੁਹਾਨੂੰ ਤੈਰਨਾ ਨਹੀਂ ਆਉਂਦਾ ਤਾਂ ਤੁਹਾਨੂੰ ਰਾਫਟਿੰਗ ਬਿਲਕੁਲ ਵੀ ਨਹੀਂ ਕਰਨੀ ਚਾਹੀਦੀ।