Viral Video: ਗੂੜ੍ਹੀ ਨੀਂਦ ਵਿੱਚ ਸੌਂ ਰਹੀ ਸੀ ਬੱਚੀ, ਫੇਵਰੇਟ ਕਾਰਟੂਨ ਚੱਲਦਿਆਂ ਹੀ ਉੱਠ ਕੇ ਨੱਚਣ ਲੱਗੀ, ਵੇਖੋ ਇਹ ਮਜ਼ੇਦਾਰ ਵੀਡੀਓ ਦੇਖੋ

Image Credit source: X/@sciencegirl

ਅੱਜਕੱਲ੍ਹ ਛੋਟੇ ਬੱਚੇ ਵੀ ਮੋਬਾਈਲ ਫੋਨ ਅਤੇ ਟੈਲੀਵਿਜ਼ਨ ਪਿੱਛੇ ਪਾਗਲ ਹੋ ਰਹੇ ਹਨ। ਨਾ ਤਾਂ ਉਹ ਕਾਰਟੂਨ ਦੇਖੇ ਬਿਨਾਂ ਖਾਣਾ ਖਾਂਦੇ ਹਨ ਅਤੇ ਨਾ ਹੀ ਸੌਂਦੇ ਹਨ। ਜੇ ਉਹ ਸੌਂ ਜਾਂਦੇ ਹਨ, ਤਾਂ ਉਨ੍ਹਾਂ ਨੂੰ ਜਗਾਉਣ ਲਈ ਵੀ ਕਾਰਟੂਨ ਹੀ ਚਲਾਉਣੇ ਪੈਂਦੇ ਹਨ। ਅਜਿਹਾ ਹੀ ਇੱਕ ਵੀਡੀਓ ਅੱਜਕੱਲ੍ਹ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਜੋ ਬਹੁਤ ਹੀ ਪਿਆਰਾ ਅਤੇ ਮਜੇਦਾਰ ਹੈ। ਇਸ ਵੀਡੀਓ ਵਿੱਚ, ਇੱਕ ਛੋਟੀ ਬੱਚੀ ਗੂੜ੍ਹੀ ਨੀਂਦ ਵਿੱਚ ਸੌਂ ਰਹੀ ਹੈ, ਪਰ ਜਿਵੇਂ ਹੀ ਉਸਦਾ ਮਨਪਸੰਦ ਕਾਰਟੂਨ ਟੀਵੀ ‘ਤੇ ਚੱਲਣ ਲੱਗਦਾ ਹੈ, ਉਹ ਤੁਰੰਤ ਉੱਠ ਕੇ ਬੈਠ ਜਾਂਦੀ ਹੈ ਅਤੇ ਨੱਚਣਾ ਸ਼ੁਰੂ ਕਰ ਦਿੰਦੀ ਹੈ। ਇਹ ਦ੍ਰਿਸ਼ ਇੰਨਾ ਪਿਆਰਾ ਹੈ ਕਿ ਲੋਕ ਇਸਨੂੰ ਵਾਰ-ਵਾਰ ਦੇਖ ਰਹੇ ਹਨ ਅਤੇ ਮੁਸਕਰਾਏ ਬਿਨਾਂ ਨਹੀਂ ਰਹਿ ਸਕਦੇ।

ਵੀਡੀਓ ਦੀ ਸ਼ੁਰੂਆਤ ਇੱਕ ਕਮਰੇ ਤੋਂ ਹੁੰਦੀ ਹੈ, ਜਿੱਥੇ ਇੱਕ ਛੋਟੀ ਕੁੜੀ ਬਿਸਤਰੇ ‘ਤੇ ਕੰਬਲ ਵਿੱਚ ਆਰਾਮ ਨਾਲ ਸੁੱਤੀ ਪਈ ਹੈ। ਉਹ ਇੰਨੀ ਡੂੰਘੀ ਨੀਂਦ ਵਿੱਚ ਹੈ ਕਿ ਉਹ ਆਪਣੇ ਪਾਪਾ ਦੇ ਉੱਠਾਉਣ ਤੇ ਵੀ ਨਹੀਂ ਉੱਠ ਰਹੀ। ਉਸਦੇ ਮੰਮੀ-ਪਾਪ ਨੇ ਉਸਨੂੰ ਜਗਾਉਣ ਲਈ ਇੱਕ ਮਜ਼ੇਦਾਰ ਟ੍ਰਿਕ ਅਪਣਾਈ। ਉਨ੍ਹਾਂ ਨੇ ਟੀਵੀ ‘ਤੇ ਉਸਦਾ ਮਨਪਸੰਦ ਕਾਰਟੂਨ ਚਲਾ ਦਿੱਤਾ। ਜਿਵੇਂ ਹੀ ਕਾਰਟੂਨ ਦੀ ਆਵਾਜ਼ ਉਸਦੇ ਕੰਨਾਂ ਤੱਕ ਪਹੁੰਚੀ, ਉਹ ਤੁਰੰਤ ਉੱਠ ਕੇ ਬੈਠ ਗਈ ਅਤੇ ਬਿਨਾਂ ਕਿਸੇ ਦੇਰੀ ਦੇ ਗਾਣੇ ‘ਤੇ ਨੱਚਣ ਲੱਗ ਪੈਂਦੀ ਹੈ। ਅਜਿਹਾ ਲੱਗਦਾ ਹੈ ਜਿਵੇਂ ਉਸਦੇ ਮਨਪਸੰਦ ਕਾਰਟੂਨ ਦੇ ਸਾਹਮਣੇ ਉਸਦੀ ਨੀਂਦ ਨੇ ਵੀ ਹਾਰ ਮੰਨ ਲਈ ਹੋਵੇ। ਬੱਚੀ ਦੀ ਇਸ ਮਾਸੂਮੀਅਤ ਨੇ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ।

ਫੇਵਰੇਟ ਗਾਣਾ ਸੁਣ ਕੇ ਜਾਗੀ ਬੱਚੀ

ਇਸ ਕਿਊਟ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @sciencegirl ਨਾਮ ਦੇ ਯੂਜ਼ਰਨੇਮ ਦੁਆਰਾ ਸ਼ੇਅਰ ਕੀਤਾ ਗਿਆ ਹੈ ਅਤੇ ਕੈਪਸ਼ਨ ਵਿੱਚ ਲਿੱਖਿਆ ਹੈ, “ਡੂੰਘੀ ਨੀਂਦ ਵਿੱਚ ਸੁੱਤੀ ਬੱਚੀ ਆਪਣੇ ਫੇਵਰੇਟ ਗੀਤ ‘ਤੇ ਤੁਰੰਤ ਜਾਗ ਜਾਂਦੀ ਹੈ।” ਇਸ 2 ਮਿੰਟ 6 ਸਕਿੰਟ ਦੇ ਵੀਡੀਓ ਨੂੰ 192,000 ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, ਜਿਸ ਵਿੱਚ 7,000 ਤੋਂ ਵੱਧ ਲੋਕਾਂ ਨੇ ਇਸਨੂੰ ਪਸੰਦ ਕੀਤਾ ਹੈ ਅਤੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ।

ਇੱਥੇ ਦੇਖੋ ਵੀਡੀਓ