Viral: ਕੈਨੇਡੀਅਨ ਪ੍ਰੋਫੈਸਰ ਨੇ ਪੰਜਾਬੀ ਗਾਣੇ ‘ਤੇ ਦਿਖਾਏ ਦੇਸੀ Moves, VIDEO ਹੋ ਗਿਆ ਹਿੱਟ
Viral Video: ਇੱਕ ਕੈਨੇਡੀਅਨ ਪ੍ਰੋਫੈਸਰ ਨੇ ਪੰਜਾਬੀ ਗਾਣੇ 'ਤੇ ਡਾਂਸ ਕਰਕੇ ਸੋਸ਼ਲ ਮੀਡੀਆ 'ਤੇ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ। ਪ੍ਰੋਫੈਸਰ ਲੋਆ ਨੇ ਆਪਣੇ ਇਸ ਡਾਂਸ ਵੀਡੀਓ ਨੂੰ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ ਅਤੇ ਲੋਕਾਂ ਨੂੰ ਪੁੱਛਿਆ, ਕੀ ਮੈਂ ਬਾਲੀਵੁੱਡ ਵਿੱਚ ਆਉਣ ਲਈ ਤਿਆਰ ਹਾਂ? ਇਸ ਵੀਡੀਓ ਨੂੰ ਇੱਕ ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ।
ਭਾਵੇਂ ਉਹ ਬਾਲੀਵੁੱਡ ਹੋਵੇ ਜਾਂ ਪੰਜਾਬੀ ਬੀਟਸ, ਤੁਹਾਨੂੰ ਦੁਨੀਆ ਦੇ ਹਰ ਕੋਨੇ ਵਿੱਚ ਭਾਰਤੀ ਗੀਤਾਂ ਦੇ ਪ੍ਰਸ਼ੰਸਕ ਮਿਲਣਗੇ। ਹਾਲ ਹੀ ਵਿੱਚ ਇੱਕ ਕੈਨੇਡੀਅਨ ਪ੍ਰੋਫੈਸਰ ਦੀ ਵੀਡੀਓ ਨੇ ਇੰਟਰਨੈੱਟ ‘ਤੇ ਧਮਾਲ ਮਚਾ ਦਿੱਤੀ ਜਦੋਂ ਉਸਨੇ ਆਪਣੇ ਵਿਦਿਆਰਥੀ ਨਾਲ ਪੰਜਾਬੀ ਗੀਤ ‘ਤੇ ਸ਼ਾਨਦਾਰ ਮੂਵਜ਼ ਦਿਖਾਏ। ਵਾਇਰਲ ਵੀਡੀਓ ਵਿੱਚ, ਕੈਨੇਡੀਅਨ ਪ੍ਰੋਫੈਸਰ ਲੋਆ ਫ੍ਰਿਡਫਿਨਸਨ ਨੂੰ ਅਮਰਿੰਦਰ ਗਿੱਲ ਦੇ ਗਾਣੇ ‘ਵੰਝਲੀ ਵਜਾ’ ‘ਤੇ ਨੱਚਦੇ ਦੇਖਿਆ ਜਾ ਸਕਦਾ ਹੈ। ਇੱਕ ਵਿਦਿਆਰਥੀ ਵੀ ਉਸ ਨਾਲ ਗਾਣੇ ਦੀ ਤਾਲ ‘ਤੇ ਪੰਜਾਬੀ ਮੂਵਜ਼ ਦਿਖਾਉਣ ਵਿੱਚ ਸਾਥ ਦਿੱਤਾ।
ਪ੍ਰੋਫੈਸਰ ਲੋਆ ਨੇ ਇੰਸਟਾਗ੍ਰਾਮ @activ8inc ‘ਤੇ ਆਪਣੇ ਡਾਂਸ ਵੀਡੀਓ ਨੂੰ ਸ਼ੇਅਰ ਕੀਤਾ ਅਤੇ ਲੋਕਾਂ ਨੂੰ ਪੁੱਛਿਆ, ਕੀ ਮੈਂ ਬਾਲੀਵੁੱਡ ਵਿੱਚ ਆਉਣ ਲਈ ਤਿਆਰ ਹਾਂ? ਉਸਨੇ ਨੇਟੀਜ਼ਨਾਂ ਨੂੰ ਦੱਸਿਆ ਕਿ ਉਹ ਬੀਸੀਆਈਟੀ ਕੰਜ਼ਿਊਮਰ ਬਿਹੇਵੀਅਰ ਕੋਰਸ ਦੇ ਪੂਰਾ ਹੋਣ ਦਾ ਜਸ਼ਨ ਮਨਾਉਣ ਲਈ ਆਪਣੇ ਵਿਦਿਆਰਥੀ ਪ੍ਰਬਨੂਰ ਨਾਲ ਕੁਝ ਪੰਜਾਬੀ ਡਾਂਸ ਸਟੈੱਪ ਸਿੱਖ ਰਹੀ ਹੈ।
View this post on Instagram
ਵੀਡੀਓ ਵਿੱਚ, ਲੋਆ ਨੂੰ ਆਪਣੇ ਪੰਜਾਬੀ ਵਿਦਿਆਰਥੀ ਨਾਲ ਗਾਣੇ ਦੀ ਰਿਹਰਸਲ ਕਰਦੇ ਅਤੇ ਡਾਂਸ ਸਟੈਪਸ ਦਾ ਆਨੰਦ ਲੈਂਦੇ ਦੇਖਿਆ ਜਾ ਸਕਦਾ ਹੈ। 30 ਮਾਰਚ ਨੂੰ ਅਪਲੋਡ ਕੀਤੀ ਗਈ ਇਸ ਡਾਂਸ ਰੀਲ ਨੂੰ ਹੁਣ ਤੱਕ 10 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦੋਂ ਕਿ 64 ਹਜ਼ਾਰ ਤੋਂ ਵੱਧ ਲੋਕਾਂ ਨੇ ਇਸਨੂੰ ਲਾਈਕ ਕੀਤਾ ਹੈ। ਪੋਸਟ ‘ਤੇ ਕਈ ਟਿੱਪਣੀਆਂ ਵੀ ਆਈਆਂ ਹਨ।
ਇਹ ਵੀ ਪੜ੍ਹੋ
ਇਹ ਵੀ ਪੜ੍ਹੋ- ਸਾਹਿਬ, ਮੇਰੀ ਪਤਨੀ ਤੋਂ ਮੈਨੂੰ ਬਚਾਓ ਰੇਲਵੇ ਦੇ ਲੋਕੋ ਪਾਇਲਟ ਨੇ SP ਨੂੰ ਲਗਾਈ ਗੁਹਾਰ, ਕੁੱਟਮਾਰ ਦੀ ਵੀਡੀਓ ਵੀ ਸੌਂਪੀ
ਇੱਕ ਯੂਜ਼ਰ ਨੇ ਲਿਖਿਆ, ਜਿਸ ਤਰ੍ਹਾਂ ਵਿਦਿਆਰਥੀ ਨੇ ਆਪਣੇ ਪ੍ਰੋਫੈਸਰ ਨੂੰ ਭਾਰਤੀ ਡਾਂਸ ਸਿਖਾਇਆ, ਉਹ ਸ਼ਲਾਘਾਯੋਗ ਹੈ। ਜਦੋਂ ਕਿ ਇੱਕ ਹੋਰ ਯੂਜ਼ਰ ਨੇ ਕਿਹਾ, ਬਹੁਤ ਵਧੀਆ ਲੋਆ, ਤੁਸੀਂ ਬਹੁਤ ਵਧੀਆ ਕੰਮ ਕੀਤਾ। ਅਸੀਂ ਇਸਦਾ ਦੂਜਾ ਭਾਗ ਵੀ ਦੇਖਣਾ ਚਾਹੁੰਦੇ ਹਾਂ। ਇੱਕ ਹੋਰ ਯੂਜ਼ਰ ਨੇ ਕਮੈਂਟ ਕੀਤਾ, ਸ਼ਾਨਦਾਰ ਡਾਂਸ ਪ੍ਰੋਫੈਸਰ।
