Coldplay ਕੰਸਰਟ ‘ਚ HR ਹੈੱਡ ਨਾਲ Kiss Cam ‘ਤੇ ਫੜੇ ਗਏ CEO ਸਾਬ੍ਹ, VIRAL ਵੀਡੀਓ ਨੇ ਮਚਾਇਆ ਹੰਗਾਮਾ!
Coldplay Concert Viral Video: ਟੈਕ ਕੰਪਨੀ ਐਸਟ੍ਰੋਨੋਮਰ ਦੇ ਸੀਈਓ ਐਂਡੀ ਬਾਇਰਨ ਅਤੇ ਉਨ੍ਹਾਂ ਦੀ ਐਚਆਰ ਹੈੱਡ ਕ੍ਰਿਸਟਿਨ ਕੈਬੋਟ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਦੋਵਾਂ ਦਾ ਰੋਮਾਂਸ ਕੋਲਡਪਲੇ ਕੰਸਰਟ ਦੌਰਾਨ ਇੱਕ ਕਿੱਸ ਕੈਮ Movement ਵਿੱਚ ਕੈਦ ਹੋ ਗਿਆ। ਜੋ ਹੁਣ ਅੱਗ ਵਾਂਗ ਪੂਰੀ ਦੁਨੀਆ ਵਿੱਚ ਫੈਲ ਰਿਹਾ ਹੈ। ਲੋਕ ਇਹ ਵੀਡੀਓ ਦੇਖ ਕੇ ਕਾਫੀ ਹੈਰਾਨ ਹੋ ਰਹੇ ਹਨ। ਇਸ ਕੰਸਰਟ ਨੇ ਵੱਡੇ ਵਿਵਾਦ ਨੂੰ ਜਨਮ ਦੇ ਦਿੱਤਾ ਹੈ।
ਹਾਲ ਹੀ ਵਿੱਚ ਬੋਸਟਨ ਵਿੱਚ ਹੋਏ ਇੱਕ ਕੋਲਡਪਲੇ ਕੰਸਰਟ ਨੇ ਇੱਕ ਵੱਡੇ ਵਿਵਾਦ ਨੂੰ ਜਨਮ ਦੇ ਦਿੱਤਾ ਹੈ। ਦਰਅਸਲ, ਜਦੋਂ ਕੰਸਰਟ ਦੌਰਾਨ ਇੱਕ ਜੋੜੇ ‘ਤੇ ‘ਕਿਸ ਕੈਮ’ ਪਲ ਰੁਕ ਗਿਆ, ਤਾਂ ਉੱਥੇ ਮੌਜੂਦ ਲੋਕ ਹੈਰਾਨ ਰਹਿ ਗਏ। ਇਹ ਜੋੜਾ ਕੋਈ ਹੋਰ ਨਹੀਂ ਸਗੋਂ ਮਸ਼ਹੂਰ ਟੈਕ ਕੰਪਨੀ ਐਸਟ੍ਰੋਨੋਮਰ ਦੇ ਸੀਈਓ ਐਂਡੀ ਬਾਇਰਨ ਅਤੇ ਉਨ੍ਹਾਂ ਦੇ ਐਚਆਰ ਹੈੱਡ ਕ੍ਰਿਸਟਿਨ ਕੈਬੋਟ ਸਨ। ਜਿਲੇਟ ਸਟੇਡੀਅਮ ਵਿੱਚ ਵਾਪਰੀ ਇਸ ਘਟਨਾ ਦਾ ਵੀਡੀਓ ਹੁਣ ਇੰਟਰਨੈੱਟ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਸੀਈਓ ਅਤੇ ਐਚਆਰ ਹੈੱਡ ਇੱਕ ਦੂਜੇ ਦੀਆਂ ਬਾਹਾਂ ਵਿੱਚ ਲਪੇਟੇ ਹੋਏ ਦਿਖਾਈ ਦੇ ਰਹੇ ਹਨ। ਇਸ ਕਲਿੱਪ ਦੇ ਜਾਰੀ ਹੋਣ ਤੋਂ ਬਾਅਦ ਦੋਵਾਂ ਦੇ ਅਫੇਅਰ ਦੀ ਚਰਚਾ ਤੇਜ਼ ਹੋ ਗਈ ਹੈ।
ਇਹ ਪਲ ਇੰਟਰਨੈੱਟ ‘ਤੇ ਹੋਰ ਵੀ ਵਾਇਰਲ ਹੋ ਗਿਆ ਕਿਉਂਕਿ Coldplay ਦੇ ਫਰੰਟਮੈਨ ਕ੍ਰਿਸ ਮਾਰਟਿਨ ਨੇ ਖੁਦ ਇਸ ਜੋੜੇ ਨੂੰ ਦੇਖਿਆ ਸੀ। ਉਸਨੇ ਸਟੇਜ ਤੋਂ ਮਜ਼ਾਕ ਵਿੱਚ ਕਿਹਾ, ਇਨ੍ਹਾਂ ਦੋਵਾਂ ਨੂੰ ਤਾਂ ਦੇਖੋ… ਜਾਂ ਤਾਂ ਉਨ੍ਹਾਂ ਦਾ ਅਫੇਅਰ ਚੱਲ ਰਿਹਾ ਹੈ, ਜਾਂ ਦੋਵੇਂ ਬਹੁਤ ਸ਼ਰਮੀਲੇ ਹਨ। ਇਸ ਤੋਂ ਬਾਅਦ ਜਨਤਾ ਹੱਸਣ ਲੱਗ ਗਈ। ਬਾਅਦ ਵਿੱਚ ਇਹ ਖੁਲਾਸਾ ਹੋਇਆ ਕਿ ਇਹ ਜੋੜਾ ਇੱਕ ਵੱਡੀ ਅਮਰੀਕੀ ਤਕਨੀਕੀ ਕੰਪਨੀ Astronomer ਦੇ CEO ਐਂਡੀ ਬਾਇਰਨ ਅਤੇ ਉਨ੍ਹਾਂ ਦੀ ਐਚਆਰ ਹੈੱਡ ਹਨ।
ਇਹ ਵੀਡੀਓ TikTok, Reddit ਅਤੇ X (ਪਹਿਲਾਂ ਟਵਿੱਟਰ) ‘ਤੇ ਜੰਗਲ ਦੀ ਅੱਗ ਵਾਂਗ ਫੈਲ ਗਿਆ, ਜਿਸ ਨਾਲ ਨੇਟੀਜ਼ਨ ਹੈਰਾਨ ਰਹਿ ਗਏ। ਕਈਆਂ ਨੇ ਸੀਈਓ ਬਾਇਰਨ ਦੀ ਪਤਨੀ ਪ੍ਰਤੀ ਹਮਦਰਦੀ ਪ੍ਰਗਟ ਕੀਤੀ। ਇੱਕ ਯੂਜ਼ਰ ਨੇ ਕਮੈਂਟ ਕੀਤਾ, “ਸੀਈਓ ਦੀ ਪਤਨੀ ਲਈ ਬਹੁਤ ਬੁਰਾ ਮਹਿਸੂਸ ਹੋ ਰਿਹਾ ਹੈ। ਪਰ ਇਹ ਚੰਗਾ ਹੈ ਕਿ ਉਨ੍ਹਾਂ ਦੇ ਅਫੇਅਰ ਦਾ ਪਰਦਾਫਾਸ਼ ਹੋ ਗਿਆ।” ਇੱਕ ਹੋਰ ਯੂਜ਼ਰ ਨੇ ਸਵਾਲ ਕੀਤਾ, “ਜੇਕਰ ਕੋਈ ਅਫੇਅਰ ਨਹੀਂ ਸੀ, ਤਾਂ ਉਹ ਕੰਸਰਟ ਵਿੱਚ ਇੱਕ ਦੂਜੇ ਦੀਆਂ ਬਾਹਾਂ ਵਿੱਚ ਕੀ ਕਰ ਰਹੇ ਸਨ?” ਇਸ ਦੇ ਨਾਲ ਹੀ, ਬਹੁਤ ਸਾਰੇ ਨੇਟੀਜ਼ਨਾਂ ਨੇ ਇਸਨੂੰ ਗੰਭੀਰਤਾ ਨਾਲ ਲਿਆ ਅਤੇ ਕਾਰਪੋਰੇਟ ਨੈਤਿਕਤਾ ਅਤੇ ਕੰਮ ਵਾਲੀ ਥਾਂ ‘ਤੇ ਪੇਸ਼ੇਵਰ ਸਬੰਧਾਂ ਦੀਆਂ ਸੀਮਾਵਾਂ ਬਾਰੇ ਵੀ ਸਵਾਲ ਉਠਾਏ।
ਹਾਲਾਂਕਿ, ਇਸ ਮਾਮਲੇ ਵਿੱਚ ਹੁਣ ਤੱਕ Astronomer ਕੰਪਨੀ ਜਾਂ ਸੀਈਓ ਬਾਇਰਨ ਵੱਲੋਂ ਕੋਈ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਗਿਆ ਹੈ। ਕ੍ਰਿਸਟਿਨ ਕੈਬੋਟ, ਜੋ ਨਵੰਬਰ 2024 ਵਿੱਚ ਐਚਆਰ ਮੁਖੀ ਵਜੋਂ ਕੰਪਨੀ ਵਿੱਚ ਸ਼ਾਮਲ ਹੋਈ ਸੀ, ਨੇ ਇੱਕ ਇੰਟਰਵਿਊ ਵਿੱਚ ਕਿਹਾ, “ਅਸਲੀ ਜਾਦੂ ਉਦੋਂ ਹੁੰਦਾ ਹੈ ਜਦੋਂ ਲੋਕ ਅਤੇ ਕਾਰੋਬਾਰੀ ਰਣਨੀਤੀ ਇਕੱਠੇ ਹੁੰਦੇ ਹਨ।” ਅਜਿਹਾ ਲਗਦਾ ਹੈ ਕਿ ਉਨ੍ਹਾਂ ਨੂੰ ਇਹ ‘ਜਾਦੂ’ ਜਨਤਕ ਤੌਰ ‘ਤੇ ਇਸ ਤਰ੍ਹਾਂ ਸਾਹਮਣੇ ਆਉਣ ਦੀ ਉਮੀਦ ਨਹੀਂ ਸੀ।
ਇਹ ਵੀ ਪੜ੍ਹੋ
ਕੌਣ ਹੈ ਐਂਡੀ ਬਾਇਰਨ ? (Who is Andy Byron?)
ਲਿੰਕਡਇਨ ਪ੍ਰੋਫਾਈਲ ਦੇ ਅਨੁਸਾਰ, ਐਂਡੀ ਬਾਇਰਨ ਜੁਲਾਈ 2023 ਵਿੱਚ ਨਿਊਯਾਰਕ ਸਥਿਤ ਤਕਨੀਕੀ ਕੰਪਨੀ ਐਸਟ੍ਰੋਨੋਮਰ ਦੇ ਸੀਈਓ ਬਣੇ। 50 ਸਾਲਾ ਬਾਇਰਨ ਅਤੇ ਉਸਦੀ ਪਤਨੀ ਮੇਗਨ ਕੇਰੀਗਨ ਨੌਰਥਬਰੋ ਵਿੱਚ ਰਹਿੰਦੇ ਹਨ ਅਤੇ ਉਨ੍ਹਾਂ ਦੇ ਦੋ ਬੱਚੇ ਹਨ।
ਇਹ ਵੀ ਪੜ੍ਹੋ- ਝਟਕੇ ਚ ਦੂਜੇ ਸੱਪ ਨੂੰ ਨਿਗਲ ਗਿਆ ਨਾਗਰਾਜ, ਪਲਕ ਝਪਕਦੇ ਹੀ ਨਿਪਟਾਇਆ ਆਪਣਾ ਸ਼ਿਕਾਰ
ਪਤਨੀ ਨੇ ਹਟਾਇਆ ਬਾਇਰਨ Surname
ਇਸ ਸੰਗੀਤ ਸਮਾਰੋਹ ਦੇ ਘੁਟਾਲੇ ਨੇ ਐਂਡੀ ਬਾਇਰਨ ਦੇ ਨਿੱਜੀ ਜੀਵਨ ਵਿੱਚ ਉਥਲ-ਪੁਥਲ ਮਚਾ ਦਿੱਤੀ ਹੈ, ਕਿਉਂਕਿ ਉਸਦੀ ਪਤਨੀ ਨੇ ਆਪਣੇ ਸੋਸ਼ਲ ਮੀਡੀਆ ਖਾਤਿਆਂ ਤੋਂ ਬਾਇਰਨ ਉਪਨਾਮ ਹਟਾ ਦਿੱਤਾ ਹੈ।