Viral News: ਅਮਰੀਕੀ ਏਅਰਲਾਈਨ ਇਸ 101 ਸਾਲ ਦੀ ਬਜ਼ੁਰਗ ਔਰਤ ਨੂੰ ਸਮਝਦੀ ਹੈ ਬੱਚਾ, ਕੀ ਹੈ ਮਾਮਲਾ?

ਅਮਰੀਕਨ ਏਅਰਲਾਈਨਜ਼ ਨੇ 101 ਸਾਲਾ ਔਰਤ ਨੂੰ ਬੱਚਾ ਸਮਝ ਲਿਆ। ਪਰ ਦਿਲਚਸਪ ਗੱਲ ਇਹ ਹੈ ਕਿ ਏਅਰਲਾਈਨ ਨੇ ਅਜਿਹਾ ਇਕ ਵਾਰ ਨਹੀਂ, ਸਗੋਂ ਵਾਰ-ਵਾਰ ਕੀਤਾ। ਅਜਿਹਾ ਹੋਇਆ ਕਿ ਏਅਰਲਾਈਨ ਦੇ ਸਿਸਟਮ ‘ਚ ਔਰਤ ਦਾ ਜਨਮ ਸਾਲ 1922 ਦੀ ਬਜਾਏ 2022 ਲਿਖਿਆ ਗਿਆ, ਜਿਸ ਕਾਰਨ ਇਹ ਅਜੀਬ ਗਲਤੀ ਹੋਈ। ਇਹੀ ਕਾਰਨ ਹੈ ਕਿ ਟਰਮੀਨਲ ‘ਤੇ ਬਜ਼ੁਰਗ ਔਰਤ ਨੂੰ ਕਦੇ ਵੀ ਵ੍ਹੀਲਚੇਅਰ ਮੁਹੱਈਆ ਨਹੀਂ ਕਰਵਾਈ ਗਈ, ਕਿਉਂਕਿ ਹਵਾਈ ਅੱਡੇ ਦੇ ਸਟਾਫ ਨੂੰ ਹਮੇਸ਼ਾ ਬੱਚੇ ਦੇ ਆਉਣ ਦੀ ਉਮੀਦ ਰਹਿੰਦੀ ਸੀ।

ਬੀਬੀਸੀ ਦੀ ਰਿਪੋਰਟ ਮੁਤਾਬਕ ਪੈਟਰੀਸ਼ੀਆ ਦਾ ਕਹਿਣਾ ਹੈ ਕਿ ਉਸ ਨਾਲ ਗਜ਼ਬ ਦਾ ਮਜ਼ਾਕ ਹੋਇਆ ਹੈ। ਉਸ ਨੇ ਕਿਹਾ, ‘ਉਹ (ਅਮਰੀਕਨ ਏਅਰਲਾਈਨਜ਼) ਮੈਨੂੰ ਛੋਟੀ ਬੱਚੀ ਸਮਝਦੇ ਰਹੇ, ਜਦੋਂ ਕਿ ਮੈਂ ਇਕ ਬਜ਼ੁਰਗ ਔਰਤ ਹਾਂ।’ ਉਸ ਨੇ ਕਿਹਾ ਕਿ ਉਸ ਦੀ ਬੇਟੀ ਨੇ ਆਨਲਾਈਨ ਟਿਕਟ ਬੁੱਕ ਕਰਵਾਈ ਸੀ, ਪਰ ਇਹ ਨਹੀਂ ਪਤਾ ਕਿ ਉਸ ਦਾ ਜਨਮ ਸਾਲ 2022 ਵਿਚ ਕਿਵੇਂ ਰੱਖਿਆ ਗਿਆ।’ ਇਸ ਅਜੀਬੋ-ਗਰੀਬ ਹਕੀਕਤ ਨੂੰ ਜਾਣ ਕੇ ਏਅਰਲਾਈਨ ਦੇ ਕਰੂ ਮੈਂਬਰ ਵੀ ਦੰਗ ਰਹਿ ਗਏ, ਕਿਉਂਕਿ ਉਨ੍ਹਾਂ ਨੂੰ ਹਰ ਵਾਰ ਬੱਚੇ ਨੂੰ ਫਲਾਈਟ ‘ਚ ਬੋਰਡ ਕਰਨ ਦੀ ਉਮੀਦ ਸੀ।

ਪੈਟਰੀਸ਼ੀਆ ਸ਼ਿਕਾਗੋ ਤੋਂ ਮਿਸ਼ੀਗਨ ਲਈ ਉਡਾਣ ਭਰ ਰਹੀ ਸੀ ਜਦੋਂ ਉਹ ਬੀਬੀਸੀ ਰਿਪੋਰਟਰ ਜੋ ਟਿਡੀ ਨੂੰ ਮਿਲੀ। ਬਜ਼ੁਰਗ ਔਰਤ ਦੀਆਂ ਗੱਲਾਂ ਸੁਣ ਕੇ ਰਿਪੋਰਟਰ ਵੀ ਹੈਰਾਨ ਰਹਿ ਗਿਆ ਕਿਉਂਕਿ ਪੈਟਰੀਸ਼ੀਆ ਨੇ ਕਿਹਾ ਕਿ ਏਅਰਲਾਈਨ ਉਸ ਨੂੰ ਬੱਚਾ ਮੰਨਦੀ ਹੈ ਅਤੇ ਅਜਿਹਾ ਇਕ ਵਾਰ ਨਹੀਂ ਸਗੋਂ ਵਾਰ-ਵਾਰ ਹੋਇਆ ਹੈ।

ਇਹ ਵੀ ਪੜ੍ਹੋ- ਪਾਲਤੂ ਬਿੱਲੀ ਨੇ 11 ਲੱਖ ਰੁਪਏ ਦਾ ਕੀਤਾ ਨੁਕਸਾਨ, ਜਾਣੋ ਕੀ ਹੈ ਮਾਮਲਾ

ਬਜ਼ੁਰਗ ਔਰਤ ਨੇ ਟਿਡੀ ਨੂੰ ਦੱਸਿਆ ਕਿ ਜਦੋਂ ਉਸ ਨੇ ਪਿਛਲੇ ਸਾਲ ਫਲਾਈਟ ਲਈ ਸੀ ਤਾਂ ਪਲੇਨ ਦੇ ਕਰੂ ਮੈਂਬਰ ਉਸ ਦੀ ਥਾਂ ‘ਤੇ ਬੱਚੇ ਦੇ ਆਉਣ ਦੀ ਉਮੀਦ ਕਰ ਰਹੇ ਸਨ। ਉਸਨੇ ਟਿਡੀ ਨੂੰ ਦੱਸਿਆ ਕਿ ਇਹ ਸਮੱਸਿਆ ਉਦੋਂ ਸ਼ੁਰੂ ਹੋਈ ਜਦੋਂ ਉਹ 100 ਸਾਲ ਦੀ ਹੋ ਗਈ।

ਪੈਟਰੀਸ਼ੀਆ ਨੇ ਦੱਸਿਆ ਕਿ ਉਹ ਹਰ ਸਾਲ ਆਪਣੇ ਪਰਿਵਾਰ ਨੂੰ ਮਿਲਣ ਲਈ ਹਵਾਈ ਸਫਰ ਕਰਦੀ ਹੈ। ਪਰ 100 ਸਾਲ ਦੀ ਉੱਮਰ ਵਿੱਚ ਕਦਮ ਰੱਖਦੇ ਹੀ ਉਨ੍ਹਾਂ ਨੂੰ ਇਹ ਅਜੀਬ ਸਮੱਸਿਆ ਸ਼ੁਰੂ ਹੋ ਗਈ। 97 ਸਾਲ ਦੀ ਉਮਰ ਤੱਕ ਉਹ ਹਵਾਈ ਜਹਾਜ਼ ਰਾਹੀਂ ਮਿਸ਼ੀਗਨ ਲਈ ਇਕੱਲੀ ਯਾਤਰਾ ਕਰਦੀ ਸੀ ਪਰ ਹੁਣ ਅੱਖਾਂ ਦੀ ਸਮੱਸਿਆ ਕਾਰਨ ਕੋਈ ਜ਼ਰੂਰ ਉਨ੍ਹਾਂ ਨਾਲ ਸਫਰ ਕਰਦਾ ਹੈ।

ਔਰਤ ਦਾ ਕਹਿਣਾ ਹੈ ਕਿ ਏਅਰਲਾਈਨ ਨੂੰ ਆਪਣੀ ਤਕਨੀਕੀ ਗਲਤੀ ਨੂੰ ਜਲਦੀ ਤੋਂ ਜਲਦੀ ਠੀਕ ਕਰਨਾ ਚਾਹੀਦਾ ਹੈ, ਕਿਉਂਕਿ ਉਸ ਦੀ ਬੇਟੀ ਨੂੰ ਬਿਨਾਂ ਕਿਸੇ ਕਾਰਨ ਇੱਧਰ-ਉੱਧਰ ਭੱਜਣਾ ਪੈ ਰਿਹਾ ਹੈ। ਉਨ੍ਹਾਂ ਕਿਹਾ, ਮੇਰੀ ਬੇਟੀ ਨੂੰ ਵ੍ਹੀਲ ਚੇਅਰ ਦਾ ਪ੍ਰਬੰਧ ਨਾ ਹੋਣ ਕਾਰਨ ਕਾਫੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਹਾਲਾਂਕਿ, ਇੰਨੀਆਂ ਮੁਸ਼ਕਲਾਂ ਦੇ ਬਾਵਜੂਦ, ਪੈਟਰੀਸ਼ੀਆ ਆਉਣ ਵਾਲੀ ਸਰਦੀਆਂ ਵਿੱਚ ਦੁਬਾਰਾ ਹਵਾਈ ਯਾਤਰਾ ਕਰਨ ਲਈ ਤਿਆਰ ਹੈ।