Xiaomi 13 Ultra: ਪਾਵਰਫੂਲ ਚਿੱਪਸੈੱਟ ਅਤੇ ਚਾਰ 50MP ਕੈਮਰਿਆਂ ਨਾਲ ਲਾਂਚ ਹੋਇਆ ਨਵਾਂ ਫ਼ੋਨ, ਜਾਣੋ ਕੀਮਤ ਤੇ ਵਿਸ਼ੇਸ਼ਤਾਵਾਂ
Xiaomi 13 Ultra Launch: Xiaomi ਦੇ ਨਵੇਂ ਫੋਨ ਦੀਆਂ ਸਭ ਤੋਂ ਮਹੱਤਵਪੂਰਨ ਵਿਸ਼ੇਸ਼ਤਾਵਾਂ ਵਿੱਚ ਸਨੈਪਡ੍ਰੈਗਨ 8 Gen 2 ਚਿਪਸੈੱਟ ਅਤੇ 2600 NITS ਤੱਕ ਡਿਸਪਲੇ ਸ਼ਾਮਲ ਹੈ। Xiaomi 13 Ultra ਨੂੰ 90W ਫਾਸਟ ਚਾਰਜਿੰਗ ਨਾਲ ਲਾਂਚ ਕੀਤਾ ਗਿਆ ਹੈ।
Xiaomi ਦੇ ਪ੍ਰੀਮੀਅਮ ਫੋਨ ਦੀ ਉਡੀਕ ਕਰ ਰਹੇ ਲੋਕਾਂ ਲਈ ਖੁਸ਼ਖਬਰੀ ਹੈ। ਹੁਣ ਇਕ ਹੋਰ ਨਵਾਂ ਹੈਂਡਸੈੱਟ ਬਾਜ਼ਾਰ ‘ਚ ਆ ਗਿਆ ਹੈ ਜੋ ਯੂਜ਼ਰਸ ਨੂੰ ਕਾਫੀ ਪਸੰਦ ਆਵੇਗਾ। ਸਮਾਰਟਫੋਨ ਨਿਰਮਾਤਾ ਕੰਪਨੀ ਨੇ Xiaomi 13 ਅਲਟਰਾ ਸਮਾਰਟਫੋਨ ਲਾਂਚ ਕਰ ਦਿੱਤਾ ਹੈ। Xiaomi 13 Ultra ਨੇ ਕਈ ਖਾਸ ਵਿਸ਼ੇਸ਼ਤਾਵਾਂ ਨਾਲ ਦਸਤਕ ਦਿੱਤੀ ਹੈ। ਇਸ ਵਿੱਚ ਕੁਆਲਕਾਮ ਸਨੈਪਡ੍ਰੈਗਨ 8 Gen 2 ਚਿਪਸੈੱਟ, 2600 ਨਿਟਸ ਪੀਕ ਬ੍ਰਾਈਟਨੈੱਸ ਦੇ ਨਾਲ 2K 12-ਬਿਟ ਡਿਸਪਲੇ ਵਰਗੀਆਂ ਵਿਸ਼ੇਸ਼ਤਾਵਾਂ ਮਿਲਣਗੀਆਂ। ਜੇਕਰ ਤੁਸੀਂ ਇਸ ਫੋਨ ਨੂੰ ਖਰੀਦਣ ਬਾਰੇ ਸੋਚ ਰਹੇ ਹੋ, ਤਾਂ ਤੁਸੀਂ ਇੱਥੇ ਇਸ ਦੇ ਫੀਚਰਸ ਅਤੇ ਕੀਮਤ ਦੇਖ ਸਕਦੇ ਹੋ।
Xiaomi 13 Ultra ਵਿੱਚ ਲੈਦਰ ਫਿਨਿਸ਼ਿੰਗ ਅਤੇ 90W ਫਾਸਟ ਚਾਰਜਿੰਗ ਵਰਗੀਆਂ ਕਈ ਟਾਪ-ਲੈਵਲ ਵਿਸ਼ੇਸ਼ਤਾਵਾਂ ਉਪਲਬਧ ਹੋਣਗੀਆਂ। ਫਿਲਹਾਲ ਇਸ ਫੋਨ ਨੂੰ ਚੀਨ ਦੇ ਨਾਲ-ਨਾਲ ਕੁਝ ਹੋਰ ਖੇਤਰਾਂ ‘ਚ ਵੀ ਲਾਂਚ ਕੀਤਾ ਗਿਆ ਹੈ। ਕੰਪਨੀ ਨੇ ਇਸ ‘ਚ Leica ਦੇ 50MP (50 Mega Pixel) ਕੈਮਰੇ ਦੀ ਵਰਤੋਂ ਕੀਤੀ ਹੈ। ਆਓ ਇਸ ਦੀਆਂ ਵਿਸ਼ੇਸ਼ਤਾਵਾਂ ਨੂੰ ਇੱਕ-ਇੱਕ ਕਰਕੇ ਵੇਖੀਏ।
Xiaomi 13 Ultra: Specification and Features
- Display: Xiaomi 13 Ultra ਨੂੰ 6.73 ਇੰਚ 2K AMOLED ਡਿਸਪਲੇਅ ਮਿਲੇਗਾ, ਜੋ LTPO ਸਪੋਰਟ ਨਾਲ ਆਉਂਦਾ ਹੈ। ਇਸ ਵਿੱਚ 120Hz ਰਿਫਰੈਸ਼ ਰੇਟ, 2600 nits ਪੀਕ ਬ੍ਰਾਈਟਨੈੱਸ, HDR10+, Dolby Vision ਵਰਗੀਆਂ ਵਿਸ਼ੇਸ਼ਤਾਵਾਂ ਮਿਲਣਗੀਆਂ।
- Chipset: ਨਵਾਂ ਹੈਂਡਸੈੱਟ Qualcomm Snapdragon 8 Gen 2 ਚਿਪਸੈੱਟ ਦੇ ਸਪੋਰਟ ਨਾਲ ਲਾਂਚ ਕੀਤਾ ਗਿਆ ਹੈ। ਇਸ ਨੂੰ ਸਭ ਤੋਂ ਸ਼ਕਤੀਸ਼ਾਲੀ ਚਿੱਪਸੈੱਟ ਮੰਨਿਆ ਜਾਂਦਾ ਹੈ।
- Camera: ਫੋਟੋਗ੍ਰਾਫੀ ਲਈ ਇਸ ‘ਚ 50MP ਕਵਾਡ ਕੈਮਰਾ ਸੈੱਟਅਪ ਮਿਲੇਗਾ। ਨਵੇਂ ਫੋਨ ‘ਚ ਕੰਪਨੀ ਨੇ 50MP ਦੇ ਚਾਰ ਕੈਮਰੇ ਦਿੱਤੇ ਹਨ। ਇਸ ਦੇ ਨਾਲ ਹੀ ਵੀਡੀਓ ਕਾਲ ਅਤੇ ਸੈਲਫੀ ਲਈ 32MP ਮਜ਼ਬੂਤ ਫਰੰਟ ਕੈਮਰਾ ਉਪਲਬਧ ਹੋਵੇਗਾ।
- Battery: ਪਾਵਰ ਬੈਕਅਪ ਲਈ 5,000mAH ਬੈਟਰੀ ਸਪੋਰਟ ਕੀਤੀ ਗਈ ਹੈ। ਹਾਲਾਂਕਿ, ਤੁਹਾਨੂੰ ਚਾਰਜਿੰਗ ਦਾ ਟੈਨਸ਼ਨ ਨਹੀਂ ਹੋਵੇਗਾ, ਕਿਉਂਕਿ ਇਸ ਵਿੱਚ 90W ਫਾਸਟ ਚਾਰਜਿੰਗ ਤਕਨੀਕ ਵੀ ਉਪਲਬਧ ਹੈ।
- Storage: ਕੰਪਨੀ ਨੇ ਇਸ ਫੋਨ ਨੂੰ ਦੋ ਸਟੋਰੇਜ ਆਪਸ਼ਨ ਦੇ ਨਾਲ ਪੇਸ਼ ਕੀਤਾ ਹੈ। Xiaomi 13 Ultra ਦਾ ਬੇਸ ਮਾਡਲ 12GB + 256GB ਸਟੋਰੇਜ ਦੇ ਨਾਲ ਆਉਂਦਾ ਹੈ ਜਦਕਿ ਦੂਜਾ ਮਾਡਲ 16GB + 512GB ਸਟੋਰੇਜ ਨਾਲ ਉਪਲਬਧ ਹੋਵੇਗਾ।
ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ਤੇ ਜਾਓ
