ਖ਼ਤਰੇ ਦੀ ਘੰਟੀ! ਇਨ੍ਹਾਂ ਕੰਪਨੀਆਂ ਦੇ ਹੈੱਡਫੋਨਾਂ ਵਿੱਚ ਜ਼ਹਿਰੀਲੇ ਕੈਮੀਕਲ, ਕਰ ਸਕਦੇ ਹਨ ਬਿਮਾਰ

ਖ਼ਤਰੇ ਦੀ ਘੰਟੀ! ਇਨ੍ਹਾਂ ਕੰਪਨੀਆਂ ਦੇ ਹੈੱਡਫੋਨਾਂ ਵਿੱਚ ਹਨ ਜ਼ਹਿਰੀਲੇ ਕੈਮੀਕਲ

ਜੇਕਰ ਤੁਸੀਂ ਸੰਗੀਤ ਸੁਣਨ ਜਾਂ ਫਿਲਮਾਂ ਦੇਖਣ ਲਈ ਹੈੱਡਫੋਨ ਵਰਤਦੇ ਹੋ, ਤਾਂ ਸਾਵਧਾਨ ਹੋ ਜਾਓ। ਹਾਲ ਹੀ ਵਿੱਚ ਇੱਕ ਪ੍ਰਯੋਗਸ਼ਾਲਾ ਜਾਂਚ ਵਿੱਚ ਕੁਝ ਅਜਿਹਾ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਹੈ ਜੋ ਸੁਣ ਕੇ ਤੁਸੀ ਹੇਰਾਰ ਹੋ ਜਾਓਗੇ। ਇਸ ਜਾਂਚ ਦੇ ਨਤੀਜਿਆਂ ਨੇ ਚਿੰਤਾਵਾਂ ਵਧਾ ਦਿੱਤੀਆਂ ਹਨ, ਖਾਸ ਕਰਕੇ ਉਹ ਜਿਹੜੇ ਹੈੱਡਫੋਨ ਵਰਤਦੇ ਹਨ। ਕਈ ਵੱਡੀਆਂ ਕੰਪਨੀਆਂ ਦੇ ਹੈੱਡਫੋਨਾਂ ਵਿੱਚ ਖਤਰਨਾਕ ਕੈਮੀਕਲ ਪਾਏ ਗਏ ਹਨ। ਕਿਹੜੀਆਂ ਕੰਪਨੀਆਂ ਦੇ ਹੈੱਡਫੋਨਾਂ ਵਿੱਚ ਇਹ ਕੈਮੀਕਲ ਹੁੰਦੇ ਹਨ, ਅਤੇ ਇਹ ਕੈਮੀਕਲ ਕਿਵੇਂ ਨੁਕਸਾਨ ਪਹੁੰਚਾਉਂਦੇ ਹਨ? ਆਓ ਤੁਹਾਨੂੰ ਦੱਸਦੇ ਹਾਂ।

ਇਨ੍ਹਾਂ ਕੰਪਨੀਆਂ ਦੇ ਹੈੱਡਫੋਨਾਂ ਦੇ ਨਾਮ ਆਏ ਸਾਹਮਣੇ

ਮਨੀ ਕੰਟਰੋਲ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਲੈਬ ਟੈਸਟਾਂ ਵਿੱਚ Samsung, Bose ਅਤੇ Sennheiser ਸਮੇਤ ਕਈ ਵੱਡੀਆਂ ਕੰਪਨੀਆਂ ਦੇ ਹੈੱਡਫੋਨਾਂ ਵਿੱਚ ਖਤਰਨਾਕ ਕੈਮੀਕਲ ਦਾ ਖੁਲਾਸਾ ਹੋਇਆ ਹੈ। ਲੈਬ ਨੇ 81 ਹੈੱਡਫੋਨ ਮਾਡਲਾਂ ਦੀ ਜਾਂਚ ਕੀਤੀ ਅਤੇ ਉਨ੍ਹਾਂ ਸਾਰਿਆਂ ਵਿੱਚ ਅਜਿਹੇ ਕੈਮੀਕਲ ਪਾਏ ਗਏ ਜੋ ਸਿਹਤ ਲਈ ਖ਼ਤਰਾ ਪੈਦਾ ਕਰਦੇ ਹਨ।

ਇਹ ਟੈਸਟਿੰਗ ToxFREE LIFE for All ਪ੍ਰੋਜੈਕਟ ਦੇ ਹਿੱਸੇ ਵਜੋਂ ਕੀਤੀ ਗਈ ਸੀ, ਜੋ ਕਿ ਮੱਧ ਯੂਰਪ ਵਿੱਚ ਸਿਵਲ ਸੋਸਾਇਟੀ ਸੰਗਠਨਾਂ ਵਿਚਕਾਰ ਇੱਕ ਸਹਿਯੋਗ ਹੈ। ਖੋਜਕਰਤਾਵਾਂ ਨੇ ਭੌਤਿਕ ਪ੍ਰਚੂਨ ਵਿਕਰੇਤਾਵਾਂ ਅਤੇ ਔਨਲਾਈਨ ਬਾਜ਼ਾਰਾਂ ਤੋਂ ਖਰੀਦੇ ਗਏ ਓਵਰ-ਈਅਰ ਅਤੇ ਇਨ-ਈਅਰ ਹੈੱਡਫੋਨਾਂ ਦਾ ਵਿਸ਼ਲੇਸ਼ਣ ਕੀਤਾ, ਪਲਾਸਟਿਕ ਅਤੇ ਸਿੰਥੈਟਿਕ ਸਮੱਗਰੀ ਦੀ ਜਾਂਚ ਕੀਤੀ ਜੋ ਸਕਿਨ ਦੇ ਸਿੱਧੇ ਸੰਪਰਕ ਵਿੱਚ ਆਉਂਦੇ ਹਨ।

ਸਰੀਰ ਨੂੰ ਇਸ ਤਰ੍ਹਾਂ ਪਹੁੰਚਦਾ ਹੈ ਨੁਕਸਾਨ

ਨਤੀਜਿਆਂ ਨੇ ਬਿਸਫੇਨੋਲ (bisphenols) ਦੀ ਵਿਆਪਕ ਵਰਤੋਂ ਦਾ ਖੁਲਾਸਾ ਕੀਤਾ, ਜੋ ਕਿ ਕੈਮੀਕਲ ਦਾ ਇੱਕ ਗਰੁੱਪ ਹੈ ਜੋ ਆਮ ਤੌਰ ‘ਤੇ ਪਲਾਸਟਿਕ ਵਿੱਚ ਸ਼ਾਮਲ ਕੀਤਾ ਜਾਂਦਾ ਹੈ। 98 ਪ੍ਰਤੀਸ਼ਤ ਸੈਂਪਲਸ ਵਿੱਚ ਬਿਸਫੇਨੋਲ A ਜਾਂ BPA ਪਾਇਆ ਗਿਆ, ਜਦੋਂ ਕਿ ਬਿਸਫੇਨੋਲ S ਤਿੰਨ-ਚੌਥਾਈ ਤੋਂ ਵੱਧ ਵਿੱਚ ਪਾਇਆ ਗਿਆ। ਦੋਵਾਂ ਪਦਾਰਥਾਂ ਨੂੰ ਐਂਡੋਕਰੀਨ ਡਿਸਰਪਟਰਸ (endocrine disruptors) ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ, ਭਾਵ ਉਹ ਸਰੀਰ ਦੇ ਹਾਰਮੋਨਲ ਪ੍ਰਣਾਲੀ ਨੂੰ ਵਿਗਾੜ ਸਕਦੇ ਹਨ।

ਬਿਸਫੇਨੋਲ A ਤੋਂ ਇਲਾਵਾ, ਪ੍ਰਯੋਗਸ਼ਾਲਾ ਵਿਸ਼ਲੇਸ਼ਣ ਨੇ ਥੈਲੇਟਸ (phthalates) ਦੀ ਪਛਾਣ ਕੀਤੀ, ਜਿਨ੍ਹਾਂ ਨੂੰ ਪ੍ਰਜਨਨ ਜ਼ਹਿਰੀਲੇਪਣ ਨਾਲ ਜੋੜਿਆ ਗਿਆ ਹੈ। ਜਾਨਵਰਾਂ ਤੇ ਹੋਈ ਸੱਟਡੀ ਉੱਤੇ ਕਲੋਰੀਨੇਟਿਡ ਪੈਰਾਫਿਨ ਵੀ ਮਿਲੇ ਹਨ, ਜੋ ਲੀਵਰ ਅਤੇ ਗੁਰਦੇ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ, ਅਤੇ ਕਈ ਬ੍ਰੋਮੀਨੇਟਿਡ (brominated) ਅਤੇ ਆਰਗਨੋਫਾਸਫੇਟ (organophosphate) ਫਲੇਮ ਰਿਟਾਰਡੈਂਟਸ ਵੀ ਮਿਲੇ ਹਨ । ਇਹਨਾਂ ਵਿੱਚੋਂ ਬਹੁਤ ਸਾਰੇ ਰਸਾਇਣ ਕੈਂਸਰ ਦੇ ਜੋਖਮ ਨੂੰ ਵਧਾਉਂਦੇ ਹਨ, ਹਾਰਮੋਨਲ ਵਿਘਨ ਪੈਦਾ ਕਰਦੇ ਹਨ, ਅਤੇ ਨਿਊਰੋਲੌਜੀਕਲ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੇ ਹਨ।