ਹੁਣ ਸਫਰ ਦੌਰਾਨ ਟੋਲ ਨਹੀਂ ਬਣੇਗਾ ਅੜਿੱਕਾ! ਆਟੋਮੈਟਿਕ ਕੱਟੇਗਾ ਟੈਕਸ, ਨਿਤਿਨ ਗਡਕਰੀ ਨੇ ਦਿੱਤਾ ਵੱਡਾ ਅਪਡੇਟ
Satellite Toll System: ਕੁਝ ਦਿਨ ਪਹਿਲਾਂ ਹੀ ਨਿਤਿਨ ਗਡਕਰੀ ਨੇ ਇਸ ਬਾਰੇ ਐਲਾਨ ਕੀਤਾ ਸੀ ਕਿ ਜਲਦੀ ਹੀ ਹਾਈਵੇਅ ਤੇ ਸੈਟੇਲਾਈਟ ਟੋਲ ਸਿਸਟਮ ਸ਼ੁਰੂ ਕੀਤਾ ਜਾਵੇਗਾ। ਉਸ ਵੇਲ੍ਹੇ ਇਸਦੀ ਵਰਤੋਂ ਬੰਗਲੁਰੂ, ਮੈਸੂਰ ਅਤੇ ਪਾਣੀਪਤ ਵਿੱਚ ਪਾਇਲਟ ਪ੍ਰੋਜੈਕਟ ਵਜੋਂ ਕੀਤੀ ਜਾ ਰਹੀ ਸੀ। ਮੰਨਿਆ ਜਾ ਰਿਹਾ ਸੀ ਕਿ ਇਸੇ ਸਾਲ ਹੀ ਦੇਸ਼ 'ਚ ਇਹ ਟੋਲ ਸਿਸਟਮ ਸ਼ੁਰੂ ਹੋ ਜਾਵੇਗਾ। ਗਡਕਰੀ ਨੇ ਹੁਣ ਇਸਦੇ ਲਾਗੂ ਹੋਣ ਦੀ ਜਾਣਕਾਰੀ ਦਿੱਤੀ ਹੈ।
![ਹੁਣ ਸਫਰ ਦੌਰਾਨ ਟੋਲ ਨਹੀਂ ਬਣੇਗਾ ਅੜਿੱਕਾ! ਆਟੋਮੈਟਿਕ ਕੱਟੇਗਾ ਟੈਕਸ, ਨਿਤਿਨ ਗਡਕਰੀ ਨੇ ਦਿੱਤਾ ਵੱਡਾ ਅਪਡੇਟ ਹੁਣ ਸਫਰ ਦੌਰਾਨ ਟੋਲ ਨਹੀਂ ਬਣੇਗਾ ਅੜਿੱਕਾ! ਆਟੋਮੈਟਿਕ ਕੱਟੇਗਾ ਟੈਕਸ, ਨਿਤਿਨ ਗਡਕਰੀ ਨੇ ਦਿੱਤਾ ਵੱਡਾ ਅਪਡੇਟ](https://images.tv9punjabi.com/wp-content/uploads/2023/12/Nitin-Gadkari.jpg?w=1280)
Toll System End: ਕੇਂਦਰੀ ਟਰਾਂਸਪੋਰਟ ਮੰਤਰੀ ਨਿਤਿਨ ਗਡਕਰੀ ਨੇ ਮੌਜੂਦਾ ਟੋਲ ਟੈਕਸ ਪ੍ਰਣਾਲੀ ਨੂੰ ਖਤਮ ਕਰਨ ਦਾ ਐਲਾਨ ਕੀਤਾ ਹੈ। ਵੀਰਵਾਰ ਨੂੰ ਇਹ ਜਾਣਕਾਰੀ ਸਾਂਝੀ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਹੁਣ ਤੋਂ ਲੋਕਾਂ ਨੂੰ ਟੋਲ ਟੈਕਸ ਭਰਨ ਲਈ ਸੜਕਾਂ ‘ਤੇ ਵੱਖ-ਵੱਖ ਥਾਵਾਂ ‘ਤੇ ਨਹੀਂ ਰੁਕਣਾ ਪਵੇਗਾ, ਸਗੋਂ ਇਹ ਪ੍ਰਕਿਰਿਆ ਆਟੋਮੈਟਿਕ ਹੋ ਜਾਵੇਗੀ।
ਕੇਂਦਰੀ ਟਰਾਂਸਪੋਰਟ ਮੰਤਰੀ ਨੇ ਕਿਹਾ ਕਿ ਹੁਣ ਨਿਕਾਸੀ ਦੇ ਸਮੇਂ ਕਿਲੋਮੀਟਰ ਦੇ ਹਿਸਾਬ ਨਾਲ ਆਪਣੇ ਆਪ ਨਵੇਂ ਸਿਸਟਮ ਤੋਂ ਟੈਕਸ ਕੱਟ ਜਾਵੇਗਾ। ਇਹ ਸਿਸਟਮ ਅਗਲੇ ਦੋ ਮਹੀਨਿਆਂ ਵਿੱਚ ਸ਼ੁਰੂ ਹੋ ਸਕਦਾ ਹੈ। ਉਨ੍ਹਾਂ ਦੱਸਿਆ ਕਿ ਸੜਕ ਦੀ ਵਰਤੋਂ ਦੇ ਆਧਾਰ ‘ਤੇ ਪੈਸੇ ਸਿੱਧੇ ਬੈਂਕ ਖਾਤਿਆਂ ‘ਚੋਂ ਕੱਟੇ ਜਾਣਗੇ, ਜਿਸ ਨਾਲ ਯਾਤਰੀਆਂ ਦੇ ਸਮੇਂ ਅਤੇ ਪੈਸੇ ਦੀ ਬੱਚਤ ਹੋਵੇਗੀ।
BIG NEWS 🚨 Union Transport Minister Nitin Gadkari announces the end of current toll system 🔥🔥
He announces to introduce a new satellite-based toll collection system.
Now at the time exit, tax will be deducted automatically through new system according to the kilometer. It pic.twitter.com/YRWhsJ2zz7
ਇਹ ਵੀ ਪੜ੍ਹੋ
— Times Algebra (@TimesAlgebraIND) July 26, 2024
ਜ਼ਿਆਦਾ ਟੋਲ ਟੈਕਸ ਦੀਆਂ ਸ਼ਿਕਾਇਤਾਂ ‘ਤੇ ਬੋਲਦਿਆਂ, ਮੰਤਰੀ ਨੇ ਦੱਸਿਆ ਕਿ ਹਾਈਵੇਅ ਸਮੇਂ ਦੀ ਬਚਤ ਕਰਦੇ ਹਨ ਅਤੇ ਬਾਲਣ ਦੀ ਖਪਤ ਵੀ ਘੱਟ ਹੁੰਦੀ ਹੈ। ਗਡਕਰੀ ਨੇ ਇਕ ਉਦਾਹਰਣ ਰਾਹੀਂ ਆਪਣੀ ਗੱਲ ਸਮਝਾਉਂਦੇ ਹੋਏ ਕਿਹਾ, “ਪਹਿਲਾਂ ਮੁੰਬਈ ਤੋਂ ਪੁਣੇ ਜਾਣ ਲਈ ਨੌਂ ਘੰਟੇ ਲੱਗਦੇ ਸਨ। ਹੁਣ ਇਹ ਦੋ ਘੰਟੇ ਦਾ ਸਫ਼ਰ ਹੈ। ਸੱਤ ਘੰਟੇ ਦਾ ਡੀਜ਼ਲ ਬਚਦਾ ਹੈ। ਕੁਦਰਤੀ ਤੌਰ ‘ਤੇ ਸਾਨੂੰ ਬਦਲੇ ਵਿੱਚ ਕੁਝ ਪੈਸੇ ਦੇਣੇ ਪੈਣਗੇ। ਅਸੀਂ ਇਸਨੂੰ ਜਨਤਕ-ਨਿੱਜੀ ਨਿਵੇਸ਼ ਰਾਹੀਂ ਕਰ ਰਹੇ ਹਾਂ, ਇਸ ਲਈ ਸਾਨੂੰ ਪੈਸੇ ਵੀ ਵਾਪਸ ਕਰਨੇ ਹੋਣਗੇ।”