ਚੰਡੀਗੜ੍ਹ ਪਹੁੰਚੇ ਪੰਜਾਬ ਕਿੰਗਜ਼ ਦੇ ਖਿਡਾਰੀ : ਮੁੱਲਾਂਪੁਰ ਸਟੇਡੀਅਮ ਵਿੱਚ ਕੀਤੀ ਪ੍ਰੈਕਟਿਸ; 5 ਅਪ੍ਰੈਲ ਨੂੰ RR ਨਾਲ ਮੁਕਾਬਲਾ
IPL 2025 ਲਈ ਪੰਜਾਬ ਕਿੰਗਜ਼ ਨੇ ਇੱਕ ਵੀ ਖਿਡਾਰੀ ਨੂੰ ਰਿਟੇਨ ਨਹੀਂ ਕੀਤਾ। ਉਸਨੇ ਮੈਗਾ ਨਿਲਾਮੀ ਵਿੱਚ ਸਾਰੇ ਖਿਡਾਰੀਆਂ ਨੂੰ ਖਰੀਦ ਲਿਆ ਹੈ। ਪੰਜਾਬ ਫਰੈਂਚਾਇਜ਼ੀ ਨੇ ਕੁੱਲ 25 ਖਿਡਾਰੀ ਖਰੀਦੇ। ਪਰ ਹੁਣ ਉਨ੍ਹਾਂ ਵਿੱਚੋਂ 13 ਬਾਹਰ ਹੋ ਜਾਣਗੇ। ਇਹ ਇਸ ਲਈ ਹੈ ਕਿਉਂਕਿ 25 ਵਿੱਚੋਂ ਸਿਰਫ਼ 12 ਖਿਡਾਰੀਆਂ ਨੂੰ ਹੀ ਮੈਚ ਵਿੱਚ ਖੇਡਣ ਦਾ ਮੌਕਾ ਮਿਲੇਗਾ।
ਪੰਜਾਬ ਕਿੰਗਜ਼ ਦੀ ਟੀਮ ਆਈਪੀਐਲ ਦੇ ਪਹਿਲੇ ਮੈਚ ਲਈ ਚੰਡੀਗੜ੍ਹ ਪਹੁੰਚ ਗਈ ਹੈ। 5 ਅਪ੍ਰੈਲ ਨੂੰ ਹੋਣ ਵਾਲੇ ਇਸ ਮੈਚ ਵਿੱਚ ਪੰਜਾਬ ਕਿੰਗਜ਼ ਦਾ ਸਾਹਮਣਾ ਰਾਜਸਥਾਨ ਰਾਇਲਜ਼ ਨਾਲ ਹੋਵੇਗਾ। ਇਸ ਲਈ ਟੀਮ ਦੇ ਕਪਤਾਨ ਸ਼੍ਰੇਅਸ ਅਈਅਰ ਨੇ ਅਰਸ਼ਦੀਪ ਸਿੰਘ, ਯੁਜਵੇਂਦਰ ਚਾਹਲ, ਹਰਪ੍ਰੀਤ ਬਰਾੜ ਅਤੇ ਮਾਰਕਸ ਸਟੋਇਨਿਸ ਦੇ ਨਾਲ ਮੁੱਲਾਂਪੁਰ ਦੇ ਪੀਸੀਏ ਕ੍ਰਿਕਟ ਸਟੇਡੀਅਮ ਵਿੱਚ ਪ੍ਰੈਕਟਿਸ ਸੈਸ਼ਨ ਵਿੱਚ ਹਿੱਸਾ ਲਿਆ।
ਆਈਪੀਐਲ ਦੇ ਪਹਿਲੇ ਮੈਚ ਨੂੰ ਦੇਖਣ ਲਈ ਕ੍ਰਿਕਟ ਪ੍ਰੇਮੀਆਂ ਵਿੱਚ ਬਹੁਤ ਉਤਸ਼ਾਹ ਹੈ, ਅਤੇ ਪੰਜਾਬ ਕਿੰਗਜ਼ ਆਪਣੀਆਂ ਤਿਆਰੀਆਂ ਵਿੱਚ ਕੋਈ ਕਸਰ ਨਹੀਂ ਛੱਡ ਰਹੇ ਹਨ।
ਮੁੱਲਾਂਪੁਰ ਸਟੇਡੀਅਮ ਵਿੱਚ ਕੀਤੀ ਪ੍ਰੈਕਟਿਸ
ਸੋਮਵਾਰ ਨੂੰ ਮੁੱਲਾਂਪੁਰ ਕ੍ਰਿਕਟ ਸਟੇਡੀਅਮ ਵਿੱਚ ਪੰਜਾਬ ਕਿੰਗਜ਼ ਦੇ ਖਿਡਾਰੀਆਂ ਨੇ ਨੈੱਟ ਪ੍ਰੈਕਟਿਸ ਅਤੇ ਫੀਲਡਿੰਗ ਪ੍ਰੈਕਟਿਸ ਵਿੱਚ ਹਿੱਸਾ ਲਿਆ। ਟੀਮ ਦੇ ਨਾਲ ਮੁੱਖ ਕੋਚ ਰਿੱਕੀ ਪੋਂਟਿੰਗ ਵੀ ਮੌਜੂਦ ਸਨ। ਖਿਡਾਰੀਆਂ ਨੇ ਰਨਿੰਗ, ਕੈਚਿੰਗ ਅਤੇ ਬੈਟਿੰਗ-ਬੌਲਿੰਗ ਵਿੱਚ ਪੂਰੀ ਤਿਆਰੀ ਕੀਤੀ।
ਪੰਜਾਬ ਕਿੰਗਜ਼ ਨੇ ਹਾਲ ਹੀ ਵਿੱਚ ਧਰਮਸ਼ਾਲਾ ਵਿੱਚ ਇੱਕ ਟ੍ਰੇਨਿੰਗ ਕੈਂਪ ਲਗਾਇਆ ਗਿਆ ਸੀ। ਹੁਣ ਟੀਮ ਦੇ ਸਾਰੇ ਖਿਡਾਰੀ ਚੰਡੀਗੜ੍ਹ ਪਹੁੰਚ ਗਏ ਹਨ। ਵਿਦੇਸ਼ੀ ਖਿਡਾਰੀਆਂ ਦਾ ਆਉਣਾ ਵੀ ਜਾਰੀ ਹੈ ਅਤੇ ਅਗਲੇ ਦੋ ਦਿਨਾਂ ਵਿੱਚ ਸਾਰੇ ਟੀਮ ਨਾਲ ਜੁੜ ਜਾਣਗੇ।
Welcome to Mullanpur, the new home of @PunjabKingsIPL 🏟️
ਇਹ ਵੀ ਪੜ੍ਹੋ
Hear from #PBKS skipper @SDhawan25 who can’t wait to get going at the new venue ahead of #PBKSvDC today 😁👌 #TATAIPL pic.twitter.com/cPJ1YL07sY
— IndianPremierLeague (@IPL) March 23, 2024
ਮੁੱਲਾਂਪੁਰ ਅਤੇ ਧਰਮਸ਼ਾਲਾ ਨੂੰ ਬਣਾਇਆ ਹੋਮ ਗ੍ਰਾਉਂਡ
ਪੰਜਾਬ ਕਿੰਗਜ਼ ਫਰੈਂਚਾਇਜ਼ੀ ਨੇ ਇਸ ਸੀਜ਼ਨ ਲਈ ਮੁੱਲਾਂਪੁਰ ਕ੍ਰਿਕਟ ਸਟੇਡੀਅਮ ਅਤੇ ਧਰਮਸ਼ਾਲਾ ਕ੍ਰਿਕਟ ਗਰਾਊਂਡ ਨੂੰ ਆਪਣਾ ਘਰੇਲੂ ਮੈਦਾਨ ਘੋਸ਼ਿਤ ਕੀਤਾ ਹੈ। ਟੀਮ ਇੱਥੇ ਕੁੱਲ 7 ਮੈਚ ਖੇਡੇਗੀ, ਜਿਨ੍ਹਾਂ ਵਿੱਚੋਂ 4 ਮੈਚ ਮੁੱਲਾਂਪੁਰ ਅਤੇ 3 ਧਰਮਸ਼ਾਲਾ ਵਿੱਚ ਖੇਡੇ ਜਾਣਗੇ।
