ਪੈਰਿਸ ਪੈਰਾਲੰਪਿਕ 2024 ‘ਚ ਭਾਰਤ ਨੂੰ ਰਿਕਾਰਡ 21ਵਾਂ ਮੈਡਲ, ਸਚਿਨ ਖਿਲਾਰੀ ​​ਨੇ ਜਿੱਤਿਆ ਚਾਂਦੀ ਦਾ ਤਗਮਾ

ਪੈਰਿਸ ਪੈਰਾਲੰਪਿਕ 2024 'ਚ ਭਾਰਤ ਨੂੰ ਰਿਕਾਰਡ 21ਵਾਂ ਮੈਡਲ, ਸਚਿਨ ਖਿਲਾਰੀ ​​ਨੇ ਜਿੱਤਿਆ ਚਾਂਦੀ ਦਾ ਤਗਮਾ (Pic: PTI)

ਪੈਰਾਲੰਪਿਕ ‘ਚ ਭਾਰਤ ਦਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ। ਬੁੱਧਵਾਰ ਨੂੰ ਭਾਰਤ ਨੇ ਚਾਂਦੀ ਦੇ ਨਾਲ ਤਗਮੇ ਦਾ ਖਾਤਾ ਖੋਲ੍ਹਿਆ। ਪੁਰਸ਼ਾਂ ਦੇ F46 ਸ਼ਾਟ ਪੁਟ ਮੁਕਾਬਲੇ ਵਿੱਚ ਸਚਿਨ ਸਰਜੇਰਾਓ ਖਿਲਾੜੀ ਨੇ 16.32 ਮੀਟਰ ਦੀ ਸਰਵੋਤਮ ਥਰੋਅ ਨਾਲ ਚਾਂਦੀ ਦਾ ਤਗਮਾ ਜਿੱਤਿਆ। ਸਚਿਨ 0.06 ਮੀਟਰ ਨਾਲ ਸੋਨ ਤਮਗਾ ਜਿੱਤਣ ਤੋਂ ਖੁੰਝ ਗਏ। ਸਚਿਨ ਨੇ ਦੂਜੀ ਕੋਸ਼ਿਸ਼ ਵਿੱਚ ਹੀ 16.32 ਮੀਟਰ ਥਰੋਅ ਕੀਤਾ।

ਸ਼ਾਟ ਪੁਟ ਈਵੈਂਟ ਵਿੱਚ ਕੈਨੇਡਾ ਦੇ ਗ੍ਰੇਗ ਸਟੀਵਰਟ ਨੇ 16.38 ਮੀਟਰ ਦੀ ਸਰਵੋਤਮ ਥਰੋਅ ਨਾਲ ਸੋਨ ਤਮਗਾ ਜਿੱਤਿਆ। ਭਾਰਤ ਦੇ ਮੁਹੰਮਦ ਯਾਸਰ ਇਸ ਈਵੈਂਟ ਵਿੱਚ ਅੱਠਵੇਂ ਅਤੇ ਰੋਹਿਤ ਕੁਮਾਰ ਨੌਵੇਂ ਸਥਾਨ ਤੇ ਰਹੇ। ਫਾਈਨਲ ਵਿੱਚ ਸਚਿਨ ਦੀ ਪਹਿਲੀ ਕੋਸ਼ਿਸ਼ 14.72 ਮੀਟਰ ਸੀ। ਦੂਜੀ ਕੋਸ਼ਿਸ਼ ‘ਚ ਸਚਿਨ ਨੇ 16.32 ਮੀਟਰ ਦੀ ਦੂਰੀ ‘ਤੇ ਗੇਂਦ ਸੁੱਟੀ। ਤੀਜੀ ਕੋਸ਼ਿਸ਼ 16.15 ਮੀਟਰ, ਚੌਥੀ ਕੋਸ਼ਿਸ਼ 16.31 ਮੀਟਰ, ਪੰਜਵੀਂ ਕੋਸ਼ਿਸ਼ 16.03 ਮੀਟਰ ਅਤੇ ਆਖਰੀ ਕੋਸ਼ਿਸ਼ 15.95 ਮੀਟਰ ਸੀ।

ਸਚਿਨ ਖਿਲਾਰੀ ਨੇ ਚਾਂਦੀ ਦਾ ਤਗਮਾ ਜਿੱਤਿਆ

ਸਚਿਨ ਸਰਜੇਰਾਓ ਨੇ 16.32 ਮੀਟਰ ਥਰੋਅ ਨਾਲ ਏਸ਼ਿਆਈ ਰਿਕਾਰਡ ਵੀ ਬਣਾਇਆ ਹੈ। ਪੈਰਿਸ ਪੈਰਾਲੰਪਿਕ 2024 ਵਿੱਚ ਭਾਰਤ ਦਾ ਇਹ 21ਵਾਂ ਤਮਗਾ ਹੈ। ਸਚਿਨ ਨੇ 2023 ਵਿਸ਼ਵ ਪੈਰਾ ਐਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਪੁਰਸ਼ਾਂ ਦੇ ਸ਼ਾਟ ਪੁਟ F46 ਈਵੈਂਟ ਵਿੱਚ ਸੋਨ ਤਮਗਾ ਜਿੱਤਿਆ ਸੀ। ਉਨ੍ਹਾਂ ਨੇ 16.21 ਮੀਟਰ ਦੀ ਸਰਵੋਤਮ ਥਰੋਅ ਨਾਲ ਤਮਗਾ ਜਿੱਤਿਆ। ਸਚਿਨ ਨੇ 2024 ਵਿਸ਼ਵ ਪੈਰਾ ਐਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਵੀ ਹਿੱਸਾ ਲਿਆ ਸੀ, ਜਿਸ ਵਿੱਚ ਉਸਨੇ ਉਸੇ ਈਵੈਂਟ ਵਿੱਚ ਸੋਨ ਤਗਮਾ ਜਿੱਤਿਆ ਸੀ।

ਬਚਪਨ ਵਿੱਚ ਖੱਬਾ ਹੱਥ ਫ੍ਰੈਕਚਰ

ਮਹਾਰਾਸ਼ਟਰ ਦੇ ਸਾਂਗਲੀ ਜ਼ਿਲੇ ਦਾ ਰਹਿਣ ਵਾਲੇ ਸਚਿਨ ਸਕੂਲ ਦੇ ਦਿਨਾਂ ਦੌਰਾਨ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। 9 ਸਾਲ ਦੀ ਉਮਰ ‘ਚ ਸਚਿਨ ਨੇ ਸਾਈਕਲ ਤੋਂ ਡਿੱਗ ਉਨ੍ਹਾਂ ਦੀ ਖੱਬੀ ਬਾਂਹ ਫ੍ਰੈਕਚਕ, ਜਿਸ ਕਾਰਨ ਉਨ੍ਹਾਂ ਦੀ ਕੂਹਣੀ ਦੀਆਂ ਮਾਸਪੇਸ਼ੀਆਂ ਟੁੱਟ ਗਈਆਂ। ਕਈ ਸਰਜਰੀਆਂ ਦੇ ਬਾਵਜੂਦ ਉਹ ਠੀਕ ਨਹੀਂ ਹੋ ਸਕਿਆ।

ਇਸ ਦੇ ਬਾਵਜੂਦ ਸਚਿਨ ਨੇ ਹਾਰ ਨਹੀਂ ਮੰਨੀ ਅਤੇ ਇੰਜਨੀਅਰਿੰਗ ਦੀ ਪੜ੍ਹਾਈ ਦੌਰਾਨ ਜੈਵਲਿਨ ਥਰੋਅ ਵਿੱਚ ਹੱਥ ਅਜ਼ਮਾਇਆ। ਹਾਲਾਂਕਿ ਮੋਢੇ ਦੀ ਸੱਟ ਕਾਰਨ ਉਸ ਨੂੰ ਸ਼ਾਟ ਪੁਟ ‘ਤੇ ਜਾਣਾ ਪਿਆ।