LSG vs DC, IPL 2024: ਕੁਲਦੀਪ ਯਾਦਵ, ਮੈਕਗਰਕ ਨੇ ਦਿੱਲੀ ਨੂੰ ਦਿਵਾਈ ਸ਼ਾਨਦਾਰ ਜਿੱਤ
LSG vs DC Live: ਲਖਨਊ ਸੁਪਰ ਜਾਇੰਟਸ ਅਤੇ ਦਿੱਲੀ ਕੈਪੀਟਲਸ IPL 2024 ਦੇ 26ਵੇਂ ਮੈਚ ਵਿੱਚ, ਅਟਲ ਬਿਹਾਰੀ ਵਾਜਪਾਈ ਸਟੇਡੀਅਮ, ਲਖਨਊ ਵਿੱਚ ਭਿੜਨਗੇ। ਦਿੱਲੀ ਦੀ ਟੀਮ 5 'ਚੋਂ ਇੱਕ ਮੈਚ ਜਿੱਤ ਚੁੱਕੀ ਹੈ ਅਤੇ ਅੰਕ ਸੂਚੀ 'ਚ ਸਭ ਤੋਂ ਹੇਠਲੇ ਸਥਾਨ 'ਤੇ ਹੈ। ਲਖਨਊ ਨੇ 4 'ਚੋਂ 3 ਮੈਚ ਜਿੱਤੇ ਅਤੇ ਅੰਕ ਸੂਚੀ 'ਚ ਤੀਜੇ ਸਥਾਨ 'ਤੇ ਹੈ।
IPL 2024 ਦੇ 26ਵੇਂ ਮੈਚ ਵਿੱਚ ਦਿੱਲੀ ਕੈਪੀਟਲਸ ਨੇ ਲਖਨਊ ਸੁਪਰਜਾਇੰਟਸ ਨੂੰ 6 ਵਿਕਟਾਂ ਨਾਲ ਹਰਾਇਆ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਲਖਨਊ ਨੇ 167 ਦੌੜਾਂ ਬਣਾਈਆਂ ਸਨ, ਜਿਸ ਦੇ ਜਵਾਬ ‘ਚ ਦਿੱਲੀ ਨੇ ਇਹ ਟੀਚਾ 18.1 ਓਵਰਾਂ ‘ਚ ਸਿਰਫ 4 ਵਿਕਟਾਂ ਗੁਆ ਕੇ ਹਾਸਲ ਕਰ ਲਿਆ। ਦਿੱਲੀ ਦੀ ਜਿੱਤ ਵਿੱਚ ਕੁਲਦੀਪ ਯਾਦਵ ਨੇ ਗੇਂਦ ਨਾਲ ਸ਼ਾਨਦਾਰ ਯੋਗਦਾਨ ਪਾਇਆ। ਫਰੇਜ਼ਰ ਮੈਕਗਰਕ ਅਤੇ ਕਪਤਾਨ ਰਿਸ਼ਭ ਪੰਤ ਨੇ ਬੱਲੇ ਨਾਲ ਧਮਾਕੇਦਾਰ ਪਾਰੀ ਖੇਡੀ। ਦਿੱਲੀ ਕੈਪੀਟਲਸ ਦੀ ਇਹ ਸੀਜ਼ਨ ਦੀ ਦੂਜੀ ਜਿੱਤ ਹੈ।
ਕੁਲਦੀਪ, ਮੈਕਗਰਕ ਰਹੇ ਹਾਵੀ
ਦਿੱਲੀ ਦੀ ਜਿੱਤ ‘ਚ ਕੁਲਦੀਪ ਯਾਦਵ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਇਸ ਚਾਇਨਾਮੈਨ ਗੇਂਦਬਾਜ਼ ਨੇ 4 ਓਵਰਾਂ ‘ਚ ਸਿਰਫ 20 ਦੌੜਾਂ ਦੇ ਕੇ 3 ਵਿਕਟਾਂ ਲਈਆਂ। ਕੁਲਦੀਪ ਯਾਦਵ ਨੇ ਕੇਐੱਲ ਰਾਹੁਲ, ਮਾਰਕਸ ਸਟੋਇਨਿਸ ਅਤੇ ਨਿਕੋਲਸ ਪੂਰਨ ਦੀਆਂ ਅਹਿਮ ਵਿਕਟਾਂ ਲਈਆਂ। ਇਸ ਤੋਂ ਬਾਅਦ ਆਪਣਾ ਪਹਿਲਾ ਮੈਚ ਖੇਡ ਰਹੇ ਜੈਕ ਫਰੇਜ਼ਰ ਮੈਕਗਰਕ ਨੇ ਸਿਰਫ 35 ਗੇਂਦਾਂ ‘ਤੇ 55 ਦੌੜਾਂ ਦੀ ਪਾਰੀ ਖੇਡੀ। ਰਿਸ਼ਭ ਪੰਤ ਨੇ ਵੀ 24 ਗੇਂਦਾਂ ਵਿੱਚ 41 ਦੌੜਾਂ ਬਣਾਈਆਂ। ਪ੍ਰਿਥਵੀ ਸ਼ਾਅ ਨੇ 32 ਦੌੜਾਂ ਦਾ ਅਹਿਮ ਯੋਗਦਾਨ ਪਾਇਆ।
Maiden IPL FIFTY for Jake Fraser-McGurk on DEBUT!
Hat-trick of sixes in this thoroughly entertaining knock 💥💥💥
Watch the match LIVE on @StarSportsIndia and @JioCinema 💻📱#TATAIPL | #LSGvDC pic.twitter.com/0hXuBkiBr3
— IndianPremierLeague (@IPL) April 12, 2024
ਬਧੋਨੀ ਦੇ ਯਤਨ ਗਏ ਵਿਅਰਥ
ਲਖਨਊ ਸੁਪਰਜਾਇੰਟਸ ਦੇ ਬੱਲੇਬਾਜ਼ਾਂ ਨੇ ਨਿਰਾਸ਼ ਕੀਤਾ ਪਰ 7ਵੇਂ ਨੰਬਰ ‘ਤੇ ਬੱਲੇਬਾਜ਼ੀ ਕਰਨ ਆਏ ਆਯੂਸ਼ ਬਧੋਨੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਸੱਜੇ ਹੱਥ ਦੇ ਇਸ ਬੱਲੇਬਾਜ਼ ਨੇ 35 ਗੇਂਦਾਂ ‘ਚ 55 ਦੌੜਾਂ ਬਣਾਈਆਂ। ਕੇਐਲ ਰਾਹੁਲ ਨੇ 22 ਗੇਂਦਾਂ ਵਿੱਚ 39 ਦੌੜਾਂ ਦੀ ਪਾਰੀ ਖੇਡੀ। ਹਾਲਾਂਕਿ ਇਨ੍ਹਾਂ ਦੋਵਾਂ ਤੋਂ ਇਲਾਵਾ ਹੋਰ ਕੋਈ ਵੀ ਕੁਝ ਖਾਸ ਨਹੀਂ ਕਰ ਸਕਿਆ ਅਤੇ ਚੰਗੀ ਬੱਲੇਬਾਜ਼ੀ ਵਿਕਟ ‘ਤੇ ਵੀ ਲਖਨਊ 167 ਦੌੜਾਂ ਤੱਕ ਪਹੁੰਚ ਗਈ।
ਇਹ ਵੀ ਪੜ੍ਹੋ: MI vs RCB, IPL 2024: ਮੁੰਬਈ ਨੇ ਬੈਂਗਲੁਰੂ ਨੂੰ 7 ਵਿਕਟਾਂ ਨਾਲ ਹਰਾਇਆ, ਬੁਮਰਾਹ, ਈਸ਼ਾਨ ਅਤੇ ਸੂਰਿਆਕੁਮਾਰ ਨੇ ਆਪਣਾ ਜਾਦੂ ਦਿਖਾਇਆ
ਅੰਕ ਸਾਰਣੀ ਦੀ ਸਥਿਤੀ
ਦਿੱਲੀ ਦੀ ਇਸ ਜਿੱਤ ਤੋਂ ਬਾਅਦ ਅੰਕ ਸੂਚੀ ਵਿੱਚ ਵੱਡਾ ਬਦਲਾਅ ਆਇਆ ਹੈ। ਦਿੱਲੀ ਦੀ ਟੀਮ ਹੁਣ 4 ਅੰਕਾਂ ਨਾਲ 9ਵੇਂ ਸਥਾਨ ‘ਤੇ ਆ ਗਈ ਹੈ। ਜਦਕਿ ਆਰਸੀਬੀ ਅੰਕ ਸੂਚੀ ਵਿੱਚ ਹੇਠਲੇ ਸਥਾਨ ‘ਤੇ ਖਿਸਕ ਗਿਆ ਹੈ। ਲਖਨਊ ਦੀ ਪੰਜ ਮੈਚਾਂ ‘ਚ ਇਹ ਦੂਜੀ ਹਾਰ ਹੈ ਪਰ ਇਹ ਟੀਮ ਅਜੇ ਵੀ ਚੌਥੇ ਸਥਾਨ ‘ਤੇ ਹੈ।