KKR ਨੂੰ ਮਿਲੇਗਾ ਨਵਾਂ ਮਾਲਕ, ਜੂਹੀ ਚਾਵਲਾ ਦੇ ਪਤੀ ਨੂੰ ਮਿਲਣਗੇ ਇੰਨੇ ਹਜ਼ਾਰ ਕਰੋੜ ਰੁਪਏ

Published: 

18 Nov 2026 16:13 PM IST

ਬਾਲੀਵੁੱਡ ਅਦਾਕਾਰਾ ਜੂਹੀ ਚਾਵਲਾ ਦੇ ਪਤੀ ਜੈ ਮਹਿਤਾ ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦੀ ਮਸ਼ਹੂਰ ਫਰੈਂਚਾਇਜ਼ੀ ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਵਿੱਚ ਆਪਣੀ ਹਿੱਸੇਦਾਰੀ ਵੇਚਣ ਜਾ ਰਹੇ ਹਨ। ਟੀਮ ਵਿੱਚ ਉਨ੍ਹਾਂ ਦੀ ਕੁੱਲ 45 ਫ਼ੀਸਦੀ ਹਿੱਸੇਦਾਰੀ ਹੈ, ਜਿਸ ਵਿੱਚੋਂ 22.5 ਫ਼ੀਸਦੀ ਹਿੱਸਾ ਉਹ ਇੱਕ ਅਮਰੀਕੀ ਕੰਪਨੀ ਨੂੰ ਵੇਚਣ ਦੀ ਤਿਆਰੀ ਕਰ ਰਹੇ ਹਨ।

KKR ਨੂੰ ਮਿਲੇਗਾ ਨਵਾਂ ਮਾਲਕ, ਜੂਹੀ ਚਾਵਲਾ ਦੇ ਪਤੀ ਨੂੰ ਮਿਲਣਗੇ ਇੰਨੇ ਹਜ਼ਾਰ ਕਰੋੜ ਰੁਪਏ

ਬਾਲੀਵੁੱਡ ਅਦਾਕਾਰਾ ਜੂਹੀ ਚਾਵਲਾ ਦੇ ਪਤੀ ਜੈ ਮਹਿਤਾ ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦੀ ਮਸ਼ਹੂਰ ਫਰੈਂਚਾਇਜ਼ੀ ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਵਿੱਚ ਆਪਣੀ ਹਿੱਸੇਦਾਰੀ ਵੇਚਣ ਜਾ ਰਹੇ ਹਨ। ਟੀਮ ਵਿੱਚ ਉਨ੍ਹਾਂ ਦੀ ਕੁੱਲ 45 ਫ਼ੀਸਦੀ ਹਿੱਸੇਦਾਰੀ ਹੈ, ਜਿਸ ਵਿੱਚੋਂ 22.5 ਫ਼ੀਸਦੀ ਹਿੱਸਾ ਉਹ ਇੱਕ ਅਮਰੀਕੀ ਕੰਪਨੀ ਨੂੰ ਵੇਚਣ ਦੀ ਤਿਆਰੀ ਕਰ ਰਹੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ, ਜੈ ਮਹਿਤਾ ਆਪਣੀ 45 ਫ਼ੀਸਦੀ ਹਿੱਸੇਦਾਰੀ ਦਾ ਅੱਧਾ ਹਿੱਸਾ ਅਮਰੀਕੀ ਇਨਵੈਸਟਮੈਂਟ ਮੈਨੇਜਮੈਂਟ ਫਰਮ ‘ਏਰੇਸ ਮੈਨੇਜਮੈਂਟ’ ਨੂੰ ਵੇਚ ਰਹੇ ਹਨ। ਦੱਸ ਦੇਈਏ ਕਿ ਏਰੇਸ ਮੈਨੇਜਮੈਂਟ ਕੋਲ ਇੰਗਲਿਸ਼ ਪ੍ਰੀਮੀਅਰ ਲੀਗ ਵਿੱਚ ਚੈਲਸੀ ਫੁੱਟਬਾਲ ਕਲੱਬ (Chelsea FC) ਅਤੇ ਐੱਨਐੱਫਐੱਲ (NFL) ਵਿੱਚ ਮਿਆਮੀ ਡੌਲਫਿਨਸ ਸਮੇਤ ਕਈ ਵੱਡੀਆਂ ਗਲੋਬਲ ਸਪੋਰਟਿੰਗ ਪ੍ਰਾਪਰਟੀਜ਼ ਦੀ ਮਾਲਕੀ ਵੀ ਹੈ।

ਜੈ ਮਹਿਤਾ ਨੂੰ ਮਿਲਣਗੇ 400 ਮਿਲੀਅਨ ਡਾਲਰ

ਕ੍ਰਿਕਬਜ਼ ਦੀ ਇੱਕ ਰਿਪੋਰਟ ਅਨੁਸਾਰ, ਜੈ ਮਹਿਤਾ ਕੇਕੇਆਰ (KKR) ਵਿੱਚ ਆਪਣਾ 22.5 ਫ਼ੀਸਦੀ ਹਿੱਸਾ ਲਗਭਗ 400 ਮਿਲੀਅਨ ਡਾਲਰ ਵਿੱਚ ਟ੍ਰਾਂਸਫਰ ਕਰ ਰਹੇ ਹਨ। ਇਹ ਰਕਮ ਭਾਰਤੀ ਕਰੰਸੀ ਮੁਤਾਬਕ ਕਰੀਬ 3,739 ਕਰੋੜ ਰੁਪਏ ਬਣਦੀ ਹੈ। ਇਸ ਸੌਦੇ ਦੇ ਹਿਸਾਬ ਨਾਲ ਕੋਲਕਾਤਾ ਨਾਈਟ ਰਾਈਡਰਜ਼ ਦੀ ਕੁੱਲ ਵੈਲਿਊਏਸ਼ਨ 1.78 ਬਿਲੀਅਨ ਡਾਲਰ ਯਾਨੀ ਲਗਭਗ 16,634 ਕਰੋੜ ਰੁਪਏ ਆਂਕੀ ਗਈ ਹੈ।

ਜ਼ਿਕਰਯੋਗ ਹੈ ਕਿ ਜੈ ਮਹਿਤਾ ਆਪਣੀ ਅਦਾਕਾਰਾ ਪਤਨੀ ਜੂਹੀ ਚਾਵਲਾ ਮਹਿਤਾ ਦੇ ਨਾਲ ਨਾਈਟ ਰਾਈਡਰਜ਼ ਫਰੈਂਚਾਇਜ਼ੀ ਦੇ ਸਹਿ-ਮਾਲਕ (ਕੋ-ਓਨਰ) ਰਹੇ ਹਨ, ਜਦਕਿ ਇਸ ਟੀਮ ਵਿੱਚ ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖ਼ਾਨ ਦੀ 55 ਫ਼ੀਸਦੀ ਹਿੱਸੇਦਾਰੀ ਹੈ। ਇਨ੍ਹਾਂ ਤਿੰਨਾਂ ਪ੍ਰਮੋਟਰਾਂ ਨੇ ਮਿਲ ਕੇ ‘ਕੋਲਕਾਤਾ ਨਾਈਟ ਰਾਈਡਰਜ਼ ਸਪੋਰਟਸ ਪ੍ਰਾਈਵੇਟ ਲਿਮਟਿਡ’ ਨਾਮ ਦੀ ਇੱਕ ਕੰਪਨੀ ਬਣਾਈ ਸੀ ਅਤੇ ਸਾਲ 2007 ਵਿੱਚ ਨਾਈਟ ਰਾਈਡਰਜ਼ ਟੀਮ ਨੂੰ ਖ਼ਰੀਦਿਆ ਸੀ।

ਪੂਰੀ ਤਰ੍ਹਾਂ ਕੈਸ਼ ਵਿੱਚ ਹੋਵੇਗੀ ਇਹ ਡੀਲ

ਜੈ ਮਹਿਤਾ ਅਤੇ ਅਮਰੀਕੀ ਕੰਪਨੀ ਵਿਚਕਾਰ ਹੋ ਰਹੇ ਇਸ ਵੱਡੇ ਸੌਦੇ ਨੂੰ ਲੈ ਕੇ ਇੱਕ ਹੋਰ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਪੂਰੀ ਡੀਲ ਕੈਸ਼ ਵਿੱਚ ਹੋਣ ਵਾਲੀ ਹੈ, ਜਿਸ ਦਾ ਮਤਲਬ ਹੈ ਕਿ ਜੈ ਮਹਿਤਾ ਨੂੰ ਪੂਰੇ 3,739 ਕਰੋੜ ਰੁਪਏ ਕੈਸ਼ ਮਿਲਣਗੇ।

ਹਾਲਾਂਕਿ, ਟੀਮ ਦੀ ਇਸ ਹਿੱਸੇਦਾਰੀ ਨੂੰ ਵੇਚਣ ਲਈ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਦੀ ਮਨਜ਼ੂਰੀ ਲੈਣੀ ਲਾਜ਼ਮੀ ਹੋਵੇਗੀ। ਬੀਸੀਸੀਆਈ ਇਸ ਡੀਲ ਨੂੰ ਅੰਤਿਮ ਰੂਪ ਦੇਣ ਤੋਂ ਪਹਿਲਾਂ ਨਵੇਂ ਮਾਲਕ ਬਾਰੇ ਪੂਰੀ ਜਾਂਚ-ਪੜਤਾਲ ਕਰੇਗਾ। ਨਿਯਮਾਂ ਮੁਤਾਬਕ, ਬੀਸੀਸੀਆਈ ਨੂੰ ਇਸ ਡੀਲ ਦੀ ਕੁੱਲ ਟ੍ਰਾਂਜੈਕਸ਼ਨ ਵੈਲਿਊ ਦਾ 5 ਫ਼ੀਸਦੀ ਹਿੱਸਾ ਮਿਲੇਗਾ। ਇਸ ਹਿਸਾਬ ਨਾਲ ਬੀਸੀਸੀਆਈ ਦੇ ਖਾਤੇ ਵਿੱਚ 20 ਮਿਲੀਅਨ ਡਾਲਰ ਆਉਣਗੇ, ਜੋ ਭਾਰਤੀ ਰੁਪਇਆਂ ਵਿੱਚ ਕਰੀਬ 200 ਕਰੋੜ ਰੁਪਏ ਬਣਦੇ ਹਨ।

Loading...
Unable to load recommendations.
Follow Us