IPL 2025 Final ਮੀਂਹ ਦੀ ਕਾਰਨ ਰੱਦ ਹੋਇਆ ਤਾਂ ਕੌਣ ਬਣੇਗਾ ਚੈਂਪਿਅਨ? ਜਾਣੋ ਇਹ ਹੈਰਾਨ ਕਰਨ ਵਾਲਾ ਨਿਯਮ
ਇੰਡੀਅਨ ਪ੍ਰੀਮੀਅਰ ਲੀਗ 2025 ਦਾ ਫਾਈਨਲ ਮੈਚ 3 ਜੂਨ ਨੂੰ ਰਾਇਲ ਚੈਲੇਂਜਰਜ਼ ਬੰਗਲੌਰ ਅਤੇ ਪੰਜਾਬ ਕਿੰਗਜ਼ ਵਿਚਕਾਰ ਖੇਡਿਆ ਜਾਵੇਗਾ। ਇਸ ਮੈਚ 'ਤੇ ਮੀਂਹ ਦਾ ਖ਼ਤਰਾ ਹੈ। ਸਵਾਲ ਇਹ ਹੈ ਕਿ ਜੇਕਰ ਇਹ ਮੈਚ ਮੀਂਹ ਕਾਰਨ ਰੱਦ ਹੋ ਜਾਂਦਾ ਹੈ, ਤਾਂ ਜੇਤੂ ਕੌਣ ਹੋਵੇਗਾ?
IPL 2025 ਦਾ ਫਾਈਨਲ ਮੈਚ 3 ਜੂਨ ਨੂੰ ਰਾਇਲ ਚੈਲੇਂਜਰਜ਼ ਬੰਗਲੌਰ ਅਤੇ ਪੰਜਾਬ ਕਿੰਗਜ਼ ਵਿਚਕਾਰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਇਸ ਫਾਈਨਲ ਮੈਚ ਵਿੱਚ ਦੋਵਾਂ ਟੀਮਾਂ ਵਿਚਕਾਰ ਇੱਕ ਸ਼ਾਨਦਾਰ ਮੁਕਾਬਲਾ ਦੇਖਿਆ ਜਾ ਸਕਦਾ ਹੈ। ਹਾਲਾਂਕਿ, ਮੀਂਹ ਇਸ ਮੈਚ ਨੂੰ ਵੀ ਵਿਗਾੜ ਸਕਦਾ ਹੈ। ਸਵਾਲ ਇਹ ਹੈ ਕਿ ਜੇਕਰ ਇਸ ਮੈਚ ਨੂੰ ਮੀਂਹ ਨੇ ਧੋ ਦਿੱਤਾ, ਤਾਂ IPL 2025 ਦਾ ਜੇਤੂ ਕੌਣ ਹੋਵੇਗਾ? ਕੀ IPL ਟਰਾਫੀ ਪੰਜਾਬ ਅਤੇ ਬੰਗਲੌਰ ਵਿਚਕਾਰ ਸਾਂਝੀ ਕੀਤੀ ਜਾਵੇਗੀ? ਆਓ ਤੁਹਾਨੂੰ ਟੂਰਨਾਮੈਂਟ ਦੇ ਨਿਯਮ ਦੱਸਦੇ ਹਾਂ।
ਕੀ ਹੋਵੇਗਾ ਜੇਕਰ IPL ਫਾਈਨਲ ਮੀਂਹ ਕਾਰਨ ਰੱਦ ਹੋ ਜਾਂਦਾ ਹੈ?
ਤੁਹਾਨੂੰ ਦੱਸ ਦੇਈਏ ਕਿ, ਜੇਕਰ 3 ਜੂਨ ਨੂੰ ਅਹਿਮਦਾਬਾਦ ਵਿੱਚ ਹੋਣ ਵਾਲਾ IPL ਫਾਈਨਲ ਖੇਡ ਦੇ ਵਾਧੂ 2 ਘੰਟੇ ਵਰਤਣ ਤੋਂ ਬਾਅਦ ਮੀਂਹ ਕਾਰਨ ਧੋ ਦਿੱਤਾ ਜਾਂਦਾ ਹੈ, ਤਾਂ 4 ਜੂਨ ਨੂੰ ਇੱਕ ਰਿਜ਼ਰਵ ਡੇ ਰੱਖਿਆ ਗਿਆ ਹੈ। ਜੇਕਰ ਰਿਜ਼ਰਵ ਡੇ ‘ਤੇ ਵੀ ਮੀਂਹ ਪੈਂਦਾ ਹੈ ਅਤੇ ਇਹ ਮੈਚ ਨਹੀਂ ਖੇਡਿਆ ਜਾਂਦਾ ਹੈ, ਤਾਂ ਲੀਗ ਪੜਾਅ ਤੋਂ ਬਾਅਦ IPL 2025 ਦੇ ਅੰਕ ਸੂਚੀ ਵਿੱਚ ਸਿਖਰ ‘ਤੇ ਰਹਿਣ ਵਾਲੀ ਟੀਮ ਨੂੰ ਜੇਤੂ ਘੋਸ਼ਿਤ ਕੀਤਾ ਜਾਵੇਗਾ। ਇਸਦਾ ਮਤਲਬ ਹੈ ਕਿ ਜੇਕਰ ਮੈਚ ਰਿਜ਼ਰਵ ਡੇ ‘ਤੇ ਵੀ ਪੂਰਾ ਨਹੀਂ ਹੁੰਦਾ ਹੈ, ਤਾਂ ਪੰਜਾਬ ਕਿੰਗਜ਼ IPL 2025 ਟਰਾਫੀ ਜਿੱਤ ਲਵੇਗੀ।
ਪੰਜਾਬ ਕਿੰਗਜ਼ IPL 2025 ਦੇ ਪੁਆਇੰਟ ਟੇਬਲ ਵਿੱਚ ਸਿਖਰ ‘ਤੇ
ਪੰਜਾਬ ਕਿੰਗਜ਼ ਦਾ ਲੀਗ ਪੜਾਅ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਰਿਹਾ ਅਤੇ 14 ਵਿੱਚੋਂ 9 ਮੈਚ ਜਿੱਤੇ। ਪੰਜਾਬ ਨੇ ਚਾਰ ਮੈਚ ਹਾਰੇ ਸਨ, ਇੱਕ ਮੈਚ ਦਾ ਨਤੀਜਾ ਨਹੀਂ ਨਿਕਲਿਆ। ਪੰਜਾਬ ਕਿੰਗਜ਼ ਦੇ 19 ਅੰਕ ਸਨ ਅਤੇ ਪੁਆਇੰਟ ਟੇਬਲ ਵਿੱਚ ਸਿਖਰ ‘ਤੇ ਰਿਹਾ। ਆਰਸੀਬੀ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੇ ਵੀ 14 ਮੈਚਾਂ ਵਿੱਚ 19 ਅੰਕ ਹਨ ਪਰ ਟੀਮ ਦਾ ਨੈੱਟ ਰਨ ਰੇਟ ਪੰਜਾਬ ਕਿੰਗਜ਼ ਤੋਂ ਘੱਟ ਹੈ। ਇਸ ਸਮੇਂ, ਆਰਸੀਬੀ ਪ੍ਰਸ਼ੰਸਕ ਪ੍ਰਾਰਥਨਾ ਕਰ ਰਹੇ ਹੋਣਗੇ ਕਿ ਇਸ ਮੈਚ ਵਿੱਚ ਮੀਂਹ ਨਾ ਪਵੇ ਅਤੇ ਇਹ ਪੂਰੀ ਤਰ੍ਹਾਂ ਖੇਡਿਆ ਜਾ ਸਕੇ। ਹਾਲਾਂਕਿ, ਰਿਪੋਰਟ ਦੇ ਅਨੁਸਾਰ, 3 ਜੂਨ ਨੂੰ ਸ਼ਾਮ ਨੂੰ ਕੁਝ ਮੀਂਹ ਪੈਣ ਦੀ ਸੰਭਾਵਨਾ ਹੈ।
ਜੇਕਰ ਅਹਿਮਦਾਬਾਦ ਵਿੱਚ ਮੀਂਹ ਪੈਂਦਾ ਹੈ…
ਭਾਵੇਂ ਅਹਿਮਦਾਬਾਦ ਵਿੱਚ ਫਾਈਨਲ ਮੈਚ ਦੌਰਾਨ ਮੀਂਹ ਪੈਂਦਾ ਹੈ, ਤਾਂ ਵੀ ਇਸ ਨਾਲ ਬਹੁਤਾ ਫ਼ਰਕ ਨਹੀਂ ਪਵੇਗਾ। ਅਜਿਹਾ ਇਸ ਲਈ ਹੈ ਕਿਉਂਕਿ ਇਸ ਮੈਦਾਨ ਦੀਆਂ ਸਹੂਲਤਾਂ ਬਹੁਤ ਵਧੀਆ ਹਨ। ਇੱਥੇ ਡਰੇਨੇਜ ਸਿਸਟਮ ਸ਼ਾਨਦਾਰ ਹੈ। ਬਾਰਿਸ਼ ਰੁਕਣ ਤੋਂ 20 ਮਿੰਟ ਬਾਅਦ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਮੈਚ ਆਸਾਨੀ ਨਾਲ ਸ਼ੁਰੂ ਹੋ ਸਕਦਾ ਹੈ। ਇਸ ਲਈ ਆਈਪੀਐਲ ਫਾਈਨਲ ਲਈ ਤਿਆਰ ਰਹੋ ਕਿਉਂਕਿ ਇਸ ਵਾਰ ਪ੍ਰਸ਼ੰਸਕਾਂ ਨੂੰ ਇੱਕ ਨਵਾਂ ਚੈਂਪੀਅਨ ਮਿਲਣ ਵਾਲਾ ਹੈ। ਆਰਸੀਬੀ ਅਤੇ ਪੰਜਾਬ ਦੋਵਾਂ ਨੇ ਅਜੇ ਤੱਕ ਆਈਪੀਐਲ ਚੈਂਪੀਅਨ ਬਣਨ ਦਾ ਮਾਣ ਪ੍ਰਾਪਤ ਨਹੀਂ ਕੀਤਾ ਹੈ, ਪਰ ਹੁਣ ਦੋਵਾਂ ਵਿੱਚੋਂ ਕਿਸੇ ਦੀ ਵੀ ਉਡੀਕ ਖਤਮ ਹੋਣ ਵਾਲੀ ਹੈ।
