IPL 2024: 38 ਛੱਕੇ, 523 ਦੌੜਾਂ, SRH ਤੇ MI ਦੇ ਮੈਚ ‘ਚ ਹੋਰ ਕਿਹੜੇ ਰਿਕਾਰਡ ਟੁੱਟੇ

ਇੰਡੀਅਨ ਪ੍ਰੀਮੀਅਰ ਲੀਗ 2024 ਦਾ 8ਵਾਂ ਮੈਚ… ਮੁੰਬਈ ਇੰਡੀਅਨਜ਼ ਦਾ ਸਨਰਾਈਜ਼ਰਜ਼ ਹੈਦਰਾਬਾਦ ਖਿਲਾਫ ਇੱਕ ਹੋਰ ਵੱਡਾ ਧਮਾਕਾ। ਸਨਰਾਈਜ਼ਰਸ ਹੈਦਰਾਬਾਦ ਦੇ ਬੱਲੇਬਾਜ਼ਾਂ ਨੇ ਰਾਜੀਵ ਗਾਂਧੀ ਇੰਟਰਨੈਸ਼ਨਲ ਸਟੇਡੀਅਮ ‘ਚ ਤਬਾਹੀ ਮਚਾਈ। ਹੈਦਰਾਬਾਦ ਨੇ ਮੁੰਬਈ ਇੰਡੀਅਨਜ਼ ਖਿਲਾਫ 20 ਓਵਰਾਂ ‘ਚ 3 ਵਿਕਟਾਂ ‘ਤੇ 277 ਦੌੜਾਂ ਬਣਾਈਆਂ। ਤੁਹਾਨੂੰ ਦੱਸ ਦੇਈਏ ਕਿ ਇਹ IPL ਇਤਿਹਾਸ ਦਾ ਸਭ ਤੋਂ ਵੱਡਾ ਸਕੋਰ ਹੈ। ਇਸ ਤੋਂ ਪਹਿਲਾਂ ਸਾਲ 2013 ‘ਚ ਆਰਸੀਬੀ ਨੇ ਪੁਣੇ ਵਾਰੀਅਰਜ਼ ਖਿਲਾਫ 263 ਦੌੜਾਂ ਦਾ ਵੱਡਾ ਸਕੋਰ ਬਣਾਇਆ ਸੀ ਪਰ ਹੈਦਰਾਬਾਦ ਨੇ ਆਪਣੇ 4 ਬੱਲੇਬਾਜ਼ਾਂ ਦੇ ਦਮ ‘ਤੇ ਇਸ ਸਕੋਰ ਨੂੰ ਵੀ ਪਾਰ ਕਰ ਲਿਆ ਸੀ।

• IPL ਦੇ ਪਿਛਲੇ 16 ਸੀਜ਼ਨ ‘ਚ ਕਈ ਸਨਸਨੀਖੇਜ਼ ਮੈਚ ਦੇਖਣ ਨੂੰ ਮਿਲੇ ਹਨ, ਜਿਨ੍ਹਾਂ ‘ਚ ਸ਼ਾਨਦਾਰ ਬੱਲੇਬਾਜ਼ੀ ਦੇਖਣ ਨੂੰ ਮਿਲੀ ਪਰ ਹੈਦਰਾਬਾਦ ‘ਚ ਜੋ ਹੋਇਆ ਉਸ ਨੇ ਸਾਰੇ ਰਿਕਾਰਡ ਤੋੜ ਦਿੱਤੇ।
• ਹੈਦਰਾਬਾਦ ‘ਚ ਖੇਡੇ ਗਏ ਇਸ ਮੈਚ ‘ਚ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਮੁੰਬਈ ਇੰਡੀਅਨਜ਼ ਖਿਲਾਫ 3 ਵਿਕਟਾਂ ਗੁਆ ਕੇ 277 ਦੌੜਾਂ ਬਣਾਈਆਂ, ਜੋ ਕਿ ਆਈ.ਪੀ.ਐੱਲ ਦੇ ਇਤਿਹਾਸ ‘ਚ ਸਭ ਤੋਂ ਵੱਧ ਸਕੋਰ ਬਣਾਉਣ ਦਾ ਨਵਾਂ ਰਿਕਾਰਡ ਬਣ ਗਿਆ।
• SRH ਨੇ ਇਸ ਤਰ੍ਹਾਂ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਦਾ 11 ਸਾਲ ਪੁਰਾਣਾ ਰਿਕਾਰਡ ਤੋੜ ਦਿੱਤਾ। ਆਰਸੀਬੀ ਨੇ 2013 ਵਿੱਚ ਪੁਣੇ ਵਾਰੀਅਰਜ਼ ਖ਼ਿਲਾਫ਼ 263/5 ਦਾ ਸਕੋਰ ਬਣਾਇਆ ਸੀ।
• ਜਵਾਬ ‘ਚ ਮੁੰਬਈ ਨੇ ਵੀ ਜ਼ੋਰਦਾਰ ਬੱਲੇਬਾਜ਼ੀ ਕੀਤੀ ਪਰ ਟੀਮ 31 ਦੌੜਾਂ ਨਾਲ ਹਾਰ ਗਈ। ਮੁੰਬਈ ਦਾ 246/5 ​​ਦਾ ਸਕੋਰ IPL ਵਿੱਚ ਦੂਜੀ ਪਾਰੀ ਵਿੱਚ ਸਭ ਤੋਂ ਵੱਧ ਸਕੋਰ ਬਣਾਉਣ ਦਾ ਰਿਕਾਰਡ ਹੈ।
• ਇਸ ਤਰ੍ਹਾਂ, SRH ਅਤੇ MI ਨੇ ਮਿਲ ਕੇ ਕੁੱਲ 523 ਦੌੜਾਂ ਬਣਾਈਆਂ, ਜੋ ਨਾ ਸਿਰਫ ਆਈਪੀਐਲ ਵਿੱਚ ਬਲਕਿ ਟੀ-20 ਕ੍ਰਿਕਟ ਦੇ ਇਤਿਹਾਸ ਵਿੱਚ ਇੱਕ ਮੈਚ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦਾ ਰਿਕਾਰਡ ਹੈ।
• ਇਸ ਮੈਚ ਵਿੱਚ ਦੋਵਾਂ ਟੀਮਾਂ ਵੱਲੋਂ ਕੁੱਲ 38 ਛੱਕੇ ਮਾਰੇ ਗਏ, ਜਿਨ੍ਹਾਂ ਵਿੱਚੋਂ 20 ਛੱਕੇ ਮੁੰਬਈ ਅਤੇ 18 ਛੱਕੇ ਐਸਆਰਐਚ ਇਹ ਨਾ ਸਿਰਫ਼ ਆਈਪੀਐਲ ਵਿੱਚ ਸਗੋਂ ਪੁਰਸ਼ਾਂ ਦੇ ਟੀ-20 ਕ੍ਰਿਕਟ ਦੇ ਇਤਿਹਾਸ ਵਿੱਚ ਵੀ ਇੱਕ ਨਵਾਂ ਰਿਕਾਰਡ ਹੈ।
• ਇਸ ਮੈਚ ‘ਚ 38 ਛੱਕਿਆਂ ਦੇ ਮੁਕਾਬਲੇ ਸਿਰਫ 31 ਚੌਕੇ ਲੱਗੇ ਪਰ ਦੋਵਾਂ ਨੇ ਮਿਲ ਕੇ 69 ਚੌਕੇ ਲਗਾਏ। ਇਹ 2010 ‘ਚ ਚੇਨਈ ਅਤੇ ਰਾਜਸਥਾਨ ਵਿਚਾਲੇ ਹੋਏ ਮੈਚ ਦੇ ਰਿਕਾਰਡ ਦੇ ਬਰਾਬਰ ਹੈ।
• ਇਸ ਤੋਂ ਇਲਾਵਾ ਟਾਪ-6 ਬੱਲੇਬਾਜ਼ਾਂ ਨੇ ਮੁੰਬਈ ਦੀ ਪਾਰੀ ‘ਚ 20 ਤੋਂ ਜ਼ਿਆਦਾ ਦੌੜਾਂ ਬਣਾਈਆਂ, ਜੋ ਕਿ ਆਈਪੀਐੱਲ ਦੇ ਇਤਿਹਾਸ ‘ਚ ਪਹਿਲੀ ਵਾਰ ਹੋਇਆ ਹੈ।