ਨਵੀਂ ਦਿੱਲੀ: ਦੇਸ਼ ਅਜੇ ਵੀ
IPL ਦੇ ਜਸ਼ਨ ‘ਚ ਡੁੱਬਿਆ ਹੋਇਆ ਹੈ, ਜਿੱਥੇ ਹੁਣ ਪਲੇਆਫ ਦਾ ਜ਼ੋਰ ਦੇਖਣ ਨੂੰ ਮਿਲੇਗਾ। ਰੋਮਾਂਚ ਹੋਰ ਹਾਈ ਰਹੇਗਾ। ਪਰ, ਇਸ ਦੌਰਾਨ ਟੀਮ ਇੰਡੀਆ ਲਈ ਇਹ ਖਬਰ ਚੰਗੀ ਨਹੀਂ ਹੈ। ਖ਼ਬਰ ਹੈ ਕਿ ਭਾਰਤੀ ਟੀਮ ਪ੍ਰਬੰਧਨ ਟੈਨਸ਼ਨ ਵਿੱਚ ਹੈ। ਉਸ ਦੀ ਚਿੰਤਾ ਦਾ ਕਾਰਨ ਹੈ ਕਿ ਡਬਲਯੂਟੀਸੀ ਫਾਈਨਲ ਦੀਆਂ ਤਿਆਰੀਆਂ ਦਾ ਸਹੀ ਤਰ੍ਹਾਂ ਨਾਲ ਨਾ ਚੱਲ ਪਾਉਣਾ ਅਤੇ, ਇਹ ਕਿਸੇ ਹੋਰ ਕਾਰਨ ਨਹੀਂ ਸਗੋਂ ਆਈਪੀਐਲ ਕਾਰਨ ਹੋ ਰਿਹਾ ਹੈ।
ਭਾਰਤ ਅਤੇ ਆਸਟਰੇਲੀਆ ਵਿਚਾਲੇ 7 ਜੂਨ ਤੋਂ 11 ਜੂਨ ਤੱਕ
ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (World Test Championship) ਦਾ ਫਾਈਨਲ ਖੇਡਿਆ ਜਾਣਾ ਹੈ। ਇਹ ਮੁਕਾਬਲਾ ਲੰਡਨ ਦੇ ਓਵਲ ਮੈਦਾਨ ‘ਤੇ ਹੋਵੇਗਾ। ਦਿ ਇੰਡੀਅਨ ਐਕਸਪ੍ਰੈਸ ਮੁਤਾਬਕ, ਟੀਮ ਇੰਡੀਆ ਮੈਨੇਜਮੈਂਟ ਨੇ ਇਸ ਮੈਚ ਨੂੰ ਲੈ ਕੇ ਖਿਡਾਰੀਆਂ ਦੀ ਤਿਆਰੀ ‘ਤੇ ਚਿੰਤਾ ਜਤਾਈ ਹੈ। ਟੀਮ ਦੇ ਸਪੋਰਟ ਸਟਾਫ ਨੇ ਹਰੇਕ ਖਿਡਾਰੀ ਨੂੰ ਉਨ੍ਹਾਂ ਦੀ ਫਿਟਨੈਸ ਸਥਿਤੀ ਦੀ ਜਾਂਚ ਕਰਨ ਲਈ ਕਿਹਾ ਹੈ। ਇਹ ਵੀ ਜਾਣਨਾ ਚਾਹੀਆ ਕਿ ਆਈਪੀਐਲ ਦੌਰਾਨ ਇਨ੍ਹਾਂ ਸਾਰਿਆਂ ਨੇ ਰੈੱਡ ਗੇਂਦ ਨਾਲ ਪ੍ਰੈਕਟਿਸ ਕੀਤੀ ਸੀ ਜਾਂ ਨਹੀਂ।
ਖਿਡਾਰੀਆਂ ਦੀ ਤਿਆਰੀ ਨੂੰ ਲੈ ਕੇ ਚਿੰਤਤ ਟੀਮ ਮੈਨੇਜਮੈਂਟ
ਭਾਰਤੀ ਟੀਮ ਪ੍ਰਬੰਧਨ ਨੇ ਸਾਰੇ ਖਿਡਾਰੀਆਂ ਤੋਂ ਅਜਿਹੇ ਸਵਾਲ ਪੁੱਛੇ। ਉਨ੍ਹਾਂ ਨੇ ਬੱਲੇਬਾਜ਼ਾਂ ਅਤੇ ਖਾਸ ਕਰਕੇ ਗੇਂਦਬਾਜ਼ਾਂ ਨੂੰ ਉਨ੍ਹਾਂ ਦੇ ਵਰਕਲੋਡ ਬਾਰੇ ਪੁੱਛਿਆ ਕਿ ਕੀ ਮਈ ਵਿੱਚ ਉਨ੍ਹਾਂ ਦਾ ਵਰਕਲੋਡ ਵਧਿਆ ਹੈ। ਦੱਸ ਦੇਈਏ ਕਿ IPL 2023 ਦੀ ਸ਼ੁਰੂਆਤ ਤੋਂ ਪਹਿਲਾਂ ਟੀਮ ਪ੍ਰਬੰਧਨ ਨੇ ਹਰ ਖਿਡਾਰੀ ਨੂੰ ਨਿਰਦੇਸ਼ ਦਿੱਤੇ ਸਨ ਕਿ ਉਨ੍ਹਾਂ ਨੂੰ ਜ਼ਿਆਦਾ ਲੋਡ ਲੈਣ ਦੀ ਲੋੜ ਨਹੀਂ ਹੈ।
ਡਬਲਯੂਟੀਸੀ ਫਾਈਨਲ ਵਿੱਚ ਦਿਨ ਦਾ ਖੇਡ 90 ਮਿੰਟ ਦਾ ਹੋਵੇਗਾ। ਖਿਡਾਰੀ ਨੂੰ ਮੈਦਾਨ ‘ਤੇ 6 ਘੰਟੇ ਬਿਤਾਉਣੇ ਹੋਣਗੇ। ਅਜਿਹੇ ‘ਚ ਟੀਮ ਪ੍ਰਬੰਧਨ ਚਾਹੁੰਦਾ ਹੈ ਕਿ ਸਾਰੇ ਖਿਡਾਰੀ ਇਸ ਦੀ ਆਦਤ ਪਾਉਣ। ਹਾਲਾਂਕਿ ਖਿਡਾਰੀਆਂ ਤੋਂ ਉਨ੍ਹਾਂ ਦੇ ਸਵਾਲਾਂ ਦੇ ਜੋ ਜਵਾਬ ਮਿਲੇ ਹਨ, ਉਹ ਚੰਗੇ ਨਹੀਂ ਹਨ। ਖਿਡਾਰੀਆਂ ਦੀ ਤਰਫੋਂ ਉਨ੍ਹਾਂ ਨੂੰ ਕਿਹਾ ਗਿਆ ਕਿ ਉਨ੍ਹਾਂ ਨੂੰ ਆਸਟ੍ਰੇਲੀਆ ਦੇ ਖਿਲਾਫ ਟੈਸਟ ਦੀ ਤਿਆਰੀ ਲਈ ਪੂਰਾ ਸਮਾਂ ਨਹੀਂ ਮਿਲ ਰਿਹਾ ਹੈ।
ਇੰਜਰੀ ਤੋਂ ਪਰੇਸ਼ਾਨ ਇੰਡੀਆਵਾਲੇ
ਟੀਮ ਪ੍ਰਬੰਧਨ ਦੇ ਤਣਾਅ ਦਾ ਸਿਰਫ਼ ਇਹੀ ਵਜ੍ਹਾ ਨਹੀਂ ਹੈ। ਇਸ ਤੋਂ ਇਲਾਵਾ ਉਸ ਦੇ ਆਪਣੇ ਕੁਝ ਖਿਡਾਰੀਆਂ ਦੇ ਜ਼ਖਮੀ ਹੋਣ ਕਾਰਨ ਵੀ ਉਸ ਨੂੰ ਝਟਕਾ ਲੱਗਾ ਹੈ। ਕੇਐੱਲ ਰਾਹੁਲ, ਜਸਪ੍ਰੀਤ ਬੁਮਰਾਹ, ਰਿਸ਼ਭ ਪੰਤ ਸੱਟ ਕਾਰਨ WTC ਫਾਈਨਲ ਤੋਂ ਬਾਹਰ ਹਨ। ਉਮੇਸ਼ ਯਾਦਵ ਅਤੇ ਜੈਦੇਵ ਉਨਾਦਕਟ ਵੀ ਆਈਪੀਐਲ ਦੌਰਾਨ ਜ਼ਖ਼ਮੀ ਹੋ ਗਏ ਸਨ। ਇਸ ‘ਚ ਉਮੇਸ਼ ਨੇ ਆਪਣੀ ਫਿਟਨੈੱਸ ਮੁੜ ਹਾਸਲ ਕਰ ਲਈ ਹੈ ਜਦਕਿ ਉਨਾਦਕਟ ਦੇ ਵੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਤੋਂ ਪਹਿਲਾਂ ਫਿੱਟ ਹੋਣ ਦੀ ਉਮੀਦ ਹੈ।
ਆਈਪੀਐਲ ਹੈ ਤਾਂ ਵਾਰਮ-ਅਪ ਮੈਚ ਕੈਂਸਿਲ!
ਭਾਰਤ ਦੀ ਚਿੰਤਾ
ਖਿਡਾਰੀਆਂ ਦੀ ਫਿਟਨੈੱਸ ਅਤੇ ਤਿਆਰੀ ਤਾਂ ਹੈ ਹੀ, ਉਸ ਤੋਂ ਇਲਾਵਾ ਡਬਲਯੂਟੀਸੀ ਫਾਈਨਲ ਤੋਂ ਪਹਿਲਾਂ ਕੋਈ ਅਭਿਆਸ ਮੈਚ ਨਹੀਂ ਖੇਡਿਆ ਜਾਣਾ ਹੈ। ਅਜਿਹਾ ਇਸ ਲਈ ਹੋਇਆ ਕਿਉਂਕਿ ਆਈਪੀਐੱਲ ‘ਚ ਖੇਡਣ ਕਾਰਨ ਉਸ ਲਈ ਕਈ ਖਿਡਾਰੀ ਉਪਲਬਧ ਨਹੀਂ ਹਨ।
ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ਤੇ ਜਾਓ
