ਕੈਂਸਰ ਦੀ ਜੰਗ ਹਾਰੇ ਜ਼ਿੰਬਾਬਵੇ ਦੇ ਸਾਬਕਾ ਕਪਤਾਨ ਹੀਥ ਸਟ੍ਰੀਕ, 49 ਸਾਲਾਂ ‘ਚ ਹੋਈ ਮੌਤ, ਪਤਨੀ ਨੇ ਪਾਈ ਭਾਵੁਕ ਪੋਸਟ

ਜ਼ਿੰਬਾਬਵੇ ਦੇ ਸਾਬਕਾ ਕ੍ਰਿਕਟਰ ਹੀਥ ਸਟ੍ਰੀਕ ਦਾ ਐਤਵਾਰ ਨੂੰ ਦੇਹਾਂਤ ਹੋ ਗਿਆ। ਇਹ ਜਾਣਕਾਰੀ ਉਨ੍ਹਾਂ ਦੀ ਪਤਨੀ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ਰਾਹੀਂ ਦਿੱਤੀ ਹੈ। ਹੀਥ ਸਟ੍ਰੀਕ ਲੰਬੇ ਸਮੇਂ ਤੋਂ ਕੈਂਸਰ ਨਾਲ ਜੂਝ ਰਹੀ ਸੀ। ਕੁਝ ਦਿਨ ਪਹਿਲਾਂ ਹੀਥ ਸਟ੍ਰੀਕ ਦੀ ਮੌਤ ਦੀ ਅਫਵਾਹ ਫੈਲੀ ਸੀ। ਇਹ ਖਬਰ ਜ਼ਿੰਬਾਬਵੇ ਦੇ ਸਾਬਕਾ ਕ੍ਰਿਕਟਰ ਹੈਨਰੀ ਓਲਾਂਗਾ ਨੇ ਦਿੱਤੀ ਸੀ ਪਰ ਬਾਅਦ ‘ਚ ਓਲਾਂਗਾ ਨੇ ਖੁਦ ਇਸ ਖਬਰ ਨੂੰ ਗਲਤ ਕਰਾਰ ਦਿੰਦੇ ਹੋਏ ਕਿਹਾ ਕਿ ਹੀਥ ਸਟ੍ਰੀਕ ਜ਼ਿੰਦਾ ਹੈ। ਹਾਲਾਂਕਿ ਇਸ ਵਾਰ ਉਨ੍ਹਾਂ ਦੀ ਪਤਨੀ ਨੇ ਸੋਸ਼ਲ ਮੀਡੀਆ ਪੋਸਟ ਰਾਹੀਂ ਪੁਸ਼ਟੀ ਕੀਤੀ ਹੈ ਕਿ ਜ਼ਿੰਬਾਬਵੇ ਦੇ ਸਾਬਕਾ ਕਪਤਾਨ ਦਾ ਦੇਹਾਂਤ ਹੋ ਗਿਆ ਹੈ। ਹੀਥ ਸਟ੍ਰੀਕ ਦੀ ਪਤਨੀ ਨੇ ਦੱਸਿਆ ਹੈ ਕਿ ਹੀਥ ਦੀ 3 ਸਤੰਬਰ ਨੂੰ ਸਵੇਰੇ ਮੌਤ ਹੋ ਗਈ ਸੀ। ਜ਼ਿੰਬਾਬਵੇ ਦੇ ਸਾਬਕਾ ਕ੍ਰਿਕਟਰ ਜਾਨ ਰੇਨੀ ਨੇ ਵੀ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਨੇ ਸਪੋਰਟਸਟਾਰ ਨੂੰ ਦੱਸਿਆ ਕਿ ਹੀਥ ਸਟ੍ਰੀਕ ਦੀ ਮੌਤ ਮੈਟਾਬੇਲਲੈਂਡ ਵਿੱਚ ਉਨ੍ਹਾਂ ਦੇ ਫਾਰਮ ‘ਤੇ ਹੋਈ ਸੀ।

A heart touching post by Heath Streak’s wife.

ਇਹ ਵੀ ਪੜ੍ਹੋ

ਅਰਸ਼ਦੀਪ ਨੇ ਸਮਰੀਨ ਨੂੰ ਕੀਤਾ ਬਰਥਡੇ ਵਿਸ਼, ਦੋਵਾਂ ਨੇ ਬਣਵਾਇਆ ਇੱਕ-ਦੂਜੇ ਦਾ ਟੈਟੂ

ਮਹਿਲਾ T20 ਏਸ਼ੀਆ ਕੱਪ 'ਚ IND vs PAK ਦੀ ਫਿਰ ਹੋ ਸਕਦੀ ਹੈ ਟੱਕਰ, ਜਾਣੋ ਸਮੀਕਰਨ?

ਚੈਂਪੀਅਨ ਬਣਿਆ ਦੱਖਣੀ ਅਫਰੀਕਾ, ਫਾਈਨਲ 'ਚ ਜ਼ਿੰਬਾਬਵੇ ਨੂੰ ਹਰਾਇਆ

Condolences to Heath Streak’s family and friends. pic.twitter.com/HAk9AezeN8 — Mufaddal Vohra (@mufaddal_vohra) September 3, 2023

ਇਸ ਤਰ੍ਹਾਂ ਰਿਹਾ ਕਰੀਅਰ

ਹੀਥ ਸਟ੍ਰੀਕ ਨੂੰ ਜ਼ਿੰਬਾਬਵੇ ਦੇ ਮਹਾਨ ਕ੍ਰਿਕਟਰਾਂ ‘ਚ ਗਿਣਿਆ ਜਾਂਦਾ ਹੈ। ਉਨ੍ਹਾਂ ਕੋਲ ਬੱਲੇ ਅਤੇ ਗੇਂਦ ਦੋਵਾਂ ਨਾਲ ਮੈਚ ਬਦਲਣ ਦੀ ਤਾਕਤ ਸੀ। ਹੀਥ ਸਟ੍ਰੀਕ ਨੇ ਜ਼ਿੰਬਾਬਵੇ ਲਈ 65 ਟੈਸਟ ਮੈਚ ਖੇਡੇ ਅਤੇ 22.35 ਦੀ ਔਸਤ ਨਾਲ 1,990 ਦੌੜਾਂ ਬਣਾਈਆਂ। ਉਨ੍ਹਾਂ ਨੇ ਟੈਸਟ ‘ਚ ਵੀ 216 ਵਿਕਟਾਂ ਆਪਣੇ ਨਾਂ ਕਰ ਲਈਆਂ ਹਨ। ਜਦੋਂ ਕਿ ਵਨਡੇ ਵਿੱਚ ਹੀਥ ਸਟ੍ਰੀਕ ਨੇ 2,943 ਦੌੜਾਂ ਬਣਾਈਆਂ ਹਨ ਅਤੇ 239 ਵਿਕਟਾਂ ਲਈਆਂ ਹਨ। ਰਿਟਾਇਰਮੈਂਟ ਤੋਂ ਬਾਅਦ ਉਹ ਕੋਚ ਵੀ ਰਹੇ। ਦੱਸ ਦਈਏ ਕਿ ਉਹ ਜ਼ਿੰਬਾਬਵੇ ਅਤੇ ਬੰਗਲਾਦੇਸ਼ ਦੇ ਕੋਚ ਸਨ। ਇਸ ਤੋਂ ਇਲਾਵਾ ਉਹ ਆਈਪੀਐਲ ਵਿੱਚ ਕੋਚਿੰਗ ਵੀ ਕਰ ਚੁੱਕੇ ਹਨ। ਉਹ ਆਈਪੀਐਲ ਵਿੱਚ ਦੋ ਵਾਰ ਦੇ ਜੇਤੂ ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਕੋਚਿੰਗ ਸਟਾਫ ਵਿੱਚ ਵੀ ਸ਼ਾਮਲ ਸਨ। ਉਸ ਨੇ ਗੁਜਰਾਤ ਲਾਇਨਜ਼ ਦੇ ਗੇਂਦਬਾਜ਼ੀ ਕੋਚ ਦੀ ਭੂਮਿਕਾ ਵੀ ਨਿਭਾਈ।

ਨਾਮ ਕੀਤੇ ਰਿਕਾਰਡ

ਹੀਥ ਸਟ੍ਰੀਕ ਟੈਸਟ ਅਤੇ ਵਨਡੇ ਵਿੱਚ 100 ਵਿਕਟਾਂ ਲੈਣ ਵਾਲੇ ਜ਼ਿੰਬਾਬਵੇ ਦੇ ਪਹਿਲੇ ਕ੍ਰਿਕਟਰ ਸਨ। ਉਹ ਟੈਸਟ ਵਿੱਚ 100 ਵਿਕਟਾਂ ਅਤੇ 1000 ਵਿਕਟਾਂ ਲੈਣ ਵਾਲੇ ਆਪਣੇ ਦੇਸ਼ ਦੇ ਪਹਿਲੇ ਕ੍ਰਿਕਟਰ ਸਨ। ਇਸ ਤੋਂ ਇਲਾਵਾ ਉਹ ਆਪਣੇ ਦੇਸ਼ ਦਾ ਇਕਲੌਤੇ ਕ੍ਰਿਕਟਰ ਸਨ ਜਿਨ੍ਹਾਂ ਨੇ ਵਨਡੇ ‘ਚ 200 ਵਿਕਟਾਂ ਲਈਆਂ ਹਨ ਅਤੇ 2000 ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਨੇ 1993 ‘ਚ ਡੈਬਿਊ ਕੀਤਾ ਅਤੇ 1999-2000 ‘ਚ ਟੀਮ ਦਾ ਕਪਤਾਨ ਬਣਾਇਆ ਗਿਆ।