Achievement: ਫਰੀਦਕੋਟ ਦੀ ਕੁੜੀ ਨੇ ਅੰਤਰਰਾਸ਼ਟਰੀ ਰਾਈਫਲ ਮੁਕਾਬਲੇ ‘ਚ ਜਿੱਤਿਆ ਕਾਂਸੀ ਦਾ ਤਗਮਾ

ਫਰੀਦਕੋਟ ਨਿਊਜ: ਇੱਥੋਂ ਦੀ ਰਹਿਣ ਵਾਲੀ ਕੁੜੀ ਸਿਫਤ ਕੌਰ ਸਮਰਾ ਇਕ ਤੋਂ ਬਾਅਦ ਇਕ ਇੰਟਰਨੈਸ਼ਨਲ ਸ਼ੂਟਿੰਗ ਮੁਕਾਬਲਿਆਂ ( International Shooting Competition) ਵਿਚ ਵਧੀਆ ਪ੍ਰਦਰਸ਼ਨ ਕਰਦਿਆਂ ਨਾਮਣਾ ਖੱਟ ਹਰੀ ਹੈ। ਉਸਦੀ ਇਸ ਪ੍ਰਾਪਤੀ ਤੇ ਜਿਥੇ ਉਸ ਦੇ ਪਰਿਵਾਰ ਨੂੰ ਮਾਣ ਮਹਿਸੂਸ ਹੋ ਰਿਹਾ ਉਥੇ ਹੀ ਸ਼ਹਿਰ ਦੇ ਲੋਕਾਂ ਨੂੰ ਫਖਰ ਮਹਿਸੂਸ ਹੋ ਰਿਹਾ। ਹਾਲ ਹੀ ਵਿਚ ਭੋਪਾਲ ਵਿਚ ਚੱਲ ਰਹੇ ਆਈਐਸਐਸਐਫ (ISSF) ਸੀਨੀਅਰ ਵਰਲਡ ਕੱਪ 2023 ਵਿਚ ਸਿਫਤ ਕੌਰ ਸਮਰਾ ਨੇ ਫਿਰ ਵੱਡੀ ਮੱਲ ਮਾਰੀ ਹੈ। 50 ਮੀਟਰ 3 ਪੁਜੀਸ਼ਨ ਰਾਇਫਲ ਮੁਕਾਬਲੇ ਵਿਚ ਸਿਫਤ ਕੌਰ ਸਮਰਾ ਨੇ ਆਪਣੇ ਵਿਰੋਧੀਆਂ ਨੂੰ ਪਛਾੜਦਿਆ ਅਤੇ ਵਧੀਆ ਖੇਡ ਦਾ ਪ੍ਰਦਰਸ਼ਨ ਕਰਦਿਆਂ ਤੀਸਰਾ ਸਥਾਨ ਹਾਸਲ ਕਰ ਕਾਂਸੀ ਦਾ ਤਗਮਾਂ ਆਪਣੇ ਨਾਂਮ ਕੀਤਾ ਹੈ।ਇਸ ਤੋਂ ਪਹਿਲਾਂ ਵੀ ਸਿਫਤ ਕੌਰ ਕਈ ਰਾਸ਼ਟਰੀ ਅਤੇ ਅੰਤਰਰਾਸਟਰੀ ਮੁਕਾਬਲਿਆਂ ਵਿਚ ਗੋਲਡ ਤੇ ਸਿਲਵਰ ਮੈਡਲ ਜਿੱਤ ਕੇ ਦੇਸ਼ ਦਾ ਨਾਮ ਰੌਸ਼ਨ ਕਰ ਚੁੱਕੀ ਹੈ।

ਕਈ ਮੁਕਾਬਲਿਆਂ ‘ਚ ਜਿੱਤ ਚੁੱਕੀ ਹੈ ਮੈਡਲ

ਸਿਫਤ ਕੌਰ ਦੇ ਪਿਤਾ ਬੰਪੀ ਸਮਰਾ ਨੇ ਦੱਸਿਆ ਕਿ ਉਹਨਾਂ ਦਾ ਬੇਟਾ ਸ਼ੂਟਿੰਗ ਰੇਂਜ ਤੇ ਅਕਸਰ ਪ੍ਰੈਕਟਿਸ ਕਰਨ ਲਈ ਜਾਇਆ ਕਰਦਾ ਸੀ । ਇਕ ਦਿਨ ਉਹ ਜਦੋਂ ਆਪਣੇ ਬੇਟੇ ਨੂੰ ਸ਼ੂਟਿੰਗ ਰੇਂਜ ਤੇ ਛੱਡਣ ਜਾ ਰਹੇ ਸਨ ਤਾਂ ਆਪਣੀ ਬੇਟੀ ਸਿਫਤ ਨੂੰ ਵੀ ਆਪਣੇ ਨਾਲ ਲੈ ਗਏ। ਉਦੋਂ ਤੋਂ ਹੀ ਸਿਫਤ ਨੇ ਸ਼ੂਟਿੰਗ ਸੁਰੂ ਕਰ ਦਿੱਤੀ ਤੇ ਅੱਜ ਉਹ ਕਈ ਰਾਸ਼ਟਰੀ ਅਤੇ ਅੰਤਰਰਾਸਟਰੀ ਪੱਧਰ ਦੇ ਮੁਕਾਬਲਿਆ ਵਿਚ ਕਈ ਸੋਨੇ, ਚਾਂਦੀ ਅਤੇ ਕਾਂਸੀ ਦੇ ਤਗਮੇਂ ਜਿੱਤ ਚੁੱਕੀ ਹੈ।

ਸ਼ੂਟਿੰਗ ਮੁਕਾਬਲੇ ਚ ਜਿੱਤਿਆ ਕਾਂਸੀ ਦਾ ਤਗਮਾ

ਉਹਨਾਂ ਦੱਸਿਆ ਕਿ ਭੋਪਾਲ ਵਿਚ ਆਈਐਸਐਸਐਫ ਸੀਨੀਅਰ ਸੂਟਿੰਗ ਵਰਲਡ ਕੱਪ ਵਿਚ ਸਿਫਤ ਕੌਰ ਨੇ 50 ਮੀਟਰ 3 ਪੁਜੀਸ਼ਨ ਰਾਇਫਲ ਮੁਕਾਬਲੇ ਵਿਚ ਸਿਫਤ ਕੌਰ ਨੂੰ ਤੀਸਰਾ ਸਥਾਨ ਮਿਲਿਆ ਅਤੇ ਉਸ ਨੇ ਕਾਂਸੀ ਦਾ ਤਗਮਾ ਆਪਣੇ ਨਾਮ ਕੀਤਾ। ਉਹਨਾਂ ਦੱਸਿਆ ਕਿ ਕਰੀਬ 42 ਤੋਂ ਵੱਧ ਦੇਸ਼ਾਂ ਦੇ ਖਿਡਾਰੀ ਇਸ ਵਰਲਡ ਕੱਪ ਵਿਚ ਹਿੱਸਾ ਲੈ ਰਹੇ ਹਨ ਅਤੇ ਉਨ੍ਹਾਂ ਦੀ ਬੇਟੀ ਦਾ ਇਨ੍ਹਾਂ ਸਾਰੇ ਦੇਸ਼ਾਂ ਦੇ ਖਿਡਾਰੀਆਂ ਵਿਚੋਂ ਤੀਜੇ ਸਥਾਨ ਤੇ ਆਉਣਾ ਆਪਣੇ ਆਪ ਵਿੱਚ ਵੱਡੀ ਉਪਲੱਭਧੀ ਹੈ। ਉਹਨਾਂ ਦੱਸਿਆ ਕਿ ਸਿਫਤ ਹਮੇਸ਼ਾ ਖੇਡ ਦੀ ਭਾਵਨਾਂ ਨਾਲ ਖੇਡ ਮੈਦਾਨ ਵਿਚ ਉਤਰਦੀ ਹੈ ਅਤੇ ਆਪਣੇ ਟੀਚੇ ਨੂੰ ਸਰ ਕਰਨ ਲਈ ਪੂਰੇ ਵਿਸ਼ਵਾਸ ਨਾਲ ਅੱਗੇ ਵਧਦੀ ਹੈ। ਉਹ ਹੁਣ ਆਪਣੇ ਅਗਲੇ ਮੁਕਾਬਲੇ ਦੀ ਤਿਆਰੀ ਕਰ ਰਹੀ ਹੈ। ਉਹਨਾਂ ਕਿਹਾ ਕਿ ਆਪਣੀ ਬੇਟੀ ਦੀ ਇਸ ਉਲੱਭਧੀ ਤੇ ਜਿੱਥੇ ਉਨ੍ਹਾਂ ਨੂੰ ਮਾਣ ਹੈ ਉਥੇ ਹੀ ਉਹ ਉਸ ਦੇ ਟੀਚੇ ਨੂੰ ਸਰ ਕਰਨ ਵਿਚ ਹਰ ਸੰਭਵ ਮਦਦ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ਤੇ ਜਾਓ