ਅੱਜ ਵਾਲਮੀਕਿ ਜਯੰਤੀ, ਰਾਮਾਇਣ ਦੇ ਰਚਨਹਾਰ ਦੀ ਪੂਜਾ ਕਿਵੇਂ ਕਰੀਏ? ਜਾਣੋ ਕਿਹੜੇ ਕੰਮ ਕਰਨੇ ਹਨ ਸ਼ੁਭ

ਵਾਲਮੀਕਿ ਜਯੰਤੀ

ਅੱਜ 26 ਅਕਤੂਬਰ 2026, ਸੋਮਵਾਰ ਨੂੰ ਮਹਾਰਿਸ਼ੀ ਵਾਲਮੀਕਿ ਜਯੰਤੀ ਮਨਾਈ ਜਾ ਰਹੀ ਹੈ। ਇਸ ਨੂੰ ਵਾਲਮੀਕਿ ਪ੍ਰਗਟ ਦਿਵਸ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਹਰ ਸਾਲ ਅਸ਼ਵਿਨ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪੂਰਨਮਾਸ਼ੀ ਨੂੰ ਇਹ ਪਰਵ ਮਨਾਇਆ ਜਾਂਦਾ ਹੈ। ਇਸ ਮੌਕੇ ‘ਤੇ ਦੇਸ਼ ਭਰ ‘ਚ ਮਹਾਰਿਸ਼ੀ ਵਾਲਮੀਕਿ ਨੂੰ ਯਾਦ ਕੀਤਾ ਜਾਂਦਾ ਹੈ। ਮੰਦਰਾਂ ‘ਚ ਪੂਜਾ-ਅਰਚਨਾ, ਰਾਮਾਇਣ ਦਾ ਪਾਠ, ਭਜਨ-ਕੀਰਤਨ ਤੇ ਸ਼ੋਭਾ ਯਾਤਰਾਵਾਂ ਦਾ ਆਯੋਜਨ ਕੀਤਾ ਜਾਂਦਾ ਹੈ। ਸ਼ਰਧਾਲੂ ਇਸ ਦਿਨ ਮਹਾਰਿਸ਼ੀ ਵਾਲਮੀਕਿ ਦੇ ਆਦਰਸ਼ਾਂ ਨੂੰ ਯਾਦ ਕਰਦੇ ਹਨ ਤੇ ਉਨ੍ਹਾਂ ਵੱਲੋਂ ਦਿਖਾਏ ਮਾਰਗ ‘ਤੇ ਚੱਲਣ ਦਾ ਸੰਕਲਪ ਲੈਂਦੇ ਹਨ।

ਧਾਰਮਿਕ ਤੇ ਸਾਹਿਤਕ ਦ੍ਰਿਸ਼ਟੀ ਤੋਂ ਮਹਾਰਿਸ਼ੀ ਵਾਲਮੀਕਿ ਦਾ ਵਿਸ਼ੇਸ਼ ਮਹੱਤਵ ਹੈ। ਉਨ੍ਹਾਂ ਨੂੰ ਸੰਸਕ੍ਰਿਤ ਸਾਹਿਤ ਦਾ ਆਦਿ ਕਵੀ, ਯਾਨੀ ਪਹਿਲਾ ਕਵੀ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਨੇ ਭਗਵਾਨ ਸ਼੍ਰੀ ਰਾਮ ਦੇ ਜੀਵਨ ‘ਤੇ ਆਧਾਰਿਤ ਮਹਾਂਕਾਵਿ ਰਾਮਾਇਣ ਦੀ ਰਚਨਾ ਕੀਤੀ ਸੀ। ਮਾਨਤਾ ਅਨੁਸਾਰ, ਉਨ੍ਹਾਂ ਦਾ ਮੁੱਢਲਾ ਜੀਵਨ ਰਤਨਾਕਰ ਨਾਂ ਦੇ ਵਿਅਕਤੀ ਵਜੋਂ ਬੀਤਿਆ, ਪਰ ਨਾਰਦ ਮੁਨੀ ਦੇ ਮਾਰਗਦਰਸ਼ਨ ਤੇ ਤਪੱਸਿਆ ਤੋਂ ਬਾਅਦ ਉਨ੍ਹਾਂ ਦੇ ਜੀਵਨ ਨਚ ਵੱਡਾ ਬਦਲਾਅ ਆਇਆ ਤੇ ਉਹ ਮਹਾਰਿਸ਼ੀ ਬਣ ਗਏ। ਉਨ੍ਹਾਂ ਦਾ ਜੀਵਨ ਇਹ ਸੰਦੇਸ਼ ਦਿੰਦਾ ਹੈ ਕਿ ਮਨੁੱਖ ਸੱਚੇ ਯਤਨਾਂ, ਗਿਆਨ ਤੇ ਚੰਗੇ ਕਰਮਾਂ ਨਾਲ ਆਪਣਾ ਜੀਵਨ ਬਦਲ ਸਕਦਾ ਹੈ।

ਵਾਲਮੀਕਿ ਜਯੰਤੀ 2026 ਦੀ ਤਾਰੀਖ

ਇਸ ਸਾਲ ਵਾਲਮੀਕਿ ਜਯੰਤੀ 26 ਅਕਤੂਬਰ ਨੂੰ ਮਨਾਈ ਜਾ ਰਹੀ ਹੈ। ਪੰਚਾਂਗ ਅਨੁਸਾਰ, ਪੂਰਨਮਾਸ਼ੀ ਦੀ ਤਾਰੀਖ 25 ਅਕਤੂਬਰ 2026 ਨੂੰ ਸਵੇਰੇ 11:55 ਵਜੇ ਸ਼ੁਰੂ ਹੋਈ ਅਤੇ 26 ਅਕਤੂਬਰ ਨੂੰ ਸਵੇਰੇ 9:41 ਵਜੇ ਤੱਕ ਰਹੇਗੀ।

ਪੂਰਨਮਾਸ਼ੀ ਦੀ ਤਾਰੀਖ ਸ਼ੁਰੂ: 25 ਅਕਤੂਬਰ 2026, ਸਵੇਰੇ 11:55 ਵਜੇ।

ਪੂਰਨਮਾਸ਼ੀ ਦੀ ਤਾਰੀਖ ਸਮਾਪਤ: 26 ਅਕਤੂਬਰ 2026, ਸਵੇਰੇ 9:41 ਵਜੇ।

ਵਾਲਮੀਕਿ ਜਯੰਤੀ ‘ਤੇ ਕੀ ਕਰਨਾ ਚਾਹੀਦਾ ਹੈ?

ਮਹਾਰਿਸ਼ੀ ਵਾਲਮੀਕਿ ਦੀ ਪੂਜਾ ਕਰੋ: ਸਵੇਰੇ ਇਸ਼ਨਾਨ ਕਰਕੇ ਪੂਜਾ ਸਥਾਨ ਦੀ ਸਫ਼ਾਈ ਕਰੋ। ਮਹਾਰਿਸ਼ੀ ਵਾਲਮੀਕਿ ਦੀ ਤਸਵੀਰ ਦੇ ਸਾਹਮਣੇ ਦੀਵਾ ਜਗਾਓ, ਫੁੱਲ ਚੜ੍ਹਾਓ ਤੇ ਸ਼ਰਧਾ ਨਾਲ ਉਨ੍ਹਾਂ ਦੀ ਪੂਜਾ ਕਰੋ।

ਰਾਮਾਇਣ ਦਾ ਪਾਠ ਕਰੋ: ਇਸ ਦਿਨ ਵਾਲਮੀਕਿ ਰਾਮਾਇਣ ਜਾਂ ਰਾਮਚਰਿਤਮਾਨਸ ਦਾ ਪਾਠ ਕਰਨਾ ਤੇ ਭਗਵਾਨ ਸ਼੍ਰੀ ਰਾਮ ਦੀ ਕਥਾ ਸੁਣਨਾ ਸ਼ੁਭ ਮੰਨਿਆ ਜਾਂਦਾ ਹੈ। ਤੁਸੀਂ ਘਰ ‘ਚ ਪਾਠ ਕਰ ਸਕਦੇ ਹੋ ਜਾਂ ਕਿਸੇ ਮੰਦਰ ‘ਚ ਕਰਵਾਏ ਜਾ ਰਹੇ ਧਾਰਮਿਕ ਪ੍ਰੋਗਰਾਮ ‘ਚ ਸ਼ਾਮਲ ਹੋ ਸਕਦੇ ਹੋ।

ਸ਼ੋਭਾ ਯਾਤਰਾ ਤੇ ਭਜਨ-ਕੀਰਤਨ ‘ਚ ਸ਼ਾਮਲ ਹੋਵੋ: ਵਾਲਮੀਕਿ ਜਯੰਤੀ ‘ਤੇ ਕਈ ਥਾਵਾਂ ‘ਤੇ ਮਹਾਰਿਸ਼ੀ ਵਾਲਮੀਕਿ ਦੀ ਮੂਰਤੀ ਜਾਂ ਤਸਵੀਰ ਨਾਲ ਸ਼ੋਭਾ ਯਾਤਰਾ ਕੱਢੀ ਜਾਂਦੀ ਹੈ। ਮੰਦਰਾਂ ‘ਚ ਭਜਨ-ਕੀਰਤਨ ਤੇ ਧਾਰਮਿਕ ਸਭਾਵਾਂ ਵੀ ਕਰਵਾਈਆਂ ਜਾਂਦੀਆਂ ਹਨ।

ਦਾਨ-ਪੁੰਨ ਤੇ ਸੇਵਾ ਕਰੋ: ਇਸ ਦਿਨ ਲੋੜਵੰਦਾਂ ਨੂੰ ਭੋਜਨ, ਕੱਪੜੇ ਤੇ ਸਿੱਖਿਆ ਨਾਲ ਸਬੰਧਤ ਸਮੱਗਰੀ ਦਾਨ ਕਰ ਸਕਦੇ ਹੋ। ਲੋੜਵੰਦਾਂ ਦੀ ਮਦਦ ਕਰਨਾ ਤੇ ਸਮਾਜ ਸੇਵਾ ਦੇ ਕੰਮਾਂ ‘ਚ ਹਿੱਸਾ ਲੈਣਾ ਵੀ ਇਸ ਤਿਉਹਾਰ ਦੀਆਂ ਪ੍ਰਮੁੱਖ ਪਰੰਪਰਾਵਾਂ ਵਿੱਚ ਸ਼ਾਮਲ ਹੈ।

ਮਹਾਰਿਸ਼ੀ ਵਾਲਮੀਕਿ ਦੀਆਂ ਸਿੱਖਿਆਵਾਂ ਨੂੰ ਅਪਣਾਓ: ਮਹਾਰਿਸ਼ੀ ਵਾਲਮੀਕਿ ਦਾ ਜੀਵਨ ਬਦਲਾਅ, ਗਿਆਨ ਤੇ ਚੰਗੇ ਕਰਮਾਂ ਦੀ ਪ੍ਰੇਰਣਾ ਦਿੰਦਾ ਹੈ। ਇਸ ਦਿਨ ਉਨ੍ਹਾਂ ਦੇ ਜੀਵਨ ਤੋਂ ਸਿੱਖਿਆ ਲੈਂਦੇ ਹੋਏ ਸੱਚਅਤੇ ਸਦਾਚਾਰ ਦੇ ਮਾਰਗ ‘ਤੇ ਚੱਲਣ ਦਾ ਸੰਕਲਪ ਲੈ ਸਕਦੇ ਹੋ।

Disclaimer: ਇਸ ਖ਼ਬਰ ‘ਚ ਦਿੱਤੀ ਗਈ ਜਾਣਕਾਰੀ ਧਾਰਮਿਕ ਮਾਨਤਾਵਾਂ ਤੇ ਆਮ ਜਾਣਕਾਰੀਆਂ ‘ਤੇ ਆਧਾਰਿਤ ਹੈ। TV9 ਪੰਜਾਬੀ ਇਸ ਦੀ ਪੁਸ਼ਟੀ ਨਹੀਂ ਕਰਦਾ। Source: TV9Hindi.com